7 INFORMATIKA - Shtepia Botuese Uegen

Për të mbyllur kompjuterin, lëvizni mouse-in deri sa kursori të shkojë në
fund të ekranit, mbi butonin ‘Start’. Klikoni mbi të dhe do të shfaqet një
menu. Klikoni mbi butonin ‘Turn Off Computer’ dhe kompjuteri
mbyllet vetë në mënyrë automatike, ose e mbyll kompjuterin me buton
mbasi shfaqet ‘It is now safe to turn off your computer’. Nëqoftëse nuk i
ndiqni këto hapa në mbylljen e kompjuterit, kjo mund ta dëmtojë
kompjuterin.
Shumica e kompjuterave përdorin një OS të quajtur Microsoft
Windows. Të gjithë OS dhe programet kanë të njëjtat karakteristika e
përdorin ose jo Windows-in, por të gjithë kompjuterat që kanë Windows
do të kenë këto karakteristika me këto emra , si më poshtë. Folëm më
parë për hapjen e kompjuterit dhe kutinë logging-in. Figura që del në
ekran mbasi klikojmë mbi loging-in quhet Desktop. Shumica e gjërave
në kompjuter kanë marrë emra si në jetën reale dhe përdoren në mënyrë
të ngjashme. Tamam si një desktop real (desktop do të thotë syprinë
tavoline), desktopi në kompjuter është vendi ku vendos mjetet e punës
dhe ku do të fusësh të dhënat.
Desktop: Desktopi është faqja që hapet në ekranin e monitorit menjëherë
mbas logging-in. Ai përmban ikona.
Mbi desktop shohim të vendosura disa figura të vogla, me etiketa, që
quhen ikona (icons). Ato quhen kështu sepse përfaqësojnë diçka tjetër.
Ikonat zakonisht paraqesin programe, por ndonjëherë dhe bashkësi të
dhënash. Klikimi i dyfishtë ose dyfish-klikimi (klikim dy herë me
shpejtësi) mbi një prej këtyre ikonave hap atë që ikona përfaqëson, teksti
tregon se çfarë ajo përfaqëson.
Ikonat: Figura që përfaqësojnë një program , një bashkësi
të dhënash ose një funksion programi.
Në fund të desktopit shohim një bar (shirit), i cili mund të ndodhet në një
anë tjetër të desktopit. Ky shirit fillon me butonin Start .
Nëqoftëse nuk e shikoni, çoni kursorin me mouse në pjesën e fundit të
ekranit, ku ai ndodhet dhe bar-i do të shfaqet. Quhet Start bar.
Start-bar: Start-bari është shiriti i vendosur në një anë të desktopit. Ai
përdoret për fillimin e programeve ose hapjen e dritares së një programi
të hapur.
35