7 INFORMATIKA - Shtepia Botuese Uegen

Në figurën e mëposhtme butoni i djathtë është gati, mjafton të shtypet
tasti ‘Enter’ që ai të veprojë.
Kontrolli në formë teksti tregon që është gati për
të vepruar duke pasur mbi të një kursor që
pulson (blinks). Një kontroll në formë liste
tregon që është gatë për veprim duke pasur një
element të listës të rrethuar me një drejtkëndësh
vijë-pikëzuar (si në figurë).
Për ta vënë në veprim opsionin e
zgjedhur, duhet klikuar mbi të.
Nëqoftëse një nga opsionet e një
kontrolli duhet zgjedhur, mund të
klikoni mbi tastin Tab aq herë sa
opsioni i kontrollit që doni të paraqitet i
gatshëm, pra kur ai shfaqet i rrethuar me drejtkëndëshin vijë-pikëzuar.
Në një browser, nëqoftëse shtypni tastin Tab vazhdimisht, mund të
kaloni nga një link ose kontroll në një tjetër. Kjo do të thotë që ky opsion
është zgjedhur dhe është gati për të vepruar me anë të klikimit.
• Butonat e komandës
Butoni i komandës, thjesht quhet buton, është një objekt drejtkëndësh që
paraqet një fjalë ose një grup fjalësh, që presin nga përdoruesi të marrë
një vendim duke klikuar mbi të. Zakonisht butoni vendoset në një kuti
dialoguese, por ai gjithashtu mund të vendoset në ndonjë lloj tjetër
kontenieri. Karakteristika më e rëndësishme e butonit është fjala ose
fjalia që ai mbart. Kjo quhet caption. Butoni më i shpeshtë që do
takohet është OK. Në shumicën e rasteve butonat formojnë grupe. P.sh.
në kutitë dialoguese kemi butonat OK dhe Cancel.
Ushtrim:
1. Për të hequr kutin dialoguese Run, klikoni mbi Cancel.
2. Për të hapur programin Solitaire, në Task bar, klikoni mbi
Start-> (All) Programs -> Games -> Solitaire.
39