7 INFORMATIKA - Shtepia Botuese Uegen

• Të njohë historinë e zhvillimit të kompjuterit, në mënyrë të
thjeshtë dhe të kuptueshme.
• Të njohë kompjuterin si makinë elektronike dhe disa nga vlerat e
përdorimit të tij.
• Të njohë disa nga pjesët më kryesore të kompjuterit (hardware).
1.1 Një histori e shkurtër e Kompjuterave dhe Network-eve
Çështjet që do të trajtohen:
• Makinat llogaritëse mekanike deri nga fundi i shek. IXX.
• Makinat llogaritëse elektro-mekanike në fillim të shek. XX.
• Zhvillimet e gjysmës së parë të shek. XX. Tranzistori.
• Zhvillimet e gjysmës së dytë të shek. XX. Gjuhët e programimit.
• Zhvillime të më vonshme.
Udhëzime
Në këtë mësim shrytëzohet materiali i paraqitur në libër, por mund të
sigurohet literaturë plotësuese edhe nga interneti. Në këtë moshë
nxënësit mund të lexojnë vetë në internet, sigurisht mësuesi duhet të ketë
njohuri se si e zotërojnë gjuhën e huaj për ti bërë rekomandimet e
duhura.
Mësuesi flet për historinë e zhvillimit të kompjuterave dhe network-eve,
në trajtë leksioni, por duke u mbështetur në momentet kyçe të këtij
zhvillimi.
Por ka edhe mënyra të tjera përafrimi, p.sh. zgjidhet një temë ose një
emër i shquar në historinë e kompjuterave dhe i rekomandohet një
nxënësi ose grup nxënësish për të përgatitur një material me shkrim në
formë detyre.
P.sh. Ç’përfaqëson personaliteti i G. Boole?
Ç’dini për network-et dhe internetin si networku më i madh?
Duhet bërë vlerësimi i punës së bërë prej tyre mbas një diskutimi në
klasë, ku secili jep mendimin dhe e vet mbi punën e çdo individi apo
grupi.
Kjo procedurë bën që mësuesi t’i njohë mirë nxënësit dhe nivelin që ata
paraqesin në lidhje me kompjuterin.
Në fund të kësaj teme ndodhen disa pyetje të cilat ndihmojnë në
zhillimin e kësaj procedure.
7