Create successful ePaper yourself
Turn your PDF publications into a flip-book with our unique Google optimized e-Paper software.
4<br />
№<br />
48 (<strong>25663</strong>)<br />
2018-тӥ ар 28-тӥ инвожо<br />
ДЫШЕТОН<br />
www.udmdunne.ru<br />
ЗАРНИ ЕГИТЪЁС<br />
Медаль ас кожаз уг лыкты<br />
Туспуктӥз Александр ГОРБУНОВ<br />
Республикаысь устооссэ 27 егитъёсты<br />
данъязы резиденциын.<br />
Правительстволэн Тӧроез Я. Семёнов<br />
но Алнаш ёросысь К. Семёнова.<br />
Елена СКВОРЦОВА<br />
Удмуртиысь 6 сюрс<br />
931 пинал йылпумъяз<br />
школаез. 384 ныл но<br />
пи дунъямын «Дышетон<br />
удысын вормонъёс<br />
понна» медален.<br />
Удмуртилэн Тӧроезлэн резиденцияз<br />
данъязы республикаысь<br />
устооссэ 27 егитъёсты.<br />
Соос визьнодо луэмзэс<br />
возьматӥзы огъя кун экзаменын,<br />
пӧртэм олимпиадаосын,<br />
Россиысь но дуннеысь конкурсъёсын.<br />
Нылъёсты но пиосты<br />
ӟечкылазы Правительстволэн<br />
Тӧроез Ярослав Семёнов,<br />
Кун Кенешлэн Тӧроезлэн<br />
воштӥсез Надежда Михайлова,<br />
дышетонъя но наукая министр<br />
Светлана Болотникова.<br />
- Тӥ устоосыз пӧлысь устоосыз!<br />
Бадӟым улонэ нырысетӥ<br />
вамышъёс гинэ лэсьтӥськоды<br />
ай, нош али ик басьтӥды<br />
ни синмаськымон вормонъёс.<br />
Малпасько, тросэз вылӥ<br />
кивалтӥсьёслэн таӵе яркыт<br />
сюрессы ӧй вал. Соин азьланяз<br />
но мед удалтоз тӥледлы,<br />
мед быгатоды тодон-валанъёстэс<br />
азинтыны. Уката но тау<br />
кареме потэ мумы-бубыостылы,<br />
дышетӥсьёстылы. Малы<br />
ке шуоно вормон ас кожаз уг<br />
лыкты, - ӟечкылаз люкаськемъёсты<br />
Ярослав Семёнов.<br />
Шумпотоно, таӵе данъян<br />
ужрадын городъёсысь пиналъёс<br />
гинэ ӧй вал. Тани Кристина<br />
Семёнова йылпумъяз<br />
Алнаш ёросысь Байтэрек<br />
школаез. Ӟуч кылъя ЕГЭ-зэ<br />
100 баллы гожтӥз, медаль<br />
басьтӥз.<br />
Нылызлэн вормонэзлы<br />
анаез Лилия Раифовна уг<br />
паймы. Уго Кристина - туж<br />
тыршись, уйшор берозь но<br />
книгаосын пуке. Азьланяз<br />
Кристиналэн переводчик луэмез<br />
потэ, дасяське кунсьӧр<br />
кылъёсъя институтэ мыныны.<br />
Мукетыз медальчи - Игорь<br />
Елизаров. Ӝужыт но чебер<br />
удмурт пияш йылпумъяз<br />
Пичи Пургалась гимназиез.<br />
8-тӥ классозь Игорь дышетскиз<br />
вордскем гуртаз - Гожня<br />
школаын.<br />
- Котькуд нунал со сюрес вылын:<br />
райцентре мынэ-бертэ.<br />
Урокъёсын косонэз ӧвӧл - ваньзэ<br />
ачиз тодэ, лэсьтэ, дасяське,<br />
- шуэ Игорьлэн анаез Ольга<br />
Леонидовна. - Ми картэным<br />
Василий Николаевичен сюлмаськиськом<br />
пимылы котыр<br />
ласянь юрттыны - олимпиадаосы<br />
пыриськон али дунын, сюрес<br />
понна но дун тыроно.<br />
Игорь таӵе ужрадъёсысь<br />
вормонъёс вайылӥз. Со республикаын<br />
ортчем биологияя,<br />
географияя элькун олимпиадаослэн<br />
призёрзы луэ. Азьлане<br />
сюресэз сярысь но пияш<br />
рос-прос малпаськиз.<br />
- Информатика но котыраз<br />
кыскиз, биологиен химия<br />
но гочатӥзы. Собере<br />
малпай: котырысь адямиослы<br />
маке но ӟечсэ лэсьтыны<br />
быгатоно. Озьы эмъян<br />
удысэ мыныны малпасько.<br />
Москваысь Сеченов нимо<br />
медициная университет но<br />
гочатэ, Удмуртиысь медакадемия<br />
но кельше, - вера<br />
Игорь.<br />
Кристина но, Игорь но<br />
будо трос нылпиё семьяосын.<br />
Соос асьсэ сузэр-вынъёссылы<br />
но адӟем карымонэсь луо.<br />
Оскем потэ, та егитъёсмы, зэмос<br />
кивоштӥсьёслы пӧрмыса,<br />
вордскем шаеразы берытскозы.<br />
УЖПУМ<br />
Экзамен - со уж ӧвӧл?<br />
Луоз-а ЕГЭ ортчытэм понна коньдон<br />
Эдуард СТЕПАНОВ<br />
Школаосын огъя кун<br />
экзаменъёс радъяны<br />
кутскемзы бере ужмы<br />
йылӥз, нош коньдон<br />
малы уг тыриськы,<br />
юало элькунысь<br />
дышетӥсьёс.<br />
2001-тӥ арысен Россиын<br />
нырысьсэ эксперимент улсын<br />
5 улосвылъёсысь выпускникъёс<br />
8 предметъёсъя<br />
экзамен сётӥзы. Собере,<br />
эскерон ортчытон радлыкысь<br />
шекъёсты палэнтыса,<br />
сое ялан тросгес улосъёсын<br />
ортчытъяны кутскизы. Табере<br />
ОГЭ но ЕГЭ пыр пото<br />
ни 9-тӥ но 11-тӥ классъёсты<br />
йылпумъясь вань пиналъёс.<br />
Россиысь унояз улосъёсын<br />
ӧз вунэтэ, тросэз дышетӥсьёс<br />
огъя кун экзаменын меӵак<br />
асьсэлэсь ужзэс уг быдэсъяло<br />
шуыса. Соин ик, кылсярысь,<br />
Москваын экзаменын пукись<br />
педагог 1 час понна ог<br />
300 манет басьтэ, Новосибирскын<br />
- 183 манет, Якутиын<br />
345 манетозь вуэ, Белгород<br />
улосвылын - 40 манет. Коридорын,<br />
пырон дорын дежурство<br />
нуись дышетӥсьёслы<br />
ичигес тыро.<br />
Удмуртиын но огъя<br />
кун экзаменын пукись<br />
дышетӥсьёслы ватсаса уксё<br />
тыроно шуыса документ<br />
вань. Но коньдон басьтӥсьёс<br />
пӧлы шедизы экзаменын<br />
быдэстэм ужъёсты дунъясь<br />
экспертъёс но конфликтной<br />
комиссиослэн ёзчиоссы<br />
гинэ. Мукетъёсыз педагогъёс<br />
экзаменын огшоры<br />
ужан нуналзэс ортчыто<br />
шуыса, лыдъязы. Валамон,<br />
тросэз дышетӥсьёс<br />
таин соглаш ӧвӧл. Соослы<br />
дурбасьтэ Удмуртиысь дышетон<br />
удысын ужасьёслэн<br />
профсоюззылэн комитетэз<br />
но. Солэн кивалтӥсез Владимир<br />
Векшин лыдъямъя,<br />
дышетӥсьёслэн правооссы но<br />
дышетон сярысь федерал законлэн<br />
куронъёсыз тӥясько.<br />
Шаерысьтымы дышетонъя<br />
но наукая министерствоен<br />
та пумысен кенешонъёс вазенгес<br />
нуиськом ни, шуиз<br />
профсоюзэн кивалтӥсь.<br />
Туннэ Россиысь ог 10<br />
улосвылъёсын гинэ ӧвӧл<br />
огъя кун экзамен кутонэ пыриськись<br />
10 пӧртэм специалистъёслы<br />
коньдон тыронъя<br />
документ. Соос пӧлын, кылсярысь,<br />
Самара но Ленинград<br />
улосвылъёс. 7 улосын<br />
гожтэмын ӧвӧл, кыӵе бюджетысь<br />
уксё тыриськыны<br />
кулэ дышетӥсьёслы. Сыӵеос<br />
пӧлы ик пыртыны луэ Удмуртиез<br />
но.<br />
Дышетонъя но наукая<br />
министерство экзамен<br />
кутӥсь педагогъёслэсь чылкак<br />
палэнскиз шуыны уг<br />
луы. Школа директоръёсты<br />
но ёрос администрациосты<br />
дышетӥсьёслэсь ужаны мылкыдзэс<br />
ӝутон амалъёс шедьтыны<br />
косӥз. Министерствоысь<br />
огъя дышетонъя управленилэн<br />
кивалтӥсез Лариса<br />
Пластинина верамъя, экзаменын<br />
пукисьёслы директор<br />
премиос сётыны, отпусксы<br />
борды шутэтскон нуналъёс<br />
ватсаны быгатэ. Озьы ик<br />
грамотаос сярысь но вунэтоно<br />
ӧвӧл. Ваньзэ уксёен гинэ<br />
дунъяны уг луы, шуэ Лариса<br />
Пластинина.<br />
Дышетӥсьёслы та уг тырмы.<br />
Вылаз ик, котькуд ёросын<br />
но школаын премиослы<br />
уксё уг шедьы.<br />
Дышетонъя но наукая<br />
министерствоын<br />
дышетӥсьёсты валало. Но<br />
югдурез ӝог гинэ уд тупаты.<br />
Лыдъямын ни, кӧня<br />
коньдон кулэ огъя кун экзаменэз<br />
радъясьёслы уксё тырыны.<br />
Котькуд специалистлы<br />
1 час ӵоже ужамез понна<br />
150 манет тыроно ке, оглом<br />
40 миллион манет шедьтоно.<br />
Туэлы бюджет юнматэмын<br />
ни кылем ар пумын. Но вуоно<br />
арлы бюджетлэн проектаз<br />
та удыслы уксё чаклан<br />
пумысен уж нуиське. Кызьы<br />
ивортӥз Лариса Пластинина,<br />
али министерство кун экзаменэз<br />
ортчытӥсь специалистъёслы<br />
коньдон тырон радлык<br />
сярысь распоряженилэсь<br />
проектсэ дася. Собере документэз<br />
Правительствое эскерыны<br />
келялозы. Отын умоен<br />
лыдъязы ке, вуоно арлы бюджетлэн<br />
проектаз коньдон чакламын<br />
луоз.<br />
ЯЛОН<br />
Пиналъёсты утёмы дэмен<br />
Гужем каникул вакытэ секыт югдуре шедем нылпиос,<br />
соос понна кышкыт луись интыос сярысь тодӥды ке, ивортэ<br />
Пиналлэн правоосызъя уполномоченнойлы Ольга Авдеевалы<br />
нимысьтыз телефонъёсъя: 8 (3412) 571-027, 571-049,<br />
571-063 яке таӵе электрон адресъя: аvdeevaup@yandex.ru,<br />
озьы ик уполномоченнойлэн вотэс бамъёсаз.