You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
№ 48 (<strong>25663</strong>)<br />
6 2018-тӥ ар 28-тӥ инвожо ШАЕРТОДОН<br />
www.udmdunne.ru<br />
ДЭБЕС ПАЛЪЁСЫН<br />
Татын уло бесъёс?<br />
Элина КУМАЧЁВА<br />
Кылем арня вискын<br />
элькунысьтымы<br />
Журналистъёслэн<br />
огазеяськонзы Дэбес<br />
палъёсы пресс-тур<br />
радъяз. Маин со вунонтэм<br />
кылёз?<br />
Куазь ӵукна ик небыт<br />
шунды сиосынызы кырмышъяны<br />
кутскиз ке но,<br />
котькудмылэн котомкаосамы<br />
шуныт дӥсь, резина<br />
сапегъёс. Журналистъёс<br />
уго умой тодо: котьмалы<br />
дась луоно. Уката ик милемыз<br />
«кышкатъязы»: тодматском<br />
ёросын кылдытэм<br />
турмаршрутъёсын - ёрос<br />
администрациын пумиськем<br />
сяна, тубалом Байгурезь<br />
йылэ но, васькалом<br />
Чупчи дуре но...<br />
Дэбесын улӥсьёс умой<br />
тодо: черкогуртсылэн нимыз<br />
потэм «отын уло бесъёс»<br />
веранлэсь. Бен, бесъёсын<br />
герӟаськем легендаос<br />
кӧня ке пумо. Одӥгез соос<br />
пӧлысь: удмуртъёс-язычникъёс<br />
черке ветлыны<br />
туж пумитъяськылӥзы.<br />
Черкын пылатэмзы бере<br />
но ас инмаръёссылы<br />
вӧсяськылӥзы. Кӧня выризы<br />
Дэбесысь Николаевской<br />
черкысь баӵкоос соосты<br />
визьманы - ӧз быгатэ. Соин<br />
ик киынызы шонтӥзы: мар<br />
басьтод соослэсь, адямиос<br />
ӧвӧл - бесъёс соос. «Где<br />
бесы живут» веран бӧрысь<br />
пӧрмем ни, пе, Дебёслы.<br />
- Дэбес республикаысьтымы<br />
пичи районъёс пӧлы<br />
пыре, - пресс-конференциез<br />
усьтӥз ёрослэн йырыз Андрей<br />
Иванов. - 13 сюрс 500<br />
пала улӥсез, 75 процентэз<br />
- удмуртъёс. 40 процентэз<br />
музъемъёсмы - нюлэсъёс<br />
улын, сомындаез ик - гырисько-кизисько.<br />
Дэбесъёс шедьто маин<br />
данъяськыны. Кылсярысь,<br />
котькуд скаллэсь 6 сюрслэсь<br />
ятыр йӧл кыско, кылем<br />
арын сярысь, йӧл поттонзэс<br />
туэ 12 процентлы<br />
йылэтӥзы ни - артэ бадӟым<br />
Кез, Эгра ёросъёсты но азьпалто.<br />
61 гуртъёссы пӧлысь<br />
16-аз чагыр эстӥськон пыртэмын<br />
- Эгра ёросынлэсь<br />
со тросгес.<br />
- Эшшо 2016-тӥ арын<br />
Дэбесамы ортчиз пу скульптураосъя<br />
калыккуспо фестиваль,<br />
- ватсаз Андрей<br />
Иванов. - Отчы кунгож<br />
сьӧрысь но художникъёс<br />
пыриськизы, скульптураосын<br />
паркмы дэбесъёслэн<br />
но куноослэн яратоно шутэтскон<br />
интызы луиз.<br />
Нош ёросысь искусствоосъя<br />
школа республикаысь<br />
тужгес устоосыз школаос<br />
пӧлы пыре. Киужъёсъя юртысь<br />
мастеръёс вормонъёс<br />
басьтыло пӧртэм пумо<br />
калыккуспо вожвылъяськонъёсын<br />
но. Со сяна, Дэбесын<br />
вань Сибирь трактлы<br />
сӥзем музей - быдэс Россиын<br />
таӵеез ӧвӧл ни.<br />
Сибирь трактлэн пытьыостӥз<br />
Елена САРАМАТОВА<br />
Дэбес пыртӥ кошкись<br />
Сибирь тракт 18-тӥ-<br />
19-тӥ дауръёсы Россиын<br />
бадӟымез сюрес<br />
лыдъяськиз. Ӵапак татын,<br />
бадӟым удмурт<br />
гуртлэн шораз, огазе<br />
вуылӥзы Москваысь<br />
но Петербургысь сюресъёс.<br />
Арестантъёс но<br />
конвоиръёс<br />
Азьвыл Европаысь Азие<br />
сюрес ву вылтӥ гинэ вал.<br />
1720-тӥ аръёсы, Китаен<br />
вуз каронъя огкылэ вуэм<br />
бӧрсьы, валан кылдӥз: сюрес<br />
кулэ. Емельян Пугачёв<br />
бугыръяськон ӝутэм бере<br />
сюреслы кулэяськон уката<br />
но йылӥз, угось пумитъяськисьёсты<br />
зӥбломытыны<br />
войскоосты кытӥ ке келяно<br />
вал. Соин ик Екатерина<br />
II реформаос борды<br />
басьтӥськиз. Трактэз<br />
лэсьтӥсьёс сютэм улыса, жадьыса<br />
татчы ик кулылӥзы.<br />
Дэбесъёс верамъя, куашкась<br />
сюрес улысь туннэ ке<br />
но лысьӧмъёс сюрыло. Нош<br />
ас вакытаз соос вылтӥ ик<br />
ворттылӥзы купечъёс, почтаын<br />
ужасьёс, чиновникъёс.<br />
Та сюрес вылтӥ ик араз<br />
18 сюрс пала тюремщикъёс<br />
ортчылӥзы.<br />
Дэбесын сылэ 1882-тӥ<br />
арын ӝутэм казарма. Зэм,<br />
ас вакытаз татын больница<br />
но, педучилище но, суредасьёслэн<br />
мастерскойзы<br />
но вал. Нош али со<br />
пӧрмытэмын музейлы. Туж<br />
трос шимес учыръёсты тодэ<br />
вайытэ.<br />
- Сибирь тракт кузя<br />
тодмо адямиосты конвоен<br />
нуылӥзы, - шуэ музейын<br />
ужась шаерчи Павел<br />
Роготнев. - Озьы арестантъёс<br />
пӧлын вал Фёдор Достоевский,<br />
Николай Чернышевский<br />
писательёс. Таосъя<br />
архивын документъёс<br />
но утисько. Пӧлазы озьы ик<br />
вал революционеръёс, декабристъёс.<br />
Адями синъёслэсь<br />
ватыса, таосты сюрес<br />
вылэ уйин поттазы. Соин,<br />
лэся, калык пӧлын соосты<br />
жалян мылкыд кылемын.<br />
Но каторжникъёс пӧлын<br />
тросгес вал кышкыт йыр<br />
вандӥсьёс, таоссэ ини ӧз жаляллялэ.<br />
Капчи ӧй вал конвоиръёслы<br />
но. Соослы Дэбесын<br />
казарма ӝутэмын вал<br />
ке но, татын шутэтскыса<br />
ӧз вуылэ. Бачкеево гуртысь<br />
Дэбесэ вуттоно, отысен<br />
Чупчидур гуртозь келяно,<br />
пермьёслы сётоно. Каторжникъёс<br />
куло ке, конвоиръёс<br />
соосты ас вылазы нуо вал.<br />
Списокысь одӥг адями но<br />
медаз ышы шуыса. Кин ке<br />
пегӟе ке, сюрес вылысь крестьянэз<br />
кырмылӥзы. Озьы<br />
конвоиръёслэн но тюремщикъёслэн<br />
вераськон но<br />
улон манерзы пумен огкадь<br />
Туспуктӥз Людмила СУРЧАКОВА<br />
луыны кутскиз. Конвоиръёс<br />
асьсэос но службаысь пегаллязы.<br />
Урод удмурт<br />
Дэбесъёс верамъя,<br />
бадӟым сюрес вылын<br />
улонлэсь пегӟыса, сямйылолъёссэс<br />
утьыны малпаса,<br />
тросэз удмурт семьяос<br />
кошкизы сюреслэсь палэнэ,<br />
Ита шур пала. Уноез выжыяськизы<br />
Тыловай гурт<br />
котыре. Бератаз история<br />
возьматӥз: удмурт культураез<br />
азинтӥсьёс Тыловай<br />
котырысь мында нокытысь<br />
потэмын ӧвӧл. Кылсярысь,<br />
композиторъёс Геннадий<br />
Корепанов-Камский, Николай<br />
Шкляев, Удмуртиысь<br />
дано артист Николай Кардапольцев,<br />
культурая азьвыл<br />
министр Анэтта Сидорова<br />
но мукетъёсыз. Ӵапак<br />
татын уйпал но лымшор<br />
диалектъёс сураськизы,<br />
озьы удмурт литературной<br />
кыл кылдӥз.<br />
- Дэбес черкогуртэ кылем<br />
калык дышыны выриз Сибирь<br />
тракт вылын улонлы.<br />
Ӟучомыны кутскиз. Удмуртъёс<br />
соосты «урод удмуртъёс»<br />
ниманы кутскизы, -<br />
веранзэ азьланьтэ Павел<br />
Роготнев. - Тужгес яркытэз<br />
сыӵе «урод» удмурт - со Михаил<br />
Алексеевич Поздеев.<br />
1887-тӥ арын вордӥськем<br />
мурт, 1971-тӥ арын кулытозяз,<br />
ассэ Николай Романов<br />
императорлэн Михаил<br />
братэныз лыдъялляз.<br />
Ассэ дано выжыысь карыса,<br />
калыкетӥ ветлылӥз, сиён,<br />
дӥськут бичалляз. Сибирь<br />
тракт кузя, туала Интернет<br />
вотэсэтӥ кадь, олокыӵе<br />
но иворъёс ӝог вӧлмылӥзы.<br />
Солэн пӧяськемез кыдёке<br />
кошкиз. Верамезлы оскисьёс,<br />
сюдӥсьёс сюрылӥзы.<br />
Зэм, та учыр сярысь совето<br />
вакытэ ӧз вераллялэ. 1990-<br />
тӥ аръёсы гинэ Екатеринбургысь<br />
историкъёс сое шараязы,<br />
Поздеевлэн выжыосаз<br />
бугыръяськыны кутскизы.<br />
Соос ивортӥзы: 20 лжеромановъёс<br />
пӧлысь тужгес<br />
яркытэз вылэм ӵапак та удмурт<br />
воргорон. Кескич Поздеевез<br />
1927-тӥ арын арестовать<br />
кариллям, 5 арлы<br />
Соловкие келяллям. Татын<br />
со православной черкысь<br />
служащийёсын ӵош пукиз<br />
бере, таослэсь визьлы дышетскиз.<br />
Валаз: Соловкиысь<br />
потэмез бере ассэ императорлэн<br />
выжыысьтыз<br />
шуиз на ке, сое берен пытсэт<br />
сьӧры келялозы. Соин<br />
ик эрике вуэмез бере ассэ<br />
«истинно православной черкысь»<br />
епископ Серафим нимаз.<br />
Совето властьлы пумитъяськемысь<br />
дугдӥз.<br />
2000-тӥ аръёсы со «истинно<br />
православной черкысь»<br />
баӵкоос Дэбесэ вуылӥзы,<br />
Поздеевлэн историеныз<br />
тодматскыны кутскизы.<br />
Соку шараяськиз: Михаил<br />
Алексеевичлэн бубиз тодмо<br />
ӧвӧл, атай нимыз песятаезъя<br />
сётэмын, озьы бере,<br />
со нокызьы но епископ луыны<br />
уг быгаты вал. Котьма<br />
ке но, Сибирь трактлы<br />
сӥзем музейын туспуктэмъёсыз<br />
утисько, соосын<br />
тодматскыны мылкыд карисьёс<br />
уно.<br />
Байгурезь йылысен...<br />
Байгурезь йылэ тубыса,<br />
кылбураны, лобаны<br />
мылкыд ӝутӥське. Татысен,<br />
зарезьлэсь 251 метр<br />
вылӥысен, быдэс дунне аслэсьтыз<br />
чеберзэ возьматэ<br />
кадь. Маке ӝужда пужымъёс,<br />
выжыоссы кемалась<br />
омырын ошиськемын<br />
ке но, йыг-йыг сыло. Оло,<br />
соин но пӧлазы гурезьлэсь<br />
кужымзэ шӧдӥськод. Со Удмуртилэн<br />
7 абдрамон интыосыз<br />
пӧлы юнме пыртэмын<br />
ӧвӧл, вылды. Гурезь<br />
Чупчи шур - Байгурезь йылысен.<br />
калыкез бордаз кыскемысь<br />
уг дугды. Кин ӝоггес гурезь<br />
вылэ одӥг шапык вуэз<br />
но кисьтытэк тубоз шуыса<br />
ӵошатсконъёс но ортчыло.<br />
Азьвыл со ӵошатсконъёсты<br />
гурезьлэн тужгес меӵ интыяз,<br />
Чупчи вадьсысь ярдураз,<br />
ортчытъяло вал. Но<br />
уно туристъёсты вормытэк,<br />
ярдур куашканы кутскем.<br />
- Куд-ог адямиос инкуазез<br />
жаляны уг валало.<br />
Ярдурозь ик машинаосын<br />
ветлыны кутскизы<br />
ни вал, сюресэз быдтыса.<br />
Соин ик 2010-тӥ арысен<br />
татчы машинаен пырыны<br />
уг яра ни. Гурезь йылэ<br />
ӵошатскыса тубон интызэ<br />
но урдэстӥз каримы, -<br />
шуэ Дэбес гурт поселениен<br />
кивалтӥсь Вениамин<br />
Серебренников.<br />
Байгурезь котырын ик<br />
Куиньсэрго инты вань. Гуртоос<br />
сое «джакузи» нимало.<br />
Музъем ялан бугыръяськыса<br />
поттэ вуэз, шукыяське.<br />
Шур дурын, писпуос улын<br />
беседкаос лэсьтэмын. Интыез<br />
шутэтскыны тупамон<br />
карон вылысь Дэбес гурт<br />
поселение грант утӥз. Табере<br />
татын ик чорыг лым<br />
пӧзьто, шашлык пыжо. Рак<br />
кутылӥсез но сюре. Нокыӵе<br />
зарезь кулэ ӧвӧл - лул но,<br />
мугор но шутэтске. Вениамин<br />
Серебренников верамъя,<br />
туэ Байгурезь котырез<br />
эшшо но умоятыны<br />
малпало. Кылсярысь, Куиньсэрго<br />
интые тыл кыскыны,<br />
сюрес лэсьтыны,<br />
коркаос пуктыны медо. Удмурт<br />
ужбергатӥсь Николай<br />
Дьяконов таин кивалтоз,<br />
чылкытатыса возёз. Толалтэ<br />
снегоходэн ворттылон<br />
инты кылдоз. Озьыен, Байгурезь<br />
толалтэ но уз чусомы.