Create successful ePaper yourself
Turn your PDF publications into a flip-book with our unique Google optimized e-Paper software.
№ 53 (<strong>25668</strong>)<br />
2 2018-тӥ ар 17-тӥ пӧсьтолэзь<br />
инГОЖ<br />
ФЕСТИВАЛЬ<br />
Кутскон<br />
Евразиысь писательёслэн фестивальзы ортчиз<br />
Мария ВЕКШИНА<br />
Куартолэзь пумын<br />
Сочиын ортчиз литературалы<br />
сӥзем<br />
«ЛиФФт-2018» фестиваль.<br />
Со бурд улаз люказ<br />
Россиысь ог 50<br />
пала улосвылъёсысь<br />
но Евразиысь 27 странаосысь<br />
гожъяськисьёсты.<br />
Удмуртиысь<br />
отчы вуылӥз кылбурчи<br />
Ада Диева.<br />
«ЛиФФт» (литературной<br />
фестивальёслэн фестивальзы)<br />
туэ 3-тӥзэ радъяськиз.<br />
Кызьы вера солэн<br />
кичӧлтӥсез Маргарита Аль,<br />
фестиваль ас азяз ужпум<br />
пуктэ огазеяны Россиысь но<br />
Евразиысь литератураосты.<br />
- Зэмзэ но, котькуд мастер-классын<br />
гожъяськисьёслэн,<br />
лыдӟисьёслэн творческой,<br />
эшлыко кусыпъёссы<br />
юнмазы, кылдӥз бадӟым<br />
евразийской литературной<br />
инты, - мылкыдзэ вера Ада<br />
Диева. - Фестивальлэн программаез<br />
туж кельшиз: сомында<br />
мастер-классъёс, котрес<br />
ӝӧкъёс, лекциос, дискуссиос,<br />
презентациос, литературной<br />
лыдӟонъёс,<br />
пӧртэм поэтической, музыкальной<br />
ӝытъёс - зарезьын<br />
пыласькыны ик дыр ӧй вал.<br />
Улӥмы «Светлана» нимо санаторийын.<br />
Инты юнме<br />
быръемын ӧй вал: азьло татын<br />
искусствоын ужасьёс<br />
шутэтскылӥллям, Владимир<br />
Маяковский советской<br />
паспорт сярысь кылбурзэ<br />
нырысетӥзэ татын лыдӟем.<br />
Кыкетӥез бадӟым площадка<br />
луиз Пушкин нимо библиотека.<br />
Отын лыдӟисьёсын<br />
пумиськонъёс ортчылӥзы,<br />
книгаосъя адӟытон-вуз карон<br />
усьтэмын вал. Гожъяськисьёс<br />
«Кылбурчилэсь но Суредасьлэсь<br />
книгазэс» кылдытӥзы:<br />
кылбуръёссэс, малпанъёссэс<br />
суредазы. Бӧрысь вань ужъёсты<br />
нимысьтыз адӟытонын<br />
учкыны луиз.<br />
Мастер-классъёс сярысь<br />
верано ке, соос пӧртэмесь<br />
вал: 21-тӥ даурысь драматургия,<br />
Серебряной даурлэн<br />
сям-йылолъёсыз, туала кылбурет<br />
но мукет. Ортчытъязы<br />
соосты Россиысь тодмо адямиос:<br />
кылбурчиос, тодосчиос<br />
Александр Бубнов, Эльмира<br />
Ашурбекова, Константин<br />
Кедров-Челищев, Российской<br />
писательёслэн огазеяськонэнызы<br />
кивалтӥсь Светлана<br />
Василенко.<br />
- Мыным тужгес но кельшизы<br />
национальной поэзия,<br />
берыктон сярысь мастерклассъёс,<br />
сое нуизы Башкириысь,<br />
Дагестанысь, Калмыкиысь<br />
кылбурчиос, кылысь<br />
кылэ берыктӥсьёс, -<br />
А. Диева (бурысез) Россиысь<br />
писательёсын.<br />
вера Ада Диева. - Дагестанысь<br />
Маммед Халилов дэмлаз:<br />
«ЛиФФт»-ын берыктонэн<br />
вырись центр усьтоно,<br />
со бордаз кылысь кылэ<br />
берыктӥсьёсты магнит кадь<br />
кыскоз. Мынам аслам но<br />
сюлмы висе та удыс понна,<br />
кӧня вераськиськом, но Удмуртиын<br />
солы туж ик саклык<br />
уг висъяськы. Фестивальысен<br />
тодматски пӧртэм<br />
интыосысь кылбурчиосын,<br />
ог-огмылы кылбуръёсмес<br />
сётӥм асьсэ кылазы берыктон<br />
вылысь.<br />
Вераны кулэ, фестиваль<br />
азьын гожъяськисьёс куспын<br />
вожвылъяськон но радъямын<br />
вал. Кылбурчиослэсь<br />
но прозаикъёслэсь ужъёссэс<br />
дунъязы Москваын. Ада Диева<br />
кылбурчиос пӧлын азвесь<br />
медален пусъемын. Со<br />
мон понна бадӟым шумпотон,<br />
шуэ автор.<br />
Фестиваль йылпумъяськиз,<br />
но писательёс понна<br />
со кутскон гинэ. Уго татын<br />
вордскем малпанъёсты табере<br />
улонэ пыӵатоно, мылкыдъёсты<br />
чуре кисьтоно.<br />
- Мыным дэмлазы поттыны<br />
Удмуртиысь кылбурчиослэн<br />
ужъёсынызы<br />
журнал, кулэ шедьтыны<br />
котькуд ёросысь кылбурчиосты,<br />
- вера Ада Диева.<br />
- Валамон, та понна нош<br />
ик кулэ коньдон но ужаны<br />
мылкыд карись адямиос.<br />
Кинъёслэн луонлыкъёссы<br />
вань, соос таӵе изданиос<br />
лэсьтыло, кылсярысь,<br />
уфаос. Вуонояз фестивале<br />
асьмелы но таӵе журналэн<br />
мыноно ни. Со сяна,<br />
мон малпасько, Удмуртиысь<br />
Писательёслэн союззы<br />
бордын лэсьтоно егитъёслы<br />
секция, кылысь кылэ<br />
берыктонэн но ужано.<br />
Вуоно арын «ЛиФФт» фестиваль<br />
кыклы люкиськоз:<br />
Россиысь писательёс люкаськозы<br />
Тюмене, Евразиысь<br />
- Азербайджанлэн шоркараз<br />
Бакуэ.<br />
ГУРТ БИБЛИОТЕКА<br />
Араз - 500 лыдӟись<br />
Туспуктӥз Мария ВЕКШИНА<br />
Шаркан ёросысь Зар-Вишурысь<br />
библиотекарь Р. Широбокова.<br />
Мария ВЕКШИНА<br />
Шаркан ёросысь Зар-<br />
Вишур библиотекае<br />
ветлӥсьёс уг бырыло.<br />
Библиотекарь Раиса<br />
Степановна Широбокова<br />
тодэ, кызьы гуртоосты<br />
книгаос но лулчеберет<br />
борды кысконо.<br />
Библиотекалэн юртэз интыяськемын<br />
клуб вӧзын ик,<br />
пушкыз трос висъетъёслы<br />
люкемын - кемалась ик ӧвӧл<br />
Раиса Широбокова библиотекаяз<br />
усьтӥз шаертодонъя<br />
музей но адӟытонъёслы чаклам<br />
зал.<br />
- Зар-Вишурамы трос калык<br />
лыктэ ке, кытчы соосты<br />
пыртозы? Музее! - вера Раиса<br />
Степановна. - Дорамы<br />
ведь олокытысь но ветло: Удмуртиысь<br />
но, Россиысь но туристъёс,<br />
кылем арын финъёс<br />
ветлӥзы. Финъёс музее<br />
пыризы но ваньзэ-ваньзэ кутыло,<br />
учко, нокызьы но потыны<br />
уг валало ни, тазэ-созэ<br />
мачкыны куро.<br />
Музеез радъямез но воземез<br />
понна Раиса Широбоковалы<br />
коньдон уг тыриськы,<br />
сое ас мылкыд каремезъя<br />
лэсьтӥз, адӟытонъёслы чаклам<br />
залэз кадь ик. Озьы со<br />
калыклы шумпотон вае ук!<br />
Ӟеч кыл вань ке, иське, ужамлэн<br />
пайдаез но вань. Кылсярысь,<br />
зар-вишур кенакъёс<br />
клуб пала васько ке, одно ик<br />
кожо библиотекае но. Кыӵе<br />
меда туннэ адӟытон дасямын<br />
отын? Я гуртысь кибашлыослэн<br />
пужыятэм суредъёссы, я<br />
керттэм носкиоссы, пӧзьёссы,<br />
чильпам шальёссы...<br />
- Пересьёсын быдэс толалтэ<br />
арнялы кӧня ке пол<br />
люкаськылӥськом, «ми вуим<br />
ини, ма, кытчы пырид?» шуыса<br />
пыро. Мыло-кыдоесь ай<br />
песяйёсмы, - шумпотэ Раиса<br />
Степановна.<br />
Пересьёс сяна, библиотекае<br />
ӵем васькало пиналъёс<br />
но: со яке та книгады<br />
ӧвӧл-а? Ӧвӧл ке - туала вакытэ<br />
школаосын программа<br />
зол воштӥськемын - пиналъёс<br />
пуксё компьютер сьӧры но<br />
лыдӟисько Интернет пыр. Но<br />
ӵемысь библиотекарь мынэ<br />
Шаркан библиотекае но вае<br />
кулэ книгаосты, кӧня ке возе<br />
но берен нуэ. Кылсярысь,<br />
Г. Верещагинлэн книгаосыз<br />
Шарканын гинэ вань, гуртъёсысь<br />
библиотекаосы вуттон<br />
понна выль изданиос кулэ -<br />
соос ӧвӧл. Нош студентъёс лапак<br />
куро. Ӝажыос вылын, пе,<br />
уг кыллё выль авторъёслэн<br />
книгаоссы - йыружез сэрттон,<br />
яратон сярысьёсыз.<br />
- Ар куспын 500 пала<br />
лыдӟисьёс луо, син медаз<br />
усьы, - шуэ Раиса Широбокова.<br />
- Нылпиос мед ветлозы<br />
шуыса, школаысь<br />
дышетӥсьёсын ужасько, жингыртӥсько<br />
мумыоссылы, шуисько:<br />
сыӵе-сыӵе список<br />
сётӥзы, лыдӟоно. Пиналъёс<br />
пӧлын котькыӵеосыз вань ук:<br />
кин ке туж трос лыдӟиське,<br />
кин ке - уггес. Дорам списокен<br />
лыкто ке, мылкыд сыӵе лычсузе,<br />
отэ! Гужемлы песянайёссы<br />
доры городысь пиналъёс<br />
берто, валля гужем озьы<br />
дорам 19 нылпи гожтӥськиз,<br />
огез воксё, списокысьтыз<br />
книгаоссэ «ньылыса», Интернетын<br />
лыдӟиськыса пукиз<br />
ни.<br />
Валля арын Зар-Вишур<br />
поселение Шаркан ёросын<br />
тужгес лыдӟиськисез луэм!<br />
Вераны кулэ, Раиса Широбокова<br />
ялан та выллем конкурсъёсы<br />
пыриськылэ, ужзэ<br />
синйылтытэк уг кельто. Азьланяз<br />
но тазьы ужаны гинэ<br />
мед пӧрмытом, шуэ библиотекарь.
Change language