Create successful ePaper yourself
Turn your PDF publications into a flip-book with our unique Google optimized e-Paper software.
№ 59 (<strong>25674</strong>)<br />
6 2018-тӥ ар 9-тӥ гудырикошкон ГУРТ УДЫС<br />
www.udmdunne.ru<br />
БУСЫ УЖЪЁС<br />
Музъем мултэс уг луы<br />
Елена САРАМАТОВА<br />
Гуртоос азе ужпум<br />
пуктэмын амбаръёсы<br />
544 сюрс тонналэсь<br />
трос ю тысь пыртыны.<br />
Гурт удысъя но сиёнюонъя<br />
министерствоысь<br />
будосъёсъя но музъем кусыпъёсъя<br />
ёзэн кивалтӥсь<br />
Алевтина Бурдина верамъя,<br />
6-тӥ августлы 38,7<br />
сюрс тонна ю-нянь калтэмын<br />
ни. Миым та вакытэ<br />
0,2 тонна гинэ вал.<br />
Гектарысьтыз шорлыдын<br />
23 центнер потэ. Тужгес<br />
трос бусыоссэс утялтыны<br />
быгатӥз ни Каракулино<br />
ёрос - 23 процентсэ ужъёссэс<br />
йылпумъязы, гектарысьтыз<br />
23 центнер басьто.<br />
Грак ёросын ог 14 процентэз<br />
бусыоссы калтэмын<br />
- гектарысьтыз 22,7 центнер<br />
усе. Шаерамы оглом 5<br />
процентэз бусыос бушатэмын.<br />
Тужгес трос урожай<br />
потто можгаос - гектарысьтыз<br />
34,7 центнер ю тысь<br />
калто. Урожайзы трос потэ<br />
бере, бусыоссэс но утялтыны<br />
кемагес дыр кулэ - 4<br />
процентэз ужъёссы быдэстэмын.<br />
Бадӟым урожайзы<br />
воткаослэн но дэриослэн<br />
- гектарысьтыз быдэн<br />
ог 27 центнер басьто. Татчыозь<br />
адӟылымтэ урожай<br />
люкаське Шаркан ёросын<br />
- гектарысьтыз 24 центнер.<br />
Алевтина Бурдина пусъемъя,<br />
уйпал районъёс понна<br />
та трос.<br />
Уборка рос-прос мынэ<br />
ке но, интыен-интыен<br />
кугӟало тысь куасьтон но<br />
шертон комплексъёс. 404<br />
КЗС-ёс пӧлысь ужало 327-<br />
ез гинэ. Начаргес югдур<br />
комбайнъёсын но. Шаерамы<br />
89 процентэз комбайнъёс<br />
бусыосын гурето,<br />
мукетъёсыз тӥяськыса гаражъёсын<br />
сыло. Вань техниказы<br />
тупатэмын Вавож,<br />
Красногорск но Камбарка<br />
ёросъёсын гинэ. Воткин-<br />
Туспуктӥз Максим ЕГОРОВ<br />
скын но Каракулиноын ог<br />
70 процентэз техниказы<br />
мынэ.<br />
Бусыосты хозяйствоос<br />
бушато ке но, со дыре<br />
ик гырыны, музъемез<br />
небӟытыны но ю тысез тол<br />
улэ кизьыны кутскизы ни.<br />
Туэ та ужен беромиськомы.<br />
- Кизьыны али 11,8 тонна<br />
ю тысь кулэ, - шуэ Алевтина<br />
Бурдина. - Амбаръёсын<br />
ӝыныез гинэ дась.<br />
Озимойлы шуыса висъям<br />
кидыслэн ӟечлыкез но<br />
оглом 57 процент. Зэм,<br />
адӟем карымон ёросъёс<br />
но вань. Кылсярысь, толлы<br />
кизьыны быдэсак дась<br />
ни Алнаш ёрос. Со вань<br />
кидысъёссэ но эскерыны<br />
сётъяз - ӟечлыкез усто,<br />
жуг-жагез ӧвӧл. Красногорск,<br />
Каракулино ёросъёсын<br />
кизьыны дасям кидыссы<br />
пӧлысь ог 84 процентэз<br />
умой. Со дыре ик Грак, Кияса,<br />
Сарапул но Камбарка<br />
ёросъёс озимойлы кидысъёссэс<br />
воксё но эскерыны ӧз<br />
сётъялэ на.<br />
Алевтина Бурдина<br />
пусъемъя, кылем арын<br />
трос ю-нянь басьтэмен но<br />
амбаръёс тыроен туэ ог<br />
35 сюрс гектарлы ичигес<br />
ю тысь кизимы. Соин ик<br />
тол улэ кизёнэн чырмыт<br />
кариськыны кулэ, шуэ со.<br />
Угось бусыосты кулэстон<br />
министерстволы штрафен<br />
но берытскыны быгатэ.<br />
Кылсярысь, туэ 5 сюрс<br />
гектар вылэ етӥн кизьыны<br />
кулэ вал, нош пӧрмытӥмы<br />
4,26 сюрс гектарез гинэ<br />
тырмытыны. Но 5 сюрс<br />
гектар планэ пыртэмын<br />
вал бере, соя ик гуртоослы<br />
федерал бюджетысь уксё<br />
вуиз. Табере планэз быдэстымтэмы<br />
понна штраф<br />
тыроно луоз. Гурт удысъя<br />
но сиён-юонъя министр<br />
Ольга Абрамова верамъя,<br />
туэ 2015-тӥ-2017-тӥ аръёсы<br />
планъёсты быдэстымтэ<br />
понна федерал бюдже-<br />
Туэ элькунысьтымы 11 ёросъёс<br />
бусыоссэс паськытатӥзы, векчи<br />
писпуосты кораса.<br />
тэ берыктэмын ни 24 миллион<br />
манет штраф. Соин<br />
ик, туэ 7 толэзьлы ужамзылы<br />
йылпумъянъёс лэсьтыса,<br />
министерствоын кенешон<br />
дыръя ёрос йыръёслы<br />
но интыосысь гурт<br />
удысъя управлениосын<br />
кивалтӥсьёслы вазиськиз:<br />
- Ёрос ас азяз кыӵе ке<br />
ужпум пуктэ ке, сое одно<br />
ик быдэстоно. Асьмеос дэмен<br />
эскеримы вал, кин кытын<br />
кӧнялы азьвыл аналтэм<br />
бусыоссэ выльысь оборотэ<br />
пыртоз. Та ласянь 11<br />
ёросъёс умой ужазы: будӥсь<br />
писпуосты порылӥзы,<br />
музъемез умоятыны коньдон<br />
кисьтӥзы но бусыоссэс<br />
паськытатӥзы. Нош ужаны<br />
мылкыдъёссэс пусйыса<br />
вылысь, гектаръёссэс йылтон<br />
ласянь номыр ӧз лэсьтэ<br />
8 ёросъёс. Кылсярысь,<br />
Грак ёрос 125 гектар бусыоссэ<br />
паськытатыны кулэ<br />
вал. Кизнер 361 гектарез<br />
утялтыны чаклалляз. Кез,<br />
Сьӧлта быдэн 200 гектарез<br />
утялтыны оскытӥзы. Та<br />
гектаръёс пӧлысь огысьтыз<br />
но музъем герыен берыктэмын,<br />
киземын ӧй вал. Со<br />
музъемъёс кулэ ӧвӧл ке,<br />
мугзэ валэктоно, - шуэ Ольга<br />
Викторовна.<br />
Миым Сарапул ёросын<br />
кадастръя учётэ басьтэм<br />
вань музъемъёссэс лыдъязы.<br />
Учкизы, гурт удыслы<br />
чаклам музъемъёс пӧлысь<br />
кӧня гектарез нюлэс улысь<br />
таланы уг луы ни, кӧнязэ<br />
порылыны луонлык вань<br />
на, кӧня отчы уксё кисьтоно<br />
но кӧня гектарез, уно<br />
коньдон быдтытэк, выльысь<br />
гырыны-кизьыны<br />
кутсконо. Туннэ косэмын<br />
котькуд ёросысь музъемъёсты<br />
тазьы эскерыны.<br />
- Музъем мултэс луыны<br />
уг быгаты, - шуэ Ольга<br />
Абрамова. - Кылсярысь,<br />
адямиос кулэясько бакча<br />
емышъёслы. Та бордын<br />
ужаны, барыш поттыны<br />
луонлыкъёс вань, нош асьмеос<br />
ум но тодӥське, кин<br />
бусыоссэ та культураос улэ<br />
паськытатыны дась. Соин<br />
ик асьмелы огкылэ вуоно,<br />
кин кыӵе удысъя азинскоз:<br />
йӧл кыскон, будосъёсын но<br />
бакча емышъёсын вырон,<br />
етӥн будэтон. Та ваньмыз<br />
кулэ гуртэз но гурт удысэз<br />
азинтонъя 2019-тӥ арлы<br />
программае воштонъёс<br />
пыртон понна.<br />
Ольга Абрамова ӧдъя<br />
вуоно арняысен котькуд<br />
ёросэтӥ котырскыны,<br />
кивалтӥсьёсын кенешыны,<br />
кылдэм югдуръёсты<br />
интыосын учкыны но шугсекытысь<br />
потон амалъёсты<br />
дэмен утчаны. Со дыре<br />
ик чаклалозы хозяйствоослэсь<br />
выльдӥськемзэс, малпаськозы,<br />
кызьы гуртоослэсь<br />
ужан условиоссэс умоятоно.<br />
ПУДО ВОРДОН<br />
Йӧл тросгес люкаське<br />
Елена САРАМАТОВА<br />
Асьме шаермы йӧл<br />
кысконъя Россиысь<br />
улосъёс пӧлын 3-тӥ<br />
интыын возиське.<br />
Кылем арысь та вакытэн<br />
ӵошатыса, хозяйствоосмы<br />
йӧлзэс 2<br />
процентлы йылтыны<br />
быгатӥзы.<br />
Россиын туэ ӝыны ар<br />
ӵоже кыскемын 8,2 миллион<br />
тонна йӧл. Та лыдпус<br />
пӧлысь 1,4 миллион тонназэ<br />
кыско 3 кужмоосыз<br />
улосъёс. 1-тӥ интыын Татарстан<br />
- ог 570 сюрс тонна<br />
йӧл кыскиз. 2-тӥ луиз Краснодар<br />
улос - 490 сюрс тонна<br />
пала йӧл люказ. 3-тӥ интыын<br />
Удмуртия - ог 340 сюрс<br />
тонна йӧл поттӥз.<br />
- 7 толэзь ӵоже шаерысьтымы<br />
предприятиос кыскизы<br />
ни 422 сюрс 959 тонна<br />
йӧл, - шуэ гурт удысъя<br />
но сиён-юонъя министрлэн<br />
воштӥсез Евгений Шкарупа.<br />
- Кылем арын сярысь, та<br />
9 сюрс 612 тонналы уногес.<br />
Берло 3 ар ӵоже Удмуртиын<br />
йӧл поттон 27 сюрс 126 тонналы<br />
йылӥз, со 6 процент<br />
луэ.<br />
Трос йӧл кыскись ёросъёс<br />
пӧлын, кылем арын сямен,<br />
луэ Вавож ёрос - туэ ӵоже 35<br />
сюрс 940 тонна йӧл поттӥз<br />
ни. 2-тӥ интыын Шаркан<br />
ёрос - 32 сюрс 37 тонна йӧл<br />
люказ. 3-тӥ интыын Можга<br />
ёрос - 31 сюрс 507 тонна<br />
йӧл поттӥз. Вӧзазы ик<br />
йӧлзэс кулэстӥсьёс но вань<br />
- Камбарка, Каракулино,<br />
Юкаменск но Якшур-Бӧдья<br />
ёросъёс.<br />
Котькуд скаллэсь гурт<br />
хозяйствоосын шорлыдын<br />
кыско 3 сюрс 643 килограмм<br />
йӧл, кылем арын<br />
сярысь, со 54 килограммлы<br />
уногес. 2016-тӥ арен<br />
ӵошатоно ке, 130 килограммлы<br />
тросгес. Фермер<br />
хозяйствоосын котькуд<br />
скаллэсь 3 сюрс 181 килограмм<br />
йӧл кыско, кылем<br />
арын сярысь, со 132 килограммлы<br />
уногес. Евгений<br />
Шкарупа пусъемъя, 5 сюрс<br />
958 килограмм лыдпусозь<br />
сузьтӥськомы. Пудо сиён<br />
ӟеч дасямы ке, 6 сюрс лыдпусозь<br />
но сузьтӥськыны луонлыкъёс<br />
вань. Али котькуд<br />
йырлы 21,2 центнер<br />
сиён дасямын ни. Кылем<br />
арын сярысь, со 5,2 центнерлы<br />
уногес.<br />
Шумпотонэн артэ мылкыдэз<br />
куашкатӥсь лыдпусъёс<br />
но сюро. 1-тӥ августлы<br />
куд-ог хозяйствоосын<br />
198 скалзэс кулэстӥзы. Тужгес<br />
трос скалзэс быдтӥзы<br />
киясаос - 177 йырлы, Глазов<br />
но Сарапул ёросъёс. Оглом<br />
шаерамы али 117 сюрс 680<br />
скал лыдъяське.<br />
Евгений Шкарупа пусъемъя,<br />
бырись кунянъёслэн<br />
лыдзы шугъяськытэ:<br />
2 сюрс 160 кунян ыштӥмы<br />
ни. Кылем арын сярысь,<br />
та лыдпус 473 йырлы<br />
ӧжытгес ик. Но трос кунянъёс<br />
быро Балезино,<br />
Кизнер но Яр ёросъёсын.<br />
Шаерамы пудолэсь<br />
лыдзэ йылтон, тазалыксэ<br />
будэтон, тросгес йӧл кыскон<br />
вылысь 1-тӥ сентябрьысен<br />
юн хозяйствоослэн<br />
базаосазы ортчылозы дышетонъёс.<br />
Отын возьматозы,<br />
кыӵе луыны кулэ туала<br />
ферма, кызьы пудоен<br />
ужано, мар кароно азинскон<br />
понна.
Change language