You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
№ 73 (<strong>25688</strong>)<br />
10 2018-тӥ ар 27-тӥ куарусён ТӦР ШОРЫН ТӦР ШОРЫН<br />
№ 73 (<strong>25688</strong>) 15<br />
2018-тӥ ар 27 -тӥ куарусён<br />
Экран вылын но, улонын но - одӥг кадь<br />
Элина КУМАЧЁВА<br />
Со кияз трос пол<br />
возьылӥз Калашниковлэсь<br />
автоматсэ,<br />
адӟиз, кызьы автозаводын<br />
нырысетӥ машина<br />
поттӥзы. Со 40 арлэсь<br />
кема мусо мыняз телевизорлэн<br />
экранысьтыз,<br />
диктор луэм сяна, аслэсьтыз<br />
программаоссэ<br />
дасялляз. Туннэ элькунысьтымы<br />
сад-бакча<br />
возисьёслэн одӥгез<br />
матысез визь-кенеш<br />
сётӥсьсы луэ, мыло-кыдо<br />
пыриське общественной<br />
уже. Ваньмыз та<br />
- Удмуртиысь культура<br />
удысысь дано ужась<br />
Вера ОРЛОВА-Мушкаринова<br />
сярысь. Ӧм, ӧм сураське<br />
- Вера Орловалэн<br />
бызем фамилиез озьы<br />
вылэм.<br />
В. Орлова.<br />
- Тӥляд биографияды<br />
туж трос тунсыкоез, но<br />
нырысетӥ юан ачиз куриське:<br />
кызьы сыӵе чебер,<br />
арлыдъёслы сётӥськытэк,<br />
возиськиськоды?<br />
- Ачим уг валаськы, тусам<br />
аръёсы уг шӧдӥсько шуыса.<br />
Но, зэмзэ но, тросэз верало,<br />
егит возиськисько шуыса.<br />
Вазен котькуд нунал пыдын<br />
бызьылыны потасько вал,<br />
али дугдӥ. Но ӵукналы быдэ<br />
зарядка лэсьтӥсько. Оло, со<br />
шӧдӥське? Малпасько, выжыосы<br />
но лябесь ӧвӧл. Анаелы,<br />
Евгения Яковлевалы, туэ ноябре<br />
97 арес тырмоз ини. Но со<br />
молодец ай - ветлэ но, визьмыз<br />
но интыяз. Мон туж шудо, али<br />
но анае бордам шуыса. Таяз<br />
дуннеын ӝегай ни, шуэ ке но.<br />
Огназ ум келляське ни, соин,<br />
лэся, озьы вера. Угось со дышемын<br />
кин ке сярысь сюлмаськыны,<br />
юрттӥськыны.<br />
Анае вордскемын Шаркан<br />
ёросысь Быгы починкаын.<br />
Туж егитысен лыктэмын<br />
Иже. Куараез туж чебер.<br />
Крезьгурлы нимысьтыз дышетскемез<br />
ӧй вал ке но, ужаны<br />
кутскемын филармонилэн<br />
хораз. Берло со коллективысь<br />
кылдӥз дано «Италмас» ансамбль.<br />
Атаймы военной вал<br />
бере, анае со сьӧры странаез<br />
котыръяз, милемыз, 4 нылъёсты,<br />
будэтӥз. Берен Иже берытскеммы<br />
бере радиолэн но<br />
телевиденилэн хоразы кырӟаз,<br />
пенсие потыкуз, режиссёрлэн<br />
ассистентэз вал.<br />
Атаймы, Георгий Иванович,<br />
Шаркан ёросысь ик Быгыысь.<br />
Атайме тодам вайисько<br />
ке, асме пӧрмымтэ удмурт<br />
шуэме потэ. Паспортам вазен<br />
«удмурт» гожтэмын ке но вал,<br />
«нянь», «ческыт» шуыны гинэ<br />
валасько. Нош атае зэмос удмурт<br />
вал - гуртысь ӵыжывыжыосмы<br />
лыкто ке, одно<br />
анай кылыныз вераськылӥз,<br />
удмурт сям-йылолъёсты умой<br />
тодылӥз. Военной вал бере,<br />
олокытчы но ыстылӥзы сое.<br />
Мынам апае, кылсярысь,<br />
вордскемын Хабаровскын,<br />
мон - Южно-Сахалинскын,<br />
сузэръёсы одӥгез - Ярославльын,<br />
мукетыз - Можга ёросысь<br />
Пычасын. Зэм, Пычасэ<br />
сое коммунистэз музэн келязы<br />
ни. Угось военной карьеразэ<br />
йылпумъямез бере партилэн<br />
райкомаз ужаз. Озьы<br />
мон 1-тӥ классэ Ижын мынӥ<br />
ке, 2-тӥ-3-тӥ классъёсын дышетски<br />
Пычасын. Собере выльысь<br />
Иже вуим. Пенсие потон<br />
азяз атае «Удмурткниготорген»<br />
кивалтӥз.<br />
- Озьыен, атайдылэн<br />
пытьыосызъя ӧжыт гинэ<br />
ӧд кошке - индустриальной<br />
техникумез йылпумъяды,<br />
пыӵал тӥрлыкез<br />
дышетӥды...<br />
- Ма, со атаймылэн ик быръем<br />
сюресэз но вал. Со лыдъялляз,<br />
пиналъёсызлы инженер<br />
профессиослы дышетсконо<br />
шуыса, со понна туж умой<br />
инты - индустриальной техникум.<br />
Озьы ми Света апаеным<br />
кыкнамы но сое йылпумъямы.<br />
Али ке но туж умой тодӥсько,<br />
кызьы вакчи дыр куспын автоматъёсты<br />
сэрттыны-бичаны<br />
косылӥзы.<br />
Света пырак ужаз быръем<br />
удысэзъя ик, мотозаводын<br />
инженер-конструктор луыса.<br />
Мон береез Нина сузэрмы<br />
Ижысь механикая институтэз<br />
йылпумъяз, нырысь ужаз радиозаводын,<br />
собере, конкурс<br />
пыр потыса, выжиз телерадиокомпаниысь<br />
рекламая ёзэ.<br />
Туж-туж умой вала радиотехникаез,<br />
компьютерез. Пичиез,<br />
Надямы, Москваысь архивъёсъя<br />
институтэз йылпумъяз<br />
но отысь архиве ужаны кылиз.<br />
Мон ужаны кутски автозаводын.<br />
Солэн цехъёсыз ӧй вал<br />
на, но кылдытэмын вал ни конструкторской,<br />
технологической<br />
бюроосыз. Монэ валтӥсь<br />
технолог борды кутӥзы. Комсомол<br />
бригадаен пыриським<br />
Егит инженер.<br />
заводлэсь «Прогресс» нимаськись<br />
корпуссэ лэсьтонэ. Рабочийёс<br />
уг тырмо вал бере,<br />
султылӥ конвейер сьӧры но,<br />
ужай штамповочной, сварочной<br />
цехъёсын. Ваньмыз туж<br />
тунсыко вал, конвейерысь<br />
нырысетӥ машина син азям<br />
потӥз. Отын данъян грамотаос<br />
но басьтыса вуттӥськем.<br />
Туж умой коллективмы вал,<br />
куд-огеныз али но эшъяськиськом,<br />
вордскем нуналъёсмес<br />
пусйылӥськом, зарезь дуре<br />
шутэтскыны ветлӥськом.<br />
- Иське, мар ӧз тырмы?<br />
- Заводын озьы ик ужасал но<br />
ужасал, вылды, маке выльзэ тодэме<br />
ӧй потысал ке. Шӧдӥсько<br />
вал: гуманитарной наукаос мыным<br />
матынгес. Озьы заводын<br />
ужан вискам заочно амалэн<br />
йылпумъяй Пермь кун институтысь<br />
филологияя факультетэз<br />
- туж кельшиз отын дышетскыны.<br />
Автозаводын радио понна<br />
кыл кутылӥ - кыӵе ке программаос<br />
дасялляй, ужасьёслэн<br />
куронъёссыя кырӟанъёс<br />
сётылӥ. Радиозаводлы 10 ар<br />
тырмонэз пусъёнлы сценарий<br />
но гожтӥ вал.<br />
Выльзэ утчанъям ик пыриськи<br />
Удмурт телевиденилэн<br />
ялэм конкурсаз. Мамае соку<br />
телевидениын ужа вал, со ик<br />
поттылӥз конкурс сярысь. Но<br />
отчы лушкем мынӥ, малы ке<br />
шуоно тодӥсько вал: куаретозы.<br />
Мынӥм двоюродной сузэреным<br />
Маргарита Носковаен.<br />
Кыкнамы но конкурс пыр<br />
потӥм! Эшшо - Александр Кузнецов<br />
но Владимир Лучников.<br />
Со, дыр, мынам улонам тужгес<br />
шудо нуналэ вал! Конкурс<br />
бере ваньмы мынӥм ресторанэ,<br />
пӧламы - конкурс пыр потымтэос<br />
но. 1975-тӥ арын вал<br />
со.<br />
Анае-атае, валамон, тодэмзы<br />
бере монэ тышкаськизы.<br />
Угось атае монэн данъяськыны<br />
кутскиз ни вал - инженер,<br />
карьера лэсьтӥсько, уждунэ<br />
умой. Нош телевидениын<br />
ваньзэ выльысь кутсконо, уждун<br />
туж пичи...<br />
- Но бӧрысь данъяськыны<br />
кутскизы ик, луоз?<br />
- Та сярысь шара верамзы<br />
ноку ӧвӧл. Но сыӵе но учыр<br />
вал: Удмуртилэн кунлык басьтэмезлы<br />
сӥзьыса, передача<br />
мынэ: мон сое нуисько, куно<br />
чотын ӧтемын атае, «Удмурткниготорген»<br />
кивалтӥсь,<br />
анае студиын режиссёрлы<br />
юрттӥське.<br />
Нырысьсэ эфире потэме<br />
малы ке йырам кылемын<br />
ӧвӧл ни. Но али валасько, учкисьёс<br />
чиданы кулэ ведь вал<br />
егит дикторъёсты, передача<br />
нуисьёсты. Передачаос меӵак<br />
эфирын мынылӥзы. Милемыз<br />
номырлы ӧз дышетылэ, учкисьёс<br />
азе синтэм коӵышпиосты<br />
кадь поттылӥзы. Али нырысь<br />
дышето, собере гинэ эфире<br />
потто. Туж умой тодӥсько на:<br />
одӥгаз передачаын кылъёсме<br />
вунэтӥ. Маке кулэтэмзэ но<br />
вераса вуттӥ ни. Нош студиын<br />
туж трос ӧтем куноос. Мар<br />
кароно - уг валаськы. Ярам,<br />
бадӟым опытэн диктор Наталья<br />
Жаравина серметэз ас<br />
кияз басьтӥз, интыяз тупась<br />
кылъёс шедьтӥз - мыным туж<br />
зол юрттӥз.<br />
1984-тӥ арозь ужай на автозаводын<br />
но, телевидениын<br />
но. Передачаос потылӥзы<br />
ӝытъёсы, соин ик 17 час бере<br />
автозаводэ мон доры машина<br />
лыктылӥз. Жадемын-а<br />
тусы, ӧвӧл-а - ӧйтӧд. Ведь<br />
соку йырсимес тупатъясьёс<br />
но, буясьёс но ӧй вал - асьмеос<br />
кызьы быгатылӥм, озьы<br />
чеберъяськылӥм. Бӧрысьгес<br />
ини телестудия городысь<br />
одӥгеныз парикмахерскоен огкыл<br />
гожтӥз. Но отысь студие<br />
лыктытозь, йырси тугаське<br />
вал ини. Дӥськут но асьмеос<br />
басьтылӥм.<br />
Ваньзэ сямен программаосты<br />
ми Александр Кузнецовен<br />
ӵошен нуылӥм. Соку эфире<br />
ведущийёс гинэ потазы, корреспондентъёс<br />
- ӧз. Нош передачаос<br />
трос но пӧртэмесь вал -<br />
нылпиослы но, мӧйыослы но:<br />
«Звонкие голоса», «Будем знакомы»,<br />
«Решения партии - в<br />
Меӵак эфир.<br />
жизнь», «Желаем вам»... Котькуд<br />
праздниклы студиысь репортаж<br />
лэсьтылӥм.<br />
Шумпотӥсько, мыным телевиденилэн<br />
сяськаян вакытъёсаз<br />
ужаны шуд усиз шуыса.<br />
Коллектив туж кужмо, тунсыко<br />
вал. Галина Морозова,<br />
Майя Веретенникова, Светлана<br />
Овчинникова но трос мукет<br />
журналистъёсын ӵош уртче<br />
ужаллямы но, шутэтскылӥмы<br />
но. Уртче ик вуоно передачаос<br />
сярысь вераськылӥм, потэмъёсызлы<br />
дунъет сётылӥм. Озьы<br />
ог-огмес ушъяллям но, серекъям<br />
но, дышетылӥм но.<br />
Пӧлысьтымы ӧз палэнтӥськылэ<br />
удмурт журналистъёс<br />
но. Татьяна Денисоваен<br />
туж шунытэсь кусыпъёсмы.<br />
Нош кызьы быгатыса ужазы<br />
Валера Сидоров но Анна<br />
Федотова! Соос палэнын но<br />
пӧртэм ужрадъёс ортчытъязы<br />
- туж трос калыкез котыразы<br />
бичаллязы. Учкисьёс туж<br />
яратылӥзы соосты.<br />
Жаляса верано, али югдур<br />
мукетгес - тросэз программаос<br />
ӧвӧл ни. Угось «Удмуртия ГТРК»<br />
табере Россиысь компанилэн<br />
филиалэз луиз. Соин ик Москва<br />
чакла ни, кыӵе программаосты<br />
кельтоно, кудъёссэ быдтоно. Но<br />
журналистъёс али но кужмоесь<br />
- сомында соос ужало! Синмаськыса<br />
учкисько егит журналист<br />
Настя Петрова шоры - удмурт<br />
кылын но, ӟуч кылын но туж<br />
чебер вераське. Оскисько, солэн<br />
ӵуказе нуналыз туж яркыт луыны<br />
кулэ.<br />
- Тӥледыз но быдэс республикаын<br />
туж ӝог тодманы<br />
кутскизы. Шаерамы<br />
ӟоскыт ӧз потылы, Москвае<br />
кошкыны мылкыдды<br />
ӧз ӝуткаськылы шат?<br />
- Монэ котькытын, котькин<br />
тодма шуыса, туж ӝог дыши.<br />
Мар карод - телевизор учке<br />
котькудӥз, нош мон эфире нуналлы<br />
быдэ потасько. Нокыӵе<br />
ик уг поты ни вал.<br />
Нош Москвае кошкон мылкыдъёсы<br />
вал ке но, мылкыд<br />
борды дӥсьтон луыны кулэ.<br />
Малы со мынам ӧй вал? Тодон-валанмес<br />
будэтонъя курсъёсы<br />
Москвае ысъяло вал.<br />
Москва куремъя передачаос<br />
но лэсьтылӥм - ӟеч дунъет<br />
сётылӥзы.<br />
Туала егитъёслэн номырлэсь<br />
кышкасьтэм луэмзылы<br />
вожъяськисько - озьы ик улыны<br />
кулэ. Федерал каналъёсы<br />
тросэз кошкизы ни, 1-2-ез<br />
сяна ӧз берытске. Кылемъёсыз<br />
ваньзы ужало ас удысъёссыя.<br />
- Вера Георгиевна, кызьы<br />
малпаськоды, тӥляд<br />
экран вылын но, улонын<br />
образъёсты тупало-а?<br />
- Мыным адями котьку тунсыко<br />
- передачаосме нуыку но,<br />
улонын но. Котькуд адямилэн<br />
аслаз аспӧртэмлыкез, чеберез,<br />
быгатонлыкъёсыз. Тае<br />
мон возьматыны турттылӥ<br />
экран пыр но, тае мон дунъясько<br />
улонын но. Туж синмаськисько,<br />
кылсярысь, сад-бакча<br />
возисьёслы. Тросэзлэн соослэн<br />
ӧвӧл нимысьтыз дышетскемзы,<br />
но кызьы сяська, емышъёс<br />
будэтоно туж умой валало.<br />
«Календарь садовода» передачаез<br />
1996-тӥ арын нуыны кутскыкум<br />
ик, пайми но синмаськи<br />
соослы.<br />
Одӥг пол мыным шуизы:<br />
сад-бакча возисьёслы сӥзем<br />
передачаез дасясь режиссёрлы<br />
юрттӥськоно - текстэз лыдӟись<br />
ӧвӧл. Мон соглаш кариськи.<br />
Сокуен ик передачалэн авторез<br />
но луи. Зэмзэ вераса, мыным,<br />
городын будэм муртлы,<br />
сад-бакча ужъёс туж кыдёкын<br />
вал. Асьмелэн мерттӥськон<br />
интымы но ӧй вал, со сярысь<br />
ӧм но малпаськылэ. Нырысетӥ<br />
передачамы сӥземын вал картошка<br />
будэтонлы. Малпай<br />
соку: кызьы со сярысь сомында<br />
Ӵош ужась эшъёсыныз А. Кузнецовен<br />
но Т. Денисоваен.<br />
вераны луоно? Эшшо ке езнумыр<br />
(проволочник), пе, сие сое.<br />
Нош со нумыр кыӵе юрӟым...<br />
Но огез передача бӧрсьы мукетыз<br />
- мыным бакча возён тунсыко<br />
но тунсыко луыны кутскиз.<br />
Передачаосы ӧтчамы<br />
Ижысь гурт хозяйствоя кун<br />
академиысь специалистъёсты<br />
но, огшоры сад-бакча возисьёсты<br />
но. Соослэн мылкыдзы паласькиз<br />
мыным!<br />
Бӧрысьгес ини кузпалыным<br />
Дэри ёросысь Куӵос гуртэ<br />
музъем басьтӥмы, пичи гинэ<br />
корка пуктӥмы но сяська, бакча<br />
емышъёс будэтыны кутскимы.<br />
Ог 20 сотка, мултэссэ гуртоослы<br />
турнаны сётӥськом.<br />
Паймоно кадь, нырысетӥ аръёсаз<br />
кызьы шонер кизьынымерттыны,<br />
будэтыны уг ке но<br />
валаськы вал, сыӵе трос урожай<br />
басьтылӥм. Али ваньзэ<br />
тодӥсько ини, но азьло кадь<br />
малы ке уг пӧрмы - музъемез<br />
жадиз, луоз. Туж яратӥсько<br />
пӧртэм сяська будэтыны, уката<br />
но петуниез. Но «Календарь<br />
садовода» передачаез лэсьтыны<br />
Куӵосэ ветлэммы ӧвӧл -<br />
кыдёкынгес. Пырак улыны но<br />
отчы кошкы вал - вис уг сюры.<br />
55 аресам пенсие кошкон сярысь<br />
малпаме ик уг поты на вал<br />
- мыным сыӵе уже кельшылӥз:<br />
передачаос дасян сярысь малпаськоно,<br />
геройёс утчано... 60<br />
аресам штатысь кошки ни -<br />
егитъёслы но сюрес сётоно ук.<br />
Уката ик оптимизация сярысь<br />
вераськыны кутскизы. Берло<br />
ог 10 арзэ штатын ӧй вал ни ке<br />
но, уже ветлӥ на - берлоез «Календарь<br />
садовода» передачамы<br />
потӥз кылем ар пумын.<br />
Нош али мон быдэс ар пала<br />
ини эркын - табере мон дась<br />
ини талы. Эркын но туж умой<br />
вылэм!<br />
55 аресам пенсие кошкон сярысь малпаме ик уг поты на вал<br />
- мыным сыӵе уже кельшылӥз: передачаос дасян сярысь<br />
малпаськоно, геройёс утчано... 60 аресам штатысь кошки ни<br />
- егитъёслы но сюрес сётоно ук.<br />
- Но тӥ табере мыло-кыдо<br />
пыриськиськоды общественной<br />
улонэ.<br />
- Ижысь Общественной палаталэн<br />
азьвыл кивалтӥсез<br />
Людмила Гуляшинова дэмлаз:<br />
сад-бакча возёнэн герӟаськем<br />
огазеяськон кылдытыны ӧй<br />
луысал-а? Та малпанэз улонэ<br />
пыӵатӥм - кылдытӥм коммерциен<br />
вырисьтэм «АгроАрт Удмуртии»<br />
ассоциация. Бордаз<br />
огазеяськизы элькунысьтымы<br />
емышо писпуосын вырись<br />
кӧня ке хозяйствоос, кылсярысь,<br />
«Сады Удмуртии», «Мой<br />
сад», «Дивный сад» но мукетъёсыз.<br />
«АгроАрт Удмуртии» улсын<br />
ик радъямы садоводъёслэсь<br />
школазэс. Ваньмес огазея<br />
одӥг мылкыд: Удмуртиын<br />
таза садъёс тросгес мед луозы.<br />
Туала сад-бакча возисьёс<br />
ӵемысь пӧяськисьёс ки улэ<br />
шедё - басьто лымшор палъёсысь<br />
ваем емышо писпуосты.<br />
Нош таӵе будосъёс асьме палан<br />
кема уг чидало, кезьыт<br />
толъёсы кынмо-быро. Кытысь<br />
басьтоно асьме палан будэтыны<br />
ярамон будос - тае калык<br />
пӧлы вӧлмытонэн выриськом.<br />
- Тодӥсько: шоркарын но<br />
писпу мерттылӥськоды.<br />
- Кылем арня вискын гинэ<br />
городын ортчиз «Ижевсклы -<br />
миллион писпу» ужрад. Шумпотымон,<br />
сое егитъёс радъязы<br />
шуыса. Иж город администрация<br />
сьӧры мерттӥзы кедр,<br />
тыпы, лыстэм пужым. Нош<br />
милям ассоциацимы мастеркласс<br />
возьматӥз, кызьы соосты<br />
валаса выжыятоно. Асьмелы<br />
но, егитъёслы но туж кельшиз<br />
уртче ужмы.<br />
Ассоциацимы кылдӥз ини<br />
2014-тӥ арын. Вуоно араз «Будом,<br />
сад будэтом!» проектмы<br />
4 сузэръёс анаенызы.<br />
тужгес устоен лыдъямын вал<br />
Ижысь улон-вылонэз ӟечгес<br />
карыны юрттӥсь проектъёс<br />
пӧлын. Озьы малпанмы улонэ<br />
пыӵаз: 97 номеро школалэн<br />
«Черёмушки» лагеряз мерттӥм<br />
сад. Алигес отчы вуылӥ: табере<br />
отын кисьмало улмоос, грушаос,<br />
сливаос!<br />
Ижын улон-вылонэз ӟечгес<br />
карыны юрттӥсь проектъёс<br />
пӧлын вормыса ик, 7 номеро<br />
школа борды 2015-тӥ арын<br />
аллея мерттӥмы - сӥзимы сое<br />
Быдӟым Вормонлэн 70 ар тырмонэзлы.<br />
2 ар бӧрсьысь бӧрсе<br />
сенсорной сад кылдытӥм Ленин<br />
но Первомай ёросъёсысь<br />
Калыклы улон-вылонын юрттэт<br />
сётонъя центръёсын.<br />
Отын ӵемысь йӧнатӥсько инвалид<br />
пиналъёс, песянай-песятайёс.<br />
Туж потӥз: садмылэсь<br />
чеберзэ соос мед валалозы<br />
адӟыса но, киынызы кутылыса<br />
но, зынъяса но - вань юромо<br />
ӝутэм клумбаосмы, лэсьтэмын<br />
гольык пыдын ветлыны<br />
ярамон сюрес, пуктылӥм<br />
ӟусъёс. Малпасько, ӟеч ужъёслы<br />
инты улонын котьку тырмоз.<br />
- Ма, ваньмон дырды<br />
чик уг кыльы ни, дыр?<br />
- Туж яратӥсько лыдӟиськыны,<br />
киное ветлыны. Кырӟасал,<br />
дыр, но гурзэ уг шедьтӥськы. 4<br />
нылъёс пӧлысь анаймы кадь<br />
чебер кырӟало 2-ез, нош 2-ез<br />
уг пӧрмыто - мон но. Мынэсьтым<br />
ӟеч кузё кышно уг пӧрмы<br />
- кузпалме сютэм уг возиськы<br />
ке но. Угось куд-ог нылкышноос<br />
сыӵе мылкыдын, сыӵе быгатыса<br />
корка котыразы бергало.<br />
Но кузпалы монэ, дорысь<br />
вазь кошкемысьтым, бер вуэмысьтым,<br />
ноку пыкылэмез<br />
ӧвӧл, котьку кылзэ, вала,<br />
юрттӥське, пӧртэм ужрадъёсы<br />
ӵошен ветлӥськомы.<br />
- Туала вакытэ тросэз чебер,<br />
визьмо нылашъёс бызьыны<br />
уг дырто. Тӥ но соос<br />
радын ик вылӥллямды<br />
кадь.<br />
- Семья кылдытыкумы, мыным<br />
40 арес пала луэ ни вал.<br />
Соку, зэмзэ но, валай: тырмоз<br />
партэк улыны. Ӧй утча<br />
мон узыр карт, туж потӥз, со<br />
аспӧртэмлыко мед луоз.<br />
Володя туж быгатыса, чидаса<br />
ветлӥз сьӧрам. Ужысь<br />
нуналлы быдэ сямен пумитаны<br />
лыктэ вал. Та сямыныз<br />
ик монэ ас палаз берыктыны<br />
быгатӥз. Али но мар ке лэсьтыны<br />
малпаз ке, сое одно йылаз-пумаз<br />
вуттоз. 30 ар ӵошен<br />
ини. Ужаз лэсьтӥськись луыса<br />
ужаз, валтӥсь инженер но вал.<br />
Аслэсьтыз фирмазэ усьтылӥз.<br />
Пенсие потыса но, тэк улыны<br />
уг чида. Солэн одӥгез гинэ хоббиез<br />
мыным уг кельшы - коркамыя<br />
старший луэ. Туж трос дырзэ<br />
быдтэ та ужезлы. Нош тау<br />
карон кылъёс ӵемысь уг кылы<br />
- жалясько сое. Но аслыз кельше<br />
бере - мар карод. Ог-огдэ валатэк<br />
нокызьы уг луы: семьяын<br />
но, ужын но, калыкын но.
Change language