ud#73 (25688)

73-33-42, 8-951-195-37-65
ВЫЛЬ СЕЗОН
№ 73 (25688) 19
2018-тӥ ар 27-тӥ куарусён
ТЕАТР
Чичиков - удмурт сцена вылын
Елена САРАМАТОВА
Николай Гоголь «Мёртвые
души» поэмазэ
1835-тӥ арын гожтӥз
ни. Но отысь сюжет
тупа котькыӵе вакытъёслы.
1930-тӥ арын
Михаил Булгаков та
произведениея пьеса
гожтӥз. Сое шудылӥзы
МХАТ-ын. Нош туэ
«Мёртвые души» спектаклен
сезонзэ усьтэ
Удмурт театр.
Кылем арня вискын ортчем
премьера возьматӥз:
асьме артистъёс быгато усто
шудыны. Куддыр шокчыны
но, чабыны но вунэтӥськод.
Сыӵе дыръя тодэ ик уг лыкты
ни, Удмурт театрын ӟуч
кылын спектакль учкиськод
шуыса. Солэсь ортчыт
- шумпотӥськод: асьме артистъёсмы
быгато вань талантсэс,
произведенилэсь
мур пуштроссэ котькыӵе выжыысь
адямиос дорозь вуттыны.
Удмурт театр тулыс ик
пьеса борды басьтӥськиз. Материал
бадӟым, котькудӥз
роль секыт. Макем ӝог вошъясько
сюжетъёс, сокем
чырмытгес кариськоно актёръёслы.
Со ласянь тужгес
но секыт ныпъет оскемын
валтӥсь геройлэсь Павел Чичиковлэсь
рользэ шудӥсь артистлы
Вячеслав Краснопёровлы.
Кескич, визьмо, кузьмаськыны
быгатӥсь, кулэм
адямиос вылын узырмыны
малпась, бай кышно утчась
геройлы угось шаплы луэмен
гинэ уг тырмы - гипнотизёр
кадь вераськыны быгатыны
кулэ: ӝог, кӧяса-вӧяса,
адями мазэ-созэ валаса медаз
вутты. Сцена вылын В.
Краснопёров, зэмен ик, гипнотизёрлы
укшаны кутске:
котькуд кылзэ кылзӥськод.
Помещикъёслэсь кулэм крестьянъёссэс
ас вылаз гожтыны
турттэмез шоры учкыса,
серем потэмысь дугдэ. «Приобрести
мёртвых, но по ревизии
числящихся», - шуэ ук
ГОЖТӤСЬКОН-2019
udmteatr.ru
Паймымон ик та дунне -
Вань отын «Удмурт дунне»
Одӥг пол сое лыдӟод,
Пыраклы сюлмад кельтод!
герой. Та кылъёслэсь йырын
маиз ке позырске но малпаськод:
али ке но кӧня учреждениосын
ӧвӧлтэм адямиос
понна уксё басьтӥсьёс
сюро, шаерамы кӧня меда со
«кулэм» лулъёс.
Сцена вылысь суредъёс
- со Алнаш ёросысь Сыръез
палъёс. Соосты быдэстӥз
Санкт-Петербургысь художник
Игорь Шаймарданов.
Сыӵе чебер инкуазь,
сыӵе чебер интыос,
нош кызьы улӥськомы, мар
дауртӥськомы?
«Мёртвые души» спектакль
школаын дышетскись
пиналъёслы но туж тунсыко.
Угось дышетон программае
Николай Гогольлэн произведениезлэн
1-тӥ томез
гинэ пыртэмын. Нош сцена
вылын возьматӥсько на
Н. Гогольлэн 2-тӥ томысьтыз
сюжетъёс. Чичиков малпаськыны
кутске лушкаськыса
но кескичъяськыса улэмез
сярысь. Герой монологаз
озьы ик шуэ: кулэ ни вал калык
сямен ужаны, улыны.
- Геройлы секыт соку ик
шуак воштӥськыны. Чичиков
- огшоры чиновник, адӟе
ук: кунын ваньзы взятка
окто, мон маин уродгес, шуэ
«Мёртвые души» спектакльысь
суред. Чичиков (Удмуртиысь
дано артист В. Краснопёров) но
Коробочка (Удмуртиысь калык
артист Ф. Будина).
со аслыз, - героез сярысь вера
Вячеслав Краснопёров. - Чичиков
огъя улонлэн кисьмам
емышез луэ. Туала вакытэ
но чылкыт, оскымон улыны
дышето. Но тросэз уг чидало
чылкыт кыльыны. Со
ласянь пьеса туж туала но
малпаськытӥсь. Актёр понна
но роль, материал туж узыр.
Ачим мон Чичиков кадь адямиосты
уг яратӥськы. Оло,
соин но кужмо, оскымон, сюлэмез
вырӟытымон шудэме
потэ. Угось ӵапак пумозяз
лэсьтымтэ сюресъёс, ӝыныё
эмъям висисьёс, палдурес
кельтэм ужъёс - со ваньмыз
чичиковщиналэн бервылыз.
Спектакльлэн пумаз Павел
Чичиков кияз Библиен
потэ. Таиз М. Булгаковлэн
пьесаяз ӧй вал. Тазэ режиссёр-постановщик
Владимир
Сафонов малпаз геройлэсь
рользэ эшшо но кужмоятон
понна. Та спектакль йыре
шукке, сазёмытэ. Со Библия
но возьматэ: котькуд адями
та улонын ачиз быръе, кызьы
со улоз.
«Удмурт дунне» газетлы почта пыр гожтӥськыны
луэ таӵе амалъёсъя:
Быдэс арлы арняяз 2 пол потӥсь газет
(«Удмурт дунне» газетэн ӵош вуозы «Герд»,
«Берекет», «Ингож», «Дарт» ватсэтъёс)
(индекс 5806)
1417,29 манет
Ӝыны арлы арняяз 2 пол потӥсь газет
(«Удмурт дунне» газетэн ӵош вуозы «Герд»,
«Берекет», «Ингож», «Дарт» ватсэтъёс)
(индекс 5001)
694,02 манет
Ӝыны арлы четверге потӥсь газет
(арнялы быдэ вуоз четверге потӥсь 24 бамъем
«Удмурт дунне» газет)
(индекс 4986)
464,28 манет
Гожтӥськонъя юанъёсты вань ке, жингыртоно редакцие
таӵе номеръя: 8(3412) 73-33-42.
«ДЭМЛА ЭШЕДЛЫ»
Точно, Галя, газетэд умой вылэм!
Галина ЗАХАРОВА.
Дэри ёросысь Подшивал гурт
Сюлэмы пачыл уртчыса, вераме потэ, кыӵе тунсыко
но данъяськымон «Удмурт дунне» газетмы вань
шуыса. Та газетэз мон туж кемалась лыдӟисько ини.
Али пенсиос сярысь вераськонъёс мыно. Куд-огез мынэсьтым
юа: газетад мар-о гожто ини пенсиос пумысен? Таблица
лэсьтыса ик гожъямды бере мон доры лачак калык ветлыны
кутскиз, пенсие потонзэс тодон вылысь. Газетме ялан сьӧрам
нуллӥсько вал. Ярам, Россилэн Президентэз В. Путин пенсиос
пумысен вераськемез бере, калык лапкомиз кадь.
«Удмурт дуннеез» мон пӧсь табанез кадь возьмасько! Вуэмез
бере киям кутӥсько но нырысь ик зынъясько. Ну ческыт
ук зыныз выль газетлэн! Собере малпасько: мар-о меда тунсыкозэ
гожтӥзы ни? Но туж урод сямы вань: лыдӟыны кутскисько
гороскопысеныз.
Гожъяй но вал ини, кызьы почтаысь огпол бӧрдыса бертӥ. Газетэз
дырыз дыръя уггес вайыло бере, одӥгаз пятницае ик мынӥ
почтае, газетме куро шуыса. Почтальонмы ӵапак газетъёсты
радъя вылэм. Вожез медаз поты шуыса, туж лякытэн гинэ шуисько:
вае вал мыным, пожалуйста, «Удмурт дуннеме». Нош со
туж лек кеськиз, газеттэ, пе, ваё, почта ящикад поно. Мынам, шуисько,
али ик лыдӟеме потэ вал, вай, пожалуйста. Со нош ик пумитам
лек вазиз: почта ящикад поно шуи, ӧд вала-а, мар-а? Дурыстэм
кӧты ӝож луиз но дорозям быдэс сюресме бӧрдыса бертӥ.
Али почтальонмы мукет, тужгес мыло-кыдо
лыдӟиськисьлы дыраз вуттоно, пе, газет. Кызьы уд басьты
«Удмурт дуннеез»? Алигес ас поннам малпасько, удмурт
кырӟанъёс но мед печататьтозы вылэм шуыса. Малпаса
гинэ вуи - вуоно номерын ик 2 кырӟан поттэмын.
Ма, «Удмурт дуннеез» ӧй лыдӟысал ке, удмурт сямен
лыдӟиськыны но ӧй быгатысал ини, дыр. Кин ке но шуэ: газетын
олокыӵе кылын гожъямын - валантэм. Куд-ог кылъёс валантэм
ке но, лыдӟемъя валано. Со понна котькыӵе кыллэсь
переводзэ тодӥськод, только вот йыре кельтэм уг луы ни ай.
Одӥг пол мынэсьтым песянай юа: туж, пе, яратӥсько удмурт
радио кылзыны, но отын весь шуо «сьӧд зарезь», мар
шуэм со? «Чёрное море» шуисько. Ну ассэ тышкаське: вот удмурт,
сое но уг тодӥськы. Оло, мон но ӧй тодысал, «Удмурт
дунне» газетэз ӧй ке лыдӟысал.
Мон туж данъяськисько «Удмурт дунне» газетэн. Со туж
тунсыко но пайдаё. Лыдӟемъя лыдӟем потэ.
Куд-ог эшъёсы но мон дэмламъя гожтӥськылӥзы газетлы.
Ваньзы шуизы: точно, Галя, газетэд умой вылэм!
КОНКУРС
Лэчыт визь, эн изь!
Гажано лыдӟисьёсмы! Тодады вайытӥськом конкурсмы
сярысь.
Ужъёстэс возьмаськом 3 ӧръя:
«Лэчыт визь». Мар тӥледыз сюлмаськытэ? Мар сярысь
калыклы верамды потэ? Возьмалом публицистика шӧмо
гожъямъёстэс.
«Газет - мынам улонам». Гожтоно улонысьтыды газетэн
герӟаськем учыръёстэс.
«Дэмла эшедлы». Таиз конкурс тупа «Удмурт дунне» газетэз
калык пӧлын вӧлмытыны юрттӥсьёслы. Дунъяськоз
тужгес трос тодмооссэ газетлы гожтӥськытэм адями.
«Дэмла эшедлы» конкурс Выль арозь кыстӥськоз.
Нош мукетъёсызъя ужъёстэс возьмаломы 31-тӥ октябрёзь
(ӵапак та нуналысен потыны кутскиз «Гудыри»)
таӵе адресъя: Ижкар, К. Маркс ульча, 274 номеро юрт,
«Удмурт дунне» газетлэн редакциез. Гожтэмъёстэс электрон
почтаямы но келяны луоз: udmdunne@yandex.ru.
Юанъёсты вань ке, жингыртоно 8(3412)73-33-42 телефонъя.
МАР ГОЖЪЯЗ ГАЗЕТ
Юан-веран песьтэр кылдытоно.
Горд армийын улыку кӧт бӧрдон ӧжыт луэ вал. Маке юан-веранэд
вань ке, бумагае гожтыса юан-веран песьтэре куштӥськод
но, кенешын уськыло вал. Кинлэн мар юанэз вань юало вал.
Асьмелы но волосьёсы сыӵе песьтэр кылдыт яно, кресьян песьтэр
кылдыт яно, кресьян калыклэн марке юанэз-веранэз ваньке,
отчы гинэ мед куштоз. Собере волостной кенешазы мед уськылозы.
Кресьянлэн коть мар юанэз луэ но, кема улса вунэтэ.
П. Веселков.
«Гудыри» газет, 1924-тӥ ар, 11-тӥ сентябрь.