Create successful ePaper yourself
Turn your PDF publications into a flip-book with our unique Google optimized e-Paper software.
№ 88 (<strong>25703</strong>)<br />
6 2018-тӥ ар 22-тӥ шуркынмон ПАРАДЕЛЬФИЙСКОЙ ШУДОНЪЁС<br />
www.udmdunne.ru<br />
ЙЫЛПУМЪЯН<br />
Вӧсьсэс эмъя искусство<br />
Елена СКВОРЦОВА<br />
Кылем арня ӵоже<br />
Ижын мынӥзы сӧсыр<br />
усточиос куспын вожвылъяськонъёс<br />
- калыккуспо<br />
2-тӥ Парадельфийской<br />
шудонъёс.<br />
Удмуртиысь<br />
пӧртэм сценаос вылын<br />
возьматэмын<br />
300-лэсь трос кырӟанэктон<br />
номеръёс, театр<br />
постановкаос. Со сяна,<br />
адӟыны луиз суредасьёслэсь<br />
но кибашлыослэсь<br />
500-лэсь уно<br />
ужъёссэс.<br />
Тупатскизы<br />
Вожвылъяськонлэн нырысетӥ<br />
нуналъёсаз шугъяськон<br />
кылдӥз вал: усточиослы<br />
сётэмын республикаысь<br />
валтӥсь сценаос, нош учкисьёс<br />
ӧвӧл. Театр кассаосын<br />
ялонъёс ошылэмын: «Дунтэк<br />
билетъёс вань», нош пуконъёс<br />
бушесь. Кылсярысь, эктонэз<br />
10 аресъемъёс но валаны<br />
быгатысалзы ук. Вылаз ик,<br />
инвалидъёсын пумиськон<br />
- мукетгес улонэн тодматскон:<br />
адӟе ай, макем кужмоесь<br />
соос. Нокыӵе мотивационной<br />
тренер - та вакытэ со<br />
туж модной лыдъяське - утчано<br />
ӧвӧл.<br />
Умой, Парадельфийской<br />
шудонъёсты радъясьёс<br />
нырысетӥ нуналэ ик югдурез<br />
адӟизы, залъёс тырмизы.<br />
Отӥяз театръёсын пукон интыез<br />
ик ӧй вал ни.<br />
Волонтёръёс -<br />
быдэс рота<br />
Бадӟым ужрадэз ортчытыны<br />
волонтёръёсты люказы ни<br />
сентябре ик. Татчы куриськисьёс<br />
ӧжыт ӧй вал, но басьтӥзы<br />
18 арессэс тырмытэмъёсты<br />
гинэ, уго сӧсыръёсын ужаны<br />
нимысьтыз тодон-валан но,<br />
кужым но кулэ. Угось волонтёрлы<br />
куддыръя ас группаеныз<br />
суткаяз 24 час ӵоже ужано<br />
луылӥз.<br />
Кылсярысь, Венгриысь<br />
Never give up band коллективысь<br />
9 мурт пӧлысь 1-ез гинэ,<br />
пе, англи кылэз тодэ. Соин<br />
таяз учырын туж бадӟым<br />
юрттэт сётӥзы удмурт студентъёс<br />
- Удмурт филологияя,<br />
финно-угроведениея<br />
но журналистикая институтын<br />
дышетскисьёс. Татын<br />
уго венгер кылэз дышетӥсь<br />
егитъёс вань.<br />
- Мон венгеръёсын ужасько,<br />
- шуэ 3-тӥ курсысь студент<br />
Павел Зорин. - Кырӟась эшъёсы,<br />
уката ик пиос, туж шаплыесь.<br />
Соос сомында юасько-верасько,<br />
мынам ӝытазе<br />
анлыосы мырдэм усьясько<br />
ни.<br />
Оглом 100-лэсь трос волонтёръёс<br />
ужазы пӧртэм<br />
площадкаосын. Тужгес секыт<br />
вал сӧсыръёсты авто-<br />
Туспуктӥз Максим ЕГОРОВ<br />
бусъёсы пуктон-васькытон<br />
- татын 50 мурт, жадёнэз<br />
тодытэк, тыршиз. Соин Удмуртие<br />
вуэм куноос тау карон<br />
кылъёссэс верало волонтёръёслы.<br />
Москваысь крезьгуръя<br />
А. Шнитке нимо кун институтысь<br />
дышетӥсь, «Вокал» номинациысь<br />
жюрилэн тӧроез<br />
Анна Алябьева синмаськиз<br />
асьме волонтёръёслы:<br />
- Соос косэмез возьмаса<br />
уг уло, ваньзэ адӟо, кытӥяз<br />
шӧдо но кадь. Валамон, соос<br />
зол дасямын, таӵе егитъёсын<br />
данъяськыны луэ. Уго<br />
палэнысен ваньмыз туж<br />
капчи адӟиське: пумитазы,<br />
интыязы, сцена вылэ<br />
вуттӥзы, аппаратура ӟеч.<br />
Ма, волонтёръёстэк журналистъёслы<br />
но секыт луысал.<br />
Кылсярысь, Курганысь<br />
«Надежда» дуэтысь нылъёсын<br />
вераськыны малпай но,<br />
соос йырзэс шонало: ми, пе,<br />
урод кылӥськом. Соку син<br />
куспын вуиз сурдопереводчик<br />
Марина (тӧлпери кадь<br />
нылашлэсь фамилизэ но тодыса<br />
ӧй вуы) - со милемлы<br />
юрттӥз ог-огмес валаны.<br />
Кырӟан огазея<br />
Бадӟым вожвылъяськон<br />
вал Операя но балетъя<br />
театрлэн сцена вылаз. Уго<br />
кырӟасьёс кӧня ке номинацияя<br />
люкемын вал: эстрада но,<br />
академической кырӟан но, ансамбльёс<br />
но, фольклор но.<br />
Жюрилэн ёзчиез, Москваысь<br />
крезьгуръя А. Шнитке<br />
нимо кун институтысь<br />
кырӟан искусствоя кафедралэн<br />
кивалтӥсез Михаил Кизин<br />
пусйиз:<br />
- Туж шумпотӥсько, таӵе<br />
усточиосты адӟыны-кылзыны<br />
кылдӥз шуыса. Кырӟан огазея<br />
сӧсыръёсты но таза адямиосты,<br />
егитъёсты но мӧйыосты.<br />
Куара сётэмын ке - со Инмарлэн<br />
кузьымез ини. Сӧсыр<br />
кырӟасьёс крезьгур но кырӟан<br />
пыр сыӵе усьтӥсько, асьсэлэсь<br />
вӧсьсэс шараяло - куддыръя<br />
зэмос профессионалъёс но<br />
озьы уг быгато.<br />
Нош жюрилэн тӧроез Анна<br />
Алябьева шуэ: адӟимы туж<br />
паймымон егитъёсты. Кылсярысь,<br />
эстрада кырӟанын<br />
Тываысь Э. Санчай-Оол вашкала<br />
кырӟан амалъёссэс уте.<br />
Сарапулысь А. Козлов но А. Пестерев<br />
кырӟасьёс пӧлын 1-тӥ<br />
инты басьтӥзы.<br />
2-тӥ инты сётӥзы Новосибирскысь<br />
Даниил Соколкинлы.<br />
Та пияш 10 аресысен сирота<br />
кылемын, нылпи юртын быдэсмемын.<br />
Жюриын пукисьёс<br />
огымысь кадь шуо Данииллы:<br />
кырӟан удысын тодон-валан<br />
басьтондэ азинтоно. Нош<br />
21 аресъем пияшлэн, пе, талы<br />
дырыз уг ни тырмы: со 3 интыын<br />
ужа, эшшо университетын<br />
дышетске.<br />
Фольклор удысын туж<br />
йӧспӧртэм адскиз Тыва Республикаысь<br />
Эрес Санчай-Оол.<br />
Со кылъёстэк кырӟа - гульыменыз<br />
куара поттэ (горловое<br />
пение). Вашкалаос, пе, инкуазьлы<br />
матэ кариськыса, тыршо<br />
вал тылобурдо сямен, шур<br />
сямен куара поттыны. Эшшо<br />
Эрес калык инструментъёсын<br />
шудэ. Сцена вылэ со потаз эгил<br />
нимаськись инструментэн. Со,<br />
пе, лиственницалэсь лэсьтэмын,<br />
вылаз кеч ку кыскемын,<br />
нош сиосыз - вал изнэс.<br />
Адӟем карымон усточиос<br />
вань асьме шаерамы но. Тани<br />
1-тӥ интыен пусйизы Сарапулысь<br />
Александр Пестеревез но<br />
Александр Козловез казакъёслэсь<br />
кырӟанзэс быдэстэмзы<br />
понна. Воргоронъёс «Родные<br />
напевы» хорын кырӟало, Александр<br />
Козлов ачиз ик та коллективен<br />
кивалтэ но.<br />
Быдэстэм ужлэн<br />
пайдаез<br />
Парадельфийской шудонъёсты<br />
йылпумъян огвакытэ<br />
кык интыын - Операя но<br />
балетъя театрын но «Металлург»<br />
дворецын - мынӥз. Татын<br />
устоосыз номеръёс галаконцертэ<br />
огазеяськизы. Собере<br />
Шор площадьын флешмоб<br />
но яркыт фейерверк вал.<br />
- Республика данъяське,<br />
таӵе ужрадэз ортчытыны<br />
шуд усиз шуыса. Озьы ке<br />
но ми ум вунэтэ нуналмысь<br />
ужаны - сӧсыръёслэсь улонвылонзэс<br />
капчиятыны. Шаерысьтымы<br />
ёросъёсын но городъёсын<br />
югдур мед тупатскоз<br />
ӟеч пала, - вераз Удмуртиысь<br />
Правительстволэн<br />
Тӧроез Ярослав Семёнов.<br />
Нош Россиысь Парадельфийской<br />
комитетлэн быдэсъясь<br />
директорез Наталья<br />
Крель ушъяз ужрадэз<br />
ортчытӥсьёсты. Кылсярысь,<br />
Калыклы улон-вылонын юрттон<br />
политикая но ужъя министерство<br />
быдэс суткаосын дежурство<br />
нуиз, вань югдурез<br />
син азяз возиз. Озьы ик Культурая<br />
но туризмъя министерство<br />
ласянь бадӟым уж быдэстэмын<br />
- концерт возьматон<br />
но мукет площадкаос дасямын,<br />
воштӥськонъёс кулэ ке<br />
- нош ик тыпыр-тапыр лэсьтэмын.<br />
Нош Удмуртиысь зоопарк<br />
та нуналъёсы суткаяз<br />
24 час ужаз кадь, вань куноослэн<br />
татчы ветлыны мылкыдзы<br />
ӝутскиз - бер ӝыт но<br />
лыктӥсьёс вал.<br />
Бадӟым ужрадэз ортчытыса,<br />
Удмуртия но пайда басьтӥз.<br />
- Кылдытэмын инклюзивной<br />
нылпи хор - татчы 5<br />
аресысен 17 аресозь сӧсыр<br />
пиналъёс пыризы. Ижысь<br />
транспортын «Вераськись город»<br />
система пыӵатэмын - со<br />
Удмуртилы кузьым чот кыле,<br />
- шуиз Россиысь Парадельфийской<br />
комитетлэн президентэз<br />
Лидия Абрамова.<br />
Нялтас вераса, шоркарлы<br />
13 сыӵе автобус кылёз -<br />
кылем арняе соос куноосты<br />
ворттылытӥзы, нош табере<br />
- огшоры калыкез. Огзэ автобусэз<br />
«Вераськись город» системае<br />
пыртон 70 сюрс манет<br />
сылэ. Инвалидъёс, нимысьтыз<br />
программаез телефоназы<br />
пыртыса, таӵе автобусъёсын<br />
герӟет кылдытыны быгатозы.<br />
Водительлэн кабинаяз юри<br />
чаклам пусъёс ӝуатскозы,<br />
соку со инвалид коляскаен<br />
муртэ автобусэ ӝутыны чаклам<br />
аппарелез лэзьыны быгатоз.