Create successful ePaper yourself
Turn your PDF publications into a flip-book with our unique Google optimized e-Paper software.
№ 90 (<strong>25705</strong>)<br />
НУНАЛ БӦРСЬЫ НУНАЛ 2018-тӥ ар 29-тӥ шуркынмон 5<br />
73-33-42, 33 8-951-195-37-65<br />
195 3765<br />
ИВОР КУДЫ<br />
ВАВОЖ<br />
Рапслэсь вӧй пызьырто<br />
«Колос» гурт хозяйствоын<br />
выль завод лэсьтон борды<br />
басьтӥськизы.<br />
Та хозяйствоын 2 но ӝыны<br />
ар пала ужа ни рапсэз пызьыртонъя<br />
завод. Вӧйзэ вузало,<br />
нош кыдзэ пудозылы сюдо. Озьы ар<br />
куспын 1,5 сюрс тонна рапслэсь вӧй потто.<br />
Та вакытэ выль завод пуктон борды<br />
басьтӥськизы. Кызьы вераз хозяйствоысь<br />
валтӥсь инженер Евгений Азанов, заводлэн<br />
юртэз пуктэмын ни, декабрь толэзе вуыны<br />
кулэ Чехиысь выль оборудование. Туала<br />
техника час куспын 700 килограмм рапсэз<br />
пызьыртыны быгатоз.<br />
ВОТКА<br />
Вамышъязы ӵошен<br />
Городын ортчиз «Вамышъялом<br />
вӧсь луытэк» фестиваль.<br />
Воткаын улӥсьёс пӧлын<br />
арысь аре тросгес луо таза<br />
улонэн эшъяськисьёс. Озьы<br />
та фестивале но уно калык<br />
люкаськылӥз. Вань мылкыд карисьёс<br />
крезьгуръя колледжын пумиськылӥзы<br />
элькунысьтымы валтӥсь ревматологен Лариса<br />
Ивановаен, сюлмаськытӥсь юанъёссылы валэктонъёс<br />
шедьтӥзы.<br />
Нош Берёзовской паркын дышетскизы<br />
скандинав амалэн вамышъяны - мастер-класс<br />
ортчытӥзы специалистъёс. Куд-огез басьтэм<br />
тодон-валанзэс улонэ пыӵатыны соку ик<br />
дӥсьтӥзы - нимысьтыз чаклам сюресэз ортчизы.<br />
Мылкыд карисьёс вирысьтызы сакырзэ<br />
мертазы.<br />
ДЭБЕС<br />
Компьютер сьӧрын -<br />
арлыдоос<br />
Библиотекаосы дышетскыны<br />
ветло арлыдоос.<br />
Ёрос центрысь но гуртъёсысь<br />
библиотекаосын компьютерен<br />
дышетскыны мылкыд<br />
карисьёс арняяз 2 пол парта сьӧры пуксьыло.<br />
Туннэ гуртъёсын 80-лэсь трос пенсионеръёс тодон-валанзэс<br />
будэто, черкогуртысь библиотекаын<br />
- 18 мурт. Кызьы вераз ёрос библиотекаысь<br />
ивор вӧлмытон ёзэн кивалтӥсь Алёна Сунцова,<br />
та вакытэ тужгес арлыдо дышетскисьсылы 83<br />
арес. Табере со Москваын улӥсь нылпиосыныз<br />
скайп пыр вераськыны, Интернетын бугыръяськыны<br />
быгатэ ни.<br />
ДЭРИ<br />
Дышетсконо гинэ<br />
мед луоз<br />
Дэри черкогуртысь Изгуртэ<br />
мынон сюрес вылын нимысьтыз<br />
дышетскон радъямын вал.<br />
Кезьыт, сульпаськись куазь дыръя сюресъёс<br />
вылын кышкыт учыръёс кылдыло. Сыӵе<br />
дыръя машинаос медаз тымиське шуыса, ӝог<br />
юрттэт сётонъя службаосын ужасьёс понна нимысьтыз<br />
дышетскон радъямын вал. Сюрес дуре<br />
бадӟым палатка пуктӥзы, отын шунтӥськыны<br />
быгатӥзы кынмыны шедем водительёс но пассажиръёс.<br />
Соослы нырысетӥ юрттэт сётӥзы<br />
эмъясьёс но спасательёс. Озьы ик та нуналэ сюрес<br />
вылэ поттэмын вал спасательёслэн бадӟым<br />
техниказы. Таӵе дышетсконъёс туж кулэ ке но,<br />
спасательёс шергес потано мед луысалзы шимес<br />
шуккиськон учыръёсы.<br />
ИЖ<br />
Тыриськон -<br />
100 сюрс манет<br />
Пыӵал тӥрлык поттон заводлэн<br />
башняяз тылпу потэм<br />
понна кыл кутон улэ кыскемын<br />
Росимуществолэн Удмуртияя но Киров<br />
улосъя управлениез.<br />
Ижысь Ленин ёросысь суд управленилы<br />
100 сюрс манет тыриськон тупатӥз. Лыдъямын:<br />
тылпу гомӟиз, синпелетэз тыро-пыдо<br />
утялтыса, чакласа возьымтэен.<br />
Та вакытэ пыӵал тӥрлык поттон заводлэн<br />
валтӥсь корпусэз уй но, нунал но чакласа возиське<br />
ни. Со сяна, отчы пуктылэмын луозы<br />
ӧсъёс но укноос. Нош заводлэн вылаз выжыяськем<br />
куакъёс утялтэмын луозы.<br />
КИЗНЕР<br />
Кылбур лыдӟизы<br />
Ёросын ортчиз кылбур<br />
лыдӟисьёслэн вожвылъяськонзы.<br />
Со сӥземын вал удмурт кылбурчиослэн<br />
Ашальчи Окилэн но Кузебай Гердлэн вордскемзы<br />
дырысен 120 ар тырмонлы.<br />
Конкурсэ пыриськизы ёросысь школаосысь<br />
35 дышетскисьёс. Жюрие быръемын вал «Удмурт<br />
Кенеш» огазеяськонлэн ёросысь ёзчиосыз<br />
В. Андреев, Н. Кобелева но А. Корнилова.<br />
К. Гердлэн но А. Окилэн чуръёссы сюлэме<br />
пырымон чузъяськизы. Но уката чебер<br />
лыдӟизы соосты Безменшурысь Елена Яковлева,<br />
Вуж Кармыжысь Дмитрий Бакаев но<br />
Вуж Бӧдьялась Игорь Сундуков.<br />
МОЖГА ГОРОД<br />
Парен кырӟасьёс<br />
Городысь «Дубитель» культурая<br />
юртын «Кык кизилиос»<br />
вожвылъяськон ортчиз.<br />
Сцена вылын чебер<br />
кырӟаны-вераны быгатэмез<br />
возьматонъя конкурсэ пыриськизы,<br />
Можгаысь сяна, Вотка, Кез, Якшур-<br />
Бӧдья, Юкаменск, Глазов, Каракулино,<br />
Сьӧлта, Сарапул но Алнаш ёросъёсысь дуэтъёс.<br />
14 аресозь нылпиос пӧлын вормисьёс луизы:<br />
Можга городысь Евгения Гладких но Андрей<br />
Коробкин, Сарапул ёросысь Маргарита<br />
Шестакова но Юстина Кононова, Можга<br />
ёросысь Никита Вертячих но Рамия Мухамедьярова.<br />
14 ареслэсь бадӟым кырӟасьёс пӧлын<br />
висъяськизы Якшур-Бӧдья ёросысь Оксана<br />
Дысенко но Антон Решетников, Можга городысь<br />
Вероника Романова но Олег Балобанов,<br />
Юкаменск ёросысь Татьяна Шмундяк но Валентина<br />
Бельтюкова.<br />
МОЖГА ЁРОС<br />
Волейболэн шудӥзы<br />
Ёросысь муниципал кылдытэтъёс<br />
куспазы волейболэн шудыса<br />
вожвылъяськизы.<br />
Педколледжлэн но агропромышленной<br />
колледжлэн спортзалъёсазы<br />
кылем шутэтскон нуналъёсы куаш вазиз<br />
- 10 команда люкаськылӥз. Жюри сак чаклаз<br />
шудӥсьёсты.<br />
Тодмо луиз: волейболэн уката кужмо шудо<br />
Ӟуч Пычасысь нылкышноос - 1-тӥ инты<br />
басьтӥзы. 2-тӥ но 3-тӥ интыосты куспазы люкизы<br />
Пудгалась но Пычасысь кенакъёс. Волейболэн<br />
усто шудӥсь воргоронъёс уло но ужало<br />
вылэм Пычасын. 2-тӥ луизы Пудгалась,<br />
3-тӥе потӥзы Ӟуч Пычасысь пиосмуртъёс.<br />
ПИЧИ ПУРГА<br />
Адӟытон ужалоз пырак<br />
Ёрос администрацилэн<br />
нырысетӥ этажаз радъямын<br />
Вуж Мӧньялась кибашлыослэн<br />
адӟытонзы.<br />
Ужалоз со пырак, вис карылытэк.<br />
Отчы поттэм арбериос<br />
дырын-дырын<br />
выльдӥськылозы. Та вакытэ учкыны но басьтыны<br />
луэ туж чебересь но быгатыса лэсьтэм<br />
арбериосты: горд сюйлэсь дасям «Брангуртысь<br />
песянайёс» коллекциез, сусыпулэсь<br />
скульптураосты, куэм кускерттонъёсты, лылэсь,<br />
сюръёслэсь лэсьтэм шудонъёсты но трос<br />
мукетсэ.<br />
Вуж мӧньяос мукет интыосын но<br />
адӟытонъёс-вуз каронъёс радъяны малпало.<br />
Соослэн усточи луэмзы сярысь элькунамы<br />
гинэ ӧвӧл, палэнын но тодо.<br />
САРАПУЛ<br />
Эшъяськон вуюись<br />
Городын туэ 25-тӥ ползэ<br />
ортчиз калыкъёслэн эшъяськонзылы<br />
сӥзем фестиваль.<br />
Ужрадэ пыриськисьёсты<br />
возьмазы яркытэсь калык кырӟан-эктонъёс,<br />
калык дӥсьёсты возьматон, сиён-юонъёс.<br />
- Нырысетӥ «Эшъяськон вуюись» фестивале<br />
люкаськылӥзы вал кӧня ке гинэ калык<br />
огазеяськонъёс, - вераз Сарапуллэн<br />
йырыз А. Ессен. - Нош туннэ, 20 ар ортчыса,<br />
17 выжыысь калыкъёс возьмато сямйылолъёссэс.<br />
Гала-концертэ мукет районъёсысь, городъёсысь<br />
но калык коллективъёс пыриськизы.<br />
СЮМСИ<br />
Толлы дасесь ӧвӧл<br />
Ёросын ю-нянь калтӥсь<br />
куд-ог техника шуныт гараже<br />
пыртытэк кылемын - тае<br />
шараяз нимысьтыз кылдытэм<br />
комиссия.<br />
Со ортчиз ёросысь вань<br />
хозяйствоостӥ. Тодмо луиз: ю тысь кутсась 14<br />
комбайн пӧлысь 12-ез толлы интыямын, со<br />
пӧлысь 6-ез гинэ - шуныт гараже. Пудо сиён<br />
дасясь 5 комбайн пӧлысь 3-ез липет улэ пыртэмын.<br />
Та сяна, куд-ог комбайн-тракторъёс умойумой<br />
сузямтэ, бордазы кылемын сюй но, куасьмем<br />
будосъёслэн бервылъёссы но. Питранъёссы,<br />
двигательёссы шобыртэмын<br />
ӧвӧл. Та тырмымтэосты хозяйствоос матысь<br />
дыре палэнтоно луозы.<br />
ЮКАМЕНСК<br />
Дыртэмлэсь кылдэм<br />
Ёросысь сюресъёс вылын<br />
туэ 10 толэзь куспын 35 шуккиськон<br />
учыр пусъемын.<br />
Кылем арысь та вакытэн<br />
ӵошатыса, лыдпус 3-лы уногес.<br />
Вань шуккиськон учыръёс<br />
пӧлысь 6 полаз адямиос<br />
сӧсырмыны шедизы. Ёросысь<br />
инспектор Гузалия Абашева<br />
ивортэмъя, 2 мурт бырыны шедиз, 8 мурт<br />
сӧсырмиз. Шуккиськон учыръёслэн мугзы<br />
ӵем дыръя герӟаськемын сюресъёс вылын мынон-ветлон<br />
правилоосты тӥянэн. Тросэз руль<br />
сьӧрын кудӟыса ворттыло, дырто, еэн думиськыны<br />
вунэто.