ud#30 (25743)

2019-тӥ ар 23-тӥ оштолэзь (апрель). Пуксён (вторник)
№ 30 (25743) www.udmdunne.ru
Вань удмуртъёслэн газетсы
Кылдытэмын 1915-тӥ арын 4-тӥ феврале
Дасяз Мария ЕМЕЛЬЯНОВА
МОН - УДМУРТ.
БЫДЭС УЛОНМЕ
ДАНЪЯСЬКО СОИН.
МОН УГ ВЫЛТИЯСЬКЫ,
СЯМ-ЙЫЛОЛЪЁСЫЛЭСЬ
УГ КУШТИСЬКЫ.
МОН УТЁ ВЫЖЫМЕ
БЫДЭС УЛОНМЕ.
МОН - УДМУРТ.
МОН - ПЕЙМЫТ ИНМЫН
..
..
..
ПИШТИСЬ ТОЛЭЗЬ,
МОН - КИДЫСЭЗ
.. ..
УЛЗЫТИСЬ МУЗЪЕМ,
МОН - КЕЗЬЫТЭЗ УЛЛЯСЬ
ГИЗЬЫ, МОН - КАЛЫКМЕС
..
САЙКАТИСЬ КУАРА,
МОН - УДМУРТЛЫКЕЗ
УТИСЬ БОРДДОР.
..
МОН СИЗИСЬКО
АСМЕ КАЛЫКЕЛЫ.
АЛИЛЫ НО ПЫРАКЛЫ.
«Игра престолов» сериалэз учкись удмуртлэн анткылэз*
*анткыл - клятва
«Юмок» театрлэн монологъёсыз
Этнокрезьгур
Студентлы дэмланъёс
Чебериссимо Колумбия
Максим Блинов Ижкарен тодматэ
Вестерос - Удмуртилэн мутусаз
«ШудКар»
Дмитрий Белов Австралиын машинаосты буяз
«Четкер» центр
Пор «Куат»
Ижкарысь мода

РЕДАКТОРЛЭН КЫЛЫЗ
ПРОЕКТЪЁСЫН УЖАН
2
№ 30 (25743)
2019-тӥ ар 23-тӥ оштолэзь
Мария ЕМЕЛЬЯНОВА
Толалтэ матэктэ?
Мар сярысь иворъёс
быдэс толэзь вотэсэз
тырмытӥзы? Кыӵе нуналэз
ваньзы чидатэк
витизы? Мар вылэ
пыкъяськыса, тросэз
брендъёс реклама дасязы?
Со - «Игра престолов»
сериаллэн выль
сезонэз.
Таӵеезлы паймоно ӧвӧл,
уго быдэс дуннеысь фанатъёс
выль сериосты 2 ар пала ӧз
адӟылэ ни. Али киноын фэнтези
жанр бадӟым инты басьтэ.
Калыклэн выжыкыл учкемез
потэ. Озьы «Гарри Поттер»
но «Властелин колец» киноослэсь
интызэс али «Игра
престолов» сериал басьтӥз.
Быдэс дуннеысь адямиос соин
висьыны кутскемын кадь.
Соос 7 Королевствоослэн дуннеязы
сямен сюанъёссэс но
ортчытыны, геройёслы луыса
пиналъёссэс ниманы, юртъер
котырзэс чеберъяны дасесь.
Вераськоназы но сериалысь
кылъёсты куто: «Толалтэ матэктэ»,
«Валар Моргулис»,
«Уй пеймыт но кышкыт» шуо.
Мар веранэз, Калифорниысь
университетын нимысьтыз
дисциплина но усьтӥллям:
«Игра престолов» вылэ пыкъяськыса,
Шор дауръёсты дышето.
Нырысь ик сериал
меӵак но куаӵак луэменыз
паймытӥз. Татын ваньмыз
улонын кадь: нӧд ульчаос,
куанеръёс, адями виылонъёс.
Сериал Шор дауръёсты
возьматэ ке но, туала улонлы
матын кадь мыным потэ.
Озьы ик мынэ кивалтон понна
нюръяськон, кескич, лек
луон ӟечсэ вормо. Выжыкылысь
татын драконъёс, лютоволкъёс
(бадӟым кионъёс),
Уйлэн Эксэез но солэн армиез,
толалтэлэн но гужемлэн
кыстӥськемзы гинэ. «Хеппи
энд» сярысь но татын вераны
уг луы, пумзэ ум тодӥське на
ке но, нырысетӥ сериосысьтыз
ик адӟиськомы: сценаристъёс
валтӥсь геройёсты уг жаляло.
Сериалэз сокем трос адями
малы учке, кинокритикъёс
мед эскерозы. Нош мон ас сярысьтым
верало. Быдэс дуннеен
ӵош, ачим но валатэк,
зыми Корт трон понна нюръяськонэ.
Тросэз эшъёсы «Игра
престолов» сярысь мынам верамъёсыя
гинэ тодо, весь соослы
паймисько, кызьы соослэн
дуннелы пумит луыны
кужымзы тырме.
Котьма луэ вераны, «Игра
престоловез» ушъяны но, курланы
но, озьы ке но со туала
кино поттонын но, лулчеберетын
но аслэсьтыз йыг-йыг интызэ
басьтӥз.
«ШудКар» косэ
малпаськыны
Алёна МОХОВА
5-тӥ оштолэзе Кузебай
Герд нимо гимназиын
«ШудКар» проектной
офис усьтӥськиз. Та
аспӧртэмлыко шудон
нылпиосты проектъёс
гожъяны дышетэ.
Ужрадэ сюлэсь ятыр адями
пыриськиз: пӧртэм ёросъёсысь
пиналъёс, проект лэсьтыны
дышетӥсьёс. Нунал куспын
ваньзы асьсэдыз проектной
ужын эскеризы. Мон
малпасько, шудон удалтӥз. 6
проект кисьмаз. Ваньзы соос
пӧртэмесь, котькудӥз ас сяменыз
паймымон но тунсыко.
Кылсярысь, пиналъёс малпазы
фин киноосты но мультфильмъёсты
удмурт кылэ
берыктыны. Озьы ик удмурт
театрлэн азинскемез сярысь
сюлмаськизы, дэмлазы удмурт
произведениосты ӟуч
кылын сцена вылын возьматъяны.
Озьы, пе, удмурт
литература ӟучъёслы но валамонгес
луоз.
Проект гожтыны туж мыло-кыдо
нодъясьёс юрттӥзы:
Ижкарысь Эшъяськон юртысь
методист Богдан Анфиногенов,
«Шунды» огазеяськонлэн
тӧроез Алина Чернова,
Татарстанысь егит удмуртъёслэн
азьветлӥсьсы
Марина Иванова, Кузебай
Герд нимо гимназиысь
дышетӥсьёс Татьяна Швецова
но Марина Сергеева,
«Куара» огинлэн ёзчиез Наталья
Шулакова. Ваньзы
соос гажало но азинто асьсэлэсь
кылзэс. Нош пӧртэм
ШАЕРТОДОН
Туспуктӥз Анатолий ТРОНИН
Шудо лыдпус
ӵектонъёс но дунъетъёс
сётъяз йӧскалык политикая
министр Лариса Буранова.
«ШудКар» офислэн нырысетӥ
сессиез удмурт
кылъя но литературая олимпиадаын
вормисьёсты данъянэн
герӟамын вал. Ваньзы
соос грамотаос но синпель кузьымъёс
басьтӥзы.
- Ужрад мыным туж кельшиз,
- вера Алнаш ёросысь
Писэй школаысь 9-тӥ классын
дышетскись Виктория
Лана БОБРОВА
Алнаш ёросын аспӧртэмлыко инкуазь. Татын трос
шуръёс бызё, ошмесъёс пӧзё. Милям ӝужыт вырйылъёсмы,
сьӧд тэльёсмы, паськыт но кыдёке
кошкись лудъёсмы вань.
Таӵе инкуазь Алнаш ёросысь Удмурт Гондыргурт котырын
но. 7 ошмесъёс 7 пичи шурмес вордо, 7 гурезьёс но 7 нюлэсъёс
7 ураммес утё. Гуртысь калыкмы понна 7 - шуд вайись
пус.
Школаысьтымы дышетӥсь Юрий Бобров трос аръёс ӵоже
ини пиналъёсты вордскем палъёсынымы тодматэ. 2013-тӥ
арысен школаямы пӧртэм лагерной сменаос ортчыло, отчы
ёросысьтымы пиналъёс: юнармеецъёс, волонтёръёс пыриськыло.
Котькудӥз шумпотыса тодаз вае гуртамы ортчытэм
дырзэ.
Пиналъёс ӵем юало, вуоно арын татчы вуылыны быгатомы
на-а, лагерь ортчытоды на-а шуыса, вера Юрий Бобров.
- Йырам трос малпанъёс бергало, тыршисько гуртмылэн
улоназ мае ке выльзэ пыртыны, - шуэ дышетӥсь.
Малпанъёс быдэсмо. Табере Удмурт Гондыргуртлэн вань
аслаз «Четкер» туристической центрез. Отчы 6 маршрутъёс
пыро. Туннэ нуналлы центрлэн магнитикъёсыз, туристъёслы
буклетъёсыз вань ини. Центрлэн ужаз школаын дышетскисьёс
но пырисько.
Нош малы «Четкер»? - юалоды тӥ. Гуртамы вань туж
ӝужыт Четкер гурезь. Со пӧрме 3 гурезьёслэсь. Толалтэ татчы
снегоходэн, куасэн нискыланы трос калык вуылэ.
Чекина. - Мон малпасько,
проектирование туж бадӟым
инты басьтэ туала улонын.
Угось проектэз быдэстыкуд,
дышетскиськод командаен
но ужаны, аслэсьтыд малпанъёстэ
но шараяны. Ми
малпамы егит суредаськисьёслы,
кылбурчиослы но
кырӟасьёслы тодмо луыны
юрттӥсь проект. Туж тунсыко
вал кылзыны мукет командаослэсь
малпам ужъёссэс.
Проект одӥг нунал куспын
КРЕЗЬГУР
Этно но эко
Б. Анфиногенов юрттэ пиналъёслы
малпанъёссэс ӟеч радъяны.
гинэ уг лэсьтӥськы, со понна
кулэ трос тыршыны. Мон
малпасько, милям малпанмы
азьланяз улонэ пыӵалоз но
калыклы тунсыко потоз.
«ШудКар» проектной
офислэн 2-тӥ сессиез куартолэзе
радъяськоз.
Анна ЧЕРНОВА
Крезьгур адямилэн улоназ бадӟым инты басьтэ.
Кин ке шутэтске, классика кылзӥськыса, кин ке
дарт басьтэ секыт роклэсь, нош кин ке улэп калык
крезьгурез яратэ.
«ЭтноЭко» ӝыт инкуазь утёнлы сӥземын вал. Ужрадлэн
кутсконаз концертэз одӥгез радъясь Вероника Фёдорова вераз,
ӝыт куспын котькуд учкись туж трос крезь куара кылоз
шуыса. Со, пе, академической но, традиционной но луоз.
Лӧптӥ, тунсыко луоз, иське.
Концертэз «Азвесям» трио усьтӥз. Вероника Фёдорова,
Ирина Пчеловодова но Ольга Перевозчикова быдэсак фольклор
вылэ пыкъясько. Куинез ик нылкышноос туж быгатыса
крезен шудо. Быдэс ӝыт куспын трос гинэ кылӥмы на Ольга
Перевозчиковалэсь кырӟанъёссэ но дымбыртонэн (барабанэн)
шудэмзэ. Ирина Пчеловодовалэсь - гумыен.
Туж тунсыко вал кылзӥськыны Елена Каракуловалэсь
«Танец ветра» кырӟанъя крезен шудэмзэ.
Вератэк кельтыны уз луы 57-тӥ школаысь «Шунды» ансамбльысь
шунды кадь ик мусо нылъёсты. Озьы ик Воткинскысь
крезьчиослэсь ансамбльзэс. УдГУ-ысь «Чипчирган» ансамбль
но ассэ возьматӥз.
Мур пытьы сюлэмам кельтӥзы Ирина Кадочниковалэн
кылбуръёсыз. Аида Фаттаховалэн крезен ненег шудэмезъя
Ирина дыртытэк гинэ кылбуръёссэ лыдӟиз. Учкись, ачиз но
валатэк, крезь шудэмъя, ныллэн мусо куараез чузъяськемъя
аслаз дуннеяз выйиз кадь.

№ 30 (25743)
2019-тӥ ар 23-тӥ оштолэзь 3
КУЛЬТПРОСВЕТ
Историез дышетоно... пыдын
Шаерчи Максим Блинов Ижкаретӥ экскурсиос ортчытъя
Анастасия ШУМИЛОВА
Ижкарын 3-тӥ арзэ
ужа культурая но историяя
«Антей» клуб.
Сое кылдытӥз егит
экскурсовод, историк
Максим Блинов.
- Максим, тон Ижкарын
экскурсиос ортчытъяськод.
Нош ку ачид Удмуртилэн
шоркареныз тунсыкъяськыны
кутскид?
- Мон вордски Можга ёросысь
Уча черкогуртын, будӥ
Можгалан. Бӧрысь семьямы
Ижкаре интыяськиз. УдГУысь
историяя факультетын
дышетски.
Одӥг пол Литвалэн шоркараз,
Вильнюсэ, конференцие
вуылӥ. Туж пайми, макем
ӟеч соос тодо карзылэсь но
кунзылэсь историзэс: университетысь
тодосчиос но, студентъёс
но, азбар ӵужисьёс
но, руль бергатӥсьёс но. Соос
карзэс ярато, историзэс гажало,
соин Вильнюсэ сомында
туристъёс вуыло. Мон малпай:
малы Ижын озьы ӧвӧл?
Вильнюсэ вуылэме бере
Ижын нырысетӥ экскурсия
ортчытӥ. Нырысь-валысь
велосипедъёсын ветлӥм,
бӧрысь пыдын поръяны кутским,
али город сьӧры походъёсы
но потаськом. Огазеяськонмес
«Антей» клуб нимам.
Антей - вашкала грек
мифологиысь батыр, Геялэн,
Музъем-анайлэн, пиез. Соин
Геракл нюръяськиз. Со Антеез
вормыны быгатӥз, куке сое
ки вылаз ӝутӥз. Геракл Антеез,
выжыосызлэсь, музъемлэсь
люкыса, лябӟытӥз. Адямиосын
но озьы ик - асьмеос
выжыосмылэсь палэнскиськом
ке, историмес, калыкмылэсь
ортчем сюрессэ ум ке
тодӥське - лябӟиськом, соку
асьмемыз вормыны капчи.
Ӵапак соин «Антейлэн» ужпумез
- ижкаръёсты историенызы,
культураенызы тодматыны.
Экскурсие котькуд арнянуналэ
потаськом.
Ачим мон Можгалан будӥ
бере, отын но экскурсиос толэзьлы
огпол радъяллясько.
Воткае, Брангуртэ, Шарканэ
«Открывая Удмуртию»
экскурсионной центрен ӵош
ветлӥськом на.
- Шаермы сярысь тодон-валандэ
кызьы
узырмытӥськод?
- Мон архивъёсысь, музейёсысь
документъёсын ужасько.
Историкъёслэсь ужъёссэс
лыдӟисько. Со сяна, Ижын
улӥсь калык трос тодэ - адямиосын
вераськоно гинэ.
Кылсярысь, огпол экскурсия
дыръя пумитамы песянаез,
со Ижысь мотозаводлэн музеяз
куке но ужам. Михаил
Калашниковез но, Дмитрий
Устиновез но тодэ вылэм.
Туспуктӥз Андрей ПЕРЕВОЗЧИКОВ
Экскурсиосы школьникъёс,
студентъёс, егитъёс но ветло,
но арлыдоос котьку тросгес
луо. Кыӵе ке интые вуиськом
но, мон соослэсь юасько:
нош тӥ мар та инты сярысь
тодӥськоды? Тодэ ваёнъёс,
фактъёсын сураськыса, историез
улӟыто.
Алигес мон Удмуртиысь
Йӧскалык музее ужаны
интыяськи, Внемузейной
экскурсиосъя отделэзлэн
кивалтӥсез луисько. Озьы
хоббие ужлы пӧрмиз, шуыны
луоз. Табере ми «пуась»
выставкаос радъяллялом,
школаостӥ, предприятиостӥ
ветлыса, презентациос ортчытъялом.
- Тросэз ӝожтӥсько, Иж
пурысь, мӧзмыт кар шуыса.
Мар соослы шуысалыд?
- Пурысь интыостэм каръёс
ӧвӧл. Мукет ласянь, «шонер
очки» поныса, Ижысь
трос чеберзэ адӟыны луэ. Татын
яркытэсь, архитектуразыя
адӟымонэсь юртъёс вань.
Можгалась Ижкаре выжеммы
бере мон тырши та карен
умой-умой тодматскыны.
Монэ туж паймытӥз Ижысь
ульчаослэн радъяськемзы:
карлэн вуж люкетэз линейкая
пуктэмын кадь, ульчаос
паськытэсь но кузесь.
Тросэз ижкаръёс Санкт-
Петербурглы синмасько, та
городъёслэн планировказы
огвыллем. 19-тӥ дауре
Ижын ужаз архитектор Семён
Дудин - со Арсеналэз,
Пыӵал тӥрлык поттон заводлэсь
валтӥсь корпуссэ, Троицкой
черкез но мукет адӟымон
юртъёсты пуктӥз. Тодон-валанзэ
С. Дудин люказ ӵапак
Санкт-Петербургын. Революция
бере татын Ленинградысь
архитекторъёс ужазы,
соос но Ижлы Питер шӧм
пыртӥзы.
Ижын «ӟуч стиль» но вань
- Иван Чарушин архитекторлэн
проектэзъя пуктэм Дунчылкыт
Михаиллэн соборез.
Но «ӟуч стилез» ке басьтоно,
со золгес Сарапулын
шӧдӥське.
Карлэн тусыз озьы ик
герӟаськемын музъемен.
Тани Ижын вырйылъёс трос.
Соин йырин Пушкинской
урам туж аспӧртэмлыко -
дуннеын та выллем архитектурной
ансамбльёс уз сюре,
дыр: Сталин вакытысь чебересь
юртъёс уллане кошкись
ульча кузя интыяськемын.
Пыӵал тӥрлык поттон заводлэн
валтӥсь корпусэз но
тунсыко: классической стилен
пуктэм трос ярусъем промышленной
юрт Ижкарлы
туж тупа. Жаляса верано, кылем
арын шпилез ӝуаса усиз.
С. Дудин зэмос гений вал - со
юртъёссэ пуктӥз, ландшафтлэсь
вань аспӧртэмлыкъёссэ
лыдэ басьтыса. Кылсярысь,
Советской урамтӥ - азьло со
Троицкой нимаське вал - вамышъяку,
валтӥсь корпус
пала учконо ке, башняез туж
чебер адӟиське. Нош Арсеналэз
С. Дудин вуж Ижкарлэн
тужгес вылӥ интыяз пуктӥз.
Татын умой, ву уг пукы.
Вань на мукет тунсыко
интыос. Кылсярысь, Заречной
шоссе сьӧрысь Осинов
мыс палась вуж пристань. Со
сярысь тросэз уг тодо. Отысь
сюрес прудэ кошке, историкъёслэн
верамзыя, азьло отӥ
заводъёсысь шлакез поттазы.
Туж тунсыко инты, отчы
южтолэзьысен оштолэзёзь
гинэ вуылыны луэ.
- Мон Ульяновсклы пайми
вал - отын трос юртъёс
борды тодэ ваён пулъёс
ошылэмын, шӧдске: татын
историзэс утё. Асьмелэн
со ласянь кыӵе югдур?
М. Блинов Осинов мыс сярысь
вера.
- Асьмелэн табличкаосмы
вань, но тырмыт ӧвӧл. Тодонвалан
сётӥсь стендъёс, тодэ
ваён пулъёс тросгес луысалзы
ке, уногес адямиос Ижкарез
умойгес тодысалзы. Соос
ӧвӧлэн но вуж юртъёсты али
быдто. Соосты кун уг утьы.
Туж жаль, Бородинлэн ульчаысьтыз
инженерно-технической
ужасьёслэсь (ИТР)
коркаоссэс алигес быдтӥзы.
Та чебересь 2 этажъем коркаос
М. Калашниковлэн музеез
палан сыло вал. Кыӵе умой
луысал та интыез музейной
кварталлы пӧрмытыны. Но
со сярысь нокин ӧз сюлмаськы,
ӧз утьы та юртъёсты. В.
Короленко нимо театрлэсь
юртсэ но быдтозы: выльдыны,
пе, трос уксё кошкоз. Но
со архитектуралэн памятникез
ук.
Жаль, QR кодъёс уг ужало
- соосын телефон пыр информациез
учкыны луэ вал азьло.
Малы ке но ужамысь соос
дугдӥзы. Алигес Андрей Дерябинлэн
памятникез доры
вуылӥ но адӟи: QR кодэн табличка
муз вылын костаське.
Нош А. Дерябинлэн бюстэз
- Ижкарысь одӥгез вашкалаез
скульптура, солы 100
арлэсь трос ини - возьматэ,
гажаськомы-а асьмеос городмес.
Дыр ортчемъя улон
воштӥське, асьмеос индустриальной
вакытысь потребительское
выжим. Соин
трос вуз карон интыос кылдо.
Шуом, «Эльгрин» центр
- мотозаводлэн юртэз, азьло
отын «Иж», «Сириус» магнитофонъёс
потто вал. Нош
«Аксион» центрын куке но
мотозаводлэн столовоез
интыяськылӥз.
Выль юрт пуктыку, чаклано,
мар азьвыл та интыын
вал. Тани Советской урамын
одӥг вуз карон инты храмлэн
интыяз пуктэмын. Ышем
храмлэн алтарь интыяз али
кофе вузало. «Океан» магазин
интыын но азьло Введенской
черк сылэ вал. Нош православной
традициез басьтоно
ке, черк куашкам бере но солэн
интыяз святой дух улэ.
Мынам Нижний Новгородэ
вуылэме вань. Карлэн шораз
куке но черк вылэм, совето
вакытэ сое куашкатӥллям.
Со интые пиялалэсь табличка
лэсьтӥллям, со возьматэ,
кыӵе тусыз вал черклэн.
Адӟиське: карын улӥсьёс
историзэс гажало. Асьмелы
соослэсь дышетсконо вылэм.
Мыным туж кельше Елабуга.
Со пичи ке но, татчы
трос туристъёс вуыло, угось
елабугаос быгато карзэс
азинтыны, историзэс утьыны.
Ижкар но туристъёслы
тунсыко луыны быгатысал.
Со понна асьмелы кармылэсь
историзэ но ог-огмес гажаны
дышетсконо. Тодмотэм
интыостӥ ӵемгес поръяно,
музейёсы ветлоно. Мон куке
но лыдъяй вал - школаосысь,
предприятиосысь адӟытон
сэрегъёсты лыдэ басьтыса,
Ижын оглом 80 музей.
- Нош маке удмуртэз
Ижын вань-а?
- «Удмурт» шуиськом ке,
йыре лыкто Йӧскалык музей,
Эшъяськон юрт но мукет
та выллем интыос. Но
зэмос удмуртэз, мон малпамъя,
Восточной посёлокын
кылемын. Отын куке
но Русская Карлудка гурт
вал, но отын удмуртъёс тросгес
улӥзы. Шурлэн нимыз
но удмурт кылъёслэсь (кар
но луд) пӧрмемын. Лапег пу
юртъёс, пужыё наличникъёс
гурт тус кылдыто, Ижкарез
аспӧртэмлыко каро. Соос медаз
ышысалзы.
Ижкарын оглом туж трос
удмурт нимъёс, тани Иж
шурлэн нимыз но удмурт,
шуо. Та музъем вылын удмуртъёс
но соослэн вашкала
ӵыжы-выжыоссы улӥзы.
Татын улэм калык Рим империен
но кусыпъёс возем.
Культуразы но туж тунсыко
вылэм. Соин шуыны
быгатӥськом: та интыын удмурт
выжыос юнэсь.
Озьы ке но революцилэсь
азьвыл Ижкарын удмуртъёс
ӧжыт вал. Заводэ дышем
сямъя ӟучъёсты ужаны
кутылӥзы, соин татчы вуэм
удмуртъёс асьсэзыз ӟучъёс
шуыса гожъязы. Тросэз озьы
ӟучомизы. Революция бӧрсьы
асшӧдонзы воштӥськиз ик.
Мон малпасько, али Ижкарез
национальной кар шуыны
уз луы, угось татын трос
культураос пӧлэстӥськемын.
Со ласянь Ижмы Вильнюслы
туж тупа.

ТЕАТР
4
№ 30 (25743)
2019-тӥ ар 23-тӥ оштолэзь
Шудӥсько - мыным чабо
Виолетта АНИСИМОВА
16-тӥ оштолэзе Удмурт
кун университетын
премьера ортчиз.
Егитъёслэн «Ватка»
театральной студизы
кема дасям «Дон Жуан»
спектакльзэ удмурт кылын
возьматӥз. Пьесаез
берыктӥз но пуктӥз
режиссёр Василий Ушаков.
Мон 3 ар ӵоже студие
ветлӥсько ни. Пьеса азьло
аръёсынлэсь пӧртэмгес,
малы ке шуоно бадӟым, дасяськонэз
трос. Ми, огшоры
студентъёс, сцена вылын
шудыны дышетскемын
ӧвӧл. Озьы ке но студиын
артист луон сярысь
льӧль малпанмылы матын
луиськомы.
Тани премьера нунал
вуиз! Кышкыт, сюлэм йыгаське,
йыр пушкын кин ке
лушкем сипыртэ: «Кылъёсты
гинэ вунэтоно ӧвӧл».
Премьераез эшъёсмы
но дышетӥсьёсмы учкыны
лыктӥзы, ми понна сюлмаськемзэс
ас вылам шӧдӥ.
Лыктэменызы гинэ но соос
сыӵе яратон сётӥзы! Сцена
вылэ потыса, ми но вань
яратэммес возьматыны
тыршимы, котькуд учкись
«Вау!» мед шуоз.
Туспуктӥз Софья ХОХРЯКОВА
Сцена вылэ потӥськод,
10 секунд ортче но,
шӧдӥськод - тон актёр.
Тон вань быгатонлыкъёстэ,
вань кужымдэ огазеяса,
та секундысен героедлэн
улонэныз улыны кутскиськод.
«Ватка» студиысь актёръёс но
режиссёр В. Ушаков.
Мон Клавдия Васильевнаез
шудӥ. Егит дыръяз
со актриса вал, нош али со
вунэтэмын. Табере со Дон
Жуанлэн юртъер котыраз
утялске, Дон Жуан солы
пиез кадь потэ. Рольме дасякум,
туж бадӟым шугсекытъёсын
ӧй пумиськылы,
малы ке шуоно та роль
мыным матын луиз, мон
шӧдӥ, ми героиняен огогмылы
кельшиськомы шуыса.
Аслам сямъёсы вылэ
пыкъяськыса ик, Клавдия
Васильевнаез учкисьлы
усьтыны тырши.
Шудӥсько, монэ серекъяло,
мыным чабо, мылкыд
эшшо но бурдъяське.
Кыӵе шумпотымон вылэм
адӟыны, куке тынад учкисед
пальпотыса, капчи
мылкыдын кошке. Валаськод
- тон ӟечок.
Ми, актёръёс, лэсьтӥмы
данъяськымон уж. Сое луэ
учкыны, со сярысь луэ вераськыны.
«Ватка» студилэн
историяз та эшшо одӥг
тунсыко вамыш. Со понна
Василий Серафимовичлы
бадӟым тау верано. Со котьку
ми понна анай но, атай
но.
МОНОЛОГЪЁС
Таксист. Ошак. Ӧйтӧд. А-а-а!
Ижысь «Юмок» театрысь егитъёслэн зулёнъёссы
Дмитрий Чернов
Уг яратӥськы вераськись
таксистъёсты. Ваньзылэн
одӥг веранзы: соос бизнесменъёс,
нош таксовать
каро сюлэмзы куремъя.
Ӵукна мон таксиен ужаны
мынӥсько. Йыр висе,
ымысь тыл потэ. Мон азьпалаз
пукысал ке, машиналэн
панелез шунаны
кутскысал, дыр, яке таксистлэн
вераськеменыз сэрен
йыры пуштысал. Таксистлэн
мылкыдыз умой,
шула, мар ке но вера.
«Яратӥсько ужме, нокин
уг косъяськы, ачим аслым
кузё». Мон солы пумит вазисько:
«Татын бур пала
кож».
Зэмзэ ке, мон вань адямиосты
яратӥсько.
Дарья Никитина
Улонам одӥг пол гинэ улэме
вал Горд Ошакен одӥг
юрт котырын (коркан ӧвӧл,
заметьте). Бадӟым букваысен,
малы ке шуоно семья
пушкамы солэн сыӵе официальной
нимыз вал. Одӥг
шулдыр нуналэ эшеным кенос
берын, курег лопыръяськем
бервылын, деликатес
пирожкиос пыжиськом
вал. Ми вискын потӥз та
выллем вераськон. «А пукты
син азяд, Горд Ошакты
али лэзиськоз но татчы потоз!
Кытчы пегӟомы?» - юа
эше. Мон шуисько: «Бызёмы
ӧс доры, пыромы но ворсаськомы».
Со вадес луиз син
азе пуктонтэм арбери, малы
ке шуоно со ошак чынзэ но
лэзиськем но табере, «тыгдыг,
тыг-дыг» шуыса, гурезь
бамалтӥ ми пала ваське. Эше
пегӟиз ӧс пала, нош мон - сеткалэсь
кенер доры, куалектэменым
сэрен кенер борды лякиськи
но номыр карыны уг
ни быгатӥськы. Эше дыртӥз
мыным юрттыны: бызьыса
лыктӥз, китӥм кутӥз но
ӧс доры кыскыса нуиз. Та
кузь веранлэн моралез таӵе:
вӧзады юрттыны быгатӥсь
эшъёс котьку уз луэ, соин ик,
сетка борды лякиськиды ке,
люкиське кыклы но луэ асьтэлы
эш, быгатэ юрттыны
асьтэлы асьтэос.
Софья Чузова
Мон огшоры нылаш,
вордски Шаркан палъёсын.
Отын, верало, вылтӥяськись
но дерзкой нылашкаос уло.
Мон но пӧртэм ӧвӧл. Бен, таӵе
сям урод ик ӧвӧл туала вакытэ...
«Астэ быдэсак та дуннелы
сётыны уг яра, дышетскы
адямиослэсь пытсаськыны,
ато тынэсьтыд озьы номыр
но уз кыльы», - озьы ӵемысь
вералляло матысь адямиосы.
Уггес валаськы, малы, оло,
соос малпало мон укыр шара,
оскись адями? Ӧйтӧд... ӧйтӧд,
туж ӵем ӦЙТӦД.
«Тон туж воштӥськид», -
озьы алигес вераз вуж тодмое.
Валэктӥз, калыкъя тупатскись
луи шуыса... Ыштӥд,
пе, пушкысьтыд пиштӥсь
тылдэ. Азьло весь монэ капчи
мылкыдо, ӟечезлы оскись
шуо вал, нош али? Ӧйтӧд!
Ӝожтӥськись, оло, луи? Оло,
мон будӥ? Оло со оптимизме,
вань дуннеез яратонэ вал огшоры
пинал вакыт? ӦВӦЛ!
Мон ыштӥ асме... Ми ваньмы
асьмеды ыштӥськом, но весь
талы дышиськом. Тылмес
корт киямы кысӥськом.
Дмитрий Волков
Йоп, мон purodima (юри
пичи англи букваосын
гожтӥське). Конечно, кутски
веранме, Ян Топлеслэсь
приветствизэ басьтыса,
но со лушкаськон ӧвӧл,
со отсылка. Ми «пост» вакытэ
улӥськомы ук, нош
«пост» дыр чӧлскетъёс вылын
возиське. Такс, окей,
али ачим сярысь. Мон туж
уг яратӥськы бадӟым букваосты,
соос кыӵе ке но «не
то». Соос ваньзылы ярало,
луэ малпаны, соос кыӵе ке
туж бадӟым уж лэсьто. Мыным
аслым кельшо «ь» но «ъ»
пусъёс, ма, соос бадӟым ноку
но уг луыло.
Эшшо мон туж яратӥсько
ныръёсты, со мынам сыӵе
фетише, шуом. Ныръёс
олокыӵеесь но луо. Нош
адӟисько ке мон кыӵе ке
аспӧртэмлыко нырез, со
просто «А-а-а!». Малпаське,
ныр быгатэ луыны лёго,
ӝутӥськем, йылсо - олокыӵе
но. А-а-а!

№ 30 (25743)
2019-тӥ ар 23-тӥ оштолэзь 5
КИНОЕН ШУДОН
Кытын Винтерфел?
«Игра престолов» сериалын Вестерос кунлэн улонэз
шараяське. Кунзы кӧня ке королевствоослэсь,
улосвылъёслэсь кылдэ. Тунсыко, нош сериалэз
кылдытӥсьёс, Удмуртилэн картаез вылэ пыкъяськыса,
соосты интыясалзы ке, мар пӧрмысал?
Глазов - Винтерфел. Удмуртиысь уйпал
ёросъёсты Вестеросысь Уйпал королевствое
огазеяны луысал. Шоркарез, валамон, - Глазов,
уго со огвакытэ элькунлэн шорсюлмыз
вал ини.
Сьӧлта - Речные земли. Лордъёслэн
кунпусазы чорыг суредамын. Паймонэз
ӧвӧл, шуръёсазы лачак чорыг, пе. Нош
Сьӧлта ёростӥ Калмез шур бызе, котыраз
нюр интыос, пичи тыос. Чорыгзы но
трос, дыр.
Кез ёрос - Орлиное Гнездо. Кез ёрос сикъёсын
узыр, татысь Лучёнки гуртын - Удмуртилэн
тужгес но ӝужыт вырйылэз. Кызьы
ми тодӥськомы, Вестеросын Орлиное Гнездо
озьы ик ӝужыт азьын интыяськемын, сикъёсын
котыртэмын.
Дэбес но Эгра ёросъёс - Стена. Малы?
Татӥ ортчиз Сибирь тракт, сое путешественникъёслэн,
тодосчиослэн но каторжникъёслэн
сюрессы шуо. Нош сериалысь Стенае катэз
тӥям муртъёсты ӵемысь келялляло.
Шаркан ёрос - Уй Эксэйлэн кузёяськон
интыез. Шарканын улэ кезьыт куазен
кивалтӥсь Тол бабай. Уй Эксэй лек, нош асьме
бабаймы ӟеч ужъёс гинэ лэсьтэ.
Ува - Хайгарден. Татын Вестеросысь
Тиреллъёслэн узыр семьязы улэ. Пумозяз
валантэм, кызьы соос сокем узырмизы,
нош асьмелэн Ува ёросмы тазалыкез
юнматӥсь вуэныз узыр.
Ижкар - Королевская Гавань. Уйпалэн
ӵошатыса, татын шунытгес. Татысь
кивалтӥсьёс Корт трон вылын пуко. Тросэз
татчы азинскон понна кыстӥсько.
Кизнер - Цитадель. Цитадельын вуоно
мейстеръёсты (эмчиосты, визь люкъёсты)
дасяло. Нош асьме Кизнермы эмъясь вуэныз
но сюеныз тодмо. Соосын эмъян понна
трос тодон-валан кулэ.
Камбарка - Утёс Кастерли. Сериалын
татын узыр Ланнистеръёс уло.
Нош кызьы соос узырмизы? Татын
тужгес но бадӟымез порт интыяське.
Асьмелэн но Камбаркаын портмы вань,
токма Кам дурын уг сылы ук.
Тӧдьы ходокъёс - Удмуртиын
Грак - Дорн. Грак элькунмылэн
лымшор палаз интыяськемын.
Грак палан,
Дорнын кадь ик, пӧртэм
калыкъёс уло: удмуртъёс,
ӟучъёс, бигеръёс, поръёс.
Сарапул - Пайк. Пайк -
шормуӵ. Сое ву котыртэ, флотэз
Вестеросын тужгес но юнэз. Сарапул
Кам дурын сылэ, иське,
шур солы кужымзэ кузьма.
Можга - Драконий Камень.
Асьме музъеммы вылын адямиос
6-7 сюрс ар талэсь азьло
улӥллям ини. Ӵапак Можга
ёросысь нырысетӥ адямиослэсь
пытьыоссэс, излэсь лэсьтэм
тӥрлык, шедьтӥллям. Кин тодэ,
оло, драконъёсын сутэм изъёс
но музъем улын ватӥськемын.
Суредаз Марина СТЕПАНОВА

GLOBAL SKILLS
6
№ 30 (25743)
2019-тӥ ар 23-тӥ оштолэзь
ДЫШЕТСКОН
Буяськон Австралиозь
вуттӥз
Алина КРЕСТЬЯНИНОВА
Грак ёросысь Вуж
Эгра гуртысь Дмитрий
Белов Австралиын
ортчем Global Skills
Challenge вожвылъяськонысь
3-тӥ интыен
бертӥз. Со ужрадын
быдэс дуннеысь егитъёс
быгатонлыкъёссэс
возьматӥзы. Дима,
Россилэн огъя командаяз
сюрыса, машина
буяны быгатэмзэ
возьматӥз.
- Дима, кызьы ортче
машинаез буянъя ӵошатскон?
- Ӵошатскон 4 нунал
кыстӥське. Кыӵе ке деталь
сёто ке, нырысь сое «кот
вылтӥ кот» амалэн буяны 2
час висъяське, собере со деталез
тупатыны - эшшо 2
час. Со сяна, быдэс ӧсэз но
тупатӥськомы, буяськомы.
Буёл бырйыны но трос дыр
кошке, тупасьсэ шедьтоно
уго. Машинаез буян азьын
дасяськеммес но эскеро. Кортэз
буям сяна, пластикез но
буямы. Берпуметӥ этапаз сётэм
чертёжъя ӧс вылэ графической
амалъя суредаськимы.
Ӵошатсконын милесьтым
котькуд вамышмес
дунъязы, соин пумозяз валаны
уг луы, кинлы кӧня балл
пуктӥзы.
- Кызьы тон машина
буяны кутскид?
- Ми дадаеным (агаеным)
пичи дырысенымы техникаен
тунсыкъяськиськомы,
дадае машинаослэсь но мотоциклъёслэсь
пушсэс ӟеч
вала, мон вылыз понна кыл
кутӥсько. Быдэс гужем мотоциклъёсмы
котырын бергаськомы
вал бере, кытӥзэ
но отӥзэ буяно но луэ вал. Огпол
асьмеос быдэс мотоцикл
бичамы, сое яркыт буяй. Та
удысэн, Елабугаысь политехнической
колледжын дышетскыкум,
тодматски. Отын
2008-тӥ арын машина буян
оборудование басьтэмын вылэм,
мынэсьтым азьло 2 пияшъёс
гинэ выриллям соин.
2-тӥ курсын дышетскыкум,
дышетӥсьёс мынэсьтым
тунсыкъяськемме шӧдӥзы,
Татарстанын ортчись ӵошатсконъёсы
дасяллязы.
- Австралие ветлэмедлэсь
азьло
кыӵе ӵошатсконъёсы
пыриськылӥд?
- 2016-тӥ арын нырысьсэ
Казане ветлӥ, соку 4-тӥ
инты басьтӥ вал. Ар ортчыса,
1-тӥ луыны быгатӥ. Соку ик
монэ российской ӵошатсконэ
Краснодаре келязы, отын
2-тӥ инты басьтӥ. Со дырысен
Россилэн огъя командаяз
«World Skills Russia» огинлэн «ВКонтакте» бамысьтыз
сюри, дунне ӵошатсконъёслы
дасяськыса, Москваын, Екатеринбургын,
Ульяновскын,
Казаньын тренировкаос
ортчытъямы. Машинаосыз
буянэн сяна, ми отын
буёл поттон заводъёсын,
выль ужан оборудованиен
тодматскылӥмы, пӧртэм мастер-классъёсы
вуылӥмы.
Англи кылэз тодонлы но
трос саклык висъяськиз. Вотэс
пыр кылэз дышетон понна
быдэс арлы чаклам программае
пыриськи, луэ вал
нимысьтыз дышетӥсен вераськыны
яке групповой занятиосты
бырйыны. Гужем
гуртын скал возьман вакытэ
но дышетыны тырши ке но,
Австралиын ӵошатсконын
мурт кылэз валаны секыт
вал, угось технической лексикаез
уггес тодӥськы. Телефонысь
переводчике учкылыны
трос дыр быдтоно луиз.
- Елабугаын дышетскондэ
йылпумъяд-а ини?
- О-о, кылем арын диплом
басьтӥ, армие кошкыны кулэ
вал. Но туэ дунне ӵошатсконэ
мед ветлом шуыса, одӥг
арлы бере кельтӥзы. Гуртысь
эшъёсы бертыса вуозы ни, но
мон уг жаляськы, ӝегатски
шуыса, шумпотӥсько Австралие
вуылэмелы. Адӟи
Мельбурн карез, отын арня
ортчытӥ. Нырысь изем потыса
ветлӥ, дыр уго 6 часлы
азьлань кошке. Собере 4 нунал
ӵоже ӵошатскон ортчиз.
Мае адӟыса вуттӥ, ваньмыз
мыным кельшиз, туж чебер
туала кар, сиён-юонъёс гинэ
дуногес шуыса шӧдӥськиз.
Али Австралиын сӥзьыл,
океанысь ву сӥямын ни ке но,
пыласькыны дӥсьтӥ. Сокеме
вуыса, кызьы вуэ пыратэк
бертод? Огез пристань доры
ӝытъёсы пингвинъёс вуо, пе.
Мон отчы ӵукна гинэ мыныны
быгатӥ, пингвинъёс ӧй
вал ни. Но мылкыды ӧз усьы,
планетамылэн мукет палаз
куке но одно ик выльысь вуи
ке, адӟо ай. Мыным кельше
выль интыосы вуылыны.
Грак ёросысь Вуж Эграысь
Д. Белов машинаосты быгатыса
буя.
- Анай-атаед но шумпото,
дыр, тынад вормонъёсыдлы?
- Шумпото, нош сюрес
вылэ потӥсько ке, сюлмасько.
Валля арын Краснодарын
ӵошатсконын туж жади, ужрадысь
автобусэн гостиницае
нуыкузы, умме усиськем.
Сайкасько но, автобусэ стоянкаын
сылэ, пеймыт ни. Автобуслэн
укноетӥз потэменым
охранникез курдатӥ, со ик вераз
мыным, автобус Адыгеяе
вуэмын шуыса. Такси кутыса,
берен Краснодаре шонтоно
луиз.
Туэ Австралие лобӟыкум,
ӵыжы-выжыосме нош ик
сюлмаськытӥ. Ӵукна Бегишево
аэропортысь лобӟыса,
нуназе Москваын Абу-Дабие
вуттӥсь самолётэ пуксьыны
кулэ вал ини. Нош ӵапак со
нуналэ бус лэзиськиз, самолётъёс
6 часлы ӝегазы. Эшъёсы
Абу-Дабие вырӟизы ини,
нош мон - Москвае гинэ. Билетъёсме
воштӥзы ке но, сокем
кыдёкысь шаере огнам
лобӟоно луи. Анае уйзэ
изьымтэ, лэся, мон кытчы
ке нош кылё шуыса. Ачим
мон соослы туспуктэмъёс вотэс
пыр келяны тыршисько
- медаз сюлмаське. Семьяе
мыным котьку юрттэ,
ноку верамзы ӧвӧл, кулэтэм
ужен вырисько шуыса, соос
адӟо уго, мыным краскаен
вырыны тунсыко потэ шуыса.
Атае мыным тренировкаос
ортчытъян понна бадӟым
шуныт гараж но пуктӥз. Табере
ӝытъёсме отын ортчытъясько,
гуртоос машинаоссэс
тупатыны мыным ваё.
- Табере кыӵе
ӵошатсконъёс возьмало
тонэ?
- Туж оскисько, туэ гудырикошконэ
Казаньын ортчоно
дуннелэн чемпионатаз
пырисько шуыса. Отчы сюрон
понна трос дышетсконо
на, тренироваться кариськемысь
дугдоно ӧвӧл. Пӧрмиз
ке, оштолэзь пумын Германиысь
заводэ мыно. Собере
мукет пиосын Ульяновске
ӵошатсконэ люкаськомы,
отын ужаммес дунъялозы но
быръёзы, кин Россиез возьматоз
Казаньын.
- Шумпотӥсько тон
понна, Дима, яратоно уженыд
выриськод шуыса.
Азьланяз вормонъёс гинэ
сӥзисько!
Шузи юанъёс
ӧвӧл
Дарья ШИЛЯЕВА
Туэ мон Португалиысь
вузлэсь 1-тӥ
курссэ йылпумъясько.
Мар валай студентлэн
улонысьтыз
1 ар ӵоже?
Тросэзлэн туала студентъёслэн
улонзы укыр ганьгань.
Соос малпало, ваньмыз
инмысь ачиз усёз шуыса.
Со туж ик урод ӧвӧл, тӥ
вылэ, озьыен, мултэс ужъёсты
нокин но уз ошы, мае
ке но ватсаса лэсьтыны уз
куры. Озьы ке но дырыз
дыръя астэ возьматыны - со
туж умой. Кылсярысь, стажировкаез
но практикаез
ортчыкуды, асьтэдыз котыр
ласянь ӟечен возьматыны
быгатӥды ке, оло, отчы ик
ужаны кыльыны кылдоз.
Выль уж яке стажировкалы
инты утчаськоды ке,
пӧртэм интыосы вазиськыны
эн кепыралэ. Та вакытэ
тӥледыз кутыны уг быгато
ке но, тӥ сярысь уз вунэтэ,
интызы луиз ке, тӥледыз
ӧтёзы.
Мае ке выльзэ ӵекто ке -
оскалтэ! Уд ке но тодӥське,
кельше-а та выль удыс
тӥледлы, пӧрмоз-а ужаны…
Дышетскон вакыт туж тупа
астэ эскерон понна.
Тодэлэ: уг янгыша со, кин
номыр но уг лэсьты. Жаляса
верано, тросэзлэн выпускникъёслэн
та вакытэ йыразы
ЕГЭ, экзаменъёс. Но со
улонысь одӥгез вамыш гинэ
ук. Нокин но быдэс улонды
ӵоже, ЕГЭ-лэсь яке кун экзаменъёслэсь
баллъёссэс лыдэ
басьтыса, шорады уз учкы.
Егитъёслэсь умой оценкаосын
диплом гинэ уг ни возьмало
- зэмос тодон-валанъёсты,
быгатонлыкъёсты куро.
Озьыен, 17-18 аресады
быръем профессиез котьку
но воштыны луэ. Эн
ӝожтӥське, дырдэс юнме
быдтӥды шуыса. Кельшымтэ
дышетскон удысады
басьтэм тодон-валанъёс,
оло, кулэ луозы ай.
Европаын берло вакытэ
туж тодмо луиз Gap Year
(академический отпуск
выллем ар). Школаез яке
бакалавриатэз йылпумъямзы
бере егитъёс ӵемысь
шӧдо, соос кыӵе ке удысэз
бырйыны дась ӧвӧл на шуыса.
Соин йырин ар ӵоже нокытын
но уг дышетско - асьсэдыз
пӧртэм ӧръёсын эскеро
яке дуннеез котыръяло.
Оглом вераса, зэмос улонлэсь
шӧмзэ веръяло, пӧртэм
адямиосын тодматско.
Адямиос учебникъёс
кадь. Но улэп луэменызы
10 поллы тунсыкогес! Вань
ке луонлыкты выль калыкен,
уката но тӥледлы тунсыко
луись профессиосын
тодматскыны, эн кепыралэ.
Эн кышкалэ юанъёс сётъяны.
Кызьы мынам факультетысьтым
дышетӥсьёс
шуо: шузи юанъёс ӧвӧл!

№ 30 (25743)
2019-тӥ ар 23-тӥ оштолэзь 7
ДУННЕ КОТЫРЕС
Чебериссимо!
Кызьы мон вуи Колумбие?
Анастасия ПЕТРОВА
Колумбие вуэмелы тани-тани
5 толэзь тырмоз
ни. Трос но со,
ӧжыт но.
Одӥг ласянь, воксё ас дорам
кадь асме шӧдӥсько,
мукет ласянь - иностранка.
Чакласько, адӟисько,
ӵошатӥсько. Мон шоры татын
ӟуч виро адями шоры сямен
учко ке, мон соосты удмурт
синмын адӟисько. Зэм
верасько, Колумбиын удмуртъёс
сярысь али тодо ни. Кызьы
сотэк. Таксиын но, дискотекаын
но, черодын но колумбиецъёс
мынэсьтым удмуртъёс
сярысь лекциме кылзо.
Ай мон соослы документальной
кино возьмато на. Эшшо
но мед шумпотозы.
Нош кызьы но малы мон
пӧлазы сюри?
Туж кемалась ини мон
синмаськемын испан кыллы,
соин валче испан кылын
вераськись калыкъёслэн
кырӟанъёссылы, эктонъёссылы.
Яратонэ будӥз, вормонтэм
луиз. Малпай кӧня
ке улыны испан кылын вераськись
кунын. Нырысь, конечно,
тодэ лыктэ Испания.
Но мынам турист сямен улэме
уг поты, мыноно ке - 2-3
арлы. Ужзы отын асьсэлы но
уг тырмы, но мон утчай, шедиз
но кадь, но визаен секытгес.
Дышетскыны ке - солэсь
акыльтӥ ни.
Одӥг ӝытэ Колумбиысь
эшъёсы (соос УдГУ-ын дышетско)
шуо: малы Латин
Америкаысен кутскемед уг
поты? Кылсярысь, Мексика
- испан кылын вераськись
кунъёс пӧлысь самой
бадӟымез, туристлэн визаезъя
6 толэзь улыны быгатод.
Кылчи но журналист
Туспуктӥз Анастасия ПЕТРОВА
бере, уж одно ик сюроз. Со
вал йырам мешокен шуккем
кадь. Конечно! Малы мон
азьлогес ӧй малпаськы та сярысь!
Сябась.
Кутски Мексикаын уж утчаны.
«Скайп» пыр собеседование
но ортчи, 2 толэзь ортчыса,
лыкты, шуизы, англи
но ӟуч кылъёслы дышетыны.
Со дыр куспын рос-прос дасяськыса
уг вутты, малпай.
Соин ик ӧй кошкы.
Эшъёсы туж сюлмасько,
юаллясько, юрттыны тыршо.
Шедьтӥмы ялон, Колумбиысь
шыпыт но пӧсь Виявисенсио
каре волонтёр кулэ
шуыса. Планмы таӵе вал: волонтёр
сямен мынӥсько, хостелын
дунтэк улӥсько, но со
А. Петрова - Колумбиын.
понна хостеллы туристъёсын
ужаны юрттӥсько. Со дыр
ӵоже - толэзь яке кык ортчыса
- уж шедьтӥсько.
Капчи ӧй вал дасяськыны.
Туж трос чыры-пыры информация
утчано луиз: кыӵе
документъёсты берыктоно,
кин сое лэсьтэ, кӧня сылэ,
кӧня дыр кулэ, кулэ-а медицинской
страховка, одно-а
прививка лэсьтоно, кытын,
ку, Россиысь адямиослы визатэк
кытын но кӧня пол самолётысь
пересадка лэсьтыны
лэземын, кыӵе Колумбиын
югдур, кыӵе куазь, кыӵе
дӥськут, кӧня уксё кулэ луоз,
кытысь сое шедьтоно. Трос
сюлмаськи.
Озьы ке но лымшор Америкаен
тодматскыны мылкыды
ӧз быры, сомында сюлмаськонъёсты
ортчыса, юнмаз
гинэ.
Сюресэ самолётъёсын 20
час пала кыстӥськиз. Ӝыны
дуннеез котыртӥ. Жади.
Ижкарысь потыкум, 15
градус кезьыт вал, Колумбие
35 градус пӧсе вуи. Часъёсмы
но пӧртэмесь. Удмуртия
мынэсьтым 9 часлы азьпала
улэ. Шуисько, семьяе
монэ чебер дыръям уг но
адӟы. Яке вазь ӵукна сайкаме
бере, яке изьыны выдыкум,
герӟаськиськомы.
Вакчияк вераса, ӝоген
татын улэме 5 толэзь луоз
ни. Туж шумпотӥсько, ваньмыз
луиз озьы, кызьы мынам
потӥз. Мон ӵапак ас интыям.
Шумпотонъёсы но,
сюлмаськонъёсы но тырмыт.
Мар ужасько, маин
улӥсько? - юалоды. Ӟуч кыллы
дышетӥсько. Татын ӟуч
кылэн тунсыкъяськисьёс но
вань. Туж ик трос ӧвӧл бен.
Дунтэм емышъёссэс басьясько.
Асьме дорын ноку
адӟылымтэ емышъёс татын
трос. Сиёнзы укыр ческыт,
куаёно кадь. Нимысьтыз
пусйысал пӧсь кизер шоколадзэс.
Сое татын сырен но
пичи пыжем нянен юо. Няньзэ
куртчыса, сырзэ напиток
пушкы поныса, м-м-м, ческытиссимо.
Куазьзы пӧртэм. Конечно,
асьмелэн кадь толалтэзы
ӧвӧл, но, кылсярысь, Удмуртиын
гужем вуыку, татын
- Музъем шарлэн мукет
палаз - толалтэ. Ма шуэм со?
Ну кӧня ке зорылоз, пе. Сыӵе
толалтэзы.
Мон улӥсько Колумбилэн
шоркараз - Боготаын. Татын
котьку сямен тулыс. Нуназе
шундыё, куддыр шунды уг
пота, футболкаосын но векчи
штанъёсын кыре потаськом,
нош ӝыт пал салкыма. Кудог
колумбиецъёс зӧк-зӧк курткаосын
пото, нош вӧзазы ик
удмурт ныл майкаен но кардиганэн
ортче. Озьы, мон со.
Но али ачим но ӵемысь кынмисько
ни, мугоры шунытлы
дышиз, лэся. Нош татысь калык
котьку шуэ: кызьы озьы
кынмиськод, тон Россиысь
ӧвӧл шат? Тӥляд котьку кезьыт
ук!
Куд-ог стереотипъёсынызы
нюръяськоно луэ. Россиын
котьку кезьыт ӧвӧл, водка
уг юиськы, ваньмыз мон кадь
лыз синмоесь ӧвӧл, Путин сярысь
номыр уг малпаськы и,
вообще, мон удмурт! Озьы колумбиецъёс
дано удмурт калык
сярысь нош ик лекция
кылзыны кутско.
Трос вераны быгатысал
татын тунсыко учыръёс сярысь.
Нуналаз соос 5 но, 10
но луо. Та шаер сярысь тросгес
мед тододы вылэм. Нош
соос мед тодозы асьмеос сярысь.
Колумбиецъёс но удмуртъёс
ӵемысь сямъёссыя
тупало. Колумбиын улӥсьёс
куно пумитасесь, «уг» шуыны
быгатӥсьтэмесь, кырӟасесь,
эктӥсесь, семьязы борды бурмемынэсь,
улонлы сюлмысь
ӝожтӥськисесь.
Колумбиын гинэ пумиськись
испан кылын вань
«chevere» кылзы. «Чебер»
кадь кылӥське. Сое колумбиецъёс
туж ӵем верало. Маке
чебер, синмаськымон, ӟеч ке
- соку со «чевере». Асьмелэн
кадь ик! Шуисько ук: возьмамтэ
шорысь ӵем дыръя тупаськомы.
Сыӵе палэнысь но
сыӵе матысь калыкъёс.
ПРЕМИЯ
Кужмо «КУАТ»
Августина МИХАЙЛОВА
Удмурт шаермы котырын
пӧртэм калыкъёс
уло, кылсярысь, поръёс.
Шумпотымон,
соослэн вашкала сямйылолъёссы
туж умой
утиськемын. Но соин
валче туала улонын
но пор лулчеберет
бере уг кыльы. Кылсярысь,
огез висъямонэз
луэ «КУАТ» крезьгуро
группазы.
«КУАТ» (пор кылын - кужым)
- Йошкар-Олаын - Марий
Эллэн шоркараз кылдэм
крезьгуро группа. Отын
кырӟа Марина Садова - пичи
калыкъёслэн «Евровидениязы»
пыриськем егит пор
ныл. «КУАТ»-лэн крезьгурез
- аутентичной, вашкала пор
«КУАТ» группалэн «ВКонтакте» бамысьтыз
гуръёс пӧртэм крезьгур стильёсын
герӟаськемын. Мариналэн
яркыт чылкыт куараез
но калык крезьгуро инструментъёс
контрабаслэн тулкымъёсыныз
пӧлэстӥсько.
Ӵемысь «КУАТ»-лэн крезь-
Марий Элысь «КУАТ» группа.
гуръёсаз гитарной фингерстайл
но кутӥське, ӵапак со
ик та группалы туала шӧм
пыртэ. Группалэн концертъёсаз
лиричной куараез
кылзэмзы бере адямиос одно
ик калык эктон гуръёсы вуо
- со быдӟа группалэн жанръя
диапазонэз.
Группае пыриськисьёс
котьку но нырысетӥ интые
пукто калыкез, выжызэс,
калык лулчеберет вылэ
пыкиськыса, крезьгур гожто,
соин ик та группаын
адӟиське зэмос пор сям: ненег
нылъёслэн лэйкыт выросъёссы
но тэгиз (шаплы) пиослэн
чидасьтэм мылкыдзы.
Удмурт учкисьёс «КУАТ»-
эз тодо, уго 2016-тӥ арын та
пор группа «Палэзян» финугор
фестивале пыриськиз.
Ижкарын «КУАТ» акустической
концертъёс шудылӥз.
2017-тӥ ар «КУАТ» группа
понна тужгес но емышоез
луиз. Удмуртъёсын, комиосын
но мукет фин-угор калыкъёсын
валче со Таллинын
ортчем ӵыжы-выжы луись
калыкъёслэн нуналзылы
сӥзем ужрадэ пыриськиз.
Со сяна, Эстониетӥ бадӟым
тур ортчытӥз: 8 эстон карын,
гуртъёсын концерт пуктӥз.
Озьы ик 2017-тӥ арын Йошкар-Олаын
«КУАТ» группалэн
аслаз нырысетӥ концертэз
ортчиз. Али группа выль
кырӟанъёс гожтон бордын
ужа.
Таӵе крезьгуро группаос
шоры учкыса, зэмзэ ик
бадӟым оскон кылдэ, Россиын
улӥсь фин-угор калыкъёслэн
но крезьгур сюрессы
паськыт шуыса. Туала, зэмос,
кужмо!

АДӞЫТОН
8
№ 30 (25743)
2019-тӥ ар 23-тӥ оштолэзь
Радлыкез тӥя сь мода
дӥськутэ аспӧртэм чыры-пырыос
пырто, тодмо трендъёслэсь
куштӥсько, асьсэ историзы
вылэ пыкъясько, дышем
ӧръёсысь потыны выро.
Малпасько, тужгес но модной
улосвыл - Омск область.
Отысь егитъёс утчасько, эскеро,
кышкатэк пӧртэм ӧръёс
борды басьтӥсько. Нош Ижкарын
калык кышка-а, мар-а
сэзь кариськыны, висъяськыны
уг дӥсьты. Кин тодэ,
оло, асьмелэн менталитетмы
сыӵе. «Одёжкаын» дышем
катъёсты сӧрыны выромы.
Ирина Мамаева -
суредаськись но дизайнер.
Аслэсьтыз суредъёссэ
басма вылэ
пуктэ, солэсь дӥськут
вуре.
Мария ЕМЕЛЬЯНОВА
Кирилл Маркес Ижкарысь
модаез азинтэ,
«Одёжка» проектлэн авторез
луэ. Со улсын Удмуртиысь
дизайнеръёсты
быдэс дуннелы
возьматэмез потэ.
- Кызьы кылдӥз малпанэд
«Одёжка» платформаез
усьтыны?
- Мон Ижкарын пӧртэм
ужрадъёсты ортчытъясько.
Но со ужрад медаз луы ужрад
понна гинэ, солэсь кулэлыксэ
валано, эскероно мугъёссэ,
пуштроссэ но ортчытэм бере
йылпумъянъёс лэсьтоно.
Тани асьмелэн университетъёсын,
институтъёсын
трос дизайнеръёсты дышето,
но соосты зэмос дизайнеръёс
шуыны уг луы. Соос
вуриськисьёс, конструкторъёс
лыдъясько, но тросэз уг но
тодо, мар со бренд, кызьы ас
сярысьтыд шара верано. Со
сяна, дӥськутэз вузаны но быгатоно
ук. Соин «Одёжка» проект
малпай, «Таврида» форумын
сое умой адӟытӥ. Отысь
бертыса, ужме мытӥ.
Мыным яра туала визуальной
искусство. Отысь
ик модаен тунсыкъяськонэ
потӥз. Дӥськут - адямилы
тужгес но матын луись искусство,
со котькинлэн вань. Театре,
адӟытонэ, концертэ ветлонэз
ик ӧвӧл.
- «Одёжкаен» валче
кыӵе ужпумъёс ачид азе
пуктӥськод?
Ижысь «Одёжка» проектлэн авторез
Кирилл Маркес.
- Нырысь ик Ижкарысь дизайнеръёсты
огазеяны, мед
соос быгатонлыкъёссэс каньылэн
возьматозы, ог-огенызы
кусып возёзы. «Движуха» мед
кылдоз, дизайнеръёслэн кулэлыксы
сярысь вераськон потоз.
Нош льӧль малпанэ - асьме дизайнеръёсмес
быдэс Европалы
но Азилы тодмо карыны.
- Кызьы дунъяськод
Ижысь модалэсь улонзэ?
- Мон понна модной луон
- со куке, дӥськутэз адӟыса,
адямиос шуо: «Озьы луэ-а,
мар-а вал карыны?» Озьы
пӧрме, куке дизайнеръёс
KATSURO HESED брендэз модельер
но стилист Елизавета Кацуро
малпаз. Со яркыт дӥсь кылдытэ,
ӵемысь ужаз токма шорысь басьтэм
арбериосты кутэ кадь.
- Нош дӥськутэ удмурт
сям-йылолъёсты пыртӥсь
дизайнеръёс сярысь мар
верасал?
- Милям соос трос гинэ. Кемалась
ик ӧвӧл Эграе дизайнеръёслэн
вожвылъяськоназы
вуылӥ. Эгра - этномодалэн
альма-матерез. Озьы ик азинскизы
ке, соос сярысь мукет
элькунъёсын но вералозы ни.
Али модаын калык лулчеберетэн
герӟаськон туж
уг тырмы. Удмурт шӧмез
пыӵатӥсь дизайнеръёс мукетъёсызлэсь
зол висъясько,
яркытгес пишто. Соослэн
вань историзы, легендазы, со
быдэс дуннелы тунсыко луоз.
Тыршоно сям-йылолъёслэсь
палэнтӥськытэк ужаны, соосты
туала но тунсыко карыны.
Этно быгатэ тузӥ, туала
луыны. Мода - со дышем радлыкез
чебер тӥян.
SAYGTT бренд милитари ӧр вылэ
пыкъяське, Ижкарысь но шундыпуксён
палась лулчеберетъёсты огазея.
MADEMOISELLE
OUDMOURTE (Дарали
Лели) этномода
ӧрын ужа. Калык сямйылолъёс
борды туала
улонэз йылтэ.
VOTSKAYA GUBERNIYA - егит
бренд. Огшоры дӥськут борды
аспӧртэм чыры-пырыосты йылтэ.
Туспуктэмъёсын - брендовой дӥськутэн модельёс.
№ 30 (25743)
2019-тӥ ар 23-тӥ оштолэзь (апрель)
1915-тӥ арысен 1917-тӥ арысен 1918-тӥ арысен 1918-тӥ арысен 1930-тӥ арысен 1943-тӥ арысен 1992-тӥ арысен
Учредители:
Государственный Совет
Удмуртской Республики
Правительство
Удмуртской Республики
Главный редактор
З. К. Рябинина
Ответственный за выпуск
М. М. Емельянова
Адрес редакции-издателя:
426008, г. Ижевск,
ул. К. Маркса, 274
www.udmdunne.ru
e-mail: udmdunne@yandex.ru
Газета отпечатана в АО
«Ижевский полиграфкомбинат»
(426039 г. Ижевск,
ул. Воткинское шоссе, 180)
Телефоны:
73-33-42, 89511953765 - приёмная, реклама,
зам. гл. редактора
73-33-46 - отв. секретарь
73-33-43, 89511953766 - корреспонденты
Индексы: П 5806, П 5001
Тираж номера 1050
Заказ № 251
Объём 2 п. л.
Цена свободная
Подписано к печати - 18.00
По графику - 18.00
Мнение авторов не всегда совпадает с
мнением редакции
Использование материалов допускается
только с разрешения редакции
Материалы, публикуемые с пометкой
«Д» и «Реклама», печатаются на договорной
основе.
Газета зарегистрирована Управлением
Федеральной службы по надзору в сфере
связи, информационных технологий и
массовых коммуникаций по Удмуртской
Республике
Регистрационный номер
ПИ №ТУ18-00646
Рекомендовано для чтения с 12 лет