Create successful ePaper yourself
Turn your PDF publications into a flip-book with our unique Google optimized e-Paper software.
Ãåðä<br />
№ 75 (<strong>25788</strong>)<br />
5<br />
2019-тӥ ар 8-тӥ коньывуон<br />
ӞЕЧКЫЛАСЬКОМ<br />
Сюлэмаз нош ялан яратон…<br />
«Зарни шеп» ансамблез кылдытӥсьлы Федосья Тубыловалы - 85 арес<br />
Елена МИННИГАРАЕВА<br />
Шаерысьтымы одӥгез<br />
кужмоез фольклор<br />
коллектив - Пичи<br />
Пургалась «Зарни<br />
шеп» ансамбль. 40<br />
ар талэсь азьло сое<br />
кылдытӥз но 35 ар<br />
ӵоже, вань сюлэмзэ<br />
сётыса, валтӥз Федосья<br />
Тубылова. Та нуналъёсы<br />
Федосья Михайловналы<br />
85 арес<br />
тырме.<br />
Уже - кырӟаса<br />
Федосья Михайловна<br />
Тубылова вордӥськиз<br />
1934-тӥ арын 14-тӥ октябре<br />
Пичи Пурга ёросысь<br />
Гужношур гуртын. Семьяязы<br />
пиналъёс пӧлысь со<br />
4-тӥез вылэм, но сютэм<br />
улэмен, пӧртэм висёнъёс<br />
алямен, апайёсыз пичи<br />
дыръязы ик кулылӥллям.<br />
Быдэ вуэм Федосья гинэ.<br />
Анай-атаез сое туж яратыса<br />
будэтӥллям, удмурт<br />
кырӟан-веранъёс, мадёсъёс<br />
пыр визьмаллям. Озьы удмурт<br />
сям-йылолъёс, аслэсьтыд<br />
шаердэ гажан, яратон<br />
нылашлэн сюлэмаз пичиысен<br />
пыӵаллям. Зэм, будон,<br />
быдэ вуон дырыз туж секыт<br />
вакытъёслы тупазы.<br />
Федосьялы 7 арес тырмыса<br />
ӧз вутты, кутскиз<br />
Быдӟым война. Ӝоген нылашлэсь<br />
атайзэ фронтэ<br />
басьто. Ачиз Федосья 8 аресказ<br />
колхозын анайзэ воштыса<br />
ужаны быгатӥз ни:<br />
турназ, пудо утялтӥз. Нош<br />
ӝытъёсы нылкышноос кин<br />
ке доры люкаськылӥзы<br />
но, ыж гон черсыса, фронтовикъёслы<br />
носки-пӧзьы<br />
керттыса пукизы, ӝож<br />
гуръёссэс кырӟазы. Та гуръёс<br />
но Федосьялэн сюлэмаз<br />
пыраклы кылизы.<br />
Нылашлы удалтӥз: атаез,<br />
Михаил Петрович, фронтысь<br />
луло бертӥз, 3 медален<br />
пусъемын вал. Анайзэ<br />
но фронт мышкын ӟеч<br />
ужамез понна медален пусйизы.<br />
Война бере Федосьялэн<br />
атаез колхозын бригадир<br />
вал. Калыкен ужаны<br />
быгатэмез пыӵаз нылызлы<br />
но. Федосья колхозын<br />
звеноен кивалтӥз, ужын<br />
но, шулдыръяськонын но<br />
азьветлӥсь вал. Нош сюлмаз<br />
нуллӥз чагыр малпанзэ<br />
- куиськись луоно. Но война<br />
бере кыӵе куиськон луоз<br />
ай? Сютэм улӥсь странаез<br />
пыд йылаз ӝутоно. Соин ик<br />
тодон-валанзэ будэтон сярысь<br />
Федосьялы вунэтоно<br />
луиз. Мыло-кыдо нылашез<br />
Пичи Пурга ёросысь ик Бобья-Уча<br />
гуртысь клубе ужаны<br />
кутӥзы. Татын со агитбригадаен<br />
поталляз колхоз<br />
бусыосы но фермаосы,<br />
кыстӥськиз комсомол уже.<br />
Федосья Тубыловалэн архивысьтыз<br />
Ӝоген Федосьяез партилэн<br />
Пичи Пурга ёросысь комитетаз<br />
машинисткае кутӥзы.<br />
Татын нылаш профсоюз<br />
уже но кыстӥськиз на.<br />
«Тросэз егит пиос синъёссэс<br />
вошъятэк учкылӥзы чебер,<br />
ужез яратӥсь, кырӟаны<br />
быгатӥсь нылмурт шоры, -<br />
аслаз анаезлы сӥзем «Зарни<br />
мемие» книгаяз гожтэ Федосья<br />
Михайловналэн пичиез<br />
нылыз - Светлана. - Но<br />
солэн сюлэмыз аслэсьтыззэ<br />
бырйиз. Вуоно кузпалыныз,<br />
Валентин Кузьмич Тубыловен,<br />
соос одӥг вакытэ<br />
дышетскиллям Пычас школаысь<br />
бадӟым классъёсын.<br />
Валентин Кузьмич али но<br />
пальпотыса тодаз вае: нырысь<br />
пумиськыкузы ик, нылмуртлэн<br />
пуштрес суд йырси<br />
пунэтъёсыз пыд йылысьтыз<br />
погырто ни вылэм сое, соин<br />
ик пиосмурт ачиз аслыз<br />
шуэм: та мынам кышное<br />
луоз! Федосьялэн но синмаз<br />
йӧтэм капчи мылкыдо гармонист…»<br />
Кык яратӥсь сюлэмъёс<br />
огазеяськыку, азьланез<br />
яркыт буёлъёсын гинэ<br />
адӟиськиз. Но котькуд семьялы<br />
та улонтӥ ог-огдэ гажаса,<br />
шуг-секытъёслы сётскытэк<br />
вамышъян понна<br />
трос чидан но валаны быгатон<br />
кулэ на. Тубыловъёслэн<br />
семьязы котьку калык<br />
син азьын вал. Угось Валентин<br />
Кузьмич Пичи Пурга<br />
ёросысь «Молния» колхозын<br />
бригадир, агроном,<br />
председательлэн воштӥсез<br />
вал, ӝоген сое партилэн<br />
райкомаз 2-тӥ секретаре<br />
бырйизы, нош собере, тубат<br />
бӧрсьы тубат, Валентин<br />
Кузьмич Удмурт Республикалэн<br />
Вылӥ Кенешезлэн<br />
нырысетӥ тӧроез луиз. Та<br />
биньгозыез политик кияз<br />
возиз тужгес секыт 1990-тӥ<br />
- 1995-тӥ аръёсы.<br />
Зарни шеп<br />
Калыклэн азьпалаз вамышъясь,<br />
ассэ быдэсак<br />
ужезлы сӥзись воргорон<br />
вӧзын кышномуртлы капчи<br />
ӧвӧл. Но Федосья Михайловна<br />
котьку висъяськылӥз<br />
эсэпсэ валаменыз, сабырлы<br />
луэменыз. 1970-тӥ аръёсысен<br />
со Пичи Пурга ёросысь<br />
«Маяк» газетын ужаз, семья<br />
котыраз бергаз, 3 нылзэс<br />
будэтӥз. Сюлэмаз гыбдась<br />
дартэз ӧз сёты солы картэзлэн<br />
ышыгаз гинэ улыны.<br />
1979-тӥ арын, ас котыраз<br />
эшъёссэ люкаса, со пичигес<br />
фольклор коллектив<br />
кылдытӥз. Зэм, соку коллективзылэн<br />
нимыз но ӧй<br />
вал ай, сцена вылысен яратоно<br />
удмурт кырӟанъёссэс<br />
быдэстылӥзы. Но Федосья<br />
Михайловна ӵемгес тодаз<br />
вайылӥз пичи дыръяз пересьёслэсь<br />
кырӟамъёссэс,<br />
сцена вылын улӟытоно<br />
кариськиз удмурт сямйылолъёсты.<br />
Ёросысь одӥг бадӟым<br />
ужрад но «Зарни шептэк»<br />
уг ортчы вал. Куэм дэремъёсын,<br />
кускозязы уксё<br />
тӥрлыкъёсын удмурт нылкышноос,<br />
йыг-йыг воргоронъёс<br />
сцена вылэ пото<br />
ке, историысь суредъёс<br />
улӟо кадь. Кырӟам-верам<br />
Пичи Пурга черкогуртысь<br />
Ф. Тубылова.<br />
сяна, коллектив сюлмаськиз<br />
вашкала удмурт культураез<br />
егитъёслы, будӥсь<br />
пиналъёслы пыӵатыны<br />
- «Зарни шепе» трос гинэ<br />
егитъёс ветлӥзы. Мынам<br />
али но тодам 1990-тӥ аръёсы<br />
Пичи Пурга ёрос библиотекаын<br />
«Пурга гуръёс»<br />
литобъединениын «зарни<br />
шепъёсын» пумиськон.<br />
Коллектив соку гинэ бертӥз<br />
Финляндиысь. Асдунзэс,<br />
чеберзэс тодӥсь но со дыре<br />
ик дан поттӥсьтэм удмурт<br />
нылкышноос пыраклы тодэ<br />
кылизы. Нош пушкын ас<br />
выжыостэ гажан выль сямен<br />
пуромиз.<br />
Кунгож сьӧры вуылэм<br />
удмурт фольклор коллективъёс<br />
пӧлын «Зарни шеп»<br />
нырысетӥез вал, дыр. Та<br />
ласянь со мукет фольклор<br />
коллективъёслы но сюрес<br />
усьтӥз. Пусйыны кулэ,<br />
«Зарни шеплэн» репертуарезлэн<br />
бадӟым люкетэз -<br />
Федосья Тубыловалэн аслаз<br />
малпам кырӟанъёсыз. Пуштроссыя,<br />
мылкыдзыя соос<br />
озьы ик туж матын калык<br />
кырӟанъёслы.<br />
35 ар ӵоже «Зарни шеп»<br />
туж трос дипломъёсын но<br />
данъян грамотаосын пусъемын<br />
вал. Нош ассэ Федосья<br />
Михайловнаез калык творчествоез<br />
азинтэмез понна<br />
дунъязы кунысьтымы<br />
бадӟым данъетэн - «Душа<br />
России» медален.<br />
Берло аръёссэ Федосья<br />
Михайловна калык пӧлы<br />
шергес пота ни.<br />
- Но со азьвыл сямен<br />
ик туж яратэ кырӟаны, -<br />
шуэ нылыз Светлана Валентиновна.<br />
- Тани али<br />
гинэ вераськон сямен кинлэсь<br />
ке сюанзэ тодамы<br />
вайимы. Анаймы юа: нош<br />
тодӥськоды-а, азьвыл сюан<br />
дыръя кыӵе кырӟанъёс<br />
кырӟало вал 1-тӥ, 2-тӥ нуналъёсы?<br />
Тани таӵеоссэ,<br />
шуэ но кырӟа…<br />
Нялтас вераса, «зарни<br />
шепъёс» кылдытӥсьсэс уг<br />
вунэто, дораз вуыло, кенешо,<br />
ӝӧк котыре пуксьыса,<br />
кырӟало. Вӧзазы куддыръя<br />
итӥське Валентин Кузьмич<br />
но. Кузпалыз сярысь со туж<br />
шунытэн вера:<br />
- Со сыӵе адями: азяз<br />
кыӵе ке ужпум пуктӥз ке,<br />
одно быдэстоз. Туж тыршиз<br />
удмуртлыкез вылӥе<br />
ӝутыны, со понна сюлэмзэ<br />
ӧз жаля. Котькудӥз ӧй быгатысал<br />
сыӵе коллектив люканы,<br />
калыклэсь мылкыдзэ<br />
ӝутыны, репетициосы поттаны.<br />
Дась коллективез но<br />
возьыны быгатэм кулэ ай.<br />
Куд-огез вераны выриз: вот,<br />
пе, коллектив ӝутскиз Тубылов<br />
юрттэмен. Шуисько:<br />
юрттӥ. Юало: маин? Ӧй<br />
люкеты… Одӥг учырез гинэ<br />
верало. Мон соку Удмурт<br />
Элькунысь Вылӥ Кенешлэн<br />
тӧроез вал ни. Ӝыт бер<br />
бертылӥ, 9 час котырын.<br />
Огпол бертӥсько, дорын нокин<br />
ӧвӧл, ӝӧк вылын записка:<br />
«Мон - клубын, пельнянь<br />
- холодильникын, ву<br />
- плита вылын. Пӧзьты но<br />
си…» Ма карод? Пӧзьтӥ но<br />
сии... Семьяын ог-огдэ валаны<br />
тыршытэк уг луы. Со<br />
но монэн трос чидаз, оломае<br />
но адӟоно луиз. Но ми валаськом<br />
вал ог-огмес…<br />
Яратон берытске<br />
калыклы<br />
85 аръем юбилейзэ Федосья<br />
Михайловна матысь<br />
ӵыжы-выжыосыныз пусйыны<br />
малпа. Но, валамон<br />
ини, дораз одно вуылозы<br />
эшъёсыз, одно чузъяськозы<br />
кырӟанъёс. Пӧлазы луозы<br />
аслаз кылбуръёсызъя<br />
гожтэмъёсыз но. Зэм, Федосья<br />
Михайловналэсь<br />
кырӟанъёссэ мукет фольклор<br />
коллективъёс но быдэсъяло<br />
ни. Куддыръя калык<br />
кырӟан шуыса. Озьы<br />
Федосья Михайловналэн ас<br />
калыксэ, шаерзэ яратэмез,<br />
сюлэмыз пыр потыса, выльысь<br />
калыклы берытске:<br />
…Нош аръёс ортчизы,<br />
мӧйыми тани мон,<br />
Пужмерен шобырскиз<br />
йырсие.<br />
Сюлэмам нош ялан<br />
выльдӥське яратон,<br />
Яратон ас удмурт<br />
шаерме…