ud#44 (25854)

№44 (25854)
16 2020-тӥ ар 12-тӥ шуркынмон
КИБАШЛЫОС
Адӟем карымон
Эктӥсь пу мунё
Т. Головизнина.
Ижын вордӥськем, али Москваын улӥсь
Татьяна Головизнина кузьым пумысен
йырзэ кема уг тӥя — яратоно киужез борды
басьтӥське, син куспын аспӧртэмлыко арбери
пӧрмытэ.
Татьяналэн лэсьтыны
быгатонтэм киужез
ик ӧвӧл кадь — со усто
вуриське, керттӥське,
чильпаське но пужъятске.
Котькуд нылкышно
та киужъёсын вырыны
быгатыны кулэ,
шуэ со. Нош пулэсь арбериос
лэсьтон борды
котькудӥз уз басьтӥськы.
Ӵапак пулэсь мунёосты
кылдытон — Татьяна Головизниналэн
яратоно
киужез.
— Пуэз гажанэ ик
монэ вуттӥз Удмурт кун
университетысь Искусствоосъя
но дизайнъя
институтэ, — вера кибашлы.
— Бырйи пу
вылтӥ суредаськонэз.
Тодон-валан люканы но
кимес волятыны юрттӥз
дышетӥсьмы, Россиысь
калыкез дышетон удысысь
отличник Нина
Постникова. Студент
дыръям ик кылдытӥ
нырысетӥ арбериме —
удмурт дӥсен ӟучъёслэн
матрёшказы кадь мунёез.
Пыдсаз бергась корт
юнматӥ. Озьы удмурт
мунёе эктӥсь луиз.
УдГУ-эз йылпумъяса,
Татьяна интыяськиз
Киужъёсъя но туризмъя
центре. Отын эшшо но
мургес тодматскиз удмурт
пужыосын, калык
веранъёсын. Вуылӥз
Бесерман мунёос.
пӧртэм ёросъёсы, эшшо
но ӟечгес тодӥз лымшор
но уйпал удмуртъёслэсь
дӥськутсэс, соослэсь
аспӧртэмлыксэс. Озьы
Татьяналэн кылдӥзы
лымшор но уйпал, кылсярысь,
бесерманъёслэн
дӥсенызы мунёосыз —
озьы быдэс коллекциез
люкаськиз. Соосын
со пыриськылӥз шаерамы
но, солэн палэназ
но ортчылӥсь
адӟытонъёсы.
— Паймисько удмурт
калыкмылэн буёлъёсты
шӧдэмезлы. Басьтом
тани горд буёлэз, ас
понназ со укыр яркыт,
синэз басьтӥсь ук. Нош
пужыын горд шортэз
сокем валаса интыяло
— горд чылкак мукет сямен
адӟиське, сыӵе кельышлы
потыны кутске!
— шуэ со.
Татьяна верамъя, пу
мунёосты кылдытыны
секыт ик ӧвӧл. Тужгес
но тунсыко потоз та
киуж нылпиослы. Басьтоно
пулэсь заготовка,
кисточкаос, пулы грунтовка,
буёлъёс но лак.
Нырысь ик пуэз вольыт
кароно, шкуркаен зырано-вуштоно.
Та бӧрсьы
грунтовкаен шобыртоно,
рос-прос куасьмемзэ
возьмано. Нырысь карандашен
суред пуктоно,
бӧрысь — буёлэн. Кӧня
буёл кутыны малпаськоды
— сомында ик кисточкады
мед луоз, буёлъёсты
куспазы медаз сураське.
Суред куасьмем
бере лакен шобыртоно
на. Мунёез бергась карон
понна лавкаысь ик
шедьтыны луоз нимысьтыз
механизм — сое мунёлэн
пыдсаз шукконо.
________
Елена НИКИТИНА
Татьяна Головизниналэн архивысьтыз
Куиськон
Миндэр дэра
Сӥньысэз тазьы золтоно. Дэра куыны вилка юрттоз. Куэм дэралэсь миндэр пуйы вурыны луэ.
Туспуктӥз Максим ЕГОРОВ
Бадӟым куиськон
станоктэк но луэ куыны
миндэр пуйыос,
ӵушконъёс, пичи выж
лёгетъёс, гобеленъёс —
станокез рама воштыны
быгатэ.
Рамаез асьтэос пулэсь лэсьтэ
яке магазинысь подрамник
басьтэ. Макем ӝужыт но паськыт
рамады, сокем бадӟым
дэра куыны луэ. Рамалэн
вылтӥз но ултӥз быдэн 2 чурен
векчи кортӵогъёс шукконо
луоз (кортӵоглэн кузьдалаез
2 но ӝыны сантиметрлэсь,
пасьталаез 1 но ӝыны миллиметрлэсь
бадӟымгес медаз
лу). Валлин кошкись чуръёс
вискы 1 сантиметр кельтоно,
кортӵогъёс вискы — 8, 10 яке
12 миллиметр. Кортӵогъёс
шахмат радъя интыяськыны
кулэ. Рамалэн улаз кортӵогъёс
озьы ик шукконо.
Табере сӥньыс кысконо
— со дэралэн инъетэз
луоз. Золтэм сӥньыс юн
луыны кулэ, тупалоз хлопок
яке етӥн, зӧк гобеленлы
джут яралоз. Сӥньысэз
золтоно вылӥысен уллапала,
паллянысен буре. Кыӵес
лэсьтыса, сое вылӥ чурысь
палляназ кортӵоге бырттоно
но сӥньысэз уллань кысконо
рамалэн улысьтыз
вылӥ чурысь кортӵогозь.
Бӧрысь сӥньысэз улӥ радысь
кортӵоге кеӵевыл нуоно но
выллапала кысконо. Озьы
сӥньысэз пумозяз золтоно.
Золтэм сӥньыс ошиськыса
медаз улы, туж юн но кысконо
ӧвӧл.
Табере дэра куыны луоз.
Котькыӵе шорт яралоз, гобеленлы
но миндэр пуйылы
зӧкезгес но тупалоз. Пӧртэм
буёло шортъёсын яркыт пужыос
лэсьтыны луэ. Рамалэн
улаз вандыса картон пононо.
Кузьдалаезъя кыскем
сӥньысъёс вылтӥ но ултӥ вамен
шортэз (нить утка) кысконо.
Капчигес мед луоз шуыса,
кузь венез уже кутыны
луоз. Дэраез куэм бере кузьдалаезъя
золтэм сӥньысъёсты
вылтӥз но ултӥз вандылоно
но керттылоно.
________
Анастасия ШУМИЛОВА