ud#44 (25854)

№44 (25854)
18 2020-тӥ ар 12-тӥ шуркынмон
ТАЗАЛЫК
Коронавирус котырын
Шокано, сиськоно, изёно...
Коронавирус нырысь ик лябӟытэ шокан ёзвиосты.
Висем бере выльысь юнман понна ӵемысь трос дыр
кулэ — 3 толэзьысен быдэс арозь. Мар юрттоз ӝоггес
катьяськыны?
Мугор ёзвиосты
кыдатон
Шокан гимнастика. Лэсьтоно сое нуналлы быдэ ог 10-15
минут ӵоже кылльыса яке пукыса.
Ныр пыртӥ каллен но мур-мур шокчоно, собере озьы ик калленэн омырез
ныр пыртӥ, яке ымдуръёсты нуйтыса, котырес карыса, поттоно. Пайдаё луоз
шар пелляны. Тыослы юнманы юрттоз гумые пеллян но, солэсь пумзэ вуэ
донгыса.
Пыдын поръян. Нырысь ик нуналаз ог 20-30 минут ӵоже ветлоно. Но одно
чаклано пульсэз — троссэ луыны быгатоз сомында, кӧня луэ 220-ысь арлыддэс
куштыса. Кылсярысь, тӥледлы 70 арес, озьыен, 220-ысь 70-зэ куштыса, 150 луэ
бере, пульсты солэсь бадӟымгес медаз луы. Уката умой, со нормалэн ог 60-70
процентэз мында возиське ке.
Пумен тросгес пыдын ветлоно — ог 40 минутысен часозь.
Скандинав амалэн поръян — мугор ёзвиосты туж умой кыдатэ, уката но
бодыосты шонер кутӥськоды, валаса вамышъяськоды ке.
Тыостэс кыкналасянь ик пневмония басьтэмын ке вал, мугордэс кыдатон
вискын возьматъяськоно эмъясьёслы.
Керӟегъяськытэк улон
Висем бере кужым но уг луы, мылкыд но пуксемын.
Соин ик пумиськыны-кенешыны тырше капчи мылкыдо адямиосын.
Кроссвордъёс лэсьтылэ, кылбур дышетэ, лыдӟиське,
ки ужен выре. Яратэ асьтэдыз, синучкон азьын бергалэ, нуллэ чебер но мугордылы
капчи потӥсь дӥсь, пыдкук.
Валаса сиськон
Ӝӧк вылын одно луыны кулэ белокен, жиръёсын, клетчаткаен,
витаминъёсын узыр сиёнъёс.
Белокез трос сӥльын, чорыгын, курегпузын, варогын (творог),
сырын, кӧжы-бобыын но мукет.
Жиръёсыз — нерафинированной кӧсвӧйын, нӧкы вӧйын, сырын.
Витаминъёсыз но клетчаткаез — пӧртэм бакча емышъёсын. Таосты нуналаз
ӧжытсэ ӝыны килограммен сиёно.
Тырмыт кӧлон
Ӧжытсэ суткаяз 7-8 час ӵоже изёно, выдоно 23 часлэсь
вазьгес. Угось 23 часысен 01 часозь мугор туж умой шутэтске.
Кӧлыны выдон азьын:
— чай, кофе юыны уг яра;
— поръяны потаса умой луоз;
— укноосты кӧнялы ке но усьтылоно, омырез чылкытатоно;
— телевизор учконо, телефонын пуконо ӧвӧл.
Урод сямъёслэсь
куштӥськон
«Горячая линия» по сопровождению пациентов
с COVID-19: 8-800-100-24-47
Итӥське ми борды
Пыэдлэсь ум кышкаське!
Шаерысьтымы ог 20 процентэз
калык пыэдлы
пумит прививка пуктӥз
ни. Соос пӧлын — ми но,
редакциын ужасьёс.
Прививка пуктыны вазиськоно
улон интыя поликлиникае.
Но вань мукет
но амал — специалистъёсты
дӥне ӧтьыны. Тазалыкез
утёнъя министерство та понна
кылдытӥз нимысьтыз
бригадаос. Ми доры ветлӥзы
городысь 7 номеро больницаысь
эмъясьёс. Анастасия
Чернова — терапевт, туэ гинэ
Ижысь медициная кун академиез
горд дипломен йылпумъям,
табере аспирантураын
дышетске. Юлия Пушкина
— Ижысь медколледжысь 4-тӥ
курсын дышетскись, но али со
— волонтёр.
Прививка пуктон азьын
терапевт котькудмылэсь вирзӥбетмес
мертаз, эскериз, мугормы
ӟырдамын ӧвӧл-а. Юаз:
курегпуз тӧдьылы аллергиды
ӧвӧл-а? Валэктӥз: трос мукет
вакцинаос сямен ик, пыэдлы
пумит луисез но лэсьтэмын
курегпузлэн тӧдьыез вылын.
Соин ик кинлэн солы аллергиез
вань, вакцина уз тупа.
Прививка озьы ик пуктыны
«Удмурт дунне» газетын ужасьёс прививка пукто.
уг яра, адями кызэ-кизьнылэ
яке кемалась ӧвӧл висьыны
усьылӥз ке. Нош мукет
учыръёсы алонъёс ӧвӧл.
Эмъясьёс дэмлало: прививка
одно пуктоно трос калык
люкаськылон интыосын
ужасьёслы — дышетӥсьёслы,
эмчиослы, вуз карисьёслы,
транспортын ужасьёслы...
Озьы ик — арлыдоослы, кема
кыстӥськись висёнъёсын,
кылсярысь, сакыр диабетэн,
курадӟисьёслы.
— Пыэдэн висьыны капчи
ӧвӧл, со быдэс мугорез куашкатэ,
— шуиз Анастасия
Чернова. — Нош али коронавирус
алямын на. Шуг вераны,
мар луоз, кыкез но та инфекциос
огдыре кырмиськизы
ке — эскеремын ӧвӧл на. Соин
ик шуге-леке вуонтэм вылысь
прививка пуктоно.
Туспуктӥз Максим ЕГОРОВ
Юалэ — валэктом
«Суй-пыдтэм» вирус
Прививка пуктон пумысен пӧртэм юанъёс кылдыло.
Терапевт Анастасия Чернова соослы вакчияк валэктонъёс
сётэ.
— Кылӥ: прививка пуктэм бере адямилэн мугорыз
пичияк ке но ӟырданы кулэ. Уг ке, иське, вакциналэн
пайдаез уз луы — антителаос уз кылдэ.
— Туж бадӟым янгышан. Туэ ог 2 толэзь ӵоже прививка
пуктылӥськом ни, одӥг мурт но ӧз ӝожтӥськы, прививка бере
урод луиз шуыса. Бен, ми алӥськом: нырысетӥ нуналаз, оло,
мугорды пичияк ӟырданы яке нырды тырыны быгатоз. Но со
туж шер дыръя гинэ. Тросэз прививка пуктэмзэс со нуналэ ик
вунэто, угось та сярысь номыр тодэ уг вайыты.
— Вакцинае пыэдлэн штаммъёсыз пыртэмын, шуо.
Озьыен, прививка пук тыса, тон ас мылкыд каремедъя
мугорад вирусъёс лэзиськод — озьы луэ ук?
— Зэм но, котькуд вакцинае пырто пыэдлэсь тужгес
вӧлмем штаммъёссэ. Но соосын сэрен адями висьыны усьыны
нокызьы уз быгаты. Син азяды пуктэ керттылэм суйпыдъёсын
ожгарчиез. Солэсь кышканы кулэ-а? Та учыре но
со порма ик луэ. Вирус мугоре шеде ке но, со кужымтэм. Со
понна мугор сое шӧдэ-тодма, уг вунэты ни. Соин ик адями
пушкы вирус берло шедиз ке но, со сокем кышкыт уз луы ни:
мугор солы дась. Озьы висён трослы капчиенгес ортче.
— Малы прививка одно сӥзьыл пуктыны косо?
— Малы ке шуоно пыэд асьме палан уката аля куазь
кезьытскемъя. Соин ик солы дась луон вылысь прививка
пуктылоно сӥзьыл — сентябрьысен кутскыса, декабре но
лэсьтӥськом на. Но макем вазьгес, сокем умойгес. Мукет
шаеръёсын пыэд мукет вакытэ аляны быгатэ, соин ик кунгож
сьӧры потыны дасяськисьёслы тае лыдэ басьтоно.
Прививка пуктэм бере мугорлэн вирусъёсын нюръяськон
кужымез ог 2 арня ӵоже юнманы выре — та дыр куспын антителаос
кылдо.
Бамез дасяз Элина КУМАЧЁВА