#11

Егитъёслы сӥзем
газет
udmdart
dart_udm
№46 (25856)
2020-тӥ ар 26-тӥ шуркынмон 13
Мар? Кытын? Ку?
29-тӥ ноябрёзь
Ижысь Эшъяськон юртын
ортчо коми-пермяк
культуралы сӥзем
нуналъёс.
Соос улсын онлайн
форматэн радъясько
уно концертъёс, озьы
вань мылкыд карисьёс
коми-пермяк крезьгурен
тодматско. 6+
П. Чайковскийлы — 180 ар
Балетэ — билеттэк
27-тӥ ноябре
19 часын ортчоз
гала-концерт, отын
дӥськут коллекциосты
возьматозы, тодмо
коми-пермяк группаос
кырӟалозы: «Виль шы»,
«Шай-Май», «Мича
асыв», «Шондiбан» но
мукет. 12+
28-тӥ ноябре
19 часын ортчоз «Шай-
Май» фолк-группалэн
концертэз. Сое Удмуртиын
улӥсьёс тодо
ини: егитъёс вуылӥзы
«Тангыра» фестивале.
Шулдыр, капчи гуръёс
тросэзлы яразы. Татын
бас-гитараен но барабанэн
артэ чузъясько
сигудок, пеллян но
мукет калык инструментъёс.
12+
29-тӥ ноябре
19 часын ортчоз «Виль
шы» группалэн концертэз.
Группалэн
ёзчиосыз уло Пермьын,
со котырысь Юсьва
ёросын, Ижкарын, но
иськемъёс соослы тунсыко
крезьгур кылдытыны
уг люкето. 12+
________
5-тӥ декабре школаын
дышетскисьёс понна
ортчоз «Этно-эксперт»
шудон. Со кема аръёс
ӵоже Ижысь Эшъяськон
юртын радъяськылэ
ини, но туэ со
туссэ воштоз — онлайн
ортчоз.
Пиналъёсты азьло сямен
ик витёзы пӧртэм
калыкъёслэн культураосынызы
герӟаськем
юанъёс, озьы ик радъясьёс
эскерозы, мар
пиналъёс тодо мукет
калыкъёсын эшъяськыса
улон сярысь.
Шудонэ пыриськон
понна 6 адямилэсь
команда люкано но
27-тӥ ноябрёзь Эшъяськон
юртэ куриськон
келяно. Пиналъёс
Zoom видеоконференция
пыр ӵошатскозы,
асьсэ школаязы ик
пукыса.
Удмуртиын вордӥськем
композиторлэсь Пётр
Чайковскийлэсь творчествозэ
быдэс дуннеын
вылӥ дунъяло. Туэ
180 аръем юбилеезлы
сӥзьыса, Ижысь Суредаськон
искусствоосъя
музей пӧртэм
адӟытонъёссэ дасяз.
Туспуктӥз Марина ИВАНОВА
Кылсярысь, туспуктэмъёсын
выставкаысь луэ вал
адӟыны П. Чайковский нимо
Операя но балетъя театрлэсь
туала улонзэ: спектакльёссэ,
репетициоссэ. Огшоры учкисьлэсь
ватӥськись учыръёс
но усьтӥськизы: кызьы
актёръёс сцена вылэ потыны
дасясько, буясько, костюмъёссэс
мертало. Куд-ог
туспуктэмъёс шоры учкыса,
кожалод, азяд балерина сярысь
кыӵе ке фильмысь кадр
шуыса.
Та выставказэ лэсьтон
понна туспуктӥсь Марина
Иванова ветлӥз Операя но
балетъя театре — П. Чайковскийлэн
«Щелкунчик», «Спящая
красавица», «Лебединое
озеро» балетъёсаз.
Марина Иванова сярысь
пыр-почгес лыдӟыны, туспуктэмъёссэ
учкыны луэ 20-тӥ
бамысь.
________
Мария ЕМЕЛЬЯНОВА

№46 (25856)
14 2020-тӥ ар 26-тӥ шуркынмон
Редакторлэн кылыз
Туалаез вуттӥз
вашкалае
Мар кароно, пиналъёс
но егитъёс
анай кылынызы
мед вераськозы,
сое мед утёзы
шуыса? Со сярысь
туж ӵем кенешиськомы,
малпаськиськомы,
пӧртэм
проектъёсты улонэ
пыӵатӥськомы. Та
тема ноку уз сылмы
кадь.
Ачим но воштӥськонъёсты
шӧдӥсько. Трос
аръёс ӵоже туж тузӥ вал
вашкала сям-йылолъёсмес
туала улонэн сураны.
Егит мурт удмурт
луэмзэ валалоз, пе, соку,
куке удмуртлык лэн
пусъёсыз, тодметъёсыз
улоназ пырозы, куке со
адӟоз, со кадь ик егитъёс
удмурт кылзы понна
маке каро шуыса.
Озьы ик ваньмыз кутскиз.
Дизайнеръёс, вашкала
удмурт дэрем вылэ
пыкъяськыса, кутскизы
туала дӥськут вурыны.
Дизайнер Полина
Кубиста аслаз коллекциосыныз
быдэс дуннелы
тодмо луиз. Кырӟасьёс,
арганъёссэс палэнтыса,
кутскизы асьсэдыз
пӧртэм жанръёсын
утчаны. Нырысетӥ
рок-группа Silent Woo
Goore Удмуртиетӥ
гинэ ӧз, Финляндиетӥ
гастрольёссэ ортчытъяз.
«Эктоника» проект
аслаз дискотекаосыныз
пушйиз. Со вакытысен
ваньмыз огыр-бугыр
пӧзьыны ӧдъяз, трос
ӟеч проектъёс улонэ
пыӵазы. Али соос улонмылэн
оглюкетэз луизы
ни, кылсярысь, выль
удмурт рок-группалэн
кылдэменыз нокинэ уд
паймыты ни.
Тунсыко потэ мукетыз.
Берло аръёсы ӵемгес
кылӥське малпан: уг
тырмы мар ке но зэмосэз,
вашкалаез, аръёсын
воштӥськымтэез.
Удмурт кыл туала
культурае сокем пыӵам
ини, лэся, егитъёслэн
выжыоссылы матынгес
луэмзы потэм. Кылсярысь,
али Дарали Лели
«Арган берган» ӝытъёс
ортчытъяны кутскиз.
Оло, ӵапак со понна ик
удмурт культураез туала
кароно вал, мед милемлы
вашкалаез тунсыко
потыны кутскоз шуыса?
________
Мария ЕМЕЛЬЯНОВА
«Мынам Удмуртие»
Эктом! Ку? Али!
«Эктом али» проектэ семьяен но пырисько:
Удмурт театрысь актриса М. Самсонова
Аня нылыныз.
Таяз толэзе «Мынам Удмуртие»
телеканалысь журналистъёс
Вероника Ваулина но
Анастасия Пушкина кутскизы
выль проектсы борды.
«Эктом али» передачаез
лэсьтыны ӵектӥзы «Удмурт
Кенеш» огазеяськон но
Йӧскалык политикая министерство.
— Настяен малпанъёсмы туж
трос, — вераз Вероника Ваулина,
— тросэз кожало, удмурт эктон —
со тыпыртон гинэ, но программаын
ми возьматомы, со озьы гинэ
ӧвӧл шуыса, макем пӧртэмесь ук
соос!
— Удмурт эктонъёслы сӥзем
видеоос, передачаос воксё ӧвӧл, —
вераз Анастасия Пушкина, — телеканаламы
пӧртэм удысъёсты возьматыны
выриськомы, но эктонъёс
малы ке палэнэ кылё.
Озьы кылдоз 13 выпуск. Тӧр
шорын луозы мастер-классъёс.
«Эктон корка» студилэн но «Чебеляй»
коллективлэн кивалтӥсьёссы
Андрей Прокопьев но Наталья
Чиркова дасялозы 8 мастер-класс.
Котькуд программаын луоз выль
герой — пӧртэм удысъёсысь тодмо
адямиос: артистъёс, дышетӥсьёс,
эмчиос... Хореографъёсын ӵош
соос эктыны дышетскозы.
Нырысетӥ передачалэн героез
— удмурт театрысь актёр Константин
Исаков.
— Асьме калыкмылы «Эктом
али» туж пайдаё луоз, выль тодонвалан
сётоз, эктыны дышетоз, —
вераз Константин. — Аслам та дырозь
эктонъёсын выреме, конешно,
вал, но туж кемалась. Москваын
М. Щепкин нимо училищеын дышетскыкум,
дорамы вуылӥз «Чебеляйлэн»
кивалтӥсез Наталья Чиркова.
Али театрын но эктӥськомы,
но удмуртъёссэ — шергес, соин ик
мыным та проектэ пыриськыны
туж тунсыко. Передачалэсь трос
капчи мылкыд витисько.
«Эктом али» историен но тодматоз,
архивысь материалъёсты
возьматоз, трос тунсыкозэ вералоз:
кылсярысь, маин пӧртэм луо
лымшор но уйпал удмуртъёслэн
эктонъёссы.
Проектлэн пумаз программаосы
пыриськемъёс ваньзы ӵош эктон
возьматозы.
________
Мария ЕМЕЛЬЯНОВА
Форум
Вуоно эмчиос Удмуртие люкаськозы
2021-тӥ арын Ижкар пумиталоз
быдэс Россиысь эмъясь луыны
дасяськись студентъёсты. Соос
пыриськозы «Моя профессия —
моё будущее» форуме.
Медицинской студенческой отрядъёс
ужало Россиысь эмчиосты дасясь
вань вузъёсын, арлы быдэ 3 сюрслэсь
трос студентъёс вуоно профессиязы
зымо.
«Россиысь студенческой отрядъёс»
огазеяськонлэн форумез нырысьсэ ортчиз
2016-тӥ арын Курскын. Отын отрядъёс
ог-огенызы тодматскизы, тунсыко
ужрадъёссы, проектъёссы сярысь
мадизы.
Туэ форумлэн эшшо но бадӟым кулэлыкез:
коронавирусэн сэрен бадӟым
курсъёсын дышетскись студентъёс
больницаосы ужаны потэмын. Соин форумын
тросгес луозы мастер-классъёс,
Туспуктӥз Елена ПЛОТНИКОВА
УдГУ
Кызьы жуг-жаген
нюръяськоно
УдГУ-ысь студентъёс-экологъёс вормизы Zero
Waste шудонын, со сӥземын вал инкуазез
утёнлы. Сое радъяз Кировысь Вятской кун
университет.
Онлайн шудонэ пыриськизы «Передовые Эко-
Технологии» огазеяськонысь вузъёс: Удмурт кун
университет, Вятской кун университет, Иркутскысь
йӧскалык исследовательской технической университет
но Саратовысь Ю. Гагарин нимо кун технической
университет.
— Шудон но ӵошатскон пыр инкуазез утёнэн тодматскыны
тунсыкогес, — вераз ужрадэз огез радъясь
Екатерина Демичева, — кылсярысь, ми пыр-поч
сэрттӥмы-пертчимы, кызьы батарейкаосты, ртутен
градусникъёсты быдтоно, кызьы асьме кунамы закон
инкуазез уте. Университетэз быдтэмзы бере егитъёслы
та тодон-валанъёс ужазы но кулэ луозы.
Шудонлэн нырысетӥ люкетаз котькуд команда
возьматӥз аслэсьтыз проектсэ: мар, пе, кароно, заводъёсын
кыллись жуг-жаг омырез медаз кырсёмыты
шуыса. Кыкетӥ люкетаз командаос секыт юанъёслы
валэктон ӝог, кема малпаськытэк, сётъяны кулэ вал.
— Вань командаос ӟеч тодон-валанъёссэс
возьматӥзы, — вераз жюрилэн йырыз Тамара Ашихмина,
— малпасько, ӵошатсконамы пыриськем студентъёс-экологъёс
азьланяз капчиен уж шедьтозы,
инкуазез утён удысын гижысь-пиньысь тыршозы.
________
Конкурс
Кыстӥськозы
«Сириус» доры
Сергей ЗАХАРОВ
Удмуртиын туэ 3-тӥзэ радъяськоз «Большие
вызовы» конкурс. Отчы пыриськыны ӧтё
7-тӥ-11-тӥ классъёсын, ссузъёсысь 1-тӥ-2-тӥ
курсъёсын дышетскисьёсты.
Проект гожъясь, исследованиос ортчытъясь
егитъёслы та конкурс юрттэ бадӟым наукае вамыш
лэсьтыны, профессия бырйыны. Экспертъёслэсь,
дышетӥсьёслэсь дэмланъёссэс санэ басьтыса, соос
проектъёссэс улонэ пыӵатыны кутско.
Конкурсэ пыриськон понна заявкаосты али куто
ни, 1-тӥ мартозь жюри соосты эскерыса потоз. Нош
19-тӥ мартэ проектъёсты утён радъяськоз.
Удмуртиысь устоосыз дышетскисьёс финалэ потозы
но быдэс Россиысь егитъёсын вожвылъяськозы.
Вормисьёс быгатозы Сочиысь «Сириус» дышетскон
центрын дистанционно тодон-валан басьтыны.
________
Мария МИХАЙЛОВА
тренингъёс. Эмчиос котьмалы дась
луыны кулэ. Озьы ик студентъёс пумиськозы
Россиысь но Удмуртиысь
тазалыкез утёнъя министръёсын, усто
врачъёсын.
Форумлэн берпуметӥ нуналаз егитъёс
вуылозы М. Калашников нимо музее,
зоопарке.
________
Сергей ИВШИН

№46 (25856)
2020-тӥ ар 26-тӥ шуркынмон 15
Культпросвет
Эктон — быдэс история
Кызьы улэ 17 аресъем балерина?
Аня Кудрявцева 6-тӥ
арзэ ини ветлэ Ижысь
П. Чайковский нимо
Операя но балетъя театр
бордын ужась хореографической
школае. Али
Анялы 17 арес, ӝоген сое
вите ЕГЭ. Ӵош дышетскись
эшъёсыз малпасько
на ке, кыӵе удысэз
быръёзы, кыӵе вузэ
дышетскыны пырозы,
Аня со сярысь уг сюлмаськы.
Нылаш 5 аресаз
ик валаз: улонзэ балетэн
герӟалоз.
— Балетэн вырыны шуак
уд кутскы. Со понна кулэ
веськрес, куасалляськись
му гор. Соин ик балетын
азинско соос, кинъёс пичи
дыръязы ик эктыны кутско.
Тон ачид балетлы синмаськемын
вал яке анай-атаед
тонэ отчы келязы?
— Балетэ ветлыны кутски
5 аресам, валамон ини, отчы
монэ анае гожтӥз, но мон чик
ӧй пумитъяськы, яратылӥ эктыны.
Милям Воткинскын
трос ик кружокъёсмы ӧй
вал, соин ик огдыре ваньмаз
— эстрадной эктонэ, балетэ
но суредаськонэ — ветлыны
ӧдъяй. Но ӝоген балет ваньзэ
вормиз.
Огшоры эктонъёсын мыным
мӧзмыт вал: пиналъёсын
бызьылӥмы, тэтчаллямы,
шулдыръяськон сьӧрын
нокыӵе пуштрос ӧз ватӥськы.
Мынам потылӥз рос-прос эктэме,
котькуд вырослэн аслаз
историез мед луоз. Тунсыко, 5
аресам ик озьы малпаськисько
вылэм шуыса.
Озьы пумен кылиз балет
гинэ. Зэмзэ ке, али мон эктонлэн
мукет жанръёсыныз но
вырысал, со тунсыко ук, басьтэм
тодон-валанъёс, быгатонлыкъёс
ноку мултэс уз луэ, балетын
азинскыны юрттозы.
— Кӧня фильмъёс, веросъёс
балеринаослэн секыт
улонзы сярысь. Соос
тонэ ӧз-а кышкатъялэ?
— Балет капчи ик ӧвӧл,
зэм. Азьло, пичигес дыръям,
эктыны шулдыр вал, трос кужымме
быдтылӥ ке но, весь
бурдъяськыса улӥ. Нылъёсын
эшъяськылӥмы, калыккуспо
конкурсъёсы ӵем поталлямы.
Балет яратоно шудон кадь
потылӥз.
13 аресам семьяеным Ижкаре
улыны выжимы. Туж
сюлмаськи, мар табере луоз
шуыса, балетэз куштэме
уг поты вал. Тодӥмы, Операя
Ижысь А. Кудрявцева 12 ар балетэн выре ни.
но балетъя театр бордын хореографической
школа ужа
шуыса, отын пиналъёс эктыны
дышетско, спектакльёсын но
шудыло, пе. Шумпотӥ, но кышкай:
выль интыын мукет нылъёсын
огкыл шедьто-а, эктыны
быгатэмме дунъялозы-а? Театрын
кыл кутон тросгес.
Ижын секытгес потӥз:
дышетӥсьёс азямы чурыт куронъёс
пуктылӥзы. Та кружок
гинэ ӧвӧл — татын профессионалъёсты
будэто. Огвакытэ
балетысь кошкыны малпалляй,
но али сотэк улонме уг
адӟиськы ни. 12 ар соин вырисько
уга!
— Туж ӧжытэз егитъёс
классикаен, балетэн
тунсыкъясько, аслыд йӧспӧртэм
уд-а потӥськы?
— Выль адямиосын тодматскисько
но, соос туж паймо,
мон балерина шуыса.
Кызьы, пе, озьы тон, туала вакытысь
егит мурт, сыӵе валантэм
удысэз бырйид, со модной
ӧвӧл, туж мӧзмыт.
Бен, балетэз учкыны, дунъяны
секыт, калыклы капчигес
шонтыны киное яке дискотекае
— отын шулдыргес. Но
классикаез яратӥсьёс асьмелэн,
Ижкарын, трос. Балетэ
билетъёс ӝоггес быро, операосын,
опереттаосын но мюзиклъёсын
ӵошатыса.
Балет — мукет эктонъёслы
инъет. Вань танцоръёслы
кулэ тодыны, мар со позиция,
кызьы киосты но пыдъёсты
возёно, сотэк профессионал
уд луы. Балет — огшоры эктон
гинэ ӧвӧл, со искусство, милям
мугоръёсмы пӧртэм историосты,
учыръёсты верало.
Аслым калыклэсь пӧртэм
уг потӥськы. Кин ке яратэ
компьютер шудонъёсын шудыны,
кин ке — TikTok-е видео
снимать карыны, нош
мон яратӥсько балетэз. Компьютеръёс,
Интернет туж
вӧлмемын, нош балет — ӧвӧл,
соин гинэ мынам хоббие мукетъёсызлэсь
висъяське.
— Мар тыныд балет сётэ?
— Туж яра, балетын астэ
спортын кадь кыдатӥськод
шуыса.
Кинлы ке потэ, дыр: балерина
мынӥз, тэтчиз, берытскиз,
солы чабизы. Таин ваньмыз.
Мон залысен сцена вылын
эктӥсь балерина шоры учкисько
ке, весь малпаськисько:
кӧня кужымзэ со быдтӥз
та элементэз дышетыны, янгышъёстэк
лэсьтыны, макем
чебер пыдчиньызэ золтӥз...
Ми чакласа улӥськомы секталамес,
мултэссэ ум сииське,
нош куддыр макем потэ ческыт
сиён веръям яке кӧё-вӧё
бургер куртчем!
Адями выль уж борды
кутскемез бере ӵемысь шуэ:
нырысь секыт вал, нош собере
дыши, ваньмыз капчиен
пӧрмыны ӧдъяз. Милям озьы
уг луы. Мыным али но секыт на:
котькуд нунал выль элементъёсты
дышетӥськомы. Мыным
кельше асме вормыны,
Анна Кудрявцевалэн архивысьтыз
П. Чайковскийлэн «Спящая красавица» балетаз А. Кудрявцева
шудэ Резвасти феяез.
кужмысь ужатыны. Пӧрме ке,
туж лӧптӥсько.
— Бадӟым сцена вылэ но
потаськод ни-а? Кыӵе ролез
шудэмед потэ?
— Ижкарын луонлыке
кылдӥз бадӟым спектакльёсы
пыриськылыны. Нырысь
монэ нокытчы ӧз пуктылэ,
котыр ласянь эскеризы: мае
быгатӥсько, тыршисько-а репетициын,
ӝуало-а синъёсы...
Бӧрысь кутски массовкаын
шудыны. Монэ пуктылӥзы балетъёсы,
кытын нылпиос кулэ,
кылсярысь, П. Чайковскийлэн
«Щелкунчик» балетаз Выль ар
кыз котырын шулдыръяськи,
солэн ик «Спящая красавица»
балетаз эктӥ. Макем сюлмаськи
вал нырысьсэ театрмылэн
сценаез вылэ потон азям! Мон
— тэшкыли, нош бордам сыӵе
тодмо, кужмо актёръёс экто. Выжыкыл,
мукет сямен уд но шуы.
Будэмея тросгес рольёсы
кылдӥзы. Крезьгур сюлэмъя
ке, номыр кулэ ӧвӧл ни, эктонэ
зымиськод, вунэтӥськод, макем
зол курадӟид репетициосын.
Сцена мыным туж яра,
уг валаськы, кызьы сое кылъёсын
валэктыны.
Трос балетъёсын эктӥсько
но, соосты учкисько но. Мон
синмаськемын Л. Минкуслэн
«Баядеркаезлы». Со Никия
эктӥсь сярысь. Нылаш
улэ Индиын, туж синмаськемын
Солор воинлы, соос огогзэс
ярато, но ӵош луыны
нокызьы уг быгато, пӧртэм
шуг-секытъёсын пумисько.
Пу мыз туж ӝож... Мынэсьтым
со лулме пызьыртэ: сюжетэз
но, ачиз постановкаез но.
Нош льӧль малпанэ
— П. Чай ковскийлэн «Лебединое
озе ро» балетаз сьӧд юсез
— Одиллиез — шудыны.
— Мар кароно, элькунамы
тросгес адями балетэн
мед тунсыкъяськоз, тросгес
нылъёс-пиос солы дышетскыны
мед мынозы шуыса?
— Бадӟымгес городъёсын
— Москваын, Санкт-
Петербургын, Пермьын — вань
нимаз балетной училищеос.
Мон ачим но турттӥсько вал
Перме кошкыны, но ӧз удалты.
Отчы нылпиосты 5-тӥ
классысен куто: соос одӥг интыын
школьной программаез
но дышето, экто но. Асьмелэн
сыӵе училищемы ӧвӧл, соин
ик, малпасько, анай-атайёс
пиналъёссэс та удысэ сётыны
уг дӥсьто, школаез но балетэз
огазеяны секыт луоз шуыса.
Умой, асьмелэн театрмы
дышетскыны луонлык сётэ
шуыса. Мон отчы ветло школа
бере но. Оскисько, культурая
колледжамы пырыны быгато
шуыса, отын мукет эктонъёсын
но тодматско, туж витисько
ни со вакытэз.
Нош калыклы кызьы
пыӵатоно балетэз яратон,
мон уг тодӥськы, угось со туж
аспӧртэм жанр, сое гажан, валан
сюлмысь потыны кулэ.
________
Мария ЕМЕЛЬЯНОВА
Туспуктӥз Марина ИВАНОВА

№46 (25856)
16 2020-тӥ ар 26-тӥ шуркынмон
Пинал куараос
Поезд кошке... Дыбыртэ...
Милемлы кыӵе ке проект кылдытыны ӵектӥзы но,
соку ик малпай Кузебай Гердлэн творчествоез сярысь.
Тросэз ӟуч школьникъёс сое уг тодо, нош солэн туж мур,
сюлме пырись кылбуръёсыз. Оло, мынэсьтым суредъёсме
адӟыса, пиналъёслэн Кузебай Герд сярысь тросгес тодэмзы потоз.
Мон Ижысь искусствоосъя 13-тӥ школаез йылпумъяй, отын
пӧртэм стильёсты дышетӥ. Таоссэ суредъёсме кубизм амалэн
(бадӟым арбериез огшоры капчи люкетъёслэсь пӧрмытон)
лэсьтэме потӥз.
________
София ШАБАЛИНА,
Ижысь 56-тӥ гимназиысь 10-тӥ классын дышетскись
К. Гердлэн «Чугун сюрес» (1919-тӥ ар) кылбурезъя.
К. Гердлэн «Сӥзьыл туриос» (1924-тӥ ар) элегиезъя.
К. Гердлэн «Труд» (1924-тӥ ар) кылбурезъя.
Министрез дышетӥ
Мон кемалась ини
конькиен нискыласько,
ӵошатсконъёсы
пыриськылӥсько. Таяз
толэзе мынам тренировкаям
вуылӥз Удмуртиысь
спортъя, мугорез
кыдатонъя но егитъёсын
ужан политикая министр
Александр Варшавский.
Та пумиськон мон понна
вунонтэм кылёз.
Кузебай Герд нимо
гимназиын улон пӧзе
каникулъёс дыръя но.
2-тӥ-7-тӥ шуркынмонэ
татын ортчиз «Визьбугор»
лагерь. Отчы
пыриськизы 1-тӥ-11-тӥ
классъёсын дышетскись
гимназистъёс.
— Лагерез радъямы, пиналъёс
каникулъёссэс пайдаё
мед ортчытозы шуыса, — вераз
К. Герд нимо гимназилэн
директорезлэн воштӥсез
Марина Юрьевна Сергеева.
— Ӵукна нылпиос дышетскизы,
пӧртэм удысъёсысь
тодон-валан басьтӥзы. Нырысьсэ
трос саклык висъямы
олимпиадаосы пыриськись
пиналъёслы: школаын вормисе
потэмъёсты ёрос олимпиадаослы
дасямы. Нуназе
бере дырмес творчестволы
сӥзимы, тунсыко адямиосын
пумиськылӥмы.
Озьы гимназиысь ик
дышетӥсьёс пӧртэм мастерклассъёс
ортчытъязы: эстрадая
но калык кырӟанъя, суредаськонъя,
куиськонъя, видео
Пичи Пургаысь И. Ильин А. Варшавский
министрен ӵош.
Мон улӥсько Пичи Пурга
черкогуртын. Конькиен
нискыланы туж бер кутски,
8 аресам гинэ. Азьвыл акробатикае
ветлӥсько но куасэн
бызьылӥсько вал.
Акробатикая тренере Екатерина
Петровна Соловьёва
ӵектӥз асме фигурной катаниын
эскерыны. Озьы конькиен
рос-прос нискыланы кутски.
Нырысь ик тренировкаосы Татарстанысь
Агрызэ ветлылӥ,
собере тренере Александр
Владимирович Карнизов
сьӧры Ижкаре выжи. Али 4-тӥ
арзэ ини котькуд нунал татын
нискыласько.
Нырысь секыт вал, малы ке
шуоно ваньмон дыры ӧз тырмылы:
ураме эшъёсын шудыны
потӥськод гинэ но пумен
Иже кошконо ини. Анаелы но
шуылэме вань: «Весь-а монэ
тазьы курадӟытод?» Собере
ӧраз пыри. Туннэ мон спортъя
мастере кандидат, Удмуртилэн
чемпионэз луисько ни.
Яратӥсько чебер костюмъёсын
нискыланы. Кельше, вань
фигуристъёслэн мугоръёссы
веськресэсь, юнэсь шуыса.
Министрен Александр
Варшавскиен пумиськон ортчоз
шуыса, ивортӥз тренере.
Нырысь куалектӥ, нош собере
тунсыко потыны кутскиз.
Визьзэс бугоре бинизы
Гимназиысь пиналъёс опытъёс но лэсьтӥзы.
лэсьтонъя, журналистикая...
Пиналъёс проектъёс гожъязы,
соосты улонэ пыӵатон сярысь
вераськизы.
— Пиналъёсты тодматӥмы
Богдан Анфиногенов кылбурчиен,
кырӟасен, — вераз
гимназиысь педагог-организатор
Наталья Ивановна Клабукова,
— ваньзы шумпотӥзы,
кырӟазы но, эктӥзы но соин
валче. Гимназистъёс туж трос
юан сётъязы. Богдан ачиз но
паймиз, лэся.
— Мон туж шаплы пияш,
соин ик туж кельшизы спортэн
герӟаськем ужрадъёс, —
вераз 1-тӥ «а» классын дышетскись
Александр Дроздов.
— Лагерь пумын самой ӟеч
нылпиосты грамотаосын пусйизы,
монэ но. Лагерь ӵоже
мон туж трос тодон-валан
басьтӥ, эшъёс шедьтӥ. Журналистлэсь
но, фотографлэсь
но, хореографлэсь но
ужзэ ас вылам мертай. Кудог
нуналъёсы мон гимназилэн
группаяз выль постъёс
но гожъяй! Дырме юнме ӧй
Александр Ильич коньки
вылын умой сылэ, капчиоссэ
упражнениосты лэсьтыны
быгатэ, кылсярысь,
фонарикез но пистолетикез.
Нырысьсэ коньки вылэ
султэмез бере тулуп тэтчаны
одӥг адями но уз быгаты,
аръёс ӵоже дышетскыны
кулэ, усемлэсь кышкано
ӧвӧл.
________
Илья ИЛЬИН,
Пичи Пурга гимназиысь
9-тӥ классын дышетскись
быдты. «Визьбугор» лагере
пыриськи шуыса, чик но ӧй
жаля.
Бадӟым саклык висъяськиз
удмурт лулчеберетлы:
ми, пиналъёс, калык
кырӟанъёсты дышетӥмы, удмурт
дӥсь сярысь трос выльзэ
тодӥмы. Озьы ик шаермылэн
историеныз тодматскимы.
Нош 4-тӥ ноябре Удмуртилэн
100 ар тырмонэзлы сӥзем
ужрадэ пыриськимы: Иосиф
Наговицынэз, Кузебай Гердэз
но Трокай Борисовез тодамы
вайимы, синпелетъёссы азе
сяська понӥмы.
________
Кристина ЧЕРНОВА,
К. Герд нимо гимназиысь
10-тӥ «б» классын дышетскись
Туспуктӥз Наталья КЛАБУКОВА Пичи Пурга ёрос администрацилэн «ВКонтакте» бамысьтыз

№46 (25856)
2020-тӥ ар 26-тӥ шуркынмон 17
«Чипчирган»
45 аресъем студент
Таяз аре Удмурт кун
университетысь «Чипчирган»
ансамбльлы
45 ар тырме. Ӝыны
даур пала «Чипчирган»
калык эктонъёсты уте но
учкисьёслэсь мылкыдзэс
ӝутэ.
Удмурт фольклорез эскерись
ансамбльёс пӧлысь «Чипчирган»
нырысетӥосыз радын
вал. Со огазеяз Удмурт кун
университетысь студентъёсты.
Татысь дышетӥсьёс, тодосчиос
Владимир Владыкин, Валей
Кельмаков кема аръёс ӵоже
малпаськиллям, таӵе коллектив
одно ик луыны кулэ шуыса.
Ансамбльлэн нырысетӥ
кивалтӥсез Розита Анкудинова
вал, со этнографиез но
сценаез огазеяны быгатӥз, удмурт
лулчеберетэз выль сямен
усьтӥз.
2004-тӥ арысен коллективен
кивалтэ Ирина Пчеловодова.
— «Чипчирганэ» лыктыкум,
аслэсьтым ӧрме утчай, —
тодаз вае Ирина Вячеславовна.
— Кыӵе шӧмын кырӟалом:
вашкала яке туала? Выль
аранжировка дасялом яке
вашкала сямъёсты утём?
Трос юанъёс вал. Мон соку
гинэ консерваториез быдтӥ,
шугъяськылӥ. Репертуарез
выльдыны туж зол юрттӥз
Розита Андриановна ик. Со
дырысен тросэз воштӥськиз
ини: уйпал удмуртъёслэсь
кырӟан-эктон амалъёссэс,
крезьёсты (кырӟанъёсты)
дышетӥмы. Студентъёслы
«Чипчирган» уно сю егитъёслы удмурт культурае сюрес возьматӥз.
туж тунсыко мае ке но выльзэ
тодыны.
«Чипчирганын» пӧртэм
кырӟанъёсты быдэсто, троссэ
Ирина Вячеславовна архивъёсысь
шедьтылӥз, асьсэос студентъёс
но экспедициосысь
соосты вайыло. Кырӟанъёсты
узьыгумы, сялапеллян, кубыз,
крезь но арган шудэм улсын
быдэсто.
Студентъёсын ужа хореограф
но.
— 2004-тӥ арын ми борды
итӥськиз Валентина Студитских,
— шуиз Ирина Вячеславовна,
— со удмурт эктонъёсты
пуктылӥз. Нош али
эктыны дышетэ Лилия Леонтьева.
Лиля студент дыръяз
«Чипчирганэ» ветлӥз, татын
будӥз, кыдаз.
Дышетӥсьёслэн малпамзыя,
ансамбльын студентъёс
кулэ валаны удмурт фольклорлэсь
чеберзэ, аспӧртэмлыксэ.
Уноез студентъёс лыкто
татчы калык эктонъёсты быдэстыны,
кырӟаны дышетскыны.
— «Чипчирган» ансамбле
2 толэзь гинэ ветлӥсько ай, —
вераз университетысь Удмурт
кылосбуръя, финно-угроведениея
но журналистикая
институтысь студентка Кристина
Дмитриева. — Эшъёсы
веразы, та ансамбльын туж
тунсыко шуыса. «Чипчирган»,
пе, пӧртэм ужрадъёсы пы-
Туспуктӥз Алёна ГЛУХОВА
риськылэ. Та дырозь мон ноку
но ӧй дышетылы удмурт эктонъёсты,
кырӟанъёсты, нош
ансамбль монэ бурдъяз удмурт
сям-йылолъёсын матысьгес
тодматскыны.
— Нош мон малпасько вал,
«Чипчирганэ» басьто соосты,
кин чебер кырӟа но эктэ, удмурт
кылын чебер но вольыт
вераське, — итӥське бордаз
Естественной наукаосъя институтысь
студентка Полина
Михайлова. — Соин ик 2-тӥ
курсысен гинэ дӥсьтӥ татчы
лыктыны. Туж кельшиз! Табере
нуналъёсты лыдъяса пукисько,
ку ини репетиция луоз,
ку ини выль эктон яке кырӟан
дышетомы.
Али «Чипчирганэ» мукет
вузъёсысь студентъёс но ветло.
— Татчы ветлэ вал мынам
эше Виолетта Анисимова,
— вераз Ижысь гурт удысъя
академиысь агроинженерной
факультетысь студент Сергей
Волков. — Мон но лыктыны
малпай. Дышетӥсьёсмы
ваньзэ туж умой валэкто, янгышъёсмес
тупатыны юртто.
Нуналысь нуналэ золгес синмаськисько
удмурт эктонъёслы
но кырӟанъёслы.
— Али гинэ лыктэм студентъёсын
ужаны секыт, — вераз
Ирина Пчеловодова, — угось
соослэн та дырозь эктэмзы,
кырӟамзы ӧй вал, но тыршемзэс
адӟиськод но — мылкыд
ӝутӥське. Соосын тунсыко:
ачид но мае ке выльзэ
басьтӥськод, кырӟанэз мукет
сямен шӧдыны кутскиськод.
— Азьло мон шуысал:
«Чипчирган» мынам семьяе,
улонэ. Нош али мыным туж
секыт валаны, мар мон понна
та ансамбль, малы ке шуоно
акыльтыса мон трос пол
куштӥськыны турттӥсько вал
ини. Но «Чипчирган» монэ
нокызьы ӧз лэзьы. Студентъёс
воштӥсько, выль адямиос
лыкто, соос туж пӧртэмесь,
«Чипчирганлэн» тусыз но
воштӥське. Соя улонлэсь
воштӥськемзэ чакласькод.
Соин ик, дыр, кошкеме уг луы.
«Чипчирган» — Удмурт кун
университетысь 45 аресъем
студент: дышетске но, дышетэ
но.
________
Елена ТЫБАНОВА
Эчешон
Кулэ-а калык эктон?
Удмуртъёс туж ярато эктыны. Кин ке ас понназ гуртаз
эктэ, кин ке — дискотекаын, шулдыръяськон ӝытын.
Эктонъя пӧртэм секциос, кружокъёс ужало. Нош кулэ
на-а али калык эктонъёс?
— Кытысь ке лыдӟи вал, «калык
эктон — калыклэн выросъёсызлэн
портретэз» шуыса. Мон та веранэн
быдэсак соглаш. Азьло калык эктонъёс
сям-йылолъёслэн оглюкетсы вал.
Котькуд ёрослэн, гуртлэн вал аслаз
эктон амалэз, со пыр адске адямилэн
мылкыдыз но сямыз.
Ачим но, эктыны кутскисько ке,
шӧдӥсько асме зэмос удмурт адямиен.
Калык эктон, кылсярысь, культураез
юнматэ но дышетэ аслэсьтыд
калыктэ яратыны. Соин ик аръёс пыр
калык эктонъёсты утёно, соос выжыосмес
шӧдыны юртто.
«Чипчирган» ансамбльысь хореограф Лилия Леонтьева
VS
Эгралась стоматолог Максим Агафонов
— Ижкарын улыкум, мон ветлӥсько
вал туала эктонъёсъя NEXT-pro
центре. Отын выри хип-хопен.
Концертъёсын сцена вылын эктон
понна ӧй дышетскы — ачим понна
гинэ. Хип-хоп удмурт эктонъёслэсь
висъяське: калык эктонъёслэн вань
пӧртэм катъёссы, соосъя мыноно,
нош туала эктонын тон быгатӥськод
луыны сыӵе, кыӵе тынад потэ, лэсьтыны
озьы, кызьы тон шӧдӥськод,
быгатӥськод. Тани кутскисько мон
удмурт эктонэз быдэстыны, нош
йырам: кызьы шонер пыдме пуктоно,
кӧня вамыш лэсьтоно... Нош
хип-хопын тон эрико тылобурдо
кадь. Кинлы ке, оло, кельшо удмурт
эктонъёс, но соос туала вакытлэсь
пуштроссэ уг ни возьмато.

№46 (25856)
18 2020-тӥ ар 26-тӥ шуркынмон
«Мурдала»
Макем мур зымозы?
Удмурт крезьгуро дуннеез
узырмыто уно
проектъёс. Та нуналъёсы
Ижысь «Артрезиденциын»
ужаны
кутскиз «Мурдала»
лаборатория. Маиныз со
мукетъёсызлэсь висъяське?
Дуннеен
мертаськоно
«Мурдалалэсь» ужзэ мытыса,
4-тӥ шуркынмонэ вань
мылкыд карисьёс люкаськизы
туала удмурт кырӟан, эстрада
сярысь кенешыны. Тема шоры
котыр ласянь учкизы, угось залын
пукизы егит артистъёс но,
соосты кылзӥсьёс но, удмурт
кылэз тодӥсьтэмъёс но.
Кыӵе шуг-секытъёсын пумисько
удмурт кылын кырӟась
егитъёс? Кызьы кырӟан пыр
азинтоно культурамес но
кылмес? Вераськон ӵапак та
юанъёс котырын мынӥз.
Туж вӧлмемын малпан, удмурт
кылын кырӟаса, артист
аудиторизэ сюбегатэ шуыса.
Сое удмуртъёс гинэ кылзозы,
пе, Россиын тодмо луон понна
кулэ ӟуч кырӟанъёс гожъяны.
Талы пумит луиз кырӟась
Светлана Зайцева:
— Англи кылын
кырӟанъёсты быдэс дунне
кылзэ, — вазиз Света. — Ми
англи кылэз, школаын дышетыса
но, ӟеч ум тодӥське, но
кырӟанъёссэс яратӥськомы.
Творчестводэ азинтыны анай
кыл уз люкеты.
Таин соглаш луиз журналист
Мария Галеева. Кылем
арын со фин-угор блогеръёсын
ӵош фин школаосын
Удмурт крезьгурез азинтон сярысь кенешон.
туала удмурт культура сярысь
мадиз.
— Пиналъёслы bobolenin
группалэсь клипсэ возьматӥмы,
— вераз Мария, —
школьникъёс куаныса ик
сое учкизы, соосты дотово
паймытӥз таӵе туала музыка.
Кунъёсын, кытын, англи сяна,
асьсэ кылзы вань на, дунъяло
мукет калыкъёслэсь крезьгурзэс.
Унозэ егит артистъёсты
сюлмаськытэ мукетыз но
— кырӟан гожтон понна ӟеч
аранжировщик кулэ. Асьмелэн
эстрадаямы унозэ аранжировкаосты
лэсьто «Эктоника»
проектлэн ёзчиез
Владислав Горжак но кырӟась
Иван Котельников. Соин ик
тросэз удмурт кырӟанъёс
огвыллемесь, Влад но Иван
тусо, пӧрмо. Туала крезьгур
пӧрмытыны Алексей Пикулев
(MORT) но юрттэ. Но
сцена вылэ али гинэ вамыш
лэсьтӥсь мурт уз но дӥсьты
шонерак «эктоникаослы» яке
Алексейлы вазиськыны, нош
соос дӥне сяна, кин доры мынод?
Ӧйтӧд...
Со сяна, ичи фестивальёс,
кытын егит муртъёс быгато зы
творчествозэс возьматыны.
Радиое но кырӟандэ капчиен
уд чуртна. Кызьы, иське, ачид
сярысь шара верано, калыкез
аслад концертъёсад люкано?
— Кенешонэз кылзыса,
шӧдӥське удмурт артистлэн
психологиез: кутсконо
Туспуктӥз Руслан ХИСАМУТДИНОВ
пичиен-пичиен, азьло монэ
мед кылзозы гуртам, собере
— ёросам, удалтӥз ке, Ижын
но кыӵе ке концертын сцена
вылэ потано... — вераз «Артрезиденцилэн»
кивалтӥсез
Азалина Закирова. — Мыным
потэ, таӵе малпанъёсын кыдёке
уд кошкы. Уждэ кутскыку
ик, быдэс дуннеен мертаськоно,
кунгож сьӧры потыны
малпано, соку вамышъёс но
сэзесьгес, бадӟымесьгес луозы.
Экспериментъёс —
лабораториын
Кенешонын шараяськем
шуг-секытъёсты вормыны
юрттозы «Мурдала» лабораториын.
— Туэ «Кубыз» фестивалез
радъякум, валай, дась артистэз
шедьтыса, сое сцена вылэ
«мын но кырӟа» шуыса поттыны
— тырмыт ӧвӧл, — вераз
«Мурдала» лабораторилэн кураторез
Дарали Лели. — Кулэ
артистъёсын ужаны, образзэс,
репертуарзэс кылдытыны,
твор чествозэс калык пӧлы
вӧлмытыны.
«Мурдалае» ӧтё крезьгуро
инструментъёсын шудӥсь, удмурт
кылын кырӟась, пӧртэм
жанръёсты гажась егитъёсты.
Ваньмызлы, кинлы тунсыко
потэ удмурт музыка, татын
инты шедёз. Лабораториын
пӧртэм экспериментъёс ортчытъяны
луоз.
«Мурдала» ӝыны ар ӵоже
ужалоз. Егитъёс быгатонлыкъёссэс
будэтозы, кырӟанъёссэс
тузӥгес карозы. Та
дыр куспын тодмо артистъёсын
пумиськонъёс но мастерклассъёс
радъяськозы.
— Умой луысал, бордамы,
кырӟасьёс сяна, крезьгурчиос
но, звукорежиссёръёс но
итӥськысалзы ке, — вераз
Дарали Лели. — Озьы ке но
артистъёс асьсэос кулэ образзы
бордын ужаны, асьсэлэсь
ӧрзэс шедьтыны. Лабораториын
уз луэ озьы я тызьы кар
шуисьёс. Ваньмыз ачиз артист
бордысь потоз.
«Мурдалаын» кисьмам
емышен тодматскыны луоз
гужем Ижын NOVART фестивальын.
Яркыт, аспӧртэм
кырӟасьёс творчествозэс калык
азьын возьматозы.
________
Мария ЕМЕЛЬЯНОВА
«Арган берган»
Куаж-куаж шулдыръяськон
Ижысь «Арт-резиденция»
но Дарали Лели
«Арган берган» проект
кылдытӥзы. Шутэтскон
ӝытъёсты Ижкарын
толэзьлы быдэ ортчытъяны
чаклало.
«Арган берган» — со сыӵе
ик дискотека, но диджейлэн
пультэз интые — арган, вакчи
юбкаос интые — чебер
удмурт дӥсь. Мон шуысал,
та жильыртӥсь чыртывесен,
куэм айшетъёсын нылкышноослэн
«Ииииих!» ваземенызы
удмурт этно-вечеринка.
Татчы лыктэм адямиос
адӟыны кулэ, кыӵе со удмурт
калык, вашкала удмурт эктон,
дӥсь, арганэн шудэм гуръёс,
кӧня пуштрос, кужым со
сьӧрын ватӥське!
Удмурт эктонлэсь мӧзмонэз веськатон.
— «Арган берган» — зэмос
вашкала эктонъёсын
но кырӟанъёсын тодматӥсь
ужрад, — шуэ Дарали Лели.
— Улонамы этно тросгес мед
луысал, угось берло дыре
ми вашкалазэ туалаеныз сураны
тыршиськомы, соин
ик чын-чын удмуртэз тырмемысь
дугдэ. Мынам потэ
Туспуктӥз Владимир ИСУПОВ
возьматэме, нырысь ик
егитъёслы, кызьы удмурт лулчеберет
гуртъёсын улэ, кызьы
калыкмы кырӟа, шулдыръяське,
шутэтске...
Нырысетӥез ӝыт ортчиз
11-тӥ ноябре, ӧтемын вал
Дэри ёросысь Ожмос-Пурга
гуртысь «Пурга куараос» ансамбльысь
кенакъёс. Коллектив
35 ар тырмемзэ октябре
пусйиз. Элькун но ёрос вожвылъяськонъёсын
ӵемысь
вор мисе пота.
Песянайёсын ӵош творчествозэ
возьматӥз «Оркестр В»:
скрипка, флейта, гитара, синтезатор
шудэм улсын чузъяськизы
удмурт кырӟанъёс.
«Чипчирган» ансамбльысь
нылъёс задор мылкыдо арганчиенызы
— Иван Софроновен
— возьматӥзы, кызьы
эктыны кулэ, сьӧразы вань
калык кыстӥськиз. Мылкыд
лӧптэмын вал!
Татын ик возьматӥзы
«Урбан Удмурт» дӥськут коллекциез
но, сое вуризы «Артрезиденцилэн»
дизайнъя
проектаз пыриськемъёс.
Гужем кӧня ке толэзь ӵоже
соос тодматскизы удмурт
дӥськутэн но тыршизы сое
туала, городын ветлоно кадь
карыны.
Мыным удалтӥз та ӝытэ
вуылыны, туж кельшиз, ачим
шӧдӥсько таӵе ужрадъёслэсь
кулэлыксэс, куаж-куаж удмурт
эктонъёс выль кужым
сёто. Вуоноез «Арган берган»
10-тӥ декабре ортчоз. 12+
________
Виолетта АНИСИМОВА

№46 (25856)
2020-тӥ ар 26-тӥ шуркынмон 19
«Бадӟым вузлэн тылъёсыз»
Висись муртлэн дуннеяз
«Бадӟым вузлэн тылъёсыз»
(«Огни большого
вуза») вожвылъяськон
Удмурт кун университетын
арлы быдэ ортчылэ.
Туэ 13 институтъёс
спектакльёссэс арня
ӵоже возьматӥзы.
Удмурт филологияя, финно-угроведениея
но журналистикая
институтысь
егитъёс «Загадочное ночное
убийство собаки» ужзэс
возьматӥзы. Со пуктэмын
Великобританиысь писательлэн
Марк Хэддонлэн романэзъя.
Режиссёръёсыз
— Еле на Чернова но Вадим
Костылев.
Валтӥсь героез — аутизмен
курадӟись 15 аресъем Кристофер
Бун. Спектакльлэн кутсконаз
ик герой бускелезлэсь
кулэм пунызэ шедьтэ. Кристоферлэн,
зэмос детективын
сямен, тодэмез потэ, кин пуныез
вииз.
Инмысь кизилиослы укшась
яркыт тылъёс, катанчи
борды ошылэм лыдпусъёс
— ваньмыз таос валтӥсь геройлэсь,
мукет адямиослэсь
висъяськемзэс возьматыны
юрттӥзы. Массовкаысь
актёръёслэн ӵа шетэмзы,
пӧ р тэм куара поттылэмзы
возьматӥзы, кыӵе шугсекытъёсын
солы котькуд нунал
пумиськоно луэ.
Постановкаын ӝутэм ужпумъёс
туж муресь, соос учкисез
малпаськыто.
Удмурт филологияя, финно-угроведениея но журналистикая
институтысь С. Ложкин зэмос актёр кадь шудӥз.
«Загадочное ночное убийство
собаки» огшоры детектив
гинэ ӧвӧл. Со возьматэ кадь:
аслэсьтыд быгатонлыкъёстэ
шараяны кышкано ӧвӧл,
льӧль малпанъёсыд сьӧры
йыг-йыг вамыштоно. Спектакль
аслыд оскон но гажан
пыӵатэ.
Туж паймытӥз валтӥсь героез
шудӥсь актёр — Сергей
Ложкин. Кыӵе быгатыса со
усьтӥз ненег сюлэмо героезлэсь
образзэ! Шудэмзэ учкыса,
дырын-дырын мугор ик
юзыр-кезьыр луыса кошкылӥз.
Адӟем карымон
Школае — удмурт дэремен
Кузебай Герд нимо гимназиысь
О. Петухова удмурт дэременыз.
Туспуктӥз Надежда НИКОЛАЕВА
Сергейлэсь быгатонлыкъёссэ
жюри но туж вылӥ дунъяз:
«Усто пиосмурт роль» номинациын
1-тӥ инты сётӥз.
Со сяна, Удмурт филологияя,
финно-угроведениея
но журналистикая институт
«Усто режиссура» номинациын
2-тӥ инты басьтӥз, со понна
куараоссэс сётӥзы учкисьёс,
Удмурт театр нимысьтыз
кузьымен пусйиз.
Огъя зачётын вормисе
потӥзы:
1-тӥ инты — Педагогикая,
психологияя но социальной
Ижысь К. Герд нимо гимназиын
2-тӥ классын дышетскись
Оксана Петухова аслыз тунсыко
но пайдаё уж шедьтӥз —
дӥсь вурыны кутскиз.
Гимназиын арнялы быдэ ортче
удмурт нунал, ӵемгес со четверге тупалля:
соку школьникъёс дышетскыны
лыкто удмурт дӥсен. 8 аресъем
Оксана ӧпкельылӥз: удмурт дэремез
ӧй вал угось.
Но анайзэ со, дась дэрем басьтыны
курыса, ӧз ёрты. Ачиз вуроно кариськиз
— басмазэ но, эсьмаса, ачиз
бырйиз, сое ас сяменыз чебертӥз.
Юнме шат социальной сетьёсысь
учкылӥз удмурт дэремлы, пужыослы
сӥзем уно видеосюжетъёсты. Ӵапак
соку син шораз ивор шедиз: Ижысь
удмурт кибашлы Надежда Николаева,
пе, пиналъёсты вуриськыны ӧте.
Оксана анаезлы вандэм кадь шуиз: та
кибашлы дорын удмурт дэрем вуреме
потэ!
Ас киыныз вурем дэремзэ Оксана
эскериз ни — соин гимназие ветлӥз.
Туспуктӥз Данил КУЗНЕЦОВ
технологиосъя институтлэн
«#событие_это_я» постановкаез;
2-тӥ инты — Кылъя но
литературая институтлэн
«Саша, вынеси мусор» постановкаез;
3-тӥ инты — Удмурт филологияя,
финно-угроведениея
но журналистикая институтлэн
«Загадочное ночное
убийство собаки» постановкаез.
________
Анисья МАРКОВА
Эшъёсыз паймизы, нырысь ӧз оске,
ачиз вуриз шуыса. Вуриськон машина
сьӧрын пукыкуз лэсьтэм туспуктэмъёссэ
адӟыса, валазы: уг пӧя.
Оксаналэн атаез чылк-чылк ӟуч,
нош анаез, Наталия, Сарапулын
вордскемын но будэмын — удмурт
кылын вераськемез кылылӥз, песянаез
доры куное вуылыкуз гинэ.
Но Наталия Петухова сокем яратэ
удмурт выжыоссэ, нылзэ но одно
ик удмурт гимназие сётэмез потӥз,
улон интызыя мукет школае тупало
вал ке но. Оксаналы гимназиын туж
кельше, анаеныз ӵошен дышето удмурт
кылэз, Ижын ортчись удмурт
ужрадъёсы вуыло.
Дорын куспамы но удмурт кылын
вераськыны тыршиськом — нылы
мед тодоз: солэн но выжыез удмурт,
— шуэ Наталия Петухова, — медаз
возьдаськы, мед данъяськоз, мед
валалоз — удмурт луэменыз ик со
аспӧртэмлыко.
________
Елена ТУГАШОВА
Вотэс
Тодон-валан
куды
Вотэсын кылдӥсь
удмурт бамъёслы
уд паймы ни. Но
таяз толэзе ужзэс
мытӥзы чылкак
выль тунсыко Интернет-проектъёс.
• Merа́s бам
Merás (реликвия, наследие)
— удмуртъёслэн
фольклорзылы, этнографизылы
сӥзем сайт.
Со бордын ужа Калык
творчествоя элькун
корка, Владимир Потанинлэн
фондэз юрттэмен.
Этнографъёс, фольклористъёс,
языковедъёс,
крезьгурчиос матысь
дыре Удмуртиысь
фольклор архивез — туспуктэмъёсты,
видеоосты,
аудиоосты — отчы
интыялозы. Озьы ик
сайтын кылдоз Удмуртилэн
картаез. Отчы
пусъёзы городъёсты,
гуртъёсты но валэктозы,
малы соиз я таиз
инты озьы нимаське.
Вань материалъёс
удмурт, ӟуч но англи
кылъёсын луозы.
Нош али проектлэн
иворъёсыныз тодматскыны
луэ «ВКонтактеысь»
но «Инстаграмысь»
огинъёсын.
• Kudpala бам
«Удмуртия» ГТРК-ысь
журналист Анастасия
Петрова ас вакытаз
психологлы дышетскиз.
Ассэ пӧртэм
удысъёсын утчалляз:
Колумбиын пиналъёсты
ӟуч кыллы дышетэмез
но вань.
Самоизоляция вакытэ
Настялэн потӥз
психология удысын
басьтэм тодон-валанъёссэ
будэтэмез но
улонын соосты эскеремез.
Калыкен ужаны
кутскиз, соослы шугсекытъёссэс
вормыны
юрттӥз.
Нош али Интернет
пыр юрттэт сётэ. Настя
«Инстаграмын» kudpala
бамез кылдытӥз. Отын
удмурт кылын вераське
психология сярысь,
книгаос дэмла но
мукет.
Кылсярысь, валэктэ,
кӧня пумо малпанъёсыз
адямилэн луыны
быгато но малы соосты
валаны кулэ, дэмла
астэ ӟечгес валаны
юрттӥсь книгаосты,
интыя аспӧртэм комиксъёсты.

№46 (25856)
20 2020-тӥ ар 26-тӥ шуркынмон
Адӟытон
Театретӥ калге
Туспуктӥсь Марина
Иванова кемалась ик
ӧвӧл ужаны кутскиз
Ижысь Суредаськон
искусствоосъя музейын.
Татын радъяськиз
нылашлэн нырысетӥ
адӟытонэз. Паймоно
ӧвӧл, дыр, — солэсь быгатонлыкъёссэ
лулчеберетэн
герӟаськем муртъёс
кемалась дунъязы
ини.
Дышетскемезъя Марина
— социолог но рекламаен вырись.
Та удысъёс солы али но
тунсыко пото, озьы ке но соосты
вормиз нылашлэн пичи
дырысь яратонэз — фотоаппарат.
— Нырысетӥ туспуктэмъёсме
мон лэсьтылӥ эшелэн
«мыльницаеныз», — вера
Марина. — Ваньмыз син
шорам йӧтэ вал: сяськаос,
чыртывесьёс... Собере асьмеос,
модельёс сямен выламы
оломар но дӥсяса, фотое
М. Иванова туспуктӥсьлэн адӟытонэз
Суредаськон искусствоосъя музейын ортчиз.
пуксьылӥмы. Эшелэсь весь
кураськыса улыны умой ӧз
поты, соин ик анай-атаелэсь
фотоаппарат кури. Но милям
солы коньдонмы ӧй вал,
дышетскон ардэ умой йылпумъяд
ке, басьтомы, шуиз
мама. Озьы мынам кылдӥз
нырысетӥ цифровой фотоаппаратэ.
Суредаськон искусствоосъя музейлэн «ВКонтакте» бамысьтыз
Марина яратылӥз инкуазез
туспуктыны, со, пе, ас
понназ но туж чебер, тыршоно
со чеберез возьматыны.
— Университетын тодонвалан
люкакум но, со бере но
интыяськылӥ дышетскемея
ужаны, творчестволы дыры
ӧй вал. Собере ужысьтым
кошки но 2 ар ӵоже асме утчай:
отысь-татысь заказъёсты
быдэсъяй. Со аръёс ик
асме валаны юрттӥзы.
Огпол Марина вуиз
П. Чайковский нимо Операя
но балетъя театрлэн хореографической
школаяз. Отын
нылашез туж дунъязы: репетициосты,
ужрадъёсты туспуктылыны
косӥзы. Театрлэн
аслаз фотографез вань ке но,
Маринаез балетъёсы, операосы
ветлыны лэзьылӥзы, озьы
луонлыкез кылдӥз гримёркаосты,
оркестрез туспуктыны.
Огшоры адямиез озьы
театретӥ калгыны уз лэзе.
Марина уг кышка пӧртэм
вожвылъяськонъёсы
пыриськыны, кылсярысь,
кемалась ик ӧвӧл «Театр в
фотообъективе» калыккуспо
конкурсын вормиз.
— Мон рос-прос дасяськи,
театрмылэн вань «Щелкунчик»
балетъёсаз ветлӥ,
пӧртэм ракурсъёс утчай.
Конкурсэз Украинаын радъяло,
соин ик кышкай вал, политикаен
сэрен ужъёсме кулэ
ик уз каре шуыса. Но мыным
удалтӥз.
Конкурсысь жюри ик
пусйиз Мариналэсь репортажной
туспуктэмъёссэ,
соос, пе, тынад туж ӟеч
пӧрмо.
— Яратӥсько эмоциосты
кутыны, соос туж ӝог кылдо
но озьы ик ӝог быро, — шуэ
Марина. — Театр туж юрттэ
творчествоме азинтыны,
выль малпанъёс но кужым
кузьма. Мон уй но нунал отын
улыны дась.
________
Мария ЕМЕЛЬЯНОВА
Операя но балетъя театрлэн улон-вылонэз.
Туспуктӥз Марина ИВАНОВА
«Дартэ» юанъёсын, дэмланъёсын вазиськоно
73-33-42 телефон номеръя.
Материалъёстэс, туспуктэмъёстэс, суредъёстэс ыстэлэ
электрон почтае dart.gazet@yandex.ru.