dart №3

Егитъёслы сӥзем
газет
udmdart
dart.gazet@yandex.ru
№12 (25924)
2022-тӥ ар 31-тӥ южтолэзь 13
Волонтёръёс
Юрттӥзы
6 сюрс муртлы
Таяз толэзе Кун
Кенешын сӥлы
каризы «МыВместе»
но «МедПоддЕРжка»
акциосы мылокыдо
пыриськем
волонтёръёсты.
Лэчыт синмын
Мед буйгатоз... ивор
— Коронавирусэн
нюръяськон аръёс
возьматӥзы, макем сюлмо
калык элькунамы улэ,
— вераз Кун Кенешлэн
тӧроез Владимир Невоструев,
— волонтёръёс,
ваньмон дырзэс жалятэк,
ужаны потазы: арлыдоослы
сиён-юон нуллӥзы,
больницаосын юрттӥзы.
Оскеме потэ, пандемия
бере но волонтёръёсмы
озьы ик мыло-кыдо тыршозы
шуыса.
2020-тӥ арысен кутскыса,
«МыВместе»
но «МедПоддЕРжка»
акциос борды 2 сюрс
500 пала волонтёръёс
итӥськизы. Та дыр ӵоже
соослы 6 сюрс пала
адямиос, юрттэт курыса,
вазиськылӥзы. Волонтёръёслэн
ужзы али но
азьланьтӥське: нуналлы
быдэ 50 адресъёсъя
вуыло.
Егитъёслы, ужамзы понна
тау карыса, бейджъёс
люкылэмын, соосъя
шаерысьтымы 50 пала
магазинъёсын дунтэменгес
басьяськыны луэ.
Ужрадын Кун Кенешлэн
Таукаронэныз пусъемын
Ижысь волонтёр
Данил Шляпников. Со
40 муртлы сиён-юон
нуллӥз, оглом 150 час
пала ужаз.
— Пандемия вакытэ
тыршоно юрттыны арлыдоослы,
секыт югдуре
шедем муртъёслы, — вераз
Данил, — соос интые
магазинэ, аптекае ветлыны
мыным секыт ӧвӧл.
Соин ик 2 ар ӵоже калыклы
кӧня ке ке но пайда
вайыны быгатӥ шуыса,
туж шумпотӥсько.
Со сяна, Таукаронъёсын
пусъемын вал Леонид
Поклонов но Олег Мальцев
автоволонтёръёс,
«Волонтёры-медики»
огазеяськонысь егитъёс
— Анастасия Абасова,
Диана Ефремова
но Софья Стрелкова,
Дэри ёрос больницалы
юрттӥськемъёс — Азат
Закиров, Ян Созин но
Михаил Фёдоров.
________
Сергей ЗАХАРОВ
Кинлэн кызьы ӵукнаез
кутске: одӥгъёсыз мугорзэс
кыдатыса вутто,
мукетъёсыз сайкамзы
бере валесын погылляськыны
ярато… Но
берло вакытэ уноез нуналзэ
иворъёсты лыдӟон
бордысен кутске.
Психологъёс чакламъя,
политической югдур шоры
учкыса, калык трос сюлмаське,
малпанъёс бергало: санкциосын
сэрен сиён-юон уз
окмы, дунъёс укыр зол будозы,
кунгож сьӧрысь техникаез
басьтыны ум быгатэ, ужтэк
кылёмы...
Таӵе вакытэ урод малпанъёслы
ӧвӧл сётӥськоно. Иворъёсты
лыдӟем-учкем интые,
тросгес ужано, выль хобби
борды басьтӥськоно, ваньмон
дырез эшъёсын, ӵыжывыжыосын
ортчытъяно. Али,
тулыс вуэмен, умой луоз
чылкыт омырен шоканы —
Суредаз Ира СМИРНОВА
инкуазьмы пальышась шундыен
шумпоттэ.
Нош ми дэмласькомы
тӥледлы газетмес лыдӟыны —
удмурт егитъёслэн иворъёссы
сюлэмъёстэс буйгатозы.
________
ДАРТЧИ

№12 (25924)
14 2022-тӥ ар 31-тӥ южтолэзь
Редакторлэн кылыз
Мае учконо
«Рутубысь»?
Верало, ӝоген «Инстаграм»,
«Фейсбук»
(кыкез но
Россиын алэмын)
сьӧры «Ютубез» но
пытсаны быгатозы.
Берло вакытэ ӟуч
«Ютубын» шыпыт
луиз. Блогеръёслэн
ужамзы, видео лэсьтэмзы
потэ, но соос
пайдазэ уг адӟо. Угось
та дырозь платформа
соосты умой сюдӥз:
кӧня ке коньдон
тыриз, рекламаез но
азинтыны юрттӥз.
Нош Украинаын спецоперация
кутскем
бере «Ютуб» Россиысь
блогеръёслы коньдон
тыремысь дугдӥз,
реклама сётӥсьёс но
доразы уг ни мыно.
Со сяна, администраторъёс
пытсазы куд-ог
кун телеканалъёслэсь
«Ютубысь» бамъёссэс.
Озьы ке но «Ютуб»
кунамы улэ на. Но экспертъёслэн
малпамзыя
таӵе вакыт кема
уз кыстӥськы. Соос
малпало, Meta (Россиын
алэмын) огазеяськон
сямен ик, «Ютуб»
но Россиын улӥсьёслы
пумит ужа шуыса.
Таӵе вакытэ блогеръёслы
Россиын кылдэм
сервисъёсын ужаны
дэмлало. Кылсярысь,
ӟуч «Ютуб» — «Рутуб» —
кемалась кылдэмын
вал ни.
Куд-ог телеканалъёс,
блогеръёс, югдурез
шӧдыса кадь, отчы но,
татчы но видеооссэс
поттало ни вал. Но
«Рутубын» сомында
калык уг пукы, соин
ик видеоосты но отын
ичигес адями учке.
Ӝыны толэзь пала
кунамы бадӟым
кунгожсьӧр сетьёс
уг ужало ни, соин ик
асьме «ВКонтактеямы»
калык 40 процентлы
ӵемгес видеоос, вакчи
клипъёс, фотоос пуктылыны
кутскиз. Оло,
«Рутуб» но озьы ик
паськыталоз?
Нош асьме разработчикъёсмы
пытсаськем
соцсетьёс интые мукет
платформаосты усьтыны
дасясько. Матысь
дыре «Инстаграмлы»
(Россиын алэмын) тупась
2 соцсеть кылдыны
кулэ ни.
________
Мария ЕМЕЛЬЯНОВА
«Атмосфера» конкурс
Биатлонистъёс будозы
Ӵошкыт палъёсын
Якшур-Бӧдья ёросысь
Ӵошкыт школаын биатлонъя
ӵошатсконъёс
ортчыло вылэм. Та сямез
улӟытон понна ми
ӵош дышетскись эшъёсыным
«Атмосфера»
конкурсэ пыриськимы.
Пекинын ортчем тол
Олимпиадаез учкыкум, биатлонлы
синмаськи. Ирина
Казакевич, Кристина Резцова,
Светлана Миронова но Ульяна
Нигматуллина эстафетаын
2-тӥ инты басьтӥзы но, туж
шумпотӥ.
Мынам ӵыжы-выжыосы
ӵем тодазы вайыло, школаын
дышетскыкузы, биатлонын
ӵошатскылӥзы шуыса.
Та сярысь тросгес тодон
понна школаысьтымы музее
мынӥ. Ӵошатскон нуналэ
вань пиналъёс, дышетӥсьёс
Чемошур пала потало вылэм.
Кин ке бызьылыны,
кин ке спорт сменъёс понна
висьыны. Туж шулдыр
луэ вылэм. Пиналъёс куасэн
3 иськем ортчыны,
8 пол ыбыса, 5 кубике
йӧттыны кулэ вылэм.
Мынам Петя дядяе вераз,
классазы пиос гинэ дышетскизы
шуыса, ваньзы
биатлонъя ӵошатсконъёсы
пыриськылӥзы. Соослэн
вормемзы туж потылэм.
Иворъёс
25 журналистъёс
но блогеръёс
20-тӥ южтолэзе ZOOM
платформа пыр «Шокан»
огинысь егитъёс
дышетон форум радъязы.
Отчы шаерысьтымы
но Удмуртилэн палэнысьтыз
25 пиналъёс
пыриськизы.
Гуртазы ноутбук яке
телефон азьын пукыса, пиналъёс
выль удысъёсын
тодматскизы: журналистика
сярысь мадиз «Дарт» газетлэн
редакторез Мария
Емельянова, нош «ТикТоке»
видеоосты лэсьтыны, социальной
сетьёсысь бамъёсты
азинтыны дышетӥз блогер
Владимир Миннигараев.
— Мон нырысьсэ та ужрадэ
пыриськи, туж кельшиз, —
вераз Ува ёросысь Жужгес
гуртысь Света Вавилова, —
туннэ басьтэм тодон-валан
мыным азьланяз туж кулэ
луоз.
Якшур-Бӧдья ёросысь Ӵошкытысь пиналъёс
школаязы биатлонэз берыктон понна сюлмасько.
Куасэн ваньзы умой бызьылӥллям,
угось азьло сьӧрлось
гуртъёсысь пиналъёсты
школае автобусэн ӧз вайылэ,
соос гужем пыдын, нош
толалтэ куасэн ветлӥзы. Соревнованиослы
пиналъёсты
дасяллям физкультуралы
дышетӥсь Альбина Константиновна
Емельянова но
ОБЖ-лы дышетӥсь Василий
Геннадьевич Широбоков.
Берло вакытэ школаямы
биатлон сярысь вунэтӥзы.
«Шокан» огинлэн ёзчиосыз
оско, матысь дыре бордазы
эшшо тросгес пиналъёс
итӥськозы но форумлэн ужез
паськыталоз шуыса.
________
Данила АХМЕТШИН
Лымы сузяны
секыт ӧвӧл
18-тӥ-20-тӥ южтолэзе
Удмурт кун университетысь
егитъёс
вуылӥзы Дэри ёросысь
Шор Постол гуртэ.
50 студентъёс «Отрядный
вираж УдГУ» акция улсын
калыклы лымы сузяны
юрттӥзы. Со сяна, бадӟым
классъёсын дышетскисьёс
понна урок ортчытӥзы:
пӧртэм профессиос сярысь
мадизы, шулдыр
ӵошатсконъёс радъязы,
фильмъёс возьматӥзы.
— Мыным туж кельшиз,
маин выро егитъёс та
Но милям азьло сямен шулдыр
улэммы потэ, соин
ик «Атмосфера» конкурсэ
проектмес гожтӥм. Биатлонъя
ӵошатсконъёсамы
быдэс ёросысь пиналъёсты
ӧтеммы, сое арлы
быдэ ортчытъяммы потэ.
22-тӥ южтолэзе проектмы
сярысь жюрилы верамы,
2-тӥ инты басьтӥмы. Табере
чидатэк возьмаськомы
ни, ку тӥрлык, винтовкаос
басьтомы но дорамы
проект улсын, — вераз Шор
Постол поселенилэн администрацияз
ужась Андрей Степанов.
— Нунал туж тунсыко
ортчиз. Оскисько, вуоно арын
но студенческой отрядъёс ми
доры вуозы шуыса.
________
Сергей ЗАХАРОВ
Кыӵе луоз
«Удмурт бам»?
Программист но
Android-разработчик
Григорий Григорьев
удмурт социальной
сеть бордын ужа. Со
чакламъя, «Удмурт бам»
ватсэтэз куартолэзь
пумын вань мылкыд
карисьёс телефонъёсазы
пуктыны быгатозы ни.
— Куд-ог социальной
сеть ёсты кунамы алӥзы но,
малпай, малы удмуртъёслэн
татчыозь асьсэ сетьсы ӧвӧл
шуыса, — вераз Григорий
ӵошатсконъёсты ортчытомы.
Ачим спортэн уг эшъяськиськы
ке но, биатлонын
кужымме эскереме потэ.
Школаме йылпумъяме бере
данъяськыса верало, биатлонъя
школаез быдтӥ шуыса.
________
Алина МАЛЫХ,
Якшур-Бӧдья ёросысь
Ӵошкыт школаысь
10-тӥ классын дышетскись
Григорьев, — оскисько, выль
ватсэт кусып возьыны туж
юрттоз шуыса.
«Удмурт бам» ватсэтлэн
быдэс интерфейсэз удмурт
кылын луоз, ӟуч кылъёсты
но текстъёсты, вань гожтэтъёсты
социальной сеть ачиз
удмуртэ берыктоз.
— Берло аръёссэ мон
удмурт кылэз валась синтезатор
бордын ужай, сое
нейронной сетьёслэн юрттэменызы
лэсьтӥ, — вераз
прог раммист, — таяз проектам
кылысь кылэ берыктыны
ӵапак соос юрттозы.
Программистэн ӵош бадӟым
команда ужа: УдГУ-ысь
студентъёс сетез удмуртомытыны
юртто, нош дизайнеръёс
ватсэтлэн тусыз бордын
ужало.
«Удмурт бамез» телефонъёсы
дунтэк пуктыны
луоз.
________
Мария МИХАЙЛОВА
«Большеошворцинская СОШ» огинлэн «ВКонтакте» бамысьтыз

№12 (25924)
2022-тӥ ар 31-тӥ южтолэзь 15
Вотэс
Одӥгез пытсаське, мукетыз усьтӥське
Кыӵе социальной сетьёсын пукомы?
Кылем арняе Россиын
пытсазы кунгож сьӧрын
кылдэм бадӟым социальной
сетьёсты. Кызьы
али ужало соос, кинэ
та дырозь ӵапак вотэс
сюдӥз? Вераськи Ижысь
Суредан искусствоосъя
музейысь интернетмаркетологен,
SMMӧнерчиен
Ольга
КНЯЗЕВАЕН.
— Кызьы тон вотэсэн
ужаны кутскид?
— Ачим мон Балезино
ёросысь Чирогуртысь. Юндаысь
11-тӥ классэз быдтэме
бере пыри дышетскыны
Удмурт кун университетэ
«Реклама но PR» ӧре. Дышетскыкум
SMM (иворъёсты,
товаръёсты социальной
сетьёс пыр вӧлмытон) сокем
вӧлмемын ӧй вал на, милемлы
со сярысь вераллязы, но
кызьы ужано, ӧз валэктэ. Та
удысэн пыр-поч тодматски,
Ижысь проектъёсъя «Лифт»
штабын волонтёр сямен
ужакум, соку пӧртэм огазеяськонъёслэсь
проектъёссэс
нуылӥ. Мыным со тунсыко
потӥз, трос тодон-валан люкай.
Бӧрысь Ижысь эмъюм
поттӥсь компаниын ужаны
кутски, татын интернетмаркетинген
(иворъёсты,
товаръёсты Интернет пыр
вӧлмытон) тодматски. Калык
выль эмъюм сярысь мед
тодоз, сое мед басьтоз шуыса,
ми вазиськылӥмы сайтъёсын
мылкыдъёссэс шараясь
адямиослы. Ми соослы коньдон
тырылӥмы, нош соос,
эмъюмез адӟылытэк но, сое
юытэк но, сайтъёсын гожъяллязы,
макем со ӟеч шуыса.
Но мон туж ӝог валай, таӵе
сьӧд пиарен мынам выреме
уг поты.
Озьы сюресэ вуттӥз
Ижысь Суредан искусствоосъя
музее, соку татын Москваысь
маркетолог ужа
вал. Туж потӥз солэсь дышетскеме.
Мон социальной
сетьёсын музейлэсь
бамъёссэ нуисько, калыкез
искусствоен, проектъёсынымы
тодматӥсько. Музейысь
кӧнялы ке кошкылӥ ITкомпание.
Но ӝоген татчы ик
берытски.
— Маин герӟаськемын
интернет-маркетологлэн
ужез?
— Маркетинг юрттэ товарез
калык пӧлы вӧлмытыны,
сое вузаны. Огшоры
Интернет-маркетолог, SMM-щик Ольга Князева.
маркетолог быгатэ ужрадъёс
но ортчытъяны, калыклы
товарлэн логотипеныз
ручкаос, блокнотъёс люкылыны
но мукет, нош интернет-маркетолог
вотэсэн
герӟаськем ужен гинэ выре.
Выль уж борды кутскиськод
ке, одно ик эскероно,
мар каро та удысын
ик ужась мукет компаниос,
кыӵе амалъёсты куто, пайда
ваё-а со амалъёссы, уг-а.
Та выллем анализэз ӝыны
арлы одӥг пол ке но лэсьтыны
кулэ.
Со сяна, валаны кулэ,
кинлы тынад товаред кулэ
луоз, кинлы сое дэмлано.
Кылсярысь, школаын
дышетскисьёслы ке, тон,
постъ ёсты гожъякуд, соослы
«Тӥ» шуыса уд вазиськы, соослы
валамон кылын вералод,
соослы тупась социальной
сетез быръёд. Та вылэ
пыкъяськыса ик, интернетмаркетолог
аслыз план кылдытэ:
ку, мае, кызьы кароно,
товаред сярысь мед тодозы,
калыклэн сое басьтэмез мед
потоз шуыса.
Зэмзэ ке, интернет-маркетолог
ваньзэ быгатыны
кулэ: план, реклама лэсьтыны,
видео пӧрмытыны, текстъёс
гожъяны…
— Нош кыӵе социальной
сетьёсты ӵемгес уже куто
кунысьтымы интернетмаркетологъёс?
— Умой, компанилэн
сайтэз вань ке. Соку иворъёс
уз ыше, басьяськисьёс но
тӥледыз шедьтозы. Но калыкен
кусыпъёсты капчигес
юнматыны социальной
сетьёс пыр. Статистикаез
учконо ке, Россиын туж
вӧлмемын «ВКонтакте»,
2-тӥ интыын вал «Инстаграм»
(Россиын алэмын),
3-тӥ интыын — «Одноклассники»,
4-тӥ интыын
— «Фейсбук» (Россиын алэмын).
Но нош ик вераме
потэ, социальной сетьёсты
быръён азьын кулэ умой
эскерыны, кин понна тӥляд
товарды, кинлы со тунсыко
луоз, кудаз сетьын ужано.
Каль (али) «Фейсбук», «Инстаграм»
(кыкез но Россиын
алэмын) пытсаськем бере
мон малпасько, «Одноклассники»
нош улӟоз. Оскисько,
сое кылдытӥсьёс, туала
югдурез валаса, азинскыны
быгатозы шуыса.
— Россиын алэм сетьёс
вотэсын ужасьёсты умой
сюдо вал. Нош али, соос
пытсаськем бере, интернет-маркетологъёс
кышкатскемын-а,
ужтэк кылёзы
шуыса?
Туспуктӥз Мария ИВАНОВА
— Мыным потэ, каль
санкциосын сэрен интернет-маркетинглы
секыт
луоз. Нырысь ик соослы,
кин товарзэ кунгож сьӧры
вуза вал. Али тросэзлэн
сыӵе луонлыксы ӧвӧл. Компаниос,
кудъёсыз пукизы
«Инстаграмын» (Россиын
алэмын), мон малпамъя,
капчиен выжозы «ВКонтактее».
Секытгес луоз
ужбергатӥсьёслы, кудъёсыз
мукет ужбергатӥсьёсын
«Фейсбук» (Россиын алэмын)
пыр ужало вал. Табере
соослы тупась социальной
сеть ӧвӧл. Но оскисько,
амалъёс шедёзы но калык
ужтэк уз кыльы.
— Нош «Телеграм» мессенджер
кызьы ке юрттыны
быгатоз-а?
— «Телеграмез» Москвалы
матын улӥсь маркетологъёс
ӵем куто, угось
отын со мессенджер ӟеч
вӧлмемын, отын трос адями
пуке. Нош асьме дорозь
сыӵе тренд ӧз на вуы, асьме
понна «Телеграм» али но
выль сеть на. Али 2 бадӟым
социальной сетез пытсазы
но, тросэз «Телеграме» выжыны
дасяськизы вал. Но
уноезлы со ӧз яра, малы ке
шуоно калык дышиз вал
чебер суредъёс шоры учкыны,
нош «Телеграмын» суредъёсты
вошто текстъёс.
Со визьмогес сеть. Соин ик
маркетологъёслы но татын
визьмогес ужано. Мар асьмеос
кариськомы «ВКонтактеын»,
«Одноклассникиын» но
Уже кутоно сое, мармы асьмелэн вань.
Интернетын ужась адями котькыӵе вакытэ
котьмалы дась луыны кулэ.
«Телеграмын» пайда уз
вайы. Мон уг оскиськы, «Телеграм»
трос адямиез огазеяны
быгатоз шуыса. Отын
али реклама но лэсьтыны уз
луы, соин ик кулэ бадӟым
телеграм-каналъёсын кусыпъёсты
юнматыны, соос
тон сярысь иворъёсты асьсэ
дорын мед пуктылозы шуыса.
Ачим «Телеграмын» шер
пукисько бере, уг тодӥськы,
кин Ижкарын, элькунамы
аслэсьтыз каналъёссэ нуэ,
кинэ калыкмы лыдӟе. Али та
сярысь ивор люкасько.
— Кунамы асьме «Росграм»
кылдӥз. Пӧрмытоз-а
со вакчи дыр куспын
кунгож сьӧрысь сетез
воштыны? Яке аудиторизэ
ас палаз Китайысь «Тик-
Ток» берыктоз?
— Секыт вераны, быгатоз-а
выль соцсеть калык
пӧлы ӝог вӧлмыны. Луонлык
вань дыръя, калык
озьы ик «Инстаграмын»
(Россиын алэмын) пӧртэм
амалъёсын пукыны выроз.
Но милемлы отын ужаны
мугез ӧвӧл ни: тросэз отысь
кошкозы, реклама но уз
ужа, тыршеммы юнме луоз.
«Рос грам» кызьы ужалоз,
али ум валаське. Америкаысь
ӵыжы-выжыезлэн сямен
ик, татын но ваньмыз
капчи луиз ке, малпасько,
калык отчы кыстӥськоз ик.
Но со понна трос дыр кулэ
луоз.
Кылдыкуз «Инстаграм»
(Россиын алэмын) фотоальбом
выллем гинэ вал,
нош дыр ортчемъя отын
«историос» (24 час гинэ
профильын улӥсь видеоос,
суредъёс), «рилсъёс»
(вакчи видеоклипъёс) гинэ
кылдӥзы. Али «ТикТокын»
вакчи видеоклипъёс гинэ,
мыным потэ «ТикТок» луонлыкъёссэ
будэтоз, угось
каль отын тросгес калык
пукыны кутскоз. Но Россиын
фейкъёс сярысь закон
потэм бере «ТикТоклэн»
администрациез ивортӥз,
солы та законэз пыр-поч
эскероно, сетьын калык шуге-леке
медаз шедьы шуыса.
Соин ик та вакытэ Россиысь
блогеръёс асьсэ видеооссэс
отын поттылыны уг быгато.
Югдур воштӥськиз ке, малпасько,
«ТикТок» егитъёс
пӧлын эшшо но зол вӧлмоз.
— Нош мар али кароно
пытсаськем соцсетьёс пыр
ужам адямиослы?
— Уже кутоно сое, мармы
асьмелэн вань. Кыӵе ке сетьёс
усьтӥсько, кыӵе ке сетьёс
пытсасько. Интернетын
ужась адями солы дась луыны
кулэ. Али трос онлайндышетсконъёс
ортчо, тодонваланъёсты
будэтыны кема
ӧвӧл.
Адямиослы, кудъёсызлы
«Инстаграм» (Россиын
алэмын) гинэ коньдон
поттыны юрттэ вал,
али секыт, дыр, нош милям
ужан амалъёсмы гинэ
воштӥсько. Калык одӥг сетьысь
мукетаз кӧче, ми но —
соос сьӧры.
________
Мария ЕМЕЛЬЯНОВА

№12 (25924)
16 2022-тӥ ар 31-тӥ южтолэзь
«Даур ТВ»
Малпанъёсты зэматыны — 2 ар
8-тӥ оштолэзе 2 ар талэсь
азьло кылдӥз уй но,
нунал но ужась удмурт
интернет-телеканал.
«Даур ТВ» вордӥськем
нуналзэ эшъёсыныз
ӵош пумитаны дасяське,
учкись ёссэ Эшъяськон
юртэ «Пуксьы, кык!»
концертэ (0+) ӧте.
2019-тӥ арын Эшъяськон
юртысь методистэз, кырӟасез,
кылбурчиез Богдан Анфиногеновез
Удмуртилэн Тӧроез
Александр Бречалов «Признание»
премиен пусйиз.
Богданлэн кемалась потэ ни
вал, удмуртъёслэн уй но нунал
ужась телевиденизы мед
кылдоз шуыса, соин ик премия
басьтэмез бере кема ик
ӧз малпаськы, малы та коньдон
мыноз.
— «Даур ТВ» каналэз кылдытыкум,
уг но тодӥськы вал,
кызьы «ВКонтакте» бамын
меӵак эфир нуоно, — вераз
Богдан Анфиногенов. — Мон
асме нылпиен ӵошатӥсько:
со уяны уг быгаты, нош сое
вуэ кушто, «дышетскы!» шуо.
Мон кышкасько вал, но асме
буйгатъяй, дышетско, быгато
шуыса.
Телеканаллэн эфираз мынӥзы
вотэсысь люкам удмурт
видеоос. Нош сӥзьыл Эшъяськон
юртын кылдӥз «Даур ТВ»
студия, татын ваньмыз зэмос
телевидениын кадь: тылъёс,
камераос, микрофонъёс,
режиссёрлэн пультэз… Озьы
«Удмурт арня» передачаын куноын — кырӟась Светлана Ручкина.
егит удмурт азьветлӥсьёс асьсэ
передачаоссэс но лэсьтыны
кутскизы.
— Нырысьсэ меӵак эфире
потӥмы «Чеберай шоу» передачаен,
— тодаз вае Богдан. —
Сое нуизы «Чеберай» проектэз
улонэ пыӵатӥсь нылъёс. 20 час,
техникаез тодӥсь-валась муртъёс
Эшъяськон юртысь кошкизы
ни. Эфир кутскытозь,
кылиз 5 минут, нош милям
номыр уг ужа! Мырдэм валамы,
кызьы тупатоно. Эфирмес
беромыса кутскимы… Техникаен
герӟаськем шуг-секытъёс
пумиськыло. Кемалась ик
ӧвӧл «Бур ӵукнаен» передачаез
нуисьёслэн — Эшъяськон
юртысь методистъёслэн Алина
Черновалэн но Августина
Михайловалэн — куараоссы
ӧз кылӥське. Микрофонъёсты
тупатыны ӧм пӧрмытэ но
озьы ик ужамы ни, учкисьёсмылы
плакат суредамы, отчы
«Куараез ӧвӧл, но ми тӥледыз
яратӥськом» гожтӥмы.
Богдан тау каре, вӧзаз
юрттӥсьёс но туж ӝог кылдӥзы
шуыса: спонсоръёс, Эшъяськон
юртысь ӧнерчиос, передача
нуисьёс.
Ачим «Даур ТВ» кылдэм
бере ик малпай, кыӵе умой луысал,
татын егитъёс асьсэ передачаоссэс
но лэсьтылысалзы
ке, «Вечерний Ургант» выллем
удмурт шоу кылдысал ке. Богдан
монэ «Удмурт арня» передачаез
нуыны ӧтиз но, воксё
малпаськытэк, «я!» шуи. Передачаез
кутскимы журналистэн
Александр Бикузинэн нуыны.
Арнялы быдэ тунсыко куноос
эфире вуыло. Шумпоттэ,
шаерысьтымы дано артистъёс,
журналистъёс дорамы мылокыдо
лыкто шуыса, егитъёслэн
кужыменызы кылдытэм
удмурт телевидениез урод уг
каро.
Мар но ӧй вал ни эфиръёсамы!
Чакласькомы вал,
«Удмурт арня» часлэсь кема
уз мыны шуыса, но одӥг пол
дорамы куное вуиз психолог
Анастасия Петрова, соин вераськон
туж тунсыко мынӥз.
Александрлэн солы эшшо но
эшшо юанъёсыз кылдылӥзы,
нош мон вень йылын кадь
пуки, дыр ортче шуыса. Озьы
меӵак эфирын 2 часлэсь кема
ужамы!
2 ар куспын «Даур ТВ»-лэн
эфираз уно удмурт клипъёс,
концертъёс возьматэмын,
выль передачаос
кылдытэмын. Али телеканаллэн
«ВКонтакте» оги наз —
10 сюрс пала адями.
— Проектэ ӧз куашка, 2 ар
возиське ни. Шумпотӥсько:
мае малпасько вал, ваньзэ
улонэ пыӵатыны быгатӥ шуыса.
Но куректӥсько, эфиръёсмес
сокем трос адями уг
учкы шуыса, — вера Богдан.
— Та дыр куспын мон котьмалы
дыши, кивалтӥсь интыын
асме оскалтӥ. Мыным
со секыт потӥз, уг яратӥськы
кивалтыны, мае ке радъяны.
8-тӥ оштолэзе Эшъяськон юртын
«Даур ТВ»-лэн вордскем
нуналаз кырӟалозы Светлана
Ручкина, Влад Андреев,
Алина Антонова, Туръялыс,
Антон Белослудцев, Анастасия
Байматова, schoozymade,
bobolenin но Suleme группаос
но мукетъёсыз. Со сяна, ужрадын
луоз басьтыны «Даур
ТВ» суредэн футболка, кружка,
стикер. Вань коньдон мыноз
телеканаллэсь ужзэ азинтонлы.
Нош вордскем нуналэз
бере «Даур ТВ»-лэн выль вакытэз
кутскоз.
— Тыршо ӵемгес возьматъяны
пӧртэм ужрадъёсты, концертъёсты,
— вераз Богдан,
— асьме передачаосмес ӟечгес
каромы, соин ик шергес меӵак
эфире поталомы, дыр. «Ютубысь»
шоуос выллем передачаос
лэсьтыны тыршомы.
________
Мария ЕМЕЛЬЯНОВА
Эшъяськон юртысь методист, оператор Егор Зуев:
________
— Удмурт кылэз уг ке но валаськы, удмурт лулчеберетэз туж
яратӥсько. Богданлэн проектэз мыным тунсыко потӥз. Видеокамераен
ужаме ӧй вал бере, Богданэн ӵош дышетскимы.
Нырысь секыт вал — кадре выж но, вӧлдэт но сюрылӥзы. Но
пумен дышим.
Удмурт кылэз но кӧня ке валаны кутски ни. Куноослэн вераськемзыя
шӧдӥсько ни, кин пала камераме берыктоно. «Даур ТВ»-
ын трос тунсыко передачаос, туж яратӥсько «Ваче пумит»
викторинаез (нуисез — Кузебай Герд нимо гимназиысь дышетӥсь
Артём Малинин), отын выльзэ но тодод, серекъялод но.
Кузебай Герд нимо гимназиысь дышетӥсь Владимир Вахрушев:
________
— Нырысьсэ «Даур ТВ»-ен рос-прос тодматски, «Ваче пумит»
программае куно сямен вуылыкум.
Сокугес ик ӵектӥзы Александр Бикузин интые Маша Емельяноваен
ӵош «Удмурт арня» передачаез нуыны. Малпаськыса кема
ӧй улы, малы ке шуоно трос ӟеч проектъёс пӧрмо мылкыдлы
луыса. Со вань ке, уж но пӧрме. Камера азьын, журналистика
удысын ужалляме вань бере, мон соглаш кариськи.
«Даур ТВ»-лэн, мон малпамъя, туж бадӟым миссиез! Со удмуртъёс
сярысь трос дауръёслы ивор кельтэ, удмурт лулчеберетэз эшшо но
паськытгес, тунсыкогес каре.
Адӟытон
Мем удмуртомем
— Августина, малы
асьмеос печатламы
мемъёсты?
— Интернетэз
кысӥзы ке, соосты
учкыса пуком.
1-тӥ оштолэзе 13
часын Эшъяськон
юртын «Удмуртомем»
адӟытон (12+)
усьтӥськоз. Отчы
интыяськозы «Даур
ТВ» огинын потэм
200 удмурт мемъёс.
Удмурт кылын
мемъёс вотэсын кемалась
вӧлмо ни. Соосты
пӧртэм сямен дунъяло:
кин ке соосты серекъя,
кин ке гожъя, малы кунгож
сьӧрысь «мем» кылэз
татчыозь удмуртэ
ӧм на берыктэ шуыса.
Тунсыко, туала вакытэ
шугъясь кытӥсь
учыръёсты ӵапак мемъёс
пыр возьматыны
ярато шуыса. Кылчиос,
тодосчиос мемъёсты
памфлетъёсын, фельетонъёсын,
сатираен
ӵошато, серемес суредъёсты
туала фольклорен
лыдъяло. Соин
ик адӟытонэз усьтон
ужрадэ ӧтимы Удмурт
кун университетысь
кунгожсьӧр кылъёсты
эскерись дышетӥсьёсты.
Соос литературая урокъёсазы
мемъёслы но саклык
висъяло, пе.
Ми котьку тыршиськомы
дуннеын вӧлмем
трендъёсты удмуртомытыны.
Малпасько,
таиз адӟытон но возьматоз,
удмурт кыл паськыт
кутӥськыны быгатэ
шуыса.
«Удмуртомем» адӟытон
8-тӥ оштолэзёзь
ужалоз.
________
Александр БИКУЗИН

№12 (25924)
2022-тӥ ар 31-тӥ южтолэзь 17
Конкурс
Мунёлы — удмурт дэрем,
кукейлы — чебер пужы
Вуз карон
«Фантазёры»
юрттэ будыны
Реклама
«Ӟечбур!» газетын трос аръёс ӵоже ини ортчылэ
«Быдӟым Паска» конкурс. Туэ конкурс кыстӥськоз 15-
тӥ куартолэзёзь. Отчы 6-18 аресъемъёс пыриськыны
быгато. Ужъёсты ыстоно 3 пӧртэм номинациосъя.
«Паскалы выль дэрем»
Та нуналлы шуыса, вашкалаосмы нылпиоссылы выль дӥсь
вурыса дасяллязы. Соин но, дыр, Паскаез пичиос чидатэк
витьылӥзы. Дэмласьком та праздник нуналэ мунёосмес яке
асьмедыз удмурт манеръя вурем дӥськутэн шумпоттыны.
Тӥледлы вуриськыны юрттыны быгатозы бадӟымъёс.
«Чеберъям курегпуз»
Паскалэн одӥгез тодметэз — курегпузэз буян, чеберъян.
Возьмаломы пӧртэм техникаосын: роспись, аппликация, декупаж,
квилинг, бисероплетение, пужыятскон, макраме, керттӥськон
но мукет —чеберъям курегпузъёстэс.
«Паска — гожъяськисьёслэн синмынызы»
Гожтоно Быдӟымнуналлы сӥзем кылбур, верос, улонысь
учыр, эссе, заметка, выжыкыл.
Вань ужъёс нимысьтыз та конкурслы шуыса быдэстэмын
луыны кулэ. Со сяна, конкурсэ пыриськисьёс газетлэн
лыдӟисьёсыз луыны кулэ. Киужъёсты туспуктыса келяно
«Ӟечбур!» газетлэн электрон почтаяз zechbur@mail.ru. Котькуд
номинациын луозы 3 вормисьёс: 6-8, 9-11 но 12-18 аресъемъёслэн
ужъёссы нимаз эскериськозы.
Конкурс сярысь пыр-почгес тододы положениысь. Сое учкыны
луэ «Ӟечбур!» огинлэн «ВКонтакте» бамысьтыз.
________
Надежда ШКЛЯЕВА
Суредаз Вера ШТЫКОВА
«Быдӟым Паска» конкурслэн
спонсорез
— Ижкарысь «Алые
паруса» вуз карон
центрысь «Фантазёры»
магазин. Со 13-тӥ арзэ
ини нылпиослы но
творчествоен вырыны
яратӥсьёслы вузъёс
ӵектэ.
— Магазинмы нырысь
пичи гинэ вал, — вера
кивалтӥсез Любовь Николаевна
Калабина, — бӧрысь интымы
ёркытгес потыны кутскиз
но, бадӟымгес юртэ выжим.
Милям та огшоры вуз каронни
ӧвӧл, творческой студимы
вань на. Отчы пиналъёс
ветлыны ярато. Магазинамы
но йӧспӧртэм, тунсыко, анайатайёслы
нылпиоссэс визьноданы
юрттӥсь шудонъёс утчаны
тыршисько. Мон асме
но «фантазёрка» шуисько.
Туж яратӥсько мар ке выльзэ
малпаны-радъяны, соин
но, дыр, вуз кароннимылэн
но творческой студимылэн
нимзы «Фантазёры» луиз.
Ӵемысь благотворительной
ужрадъ ёсы пыриськылӥсько,
конкурсъёсы нылпиослы кузьымъёс
висъяллясько. Мынам
малпамея, творческой
нылпиослы азинскыны юрттыны,
мылкыдзэс ӝутканы
кулэ.
Ижкарысь Виктория
Протопопова пичи нылыныз,
нуналаз 2 пол но татчы
кожалля. Эшъёсылэн
пиналъёссылэн вордӥськем
нуналазы но кузьымлы
котьку татчы лыктӥсько,
шуэ. Татысь уго тунсыко
маке бырйыны луэ, вуз
Ижысь «Алые паруса» вуз карон центрысь
«Фантазёры» магазин.
карисьёс но котьку валэкто,
юртто, пе.
Ижкарысь Капиталина
Алексеева нунокъёссэ
« Фантазёрыен» ӵош будэтэмез
сярысь вера:
— Анямы, 1-тӥ классын
дышетскыкуз ик, студие
но, магазинэ но ветлыны
кутскиз. Школаын дышетскыны
тетрадь, ручка но
мукетыз кулэ ке, татчы ик
лыктӥськом. Суреданы но
яратэ бере, кулэ арбериос
татысь ик шедьтӥськом.
Тӥни озьы, «Фантазёры»
магазинэн эшъяськыса,
визь-нод басьтыса, быгатонлыкъёсты
юнматыса, будыны
луэ.
________
Алеся ГЛАВАТСКИХ
Ижкар, Киров урам,
142 номеро юрт,
«Алые паруса» вуз карон
центр
8-912-856-57-46,
8-950-811-84-85
vk.com/fantazery18
fantazery@mail.ru
Туспуктӥз Алеся ГЛАВАТСКИХ
Чеберай
Вормонлы оскыны кулэ!
Алнаш ёросын ортчем
«Мисс Школьная краса»
вожвылъяськонын вормиз
Мелитина Охотникова.
Кемалась ик ӧвӧл мон
ворми Алнаш ёросын
ортчем «Мисс Школьная
краса» вожвылъяськонын.
Али сиськымтэ нуналъёсме,
изьымтэ уйёсме серекъяса
гинэ тодам вайисько на.
Та вожвылъяськонэ пыриськыны
азьло эше, собере
дышетӥсе Надежда Михайловна
Платонова ӵектӥзы,
шуизы: «Тон быгатод, тынад
ваньмыз пӧрмоз!». Мылкыды
ӝутӥськиз!
Конкурс азьын кулэ вал
видеовизитка гожтыны. Та
мыным секытэн сётӥськиз:
кӧня сюлмаськи, кызьы вералом,
мар вералом, мактаськем
кадь медаз пӧрмы шуыса.
Конкурсэ пыриськыны малпай
бере, пумозяз мыноно!
Ужрадэ пыриськись вань
нылъёсын репетицие Алнаше
ветлӥмы, каблукен ветлыны
дышетскимы. Миленымы Алнаш
клубын ужасьёс выризы.
Пыдъёсамы кӧня вупульыос
кылдӥзы...
«Ӵошатскиськод ке, тон
оскыны кулэ, нырысетӥ луод
шуыса», — шуиз песятае. Зэм
но, ачид ке аслыд ӧд оскы, секыт
луоз.
Калык азе потаме вань,
сцена пумен кыкетӥ дорелы
пӧрме ни. Творческой номерын
возьматоно вал вуоно
профессиме. «Мынам Удмуртие»
телерадиокомпанилэн
«Вуоно иворчи» школаяз
ветлӥ бере, журналистлэсь
ужзэ — «ВауШоу» эфирез нуэмме
— возьматӥ. Тау шуэме
потэ тележурналистлы Вероника
Ваулиналы юрттэмез
понна. Со сяна, «Ӟечбур!» газетысь
корреспондентъёслы
Светлана Туровалы но Алеся
Главатскихлы: соос мон сярысь
ӟеч кылъёс вераса видео
келязы.
Визь сынан люкетлы дасяськыкум,
сомында тодӥ Алнаш
ёрос сярысь! Но сцена
вылын сылыкум, юанъёсты
кылыса, пумем кадь луылӥ:
мае тодӥсько вал, йырысьтым
потылӥз. Но, ярам, дырыз
дыръя тодам лыктылӥз.
Шумпотӥсько, конкурсын
вормыны быгатӥ шуыса. Но
вӧзам сыӵе умой юрттӥсьёсы
ӧй луысалзы ке, номыр ӧй
пӧрмысал.
________
Мелитина ОХОТНИКОВА,
Алнаш ёросысь Усо школаысь
10-тӥ классын дышетскись

№12 (25924)
18 2022-тӥ ар 31-тӥ южтолэзь
«Выжыкыл» студия
Кырӟан, ӟазег но тӧл
Со вал сӥзьыл. Школаысь
бертӥ, гуртысь ужме
лэсьтӥ, мӧзмыт луиз.
Кыӵе ке конкурсэ, проектэ
пыриськоно шуыса
малпай но «ВКонтактеысь»
иворъёсты учкыны
кутски. Соку тодӥ,
Удмурт театрын «Выжыкыл»
студия ужаны
кутскоз шуыса.
Малпаськыны кутски:
мон театрен нокызьы но ӧй
герӟаськылы, журналист луыны
малпасько. Но студиын
куараез пуктыны, сюлмаськонэз
вормыны, аслад кужымедлы
оскыны дышетозы,
пе. Нош малпаськи: та журналистлы
но кулэ луоз. Анаеным
ӧй но кенешы, куриськонме
лэзи.
Толшоре вуиз ивор, кастинг
ортчоз шуыса. Кыӵе ке номер —
кылбур яке проза — дасяно
луоз. Мон ӟуч верос дышетӥ.
Ӝытлы быдэ синучкон азьын
сое вералляй. Кастингозь
3 нунал кылиз. Кастинг сярысь
иворез нош учконо кариськи,
нуналзэ ӧй-а сура шуыса.
Пыри огинэ. Ваньмыз шонер,
но верос удмурт луыны кулэ
вылэм! Мон бӧрдон калэ вуи:
всё, дышетыса уг вутты ни!
Собере гань-гань кариськи,
Удмурт театрын ужась «Выжыкыл» студия.
выльысь верос утчаны кутски.
«Кенеш» журналысь тупасьсэ
шедьтӥ. 18 пол лыдӟи, собере
синучкон азьын вераны кутски.
Озьы ик дышетӥ.
Кастингозь одӥг нунал кылиз.
Мамае шуиз: ӵужапаед
доры ветлы, со ӟуч кылъя но
литературая дышетӥсь. Мынӥ.
Со валэктӥз, кызьы веросме
шонергес лыдӟоно. 2 час дышетски.
Бертыса уйшорозь веросме
дышетӥ на.
Ӵукнаяз туж вазь султӥ:
эшшо кӧня ке дышетоно на.
Тани вырӟимы Иже: мон куалекъясько,
мама буйгатэ,
ваньмыз пӧрмоз шуыса.
Пыри театре, ярам, кастинге
эше но вуэм. Малпай,
ваньмызлэсь азьло пыро, но
кышкай...
Черодэ вуиз. Пеймыт зал.
Куинь ӝӧк сылэ, отын жюри
пуке. Азязы султӥ, верай: «Марина
Гардасова, Пичи Пурга
ёрос, Гожня гурт». Студилэн
кивалтӥсез, Удмурт театрысь
актёр Константин Никитин
монэ «земляк» шуиз: со но
пургалась.
Веросам 2 пиосмуртъёс
артистлэсь бакчазэ утялтытэк
возё, нош артист соосты
алда, Президент Владимир
Путин картошказэ басьтыны
ӧдъя шуыса. Мадёнме кутскыкум
ик, жюри серекъяны
ӧдъяз. Нош мынам кышкаса
«Выжыкыл» студилэн «ВКонтакте» бамысьтыз
сереме воксё ӧз поты. Собере
косӥзы кырӟаны, ӟазегез
возьматыны, тӧл луыны... Я,
всё. Потыкум юазы на, Гожняысь
Иже занятиосы ветлыны
быгато-а шуыса. Мон
соку ик валай: монэ басьтозы!
Котькуд нунал возьмай
гожтэмзэс. Весь эшелэсь но
юалляй, солы ӧз-а жингыръялэ
на шуыса. Куке-соку ивор
потӥз, мон «Выжыкыл» студие
шеди шуыса. Шумпотӥ!
Нырысетӥ занятие мон
Ижкаре нырысьсэ автобусэн
мынӥ. Ярам коть, сузэреным.
Студие городысь пиналъёс
гинэ шедиллям, мон гинэ
гуртысь. Кӧня ке кышкай. Но,
2-3 пол ветлыса, мон соослы
дыши, эшъяськи.
Али ми дышетском, нош
собере выжыкыл пуктом.
Мыным кельше котькуд занятие.
Умой мылкыдын отысь
потӥсько. Кельше куараме
вошъяны, шудыны, кыӵе ке
пӧйшуръёсты возьматъяны.
Табере малпасько ни, оло,
улонме театрен герӟано?
________
Марина ГАРДАСОВА,
Пичи Пурга ёросысь
Гожня школаысь
8-тӥ классын дышетскись
«Студентъёслэн тулыссы»
Дасяськимы ӵукнаысен ӝытозь
15-тӥ южтолэзе Удмурт кун университетын егитъёслэн яратоно вакытсы
— «Студентъёслэн тулыссы» — кутскиз.
Та конкурсын студентъёс быгатонлыкъёссэс котыр ласянь возьмато:
кырӟало, экто, актёръёс сямен шудо, декорациос лэсьто. Туэ УдГУ-ын конкурс
арня ӵоже мынӥз. Котькуд институт аслэсьтыз постановказэ возьматӥз:
кин ке, сое дасякуз юрттэт курыса, зэмос режиссёръёслы вазиськылӥз, кин
ке усто номеръёс ас кожаз но дасяны быгатӥз.
Студентъёс сяна, та конкурсэз дышетӥсьёс но ярато, егитъёс шоры выль
сямен учко, валало, макем соос пӧртэмесь.
Туэ «Студентъёслэн тулысазы» мон нырысьсэ пыриськи. Азьло уг валаськы
вал, марлэсь постановка пӧрмыны кулэ, мар кароно… Но Удмурт кылосбуръя,
финно-угроведениея но журналистикая институтысь бадӟым курсъёсын
дышетскись эшъёсы ваньзэ пыр-поч веразы. Ваньмы ӵош уж борды
мыло-кыдо басьтӥськимы.
Фестивальлы дасяськыны капчи ик вылымтэ: репетициосы уже кадь
ветлӥмы. Институтысьтым егитъёсын декорациос дасяй, сцена вылын
шудылӥ. Озьы ми ӵукнаысен ӝытозь шутэтскон нуналъёстэк выримы, угось
ӟеч инты басьтэммы туж потэ вал!
«Студентъёслэн тулысазы» котькуд институт 40 минутъем постановка
пуктыны кулэ, ми но та куронъя шудыны малпамы но ужмес «43:34» (43
минут, 34 секунд) нимамы: возьматӥмы, куронъёслэсь тросгес лэсьтыны
быгатӥськомы шуыса.
Фестиваль пӧртэм институтысь студентъёсты огазеяз: ваньзы огогзэс
учкыны ветлӥзы, выступление бере «туж усто пӧрмытӥды!»
шуылӥзы.
Фестивальлэсь гран-приззэ утӥз Социальной коммуникациосъя институт,
1-тӥ инты басьтӥз Искусствоосъя но дизайнъя институт, 2-тӥ — Удмурт
кылосбуръя, финно-угроведениея но журналистикая институт, 3-тӥ — Экономикая
но управлениея институт.
________
Андрей АНТОНОВ
Сценаез егитъёслы усьтэ
«Студентъёслэн тулысазы» Удмурт
кылосбуръя, финно-угроведениея но
журналистикая институтлы постановкаез
дасяны юрттӥз оператор, монтажёр
луыса ужась Павел Аммосов.
— Студентъёсын спектакль пуктыкуд,
кыӵе шуг-секытъёсын пумиськылӥськод?
— Студентъёсын ужаны туж капчи, аслым
но соосын дырме ортчытыны кельше. Секыт
луэ, егитъёс мыным уг оско ке, озьы я тазьы
ӟечгес луоз шуыса. Куддыръя уг валало, макем
мур пуштросо спектакль дасяськомы. Куд-ог
актёръёс туж ӝог йыръёссэс вылӥе ӝуто, ми
ваньзэ быгатӥськомы шуыса.
Павел Аммосов.
— Ку валад, Удмурт кун университетысь егитъёслы «Бадӟым вузлэн
тылъёсыз» но «Студентъёслэн тулыссы» фестивальёслы дасяськыны юрттэмед
потэ шуыса?
— Ӧйтӧд… Сцена вылын шудонлэсь акыльтэме бере, дыр. Бен, мон нырысь
актёр вал. Учкылӥ, кызьы милемын режиссёръёс ужало. Валай, аслам но мае ке
кылдытэме потэ шуыса. «Студентъёслэн тулыссылы» нырысетӥ постановкае
туж капчиен пӧрмиз но, бурдъяськи. Ӵапак таин ик выро малпай. Со дырысен
сцена вылэ ӧй пота ни, уг яратӥськы, трос адямиос шорам учко ке.
— Кыӵе луыны кулэ идеальной режиссёр?
— Уг яратӥськы «идеальной» шуэмез. Мон сое «умой» кылын воштысал. Котькуд
артистлэн аслаз режиссёрез, ваньмызлы уд кельшы. Мон тыршисько постановкаосты
ӟеч пуштросэн тырмытыны, учырез котыр ласянь возьматыны. Умой
режиссёр ассэ учкисьлэн интыяз пуктыны быгатэ, соин ик сюлэмез бугыртэ.
________
Андрей АНТОНОВ
Павел Аммосовлэн архивысьтыз

№12 (25924)
2022-тӥ ар 31-тӥ южтолэзь 19
Стендап
Ческытсэ утчаса
Мон чакламъя, котькуд
тулыс улонмы
воштӥське: азьло пандемиен
нюръяськимы,
нош али — санкциосын.
Мыным котьку удалтэ:
ӵапак та вакытэ телефон
басьтыны дасяськисько вал.
Эше шудогес вылэм, мынэсьтым
азьло смартфонзэ
выльдыны вуиз. Табере со
смартфон ик 10 сюрслы дуногес
сылэ ни.
Чай юыны малпай: сакыре
бырем. Ярам, малпасько,
кӧня ке кеньыр но басьтоно
на. Потӥ магазинэ — вань
ӝажыос бушесь. Мынӥ мукет
магазинэ. Мар малпаськоды?
Отын но озьы ик!
Окей, гугл, кытысь басьтоно
сакыр, магазинъёсын со
ӧвӧл ке? Вотэс ивортӥз: али
калык кышкатскыса уно сакыр
басьтэ. Улонэ быриз!
Сакыртэк кыли! Табере валамон,
малы трамвайёсын
ӵукна но, ӝытазе но сомында
пересьёс ворттыло, соос
сакыро интыосты утчало.
Эшшо чаклай пересьёслэсь
лайфхаксэс. Соос лавка
дорын возьмаськыса сыло,
товар ваё ке, машинаысь
потӥсь воргоронъёслэсь
лек куараен юало: «Сакыр
вайиды-а, ӧд-а?» Сакырен
чай юэмды потэ ке, тӥ но
озьы ик каре.
Импортозамещение удмурт сямен.
Нош блогеръёслэн но егитъёслэн
мукет кӧтӝожзы — «Инстаграмез»
(Россиын алэмын)
ворсазы. Мылкыдзы куашказ.
Но пинал калык озьы гинэ уг
сётӥськы! Олокытысь олокызьы
VPN ватсэтэз пуктыны
кутскизы. Солэн юрттэменыз,
валаны уг луы, кытысен, кыӵе
кунысен адями социальной
сете пырыны выре. Мынам
иворъёсын лентае, азьло сямен
ик, турлы, табере тодӥсько,
кыӵе эшъёсы телефоназы со
ватсэтэз пуктӥзы.
Тӥ яратӥськоды-а фастфуд
сиыны? Мон — туж зол! Мон
фастфуд диетаын пукисько:
ӟызыёмем интые — куайисько.
Табере веразы, «Макдональдс»
но пытсаськоз шуыса.
Кин ке шумпотэ, нош кин ке,
мон кадез, бӧрдэ. Я, юнме гинэ
эн куректэ! Мон али гинэ отын
кӧтме тыри, туспуктэмме «Инстаграме»
(Россиын алэмын)
поттӥ. Ваньмыз ужа!
________
Никита СОПРИН
Кино
Тузонзэс сэзъялтом...
Туннэ асьмеос кунгожсьӧр кинокомпаниослэсь выль
ужъёссэс адӟыны ум быгатӥське. Самой дырыз Совето
Союз вакытысь киноосты тодамы вайыны. Эшшо но
умой, со кино асьмеос кадь егитъёс сярысь ке.
«Курьер» (16+), 1986-
тӥ ар. Режиссёр — Карен
Шахназаров.
Иванлэн анаез,
школаысь дышетӥсь,
пизэ пединститутэ
пырыны косэ, но Иван
экзамензэ юромо
алама сётэ но научной
журналлэн редакцияз курьер луыса ужаны интыяське. Огпол
со ужезъя Кузнецов профессор доры вуэ. Отысен профессорлэн
нылыныз тодматске. Катя МГУ-ын дышетске, туж чебер
дӥсяське. Егитъёс пӧртэмесь ке но, соослы ог-огенызы тунсыко.
Катялы туж кельше, кызьы Иван, Кузнецов профессорен
вераськыкуз, кылъёссэ уг чакла, алдаське, малпанъёссэ меӵак
вера. Солэн но озьы улэмез потэ: эркын, атаезлэн косъяськонъёсызтэк.
Ӝоген Катя секытэн луэ…
«Берегите женщин»
(12+), 1981-тӥ ар.
Режиссёръёс — Александр
Полынников но
Виктор Макаров.
Флотын ужась
нылмуртъёсты шер
пумиталод. Нош
татын — быдэс экипаж!
«Цик лон» буксирын ветлӥсь Люба, Оля, Галя но Валя егит
морячкаос пиосмуртъёслы палуба вылазы пыдзэс лёганы ик уг
сёто. Озьы ке но воргоронъёслэсь юрттэт куроно луэ ик: вужмем
буксирзэс кемалась воштоно ни. Нылъёс уг тодо, сыӵе буксир
соослы юри сётэмын вал — оло, «кышномурт» улонэ берытскозы
шуыса. Вылаз ик, Женя нимо журналист экипажазы кок луыса
ужаны лыктэ. Пияш уг тоды на, зарезь дурын улон сярысь статья
гожтон понна солы олокӧня пуд макарон сиёно луоз шуыса.
________
Галина ЕВСЕЕВА
Книга ӝажы
Яратон, яратон… Мар меда сыӵе тон?
Мар луоз, литературовед
но психиатр ӵошен
книга гожъяны кутскизы
ке? Клаудия Хохбрунн
но Андреа Боттлингер
«Герои книг на
приёме у психотерапевта»
(18+) книгаязы
пӧртэм вакытъёсысь
произведениослы
аспӧртэмлыко анализ
лэсьто.
Пуштросэзъя книга 5
вакытлы люкемын: античность,
Шор дауръёс, 17-тӥ-
19-тӥ, 20-тӥ, 21-тӥ дауръёс.
Котькуд вакытысь тужгес
тодмо яке тунсыко (куддыръя
тунсыкоез сокем ик
тодмо ӧвӧл) произведениослы
авторъёс психологической
анализ лэсьтӥллям.
Куд-ог йылпумъянъёссы
мыным валамонэсь вал:
шуом, мон вазен ик Ромеоен
Джульетталы ӧй
синмаськылы, соослэн огогзэс
ӟырдыт яратэмзылы
ӧй оскылы. Кыӵе яратон,
куке нылашлы 13 арес, нош
пияш 2-3 арлы бадӟымгес?
Авторъёс но верало, Шекспир
подростокъёслэн
нырысетӥ синмаськонзы
сярысь гинэ мадиз, со, пе,
зэмос яратонлы матын но
ӧвӧл на. Джульетта воксё еж
вылэм ай ке, Ромеолэн нарциссизм
шуыса нимаськись
психологической шекез
кылдыны вуттэм ини. Соин
валче солы нокызьы но уг
удалты: нырысетӥ «зэмос»
яратонэз солэсь куштӥське,
Джульетта кулыса кошке.
Сыӵе учыръёс нарцисслы
кык поллы секытэнгес
сётӥсько. Зэмзэ вераса,
Ромео Джульетта понна уг
кулы. Со секыт вакытсэ ортчыны
уг быгаты, малпанъёсыз
уг быдэсмо, соин пияш
ассэ быдтэ. Та кык пиналъёс
ӧй ке кулысалзы, соос люкиськысалзы:
малпам яратонзы
туж ӝог тӧлӟысалыз.
Нош лыдӟисьёс синмасько
та историлы, малы ке шуоно
асьмеос иллюзиосын
улыны яратӥськом.
Мукет сямен улэ Артур
Пендрагон. Артур
нырысетӥ интые эксэй,
рыцарь, зэмос эш луэмзэ
пуктэ, нош кышномуртъёсын
«ну, а девушки потом»
шуэм сямен кадь выре. Шор
дауръёсы нылмурт котьма
понна янгыш вал: соин сэрен
ожъёс кутскылӥзы,
со пиосмуртъёслэсь йырзэс
берыктылӥз... «Король
Артур. Рыцари Круглого
Стола» произведениын но
котькытын кышномурт
янгыш луэ: Гвиневра пиосмуртъёслэсь
эшъяськонзэс
сӧре, Моргана ке воксё
ведӥн, эшшо политикае
нырзэ чуртнаны шедьтэ
на… Артурлы соос туж люкето.
Тодысал ке Артур,
6 даур ортчыса, кыӵе ке
Белла Свон, Эдвард вампирлы
синмаськыса, равноправие
понна нюръяськыны
кутскоз шуыса. «Сумерки»
романысь Беллалэн вампир
луэмез потэ. Солы, пе,
ваньзэ верано, солэсь малпанъёссэ
юано. Артур сыӵе
кышномуртэз матаз но ӧй
лэзьысал. Нош Эдвард Каллен
сыӵеезлы синмаське.
Но Эдвард Артурлэсь кыдёке
ӧз кошкы: со малпа,
Белла ачиз номыр лэсьтыны
уг быгаты шуыса. Оглом
та роман кышномурт эмансипация
сярысь маде. Тунсыко,
сое лыдӟыкум но, соя
пуктэм киноосты учкыкум
но, та малпан йырам ӧз
лыктылы.
Авторъёс эшшо трос
пӧртэм произведениосты
эскеро на: «Дракула», «Шерлок
Холмс», «Пеппи Длинныйчулок»,
«Имя розы»,
«Гарри Поттер»… Тодмо
произведениос шоры воксё
мукет синмын учкыны
кутсконо, нош тодмотэм
произведениосты лыдӟем
потыны кутске. Та книгаез
лыдӟыса, психология удысын
тодон-валанъёсы паськытазы,
лыдӟоно произведениосын
списоке трослы
узырмиз, котькуд произведениысь
мон табере мур
ватэм палъёссэ утчасько.
________
Галина ЕВСЕЕВА

№12 (25924)
20 2022-тӥ ар 31-тӥ южтолэзь
Адӟытон
Гож но буёл
Ижкарын Кузебай Герд
нимо гимназиысь 8-тӥ
классын дышетскись
Милана Михайловаез
иллюстратор но, аниматор
но, комикс суредась
но шуыны луоз.
— Суредаськон классын
туж чебер картинаос
вал, сыӵе соослы синмаськи!
— вераз Милана.
— Урокъёс дыръя, дышетӥсез
кылзӥськоно шуыса, вунэтылӥ,
суредъёс шоры учкыса
пукылӥ. Малпай, мынам
но озьы ик суредаськеме
потэ шуыса. Озьы та удысын
тодон-валанъёсме 4 ар
будэтӥсько ни.
Нылаш ӵемгес графической
планшетэн суредаське,
«безлайн» амалэз яратэ:
Милана Михайлова.
мултэс гожъёстэк, заливкаен,
суредаське. Милана
гимназиын ужась «ТылКыл»
студие ветлэ, пиналъёслэн
этножурналзылы вылбамъёс
пӧрмытъя.
— Нырысетӥ вылбаме капчи
ик ӧз сётӥськы, уг кельшы
вал, чыры-пырыосыз трос
шуыса. Соин ик толэзь пала
сое йылаз-пумаз вуттыны
выри, — вераз Милана. —
Ӵемгес вотэс бамъёслы суредаськисько.
Али социальной
сетьёсы пӧртэм калыкъёсын,
кылъёсын герӟаськем стикеръёс
дасясько, гимназиын
дышетскон мыным та ласянь
туж юрттэ.
Со сяна, Милана ӟичыос
сярысь комикс лэсьтэ. Нош ял
каре, спортэн вырыса: велосипедэн
ворттылэ но волейболэн
шудэ.
________
«ТылКыл» студиысь юнкор
Максимилиан АЛЯШЕВ.
Дышетӥсез Наталья Клабукова
Суредаз Милана МИХАЙЛОВА
«Дартэ» юанъёсын, дэмланъёсын вазиськоно
73-33-42 телефон номеръя.
Материалъёстэс, туспуктэмъёстэс, суредъёстэс ыстэлэ
электрон почтае dart.gazet@yandex.ru.