ZWAR-Zeitungen 2013, 2014

Die Bottroper ZWAR-Zeitung Die AKTIVE GENERATION Ausgabe 2 2013 Seite 35
Wilm es in 'n rätselhaftet Oller
„Wenn ick mä dät so bedenk: Wä Fraulö sind an so hohge Fierdage wie Wiehnachen,
Ostern un Pingßen dä Gelackmeierten. Wat häw wä et drück, üm
aals instanne te häm'm. Un de Mannskerls, die ,Krone der (Er-)Schöpfung?'
Dä flaneert in'n stiewen Stoot, schmiet sick an't Brett - un du, Mama, seih es
tau, dätt aals prima klappt!" So kneißen Stina Wämser van morgens büs
o'mds in eens wegg. Dätt dät öhrn Kerl Wilm mötig, awer pö a pö opt Gemeut
schleig, wuß seu, gaw awer nicks nich dordrüm.
„Stina, komm es hier!" reip Wilm ut de
Schlopkammer. „Nee, nee, komm du harunner!
Da Wegg van borm no' unnen es grad so lang.
Un stell da nich ümmer so stüks un
stiefgedretten an - so schlimm es dät met dän
Hörnkessteck in'n Arm nu ok nich." Wilm, nu
vödräht: „Dät weeß du jo brrhaupts nich. Dän
Unnerarm es van dän Hörnkessteck dick, blond
un greun. Bregg' mä Essig tarn Keuhlen - dät
batt!"
Üm Rauh un Freern te holn, poreern Stina - awer dän Essiglappen muß sick
Wilm nu al selws üm sien kranken Unnerarm legg'n. „Stina, du weeß jo woll:
twee Hörnkesstecke bä 'n Mensch, un hä sterwt, fief Hörnkesstecke bä 'n
Peerd un et geht kapott!" Awer dät wuß Stina jo al längs.
Eenen Dagg no' Pingßen: Dina, Ziska, Drücks un Zette sätten komod in dä
groten Zessels in de besse Storwe van Stina Wämser, üm — wie van Johr
tau Johr — dät, wat an Kauken, Wossen un Fleesch örwergeblierwen war,
weg-teputzen. As so dät Nä'este ut de Nohber- un Vöwandtschop un ut't
Kerkspierl durch de Tänne getrocken war, kär'm de Krankheiten dran.
Stina, dä süs ümmer dät grötste Mulwerks ha', häl sick dütmol ganz kaduck.
„Wat es met dä los, du büs so lurig - sitt dä wat quass?" freig Dina. „Icke?
Gott bewahr!" Nee, met mien Kerl Wilm es wat, wo ick noch nich drachter
gekom'm bin." Drücks: „Nu vötell, viellichs kö' wä dä helpen!" börn de annern
Fraulö Öhre Hölpe an.
„Jo, so fang dät bä Wilm an: Fröher hat hä sick
mehr äs mehr üm mä gekümmert. Meinals, wat war
hä ok o'mds noch gängs. Awer nu dücht mä, dätt hä
in't Bumsoller gekom'm es!" Nu wärn awer alle
Fraulö blautnöchtern! „Wat säggs du dor,
Bumsoller? Jo, dät moß du us mol nöhger vöklörn!"
Stina: „Dät es so: Ha kömmt in de Schlopkammer, treckt sick ut, schmitt sick
so lang wie hä es in de Heia — un bums — es hä ok al an't schlopen!"
Theo Täpper