Aettenbühler Huuszytig Ausgabe Nr 24, Oktober 2017

LIEBE LESER
DAS EI
Morgengeschichte von Paul Steinmann, ausgestrahlt
im Radio SRF 1 am Freitag, 17.12.2010.
«Sie händ grad welle mit em Nachtässe afo, do
heds glüütet. De Hugi isch go uftue. Mer hed ne a
de Türe ghört mit eim rede, denn isch er i d Wohnig
cho und i d Chuchi, wider use a d Türe und hed
sie zue gmacht.
Wer das gsi sig, hed d Brige de Hugi gfrogt, won er
wider a Tisch gsässe isch. De Frey vom Stock obedra,
de Nochber, hed de Hugi gseid und afo schöpfe.
Demfall sig klar, was das mit em Ei heig selle, hed
d Helen gmacht. De Herr Frey heig nur welle cho
abtschegge, öb s villicht no es Plätzli frei hett am
Stubetisch. Und sie isch uufgstande und bim Nochber
go lüüte. Und dee isch no so gern cho. Und s
Ei hed er übrigens grad wieder mitbrocht.»
Die Fameli hed änegluegt.
Ich wünsche gute Unterhaltung beim Weiterlesen
der Huuszytig.
PAUL VILLIGER,
ZENTRUMSLEITER
Was er heig welle, hed d Brige de Hugi gfrogt. All
händ gwüsst, dass de Herr Frey kei Mönsch gsi
isch, wo gern gross Kontakt pflägt hed.
Es Ei, hed de Hugi gseid, de Frey heig es Ei verlangt,
nüd Wiiters.
Werum hed de Frey am Heiligobig es Ei brucht?
Jetz händ s also es Gspröchsthema gha am Tisch bi
dem Wiehnachtsässe.
Dass de Frey würd guetzle, das hed sich nume d
Sereina chönne vorstelle, s Änkelchind vo de Brige
und em Hugi. Die, wo de Nochber besser kännt
händ, sind ander Erklärige go sueche.
De Jonas, de Vater vo de Sereina, hed e bsunders
schöni uftischet: de Frey heig wahrschiindlich
Problem mit em Cholesterin. Und drum tüeg er
gar nie Eier ässe. Ussert a Wiehnachte. Es Spiegelei
sig für ihn es Fäschtässe und das erlaub er sich nur
einisch im Johr. Und jetz heig er ebe vergässe es Ei
z poschte und drum sig er cho lüüte.
Do hed sich s Greeti gmäldet. Sie isch medizinisch
bewanderet gsi und hed verzellt, dass d Eier de
Cholesterin-Spiegel gar nid ufe tüeged. Das sig e
Humbug und drum chönn die Gschicht vom Jonas
aso nid stimme.
D Helen, d Tochter vo de Gaschtgäber, hed de Herr
Frey zimmli guet kännt und ihre Vater gfrogt, was
de Nochber aagha heig. «Hömmli, Krawatte, Chittel»,
hed de Hugi gseid, «parat wie für en Usgang.»
24. Ausgabe, Oktober 2017 | AETTENBÜHLER HUUSZYTIG 3