Uf nach Bethlehem-origWasserzeichen

Zum Aufführungsrecht
• Das Recht zur Aufführung erteilt der
teaterverlag elgg, CH-3123 Belp
Tel. + 41 (0)31 819 42 09
www.theaterverlage.ch / information@theaterverlage.ch
Montag - Freitag von 09.00 bis 11.30 Uhr & 13.30 bis 17.00 Uhr
• Der Bezug der nötigen Texthefte - Anzahl Rollen plus 1 - berechtigt
nicht zur Aufführung.
• Es sind darüber hinaus angemessene Tantièmen zu bezahlen.
• Mit dem Verlag ist vor den Aufführungen ein Aufführungsvertrag
abzuschliessen, der festhält, wo, wann, wie oft und zu welchen
Bedingungen dieses Stück gespielt werden darf.
• Auch die Aufführung einzelner Teile aus diesem Textheft ist
tantièmenpflichtig und bedarf einer Bewilligung durch den Verlag.
• Bei eventuellen Gastspielen mit diesem Stück, hat die aufführende
Spielgruppe die Tantième zu bezahlen.
• Das Abschreiben oder Kopieren dieses Spieltextes - auch
auszugsweise - ist nicht gestattet (dies gilt auch für
Computerdateien).
• Übertragungen in andere Mundarten oder von der Schriftsprache in
die Mundart sind nur mit der Erlaubnis von Verlag und Verfasser
gestattet.
• Dieser Text ist nach dem Urheberrechtsgesetz vom 1. Juli 1993
geschützt. Widerhandlungen gegen die urheberrechtlichen
Bestimmungen sind strafbar.
• Für Schulen gelten besondere Bestimmungen.
"Es gibt Leute, die ein Theaterstück als etwas "Gegebenes"
hinnehmen, ohne zu bedenken, dass es erst in einem Hirn erdacht,
von einer Hand geschrieben werden musste.“
Rudolf Joho

Marianne Schauwecker
Uf nach Bethlehem
Weihnachtsmusical für Kinder
Besetzung
Bild
20 bis 40 Kinder
In Andeutung
«Hocked zu öis as Füür und verzelled, was ihr da mached!»
Herr und Frau Roos sind auf dem Weg in ihr "Wellness-
Wochenende" zum 15. Hochzeitstag. Die Kinder erwarten die
Grosseltern. Doch kaum sind die Eltern weg, kommt per
Handy die Hiobsbotschaft, dass Opi sich ein Bein gebrochen
hat und die Grosseltern deshalb nicht kommen können.
Für die Kinder bedeutet dies der Start in ein ganz besonderes
Abenteuer. Der Lehrer hat seine Schüler nämlich dazu
angeregt, sich Gedanken darüber zu machen, ob die über
2000 Jahre alte Weihnachtsgeschichte in der heutigen Zeit
immer noch lebendig sei, oder ob Weihnachten für uns
Menschen definitiv zum "Weihnachtsstress" und
"Päcklirummel" geworden ist.
So machen sich die fünf Kinder mutig auf, "Bethlehem in der
heutigen Zeit" zu suchen.
«Aber nöd nu gschiid im Chopf, sondern au im Härz!»
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
die jugendreihe 195/2012

Sprecher/in
Vater Roos
Mutter Roos
Sara (ca. 13)
Marco (ca. 12)
Stefan (ca. 10)
Laura (ca. 9)
Jessy (ca. 7)
Personen
kann auf zwei Kinder verteilt werden
ihre Kinder
Volk 1. Bild Dorf.
- Dorfkinder, Dorffrauen und Dorfmänner
- ev. ein Samichlaus
- Hundehalter
- Hundehalterin mit Stoffhunden an Leinen
2 bis 10 'suchende Kinder' (je nach Anzahl der mitspielenden Kinder)
4 Hirten/Hirtinnen
- Dani
- Toni
- Andi
- Anna
- Schafe/Schaf-Chor z.B. eine Herde mit vielen kleinen Schaf-
Statisten, oder ein paar wenige"expressive Musical-
Schafe", oder gar keine Schafe und nur Schafstimmen,
z.B. ab CD.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Engel
- ca. 6 - 10… Engel, gross und klein, gute Sänger/innen
- 2 -

Uf nach Bethlehem
Stadtmenschen
- 1 Stadtmensch (Prolog)
- Sprechchor der Stadtmenschen mit drei Solosätzen
- Frau Müller
- Kind Simi Müller
- Kind Debi Müller
- Frau Meier
- Herr Scherrer
- Herr Schmid
- 1. Stadtkind
- 2. Stadtkind
- 3. Stadtkind oder nur ein Stadtkind
- Lehrer/in 1. Weise
- Doktor/in 2. Weiser, dunkelhäutig
- Frau/Herr Weber, 3. Weise, Verkäufer/in
In der Kirche
- Maria zwei stumme Rollen für zwei kleine Kinder.
- Josef
- Ein paar Kinder, welche die Zwischentexte sprechen.
- Alle Kinder sind jetzt Kirchenbesucher/innen
Chor: Generell gilt: Kinder, die gerade nicht auf der Bühne sind,
singen im Chor unter/neben der Bühne mit.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Die Noten zu allen Liedern können beim teaterverlag elgg bezogen
werden.
2 CDs zum Musical können beim teaterverlag elgg und bei der Autorin
bestellt werden:
- Playback-CD: instrumentale Begleitungen der Lieder
- CD "Chinderlieder-Topf": Kinder singen die Musical-
Lieder
- 3 -

Was tun, wenn das Lernen der Musical-Lieder Mühe bereitet?
Die Lieder sind ein wichtiger Bestandteil des Musicals. Werden sie
einfach weggelassen, fehlt dem Stück einiges an
inhaltlicher und zeitlicher Substanz. Trotzdem soll "Uf
nach Bethlehem" auch für Theatergruppen aufführbar
sein, welche nicht singen wollen/können oder welche
nicht genügend Zeit haben, sämtliche Lieder
einzustudieren.
So können Liedtexte auf lebendige Weise auch als
Sprechtexte gestaltet werden (z.B. als Rap, mit
Hintergrundmusik oder Perkussion). Bei Zeitnot
können die Lieder auch ab CD gelernt - oder teilweise
von einzelnen Kindern solo gesungen werden.
Die Autorin ist gerne bereit, bei spezifischen Fragen
oder Problemen 'mitzudenken' mit Rat und Tipps:
www.marianneschauwecker.ch
Orte
Ein Dorf, ein Feld, eine Stadt, Unterwegs (vor dem Vorhang)
Heute
Zeit
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 4 -

Uf nach Bethlehem
Sprecher/in
1. Bild
Dorfszene mit Häusern, Dorfbrunnen, Läden mit
Schaufenstern mit Weihnachtsdekoration, Vorweihnachtsstimmung.
Hintergrund-Marktgeplauder ab
CD.
1. Szene
Im Dorf
Kurze Ouvertüre, z.B. der Beginn von "Bald isch
Wiehnacht" ab Playback-CD
Zum Schluss der Ouvertüre geht der Vorhang auf.
Lebendiges Bild, "erstarrt", aus Menschen aus dem
Dorf: Dorfkinder, Dorffrauen, Dorfmänner, Mann
mit Hund, Frau mit Hund, jemand mit einem kleinen
Christbaum, Leute mit Päckli und Säcken in der
Hand, ev. ein Samichlaus mit ein paar Kindern rund
herum…
Vorne seitlich am Bühnenrand steht der/die
Sprecher/in.
Grüezi mitenand! Mir befinded öis da zmitzt in
Gunzwil. (Ortsame anpassen). Es isch Dezämber im
Jahr 20…. und in es paar Tag isch Wiehnacht. Also -
merkeder's? Eigentlich passiert die Wiehnachtsgschicht
vo de Sara, em Marco, em Stefan, de Laura und de
Jessy grad jetzt, i dem Momänt!
Bei "i dem Momänt" beginnt sich die Dorfszene zu
bewegen.
Passanten rufen "Schöni Wiehnacht", die Kinder
beim Samichlaus johlen, der Chlaus schwingt die
Fitze, Hundebesitzer und -besitzerin gestikulieren,
ziehen dann ihre Kinder an der Hand weiter, ein paar
Kinder stehen vor den gemalten Schaufenstern.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 5 -

Ein Kind rennt herbei und ruft "Bald isch
Wiehnacht!", andere Kinder kommen dazu und rufen
dasselbe.
Die Szene sammelt sich und alle zusammen singen.
Lied: Bald isch Wiehnacht
Ref.
Bald isch Wiehnacht, bald isch Wiehnacht,
säg, isch das nöd wunderbar?
Bald isch Wiehnacht, bald isch Wiehnacht,
s schönschti Fäscht im ganze Jahr!
1.
D Schaufänschter sind voll vo Sache,
wo öis möchted gluschtig mache,
Guetsli git's und Wiehnachtsböim,
Chinder- und Erwachsnetröim.
Alli sind am Choche, Bache,
poschted no die letschte Sache,
zünded Cherzli, dekoriered,
baschtled Gschänkli und verziered.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Wiehnacht, Wiehnacht, wunderbar,
s schönschti Fäscht im ganze Jahr,
Wiehnacht, Wiehnacht, wunderbar,
s schönschti Fäscht im ganze Jahr!
Refrain: Bald isch Wiehnacht…
- 6 -

2.
I de Schuel und i de Chile
tüe mer d Gschicht vom Heiland spile,
sit meh als zweituusig Jahr
isch die Gschicht no immer wahr.
Ja, as Chrischtchind wämmer dänke
und ihm öisi Liebi schänke,
ihm au hüt no Gschänkli bringe
und ihm öisi Lieder singe,
Wiehnacht, Wiehnacht, wunderbar,
s schönschti Fäscht im ganze Jahr,
Wiehnacht, Wiehnacht, wunderbar,
s schönschti Fäscht im ganze Jahr!
Vater
Mutter
Sara
Uf nach Bethlehem
Nach dem Lied verziehen sich die meisten Passanten.
Im Hintergrund sind noch ein paar Kinder,
manchmal läuft hinten jemand vorbei.
2. Szene
D Familie Roos
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Vorne erscheint die Familie Roos, die Eltern mit
Reisetaschen.
schaut auf die Armbanduhr. Also mir sötted jetzt
würkli gah!
Wieso sind Omi und Opi ächt nonig cho? Uf die cha
me sich doch suscht immer verlaa!
Die sind sicher scho unterwägs! Gönd nume, ich passe
so lang uuf!
- 7 -

Marco
Stefan
Laura
Jessy
Vater
Mutter
Sara
Vater
Sara
Mutter
Vater
Sara
Vater
Mutter
Ja, gönd nume, mir schaffed das scho!
Ich freu mich uf Omi und Opi, bii dene därf me länger
Färnseh luege!
Ja, und d Omi macht so gueti Omelette!
Und me muess nöd so früeh is Bett!
Chum jetzt, mer sötted jetzt würkli gah, de Zug fahrt i
nere Viertelstund ab!
zu Sara. Sara, häsch du miis Handy, dass er chönd
aalüüte, falls öppis isch?
Ja klar, aber das gaht sicher guet, ich bin doch scho
driizähni und keis Baby meh! Gönd jetzt äntli öire
füfzähti Hochziitstag go fiire!
Ja, mach bitte vorwärts! D Nachbere wäred im Notfall
ja au no da!
Das Handy läutet.
Das isch d Omi! Hoi Omi! Ja, isch guet, bis bald… Zu
den andern. Sie sind unterwägs, sie pressiered! Gönd
jetzt nume!
Also, tschau Chinde! Sara, pass guet uf die zwei
Chliine uuf! Marco und Stefan, folged de Sara, sie isch
die Eltischt! Sind brav und lueged nöd z vil Färnseh!
Und mir träffed öis also morn Zaabig bii de
Wiehnachtsfiir i de Chile!
Ihr wüssed ja, dass de Zug erscht knapp vorane
aachunnt!
Ja ja! Das händ er öis scho paar Mal gseit! Gnüssed
jetzt öies Wellness-Wuchenänd!
Herzlicher Abschied.
Chum jetzt!! De Zug…
Ja ja, - - passed uuf und striited nöd!
Die Kinder winken den Eltern nach, es erscheinen
wieder mehr Leute, Kinder...
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 8 -

Sprecher/in
Sprecher/in
Sara
Jessy
Marco
Laura
Stefan
Sara
Uf nach Bethlehem
Jetzt händ also d Eltere Roos de Zug grad no
verwütscht! Die händ ja gwüss au Erholig nötig mit
föif Chind! Aber warum chömed ächt Omi und Opi
nöd? Was isch au mit dene los? Die sind doch suscht
immer so pünktlich! Und warum lüütet jetzt das Handy
scho wieder?
Das Handy läutet, Sara nimmt ab, die Kinder stellen
durch Gestik das Erschrecken über das Gehörte dar.
Ich verrate's öi! Dänked nume, jetzt isch doch de Opi
vor luuter Pressiere gstolperet und umgfalle und hät
sich s Bei broche! D Omi isch völlig durenand, de
Chrankewage isch grad da, und sie müend jetzt natürli
is Spital gah! D Omi wett de Opi doch nöd alleige la. D
Sara seit, das schaffid sie scho, sie göngid eifach zu de
Nachberi, das seg gar keis Problem!
immer noch am Handy. Ganz sicher Omi, das gaht
alles ganz guet! De Opi isch jetzt wichtiger, und um öis
muesch dir würkli kei Sorge mache! Mir gönd jetzt
grad zu de Frau Zehnder! Ja klar, mir tüend wieder
telefoniere. Villi Grüess an Opi! Gueti Besserig!
Tschau Omi!
De arme Opi, stirbt er jetzt?
Quatsch, Jessy, me stirbt nöd, wämme sich s Bei
bricht!
Aber was mache mer jetzt, Sara?
Ich wott nöd zu dere stränge Frau Zehnder gah! Die
wott immer, dass mir nöd so luut sind bim Tschuute
oder Spiele! Was sölle mer au mache?
Ich hetti scho en Idee, e ganz cooli Idee! Chömed, mir
gönd jetzt schnäll hei, und uf em Wäg verzell ich öi,
was ich für e mega Idee han!
Die Kinder gehen von der Bühne, drängen sich dabei
um Sara und sagen "verzell", "was häsch für en
Idee?"
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 9 -

Sprecher/in
Kinder
3. Szene
Mir gönd nach Bethlehem!
Wänn er wänd, verzell ich öi die Idee vo de Sara! Sie
gönd nume ganz gschnäll hei und tüend es feins
Picknick und warmi Chleider i nen Rucksack packe.
Sie wänd nämlich gschwind nach Bethlehem gah! Es
isch doch bald Wiehnacht!
Aber wie wänd sie an eim Wuchenänd gschwind nach
Bethlehem gah und morn Zaabig scho wieder zrugg sii
für d Wiehnachtsfiir i de Chile? Bethlehem liit doch
wiit furt im Weschtjordanland!
Das isch ebe so: De Lehrer hät de Klass vo de Sara
öppis verzellt, wo sie gärn uusprobiere wett. Er hät
gseit, d Wiehnachtsgschicht seg jetzt scho meh als
zweituusig Jahr alt, und villi Lüüt dänked hüt meh a d
Gschänkli, an Chrischtbaum und an Wiehnachtsstress
als as Jesuschind! De Lehrer meint, me sötti doch
Bethlehem au hüt no go sueche gah, und da defür
müesi me gar nöd is Weschtjordanland reise. Die
Gschicht segi nämli überall! Die Gschicht segi sogar i
öis Mänsche drin, wämmer nu richtig uf d Suechi
göngid!
Zwei bis zehn geheimnisvolle 'suchende Kinder'
erscheinen auf der leeren Bühne, ev. mit Laternen,
einem goldenen Stern, einem Räbenlicht o.ä. und
sprechen teils alleine, teils gemeinsam, aufgeteilt in
die Anzahl der Kinder, den Text des nächsten Liedes
"Mir gönd nach Bethlehem" ins Publikum:
-Git's dä Stärn no, so hell wie kein zweite,
-wo am Himmel siis Liecht tuet verbreite?
-Git's no Ängel, wo d Wahret verkünded?
-Git's no Hirte, wo s Jesuschind finded?
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 10-

Uf nach Bethlehem
-Öisi Wält isch voll Gwalt und voll Sorge,
und mir Chinde sind nüme geborge.
-Git's dä Stärn no, wo d Richtig öis zeiget
und öis Mänsche i d Zuekumft begleitet?
-Git's en Antwort uf öisi Fraage?
-Git's ächt Lüüt, wo öis verschtönd?
-Dass mir Chinde nöd müend verzaage
und drum jetzt uf d Suechi gönd:
-Mir sueched Bethlehem i de hütige Ziit,
-mir gönd nach Bethlehem, chömed doch mit!
-Mir gönd nach Bethlehem, alli mir Chinde,
-mir wänd das Bethlehem au hüt no finde.
-Oh Bethlehem, lass dich finde!
-Oh Bethlehem, zeig dich öis Chinde!
Während dem letzten Vers füllt sich die Bühne leise
und langsam wieder mit den Dorfleuten, und auch
die Geschwister Roos erscheinen wieder mit kleinen
Rucksäcken, bereit für ihre Reise, alle scharen sich
um die suchenden Kinder, und schliesslich singen
alle gemeinsam das Lied:
Lied: Mir gönd nach Bethlehem
1.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Git's dä Stärn no, so hell wie kein zweite,
wo am Himmel siis Liecht tuet verbreite?
Git's no Ängel, wo d Wahret verkünded?
Git's no Hirte, wo s Jesuschind finded?
- 11-

Refrain
Git's en Antwort uf öisi Fraage?
Git's ächt Lüüt, wo öis verschtönd?
Dass mir Chinde nöd müend verzaage
und drum jetzt uf d'Suechi gönd:
Mir sueched Bethlehem i de hütige Ziit,
mir gönd nach Bethlehem, chömed doch mit!
Mir gönd nach Bethlehem, alli mir Chinde,
mir wänd das Bethlehem au hüt no finde.
Mir sueched Bethlehem i de hütige Ziit,
mir gönd nach Bethlehem, chömed doch mit!
Mir gönd nach Bethlehem, alli mir Chinde,
oh Bethlehem, lass dich finde!
2.
Öisi Wält isch voll Gwalt und voll Sorge
und mir Chinde sind nüme geborge.
Git's dä Schtärn no, wo d Richtig öis zeiget
und öis Mänsch i d Zuekumft begleitet?
Refrain: Git's en Antwort uf öisi Fraage?...
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Vorhang geht zu, Ende erstes Bild.
- 12-

Uf nach Bethlehem
2. Bild
Stefan
Marco
Sara
Stefan
Laura
Jessy
Sara
Laura
Sara
1. Szene
Uf em Wäg (1)
Die Kinder treten vor dem Vorhang auf:
zu Sara. Und? Jetzt simmer scho so lang gloffe! Wie
sölled mir jetzt das Bethlehem finde?
Sara, ich find's jetzt plötzli e chlii verruckt, dass mir da
eifach druuflos gloffe sind! 'S wird scho dunkel!
Stefan, Marco, gänd doch nöd grad uuf! Es isch doch
zum Glück ganz en warme Dezämber! Und 's git doch i
dem Wald det äne e Hütte, wo immer offe staht, die
chönnte mer doch sueche zum Schlafe! Det hät's es
Öfeli und immer gnueg Holz für d Waldarbeiter!
Mega! Im Wald schlafe! Ich han Zündhölzli debii!
Ich ha no kein einzige Ängel gseh!
Und ich nonig emal en Hirt!
Laura und Jessy, ihr müend au nöd immer uusrüefe!
Wämmer nume motzed, finde mer sowieso nüüt!
hält sich an Sara fest. Aber ich han Angscht, wänn's
dunkel wird!
nimmt die Kleinen an der Hand. Wüsseder was? S
Mami singt doch amel wämmer Angscht händ, das
Lied vom Liebgott, wo immer da isch! Das chönnte
mer doch jetzt au singe, dänn finde mer nachher sicher
de richtig Wäg!
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Die Kinder stehen nahe beieinander, die grösseren
Geschwister halten die kleineren an den Händen.
- 13-

Lied: Liebe Gott, du bisch da
1.
Liebe Gott, du bisch da,
ja ich glaube fescht da dra,
und du treisch mich dur d Wälle vo miim Läbe.
Liebe Gott, ich ghör dir,
Tag und Nacht bisch du bi mir,
und du füersch miini Schritt dur s ganzi Läbe.
Au wänn's schwär isch und truurig
und ich de Wääg verlüür,
wänn ich Angscht han, ich sig ganz alleige,
bisch du da und machsch uuf
scho di nächschti nöii Tüür,
oh ich bitt dich, de nächschti Schritt mir z zeige…
2.
Liebe Gott, diini Chind,
wo mir alli zäme sind,
händ halt mängisch en Huufe Angscht und Sorge.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Liebe Gott, nimm vom Härz
all dä grossi Mänscheschmärz,
dänn im Grund gno simmir bi dir geborge.
- 14-

Uf nach Bethlehem
Hilf öis glaube, und hilf öis,
dass mir öis füere lönd,
dass mir märked mir sind nöd alleige,
du bisch da und machsch uuf
scho die nächschti nöii Tüür,
oh ich bitt dich, de nächschti Schritt mir z zeige…
Laura Jetzt gaht's mir vil besser!
Marco, Stefan, Jessy Mir au!
Sara Gsehnder! Jetzt hämmer s Vertroue wieder gfunde.
Villicht ghört das ja scho zu öisem Bethlehem, - s
Vertroue!
Marco Und lueged emal det äne! Ich gsehn es Liecht! Det
muess es also Lüüt ha, wo no uf em Fäld sind!
Stefan S Liecht bewegt sich! Es gseht us wie nes Füür!
Jessy Das isch ja wie bii de Bremer Stadtmusikante! Det
gsehnd d Tier au es Liecht, aber dänn isch es e
Räuberhütte!
Sara Äh, hör uuf, Jessy! Chömed jetzt, mer gönd emal go
luege!
Kinder gehen ab.
Nachdem die fünf Kinder abgegangen sind,
erscheinen drei Hirten vor dem Vorhang und
rufen/pfeifen nach den Schafen. Der vierte Hirt
kommt mit der "Schafherde" zum Zuschauereingang
hinein und geht mit den blökenden Schäfchen durch
den Zuschauerraum hinauf zur Bühne.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Der Vorhang öffnet sich.
Hintergrund: Weites Feld, Vordergrund: ein paar
Büsche, Pflanzen, ein Feuer in der Mitte.
- 15-

Dani
Toni
Andi
Anna
2. Szene
D Hirte vo hüt
Die vier Hirten Dani, Toni, Andi und Anna stehen
um das Feuer und braten Cervelats an Stecken. Im
Hintergrund weiden Schafe.
Jetzt sötte mer dänn d Schaf e chlii zämetriibe, dass
keis verlore gaht uf dere grosse Weid!
Zerscht wott ich jetzt in Rueh no miin Znacht ässe,
Dani!
Vom Umehocke sind mer grad d Chnoche chlii
iigroschtet! Chömed, mer beweged öis und singed eis!
Gueti Idee, Andi! Wüsseder de Rhythmus no vo öisem
Hirte-Song?
Lied: Mir Hirte vo hüt (mit Schaf-Chor)
(möglichst 'bewegt' inszenieren)
Rhythmuschor:
Pambam pambam pambam pambam
pambam pambam pambam pambam
1.
Mir Hirte vo hüt
sind bsundrigi Lüt
hejo hejo, ganz bsundrigi Lüt
mir Hirte vo hüt
sind cooli Lüüt
hejo hejo hejo
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 16-

Mir sind uf em Fäld wäg de Wölf wo ume sind
und hüeted die Schaf bi Sunne, Räge, Wind,
mir gnüssed die Freiheit im Wald und uf em Fäld,
und derzue - verdiene-m-er chli Gäld.
Uf nach Bethlehem
Pambam pambam pambam pambam…
Schafe "Schaf-Chor".
Määääh mäh määäh
mä mä mä mä määäh
määääh mäh määäh
mä mä mä mä määäääh
2.
Mir Hirte vo hüt
sind fröhlichi Lüt
hejo hejo, ganz fröhlichi Lüt
mir Hirte vo hüt
sind cooli Lüüt
hejo hejo hejo
Mir sind da verusse, händ immer frischi Luft
und gnüüsed im Wald dä ganz spezielli Duft
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
vo Tanne und Moos und vo Füür und heisser Wurscht,
und derzue - gits öppis gäg de Tuurscht.
Pambam pambam pambam pambam…
- 17-

Schafe:
Määääh mäh määäh
mä mä mä mä määäh…
3.
Mir Hirte vo hüt
sind sälteni Lüt
hejo hejo, ganz sälteni Lüt
mir Hirte vo hüt
sind cooli Lüüt
hejo hejo hejo
Zu Bethlehems Ziite hät's meh Kollege gha,
die händ no Kontakt zum Wiehnachtsängel gha!
Drum simmer au hüt no uf alli Hirte schtolz,
und derzue - da tanzemer durs Holz.
Pambam pambam pambam pambam…
Schafe:
Määääh mäh määäh
mä mä mä mä määäh…
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 18-

Uf nach Bethlehem
Schluss mit Schaf-Chor.
4.
Mir Hirte vo hüt
sind luschtigi Lüt
hejo hejo, ganz luschtigi Lüt
mir Hirte vo hüt
sind cooli Lüüt
hejo hejo hejo
hejo hejo hejooo!
Dani
Toni
Andi
Anna
Stefan
Sara
Marco
Laura
Jessy
Sara
So, jetzt isch es aber scho rächt dunkel!
Jetzt müemer go d Schaf hole, wo no im Wald äne
sind!
Ja, chömed, gömmer bevor mers nüme finded!
Ich tuen no chlii Holz uf s Füür, dänn chömmer
nachher no chlii zämehocke.
Die Hirten verschwinden.
3. Szene
Bsuech bii de Hirte
Von der anderen Seite kommen die fünf Kinder.
Chömed! Da hät's würkli es Füür!
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Schön, das git öis grad e chlii warm!
Aber 's hät kän Mänsch bii dem Füür!
Das isch unheimlich!
Ja, wie bii de Bremer Stadtmusikante!
Still, losed, ich ghören öppis!
- 19-

Man hört die Schafe blöken und die Stimmen der
Hirten.
Marco Das sind ja richtigi Schaf! Villicht finde mer da öisi
Hirte vo Bethlehem!
Die Hirten kommen zurück mit den Schafen.
Dani He, was mached dänn ihr Chinde no da - im Dunkle
verusse?
Sara Sind ihr würkli ächti Hirte?
Kinder D Hirte vo Bethlehem?
Dani Was? D Hirte vo Bethlehem? Scho nöd ganz! Mir sind
d Hirte vom Pfannestiel! (Berg/Hügel in der Nähe)
Andi Und mir hüetet da öisi Schaf, susch landets dänn plötzli
au no i de Stadt une - wie d Füchs!
Toni Das isch de Dani, das da de Andi, das isch d Anna -
und ich bi de Toni!
Anna Hocked zu öis as Füür und verzelled, was ihr da
mached!
Jessy Händer no nie en Ängel gseh?
Die Hirten lachen, winken die Kinder zum Feuer, alle
sitzen am Feuer, auch die Schafe lassen sich in der
Nähe nieder. Während die Sprecherin erklärt, stellen
Hirten und Kinder durch Gesten lautlos ein Gespräch
am Feuer dar, essen und trinken.
Sprecher/in
4. Szene
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
D Ängel
Das gseht gmüetlich uus! D Chinde verzelled, was sie
sueched, und d Hirte finded, sie sölled jetzt aber lieber
bii ihne im Wohnwage übernachte und am nächschte
Morge dänn wiiter gah. Sie hebed gnueg Platz im
Wage und au de Zmorge langi für alli… D Jessy isch
- 20-

Jessy
Hirten
Uf nach Bethlehem
aber nonig zfriede, sie wett no en Antwort ha uf ihri
Frag:
steht auf, energisch. Ich wott jetz wüsse, ob ihr no nie
en Ängel gseh händ?!
Ängel?
Toni Ah, du meinsch wäg de Wiehnacht, wo de Ängel zu de
Hirte cho isch!
Jessy Hä ja, de Wiehnachtsängel chunnt doch zu de Hirte!
Villicht git's ja die Ängel immer no!
Laura Ich möcht so gärn au mal eine gseh!
Marco u Stefan Ich au!
Anna Ihr händ scho Rächt! D Hirte sind doch die erschte gsi,
wo vom Jesuschind ghört händ!
Andi Ich han scho öppe s Gfüehl gha, ich heg en
Schutzängel! Das stimmt ja villicht würkli!
Sara Villicht chönnte mer nomal as Füür sitze und ganz
stille sii und lose, villicht chömed d Wiehnachtsängel
ja doch no verbii!
Hirten und Jessy setzen sich nochmals zum Feuer,
schliessen die Augen, werden im Verlauf des Engel-
Liedes dann langsam müde, lehnen sich aneinander,
Jessy schläft ein.
Von hinten erscheinen leise die Engel, stellen sich
halbkreisförmig hinter der Gruppe auf, das Licht
wird ganz langsam heller.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Lied: Öis Ängel git's no immer
1.
Öis Ängel git's no immer
sit allerfrüeschte Ziite,
ja, unsichtbar das simmer,
doch stömmir öi zur Siite.
- 21-

Mir chömed höch vom Himmel
zu öi is Mänschegwimmel,
vom helle Stärneschimmer
diräkt i öiri Zimmer,
Ref.
Dänn mir sind immer da,
glaubed nur da dra,
ja, mir begleited öi,
dänn Ängel, die sind tröi.
gesummt: vom Lied "Vom Himmel hoch" eine Zeile:
"Vom Himmel hoch da komm ich her".
2.
Und schmückt me d Wiehnachtszimmer,
und mängi Cherze brännt,
verkünde mir wie immer
de heiligi Advänt.
Ihr chönd öis nur nöd ghöre,
well Mänschelärm tuet störe,
doch tüe mir für öi singe
und öi die Nachricht bringe,
Ref.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Dänn mir sind immer da,
glaubed nur da dra,
ja, mir begleited öi
dänn Ängel, die sind tröi.
- 22-

Uf nach Bethlehem
Wie oben gesummt "Vom Himmel hoch", aber zwei Zeilen,
bis und mit "ich bring euch eine gute Mär".
Laura
Alle andern
Dani
Sara
Sara
Marco
Stefan
Jessy
Laura
Zum Schluss halten die Engel wie schützend die
Hände über die Gruppe am Feuer.
Ich han öppis gspürt! Ich glaub, ich han en Ängel
gspürt!
Ich au, ich au…
Chömed, jetzt gömmer go schlafe! Jetzt chan öis ja gar
nüt passiere!
D Ängel wached über öis!
Sie gehen alle ab, Sara trägt die schlafende Jessy;
dabei schliesst sich der Vorhang.
3. Bild
1. Szene
Uf em Wäg (2)
Die Kinder treten vor dem Vorhang auf:
am Handy. Momoll, Omi, alles gaht guet, mer sind alli
zwäg! Mer sind grad e chlii am Spaziere! Lacht
verschmitzt die Geschwister an, welche mitlachen.
Guet, dass es em Opi scho besser gaht! En Gruess und
gueti Besserig! Tschau Omi!
Das sind dänn netti Hirte gsi! Mmh, und dä fein
Zmorge!
Ich glaub, ich wird emal en Hirt!
Ich han vom Wiehnachtsängel träumt!
Ich au! En Huufe Ängel händ öis gschützt, und es isch
ganz warm und hell worde!
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 23-

Sara
Marco, Stefan, Jessy
Komisch, das han ich au träumt!
Ich au!
Sara Das isch sicher es guets Zeiche für öise Wäg nach
öisem Bethlehem, - das isch doch fascht e chlii es
Wunder, dass mir alli s gliiche träumed - und dänn no
so öppis Schöns!
Laura Es Wunder treit öis nach Bethlehem!
Jessy Freudensprung. Juhu! Wo gömmer jetzt dure?
Sara Jetzt lömmer öis doch eifach füehre! Mer händ s
Vertroue gfunde, mer händ d Angscht verlore, mer
händ Hirte und Ängel gfunde, mer händ en warmen Ort
gha zum Schlafe und en feine Zmorge, das isch ja scho
die reinschti Wiehnachtsgschicht!
Stefan Villicht finde mer jetzt dänn au no die drü weise
Könige us em Morgeland!
Marco Und d Maria und de Josef!
Laura u Jessy Und s Jesuschind!
Die fünf Kinder treten ab, der Vorhang öffnet sich,
und die suchenden Kinder erscheinen:
Kinder -Mir gönd nach Bethlehem ohni Flugi und Zug,
-mir gönd nach Bethlehem, gschwind wien im Flug!
-mir mached d Auge zue und zelled uf drü,
-scho treit es Wunder öis ganz schnäll det hi!
-Mir gönd nach Bethlehem i de hütige Ziit,
-vo Gunzwil (anpassen) nach Bethlehem isch es nöd
wiit!
-Mir gönd nach Bethlehem, alli mir Chinde,
-Oh Bethlehem, lass dich finde!
-Oh Bethlehem, lass dich finde!
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Dorfbewohner und die fünf Geschwister erscheinen
beim letzten Vers, scharen sich um die suchenden
Kinder und versammeln sich zum Lied:
- 24-

Uf nach Bethlehem
Reprise von "Mir gönd nach Bethlehem" Melodie Refrain
Mir gönd nach Bethlehem ohni Flugi und Zug,
mir gönd nach Bethlehem, gschwind wie im Flug,
mir mached d Auge zue und zelled uf drüü,
scho treit es Wunder öis ganz schnäll dethii.
Mir gönd nach Bethlehem i de hütige Ziit,
vo Gunzwil (oder 'vo da') nach Bethlehem isch es nöd wiit!
Mir gönd nach Bethlehem, alli mir Chinde,
oh Bethlehem, lass dich finde,
oh Bethlehem, lass dich finde…
2. Szene
D Stadtmänsche
Graue Stadt, Hochhäuser, wenig Grün, Autos, Stadt-
Verkehrsgeräusche ab CD.
Stadtmenschen hetzen gestresst mit grossen
Einkaufssäcken über die Bühne, grüssen sich nicht…
Immer mehr Stadtmenschen, grosse und kleine,
erscheinen, mit Einkaufstaschen, Mappen, Schulrucksäcken,
beschäftigt, gehetzt…
Prolog Stadtmensch kommt nach vorne, gestikuliert, ruft aus.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Ich mag jetzt dänn nüme!
Ich mag jetzt dänn nüme!
Immer die Wiehnacht,
das isch die schlimmscht Ziit im Jahr!
All die Päckli und all die Sache, won ich muess bsorge!
Es wird mer eifach z vil!
- 25-

Stadtmenschen kommen zu einer Gruppe zusammen:
Sprechchor der Stadtmenschen
Mir händ en Huufe z tue,
mir händ en Huufe z tue,
mir finded fascht kei Rue,
mir finded fascht kei Rue,
vor luuter luuter Schaffe,
1. Stadtchor-Solo tritt vor und ruft ins Publikum.
Tüend doch nöd so gaffe!
2. Stadtchor-Solo tritt vor.
Händ Ihr dänn gar nüt z tue?
3. Stadtchor-Solo tritt vor.
So lönd öis doch in Rueh!
Sprechchor der Stadtmenschen, gehen dieses Mal durcheinander und
gestikulieren wild:
Mir händ en Huufe z tue,
mir händ en Huufe z tue,
mir finded fascht kei Rue,
mir finded fascht kei Rue,
vor luuter luuter Schaffe,
vor luuter luuter Schaffe,
vor luuter luuter Schaffe…
Am Schluss "vor luuter Schaffe" nicht mehr im
Rhythmus, - chaotisch durcheinander.
Frau Müller
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Der Sprechchor verliert sich im Hintergrund, hin und
wieder eilt noch jemand vorbei, Frau Müller und
Frau Meier bleiben stehen:
mit ihren Kindern Simi und Debi und einem
Kinderwagen zu Frau Meier. Ou chönntisch du di
Chliine hüt e Stund hüete? Ich muess unbedingt dä
- 26-

Debi
Simi
Uf nach Bethlehem
Chrischtbaum chaufe, won i vorher gseh han, dä hät
genau die richtig Grössi für i öisi Stube.
stämpfelt. Aber ich wett au mit go Chrischtbaum
chaufe!!
Und ich wett jetz ändli hei go Fernseh luege!
Frau Meier Also nei, hüt gaht das würkli nöd, ich bin total im
Wiehnachtsstress und ha gar nonig alli miini Päckli
kauft! Ich fahre jetzt i d Stadt zum Sprüngli!
(anpassen) Du muesch dir halt au en Babysitter zuetue
wien ich!
Simi Ich wett kein Babysitter, Mami, ich wett hei! Geht ein
paar Schritte weg.
Frau Müller streng zu Simi. Bliibsch bitte da, ich bin nonig fertig!
Simi kommt langsam zurück, beginnt Debi zu ärgern.
Zu Frau Meier gewandt. Ich han dir im Fall vor ere
Wuche au diini fräche Chind ghüetet, muesch nöd
meine, dass ich das wieder emal mache!
Debi dazwischen, zieht Mama am Mantel. Mami bitte, dörf
ich hälfe de Chrischtbaum schmücke?
Frau Meier Weisch was, ich han jetzt eifach kei Luscht mit dir z
striite, mach doch, was d wottsch! Ich han jetzt
Wichtigers z tue! Geht ab.
Frau Müller So fies! Was sölli jetzt au mache? Wär d Wiehnacht
nur scho verbii! Geht auch.
Debi weinerlich. Chömed mir jetzt kein Chrischtbaum über?
Simi Momoll, Debi, chumm jetz schnell, ich wott d
Chindersändig luege! Sie rennen Mama hinterher.
Zwei Männer mit Mappen eilen auf die Bühne.
Herr Scherrer Ah, grüezi Herr Schmid!
Herr Schmid Guete Tag Herr Scherrer! Händ Sie au das übliche
Wiehnachtsgstürm?
Herr Scherrer Ja, und wie! Ich sött no de Frau die Handtäsche chaufe,
wo sie scho siit de Summerfärie wott, bis jetzt han i für
das no kei Ziit gha!
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 27-

Herr Schmid
Und ich muess no en Computer für öise eltischt Sohn
chaufe, - es muess äfängs jedes Chind en Compi ha!
Herr Scherrer Ja Sie säged's! Öisi Tochter wünscht sich es Handy!
Mit nüüni!! Aber jetzt muess i gah, adiö Herr Schmid!
Herr Schmid
Uf Wiederluege und schöni Wiehnacht!
Herr Scherrer Ah ja, - schöni Wiehnacht!
Sie rennen weiter.
3. Szene
D Suechi nach de weise Mänsche
Die fünf Kinder treten auf und schauen ratlos herum.
Sprecher/in Das hetted d Sara, de Marco, de Stefan, d Laura und d
Jessy nöd dänkt, dass sie i so ne grossi Stadt gfüehrt
wärded. Sie känned sich i dere grosse Stadt nöd uus,
und sie wüssed nöd genau, was mache! Wie söll me i
dem Verchehr au die drü Weise us em Morgeland
finde? Aber öisi föif Chind gänd nöd uuf.
Stadtkinder, eins mit einem Fussball unter dem Arm,
stossen zu den fünf Kindern.
1. Stadtkind Was sueched ihr da?
2. Stadtkind mit Fussball. Wänd ihr mit öis Fuessball spile?
Sara Nei, mir händ kei Ziit, mir wänd usefinde, öb's i dere
Stadt ächt au es paar weisi Mänsche hät. Wie die drü
weise Könige us em Morgeland, wo nach Bethlehem
zum Chrippli zoge sind mit ihrne Gschänk für s
Jesuschind.
Mit der Zeit nähern sich von hinten immer mehr
Stadtmenschen der Gruppe von Kindern, sie hören
alle zu, die Stadt wird ruhiger.
3. Stadtkind 'Weise'? Was meined ihr genau mit dem?
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 28-

Uf nach Bethlehem
Marco Hä dänk gschiid! Aber nöd nu gschiid im Chopf,
sondern au im Härz!
Stefan Und wüsse, was würkli wichtig isch! Ämel nöd de
Stress und de Lärm, won ihr da händ!
1. Stadtkind Du gäll, wird nöd fräch!
2. Stadtkind Lueg det chunnt öisi Lehreri, das isch ganz e gschiidi
und e liebi! Die isch sicher weise! Und die weiss, was
wichtig isch! Die nimmt's mit dene Weise us em
Morgeland scho uuf! Rennt zur Lehrerin. Sie, chönd
Sie öis säge, was Weisheit isch?
Lehrerin Für mich wird d Mänschheit weise, wänn sie ufhört mit
dem vile Chriege und in Friede chan läbe! Und das
fangt scho bii öi Chinde aa und isch ganz bsunders
wichtig bii öis Erwachsene. Aber wämmer's nöd scho
als Chind lärned, isch es später vil schwieriger.
3. Stadtkind Lueged, det chunnt de Härr Dokter! Dä isch sicher au
weise, dä gang ich grad go fräge: Grüezi Härr Dokter!
Chönd Sie öis säge, was Weisheit isch?
Doktor Also da weiss ich grad en Antwort: wänn alli Rasse
und alli Religione mitenand uuschömed und sich nüme
bekämpfed! Mir sötted doch alli öise Platz ha uf däre
Ärde!
1. Stadtkind Und det chunnt no die Verchäuferi us em Migros, wo
öis immer en Chaugummi git! Das isch doch au weise,
finded er nöd? Ich gang sie grad go fröge! Grüezi Frau
Wäber!
Verkäuferin Soso, wottsch wieder en Chaugummi?
2. Stadtkind Nei, mir wänd wüsse, was Weisheit isch!
Verkäuferin Weisheit? Ich verchaufe de ganzi Tag Ässware und
muess immer wieder dra dänke, dass es Mänsche git,
wo verhungere müend. Und bii öis gheie mer mängisch
so vil Ässreschte wäg. Für mich wär weise, wänn die
Riiche de Arme meh würded gä, dass niemert meh
müessti Hunger liide.
3. Stadtkind ruft laut aus. Wäre mir doch alli weisi Mänsche!
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 29-

Alle zusammen singen das folgende Lied.
Lied: Wäre mir doch weisi Mänsche
Refrain 1
Wäre mir doch weisi Mänsche,
dänn gsächt die Wält ganz andersch uus,
wäre mir doch weisi Mänsche,
dänn chämted mir vill besser druus.
Wäre mir doch weisi Mänsche,
mir alli, wo uf Ärde sind,
wäre mir doch weisi Mänsche,
Erwachseni und au mir Chind.
1.
D Mänsche hettet vill meh Friede
D Nachbere enander gärn,
d Chinde würded nüme schtriite
es gäb meh Lache, nah und färn.
Zämehebe, unterschtütze,
das lägti gwüss für alli drin,
und es würd öis allne nütze,
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
dänn mintenand macht's vill meh Sinn.
- 30-

Uf nach Bethlehem
Refrain 2
Wäre mir doch weisi Mänsche,
und würded lärne vonenand
wäre mir doch weisi Mänsche,
mir alli zäme, Hand in Hand.
Wäre mir doch weisi Mänsche,
für öisi Fähler nöd so blind,
wäre mir doch weisi Mänsche,
Erwachseni und au mir Chind.
2.
Weisheit heisst nöd nume gschiid sii,
's bruucht vill meh als nume d Chöpf,
Härz und Liebi müend debii sii,
suscht simmer alles armi Tröpf.
Liebgott, hilf öis weise z wärde
und zeig du öis, was Weisheit isch
dass au schpäter no die Ärde
en schöne Ort zum Läbe isch.
Refrain 1
Sara
Nachdenklich und ruhig verziehen sich die
Stadtmenschen, nur die Verkäuferin und die fünf
Kinder sind da, die Verkäuferin ist am Weggehen.
ruft. Ou, Frau Wäber, warted Sie doch bitte no
gschnäll! Ich han grad gseh, dass miini Gschwüschterti
und ich langsam müend pressiere! Mir sötted nach
Gunzwil (anpassen) zrugg gah, det fangt jetzt dänn
bald öisi Wiehnachtsfiir i de Chile aa! Aber mir
wüssed de Wäg nöd genau!
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 31-

Verkäuferin
Marco
Stefan
Jessy
Laura
Sara
Die andern
Gunzwil? Das isch glaub i dere Richtig! Aber de gnau
Wäg weiss ich au nöd! Es sötti det vorne en Wägwiiser
ha! Und das wünsch ich öi au grad zu de Wiehnacht!
En innere Wäägwiiser zu öiere eigene Weisheit!
Tschau zäme!
Die Kinder nehmen sich bei den Händen.
Vorhang schliesst sich.
4. Bild
1. Szene
Uf em Wäg (3)
Die Kinder treten vor dem Vorhang auf:
Ich glaub, das isch scho de richtig Wäg! Mir chunnt's
langsam bekannt vor!
Mir sind jetzt ja au weise und finded de Wäg scho!
Chumm Sara, mer singed nomal s Lied vom Liebgott,
wo immer da isch!
Ja genau! Dänn finde mer de Wäg zrugg erscht rächt!
Ich han e besseri Idee! Mir känned doch nomal so nes
schöns Lied! "So nimm mich bii de Hände". Känned
er's au?
Ja!
Die Engel erscheinen hinter den Kindern und singen
mit.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 32-

Uf nach Bethlehem
Lied: So nimm mich bi de Hände
1.
So nimm mich bi de Hände, und füer du mich
bis a miis Läbesändi und ewiglich.
Ich chan de Wääg nöd finde, so ganz allei,
hilf du öis Mänschechinde, und füer du öis hei.
2.
Hüll du i diis Erbarme miis Mänschehärz,
nimm mich i diini Arme i Fröid und Schmärz.
Zeig mir - zu diine Füesse - diis Himmelriich,
ganz ohni Angscht ha müesse, im Glaube a dich.
3.
Wänn ich nöd immer gschpüüre di göttlich Macht,
tuesch du mich trotzdem füere dur Taag und Nacht.
So nimm mich bi de Hände, und füer du mich
bis a miis Läbesändi und ewiglich.
Marco
Jessy
Laura
Stefan
Sara
Sara
Alle
ruft. Juhuu! Ich gsehn de Chileturm vo Beromünschter,
(anpassen) bald simmer det!
S Singe hät scho wieder gnützt!
Mir händ de Wäg gfunde!
Und öises Bethlehem hämmer au gfunde!
Ja, es isch würkli überall, öises Bethlehem! Sogar i
dere grosse, lärmige Stadt isch es gsii!
Kirchenglocken beginnen zu läuten ab CD.
Ou chömed schnäll! Mir sötted doch d Eltere vor de
Chile zur Wiehnachtsfiir träffe!
Ja, chömed schnäll…
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 33-

Mutter
Vater
Mutter
Vater
Vater
Die Kinder treten ab. Durch das Publikum kommen
die Eltern Roos von ihrem Wochenende zurück und
wollen wie abgemacht ihre Kinder vor der Kirche
treffen. Vorhang immer noch zu.
schaut suchend umher. Wo sind dänn jetzt d Chinde?
Mir händ doch abgmacht!
Tuen dich nöd scho wieder uufrege, suscht hät öises
schööni Wellnesswuchenänd ja gar nüt gnützt! Die
chömed scho no!
Ou ja, lueg, da chömeds grännt!
Gsehsch!
Die fünf Kinder rennen zu den Eltern, herzliche
Begrüssung.
Hoi zäme! Mer tüend dänn nachher verzelle, jetzt fangt
grad d Wiehnachtsfiir aa!
Vorhang öffnet sich, immer noch Kirchengeläute.
2. Szene
I de Chile
Rechts und links je ein Kirchenfenster (ev. auch an
die Bühnenwand projizierte Bilder von Kirchenfenstern),
in der Mitte eine Krippenszene mit Maria,
Josef (möglichst kleine Kinder), einer Puppe als
Jesuskind, anstelle eines Stalles bilden die Engel
hinter der Krippenszene ein enges Halbrund.
Alle Kinder sind jetzt Kirchenbesucher/innen und
strömen herbei, teilweise strömen sie wenn möglich.
auch aus dem Publikum von allen Seiten, stellen sich
im Halbkreis auf, dass man die Krippenszene gut
sieht.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 34-

Uf nach Bethlehem
Die Kirchenglocken hören auf zu läuten, alle
schauen zur Krippe.
Lied: Oh du liebs Jesuschind
1. Mal
Oh du liebs Jesuschind, mir händ dich gärn
Oh du liebs Jesuschind, vo nah und färn
wäm'mir für dich singe
und dir Gschänkli bringe
Oh du liebs Jesuschind, wie schön, dass es dich git.
Halleluja, halleluja
halleluja, halleluja
halleluja, halleluja
Oh du liebs Jesuschind, wie schön dass es dich git.
Zwischenteil, gesprochen.
Vers 1
Sara, Marco, Stefan, Laura und Jessy gemeinsam
Jetzt han i's gmerkt und usegfunde,
Du wohnsch nöd wiit ewäg vo mir!
Mir sind in Ewigkeit verbunde,
dänn du bisch da, diräkt bi mir!
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Vers 2
ein anderes Kind spricht
Du bisch miis Härz, wo schlaat!
Miin Schritt wo fürschi gaht!
Miin Blick wo sLiecht erchännt!
Und d Chraft wo i mir brännt!
- 35-

Vers 3
und wieder ein anderes Kind
Und wänn's mich umeschletzt
im wilde Mänscheghetz,
wänn's schtürmt mit aller Gwalt,
bisch du miin sichre Halt!
Oh du liebs Jesuschind
2. Mal
Oh du liebs Jesuschind, mir händ dich gärn
Oh du liebs Jesuschind, vo nah und färn
wäm'mir für dich singe
und dir Gschänkli bringe
Oh du liebs Jesuschind, wie schön, dass es dich git
Halleluja, halleluja
halleluja, halleluja
halleluja, halleluja
Oh du liebs Jesuschind, wie schön, dass es dich git!
Ende
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 36-