Schnupperläbe-origWasserzeichen

Zum Aufführungsrecht
• Das Recht zur Aufführung erteilt der
teaterverlag elgg, CH-3123 Belp
Tel. + 41 (0)31 819 42 09
www.theaterverlage.ch / information@theaterverlage.ch
Montag - Freitag von 09.00 bis 11.30 Uhr & 13.30 bis 17.00 Uhr
• Der Bezug der nötigen Texthefte - Anzahl Rollen plus 1 - berechtigt
nicht zur Aufführung.
• Es sind darüber hinaus angemessene Tantièmen zu bezahlen.
• Mit dem Verlag ist vor den Aufführungen ein Aufführungsvertrag
abzuschliessen, der festhält, wo, wann, wie oft und zu welchen
Bedingungen dieses Stück gespielt werden darf.
• Auch die Aufführung einzelner Teile aus diesem Textheft ist
tantièmenpflichtig und bedarf einer Bewilligung durch den Verlag.
• Bei eventuellen Gastspielen mit diesem Stück, hat die aufführende
Spielgruppe die Tantième zu bezahlen.
• Das Abschreiben oder Kopieren dieses Spieltextes - auch
auszugsweise - ist nicht gestattet (dies gilt auch für
Computerdateien).
• Übertragungen in andere Mundarten oder von der Schriftsprache in
die Mundart sind nur mit der Erlaubnis von Verlag und Verfasser
gestattet.
• Dieser Text ist nach dem Urheberrechtsgesetz vom 1. Juli 1993
geschützt. Widerhandlungen gegen die urheberrechtlichen
Bestimmungen sind strafbar.
• Für Schulen gelten besondere Bestimmungen.
"Es gibt Leute, die ein Theaterstück als etwas "Gegebenes"
hinnehmen, ohne zu bedenken, dass es erst in einem Hirn erdacht,
von einer Hand geschrieben werden musste.“
Rudolf Joho

Ueli Remund
Schnupperläbe
Ein Stück für die Oberstufe
Besetzung
Bild
16 Jugendliche
in Andeutung
«Nid schlyme, aber guet beobachte, merke, wie alles louft.»
Eine Schulklasse geht in die Schnupperwoche. Der Lehrer hat
die Schüler auf ihren ersten Einsatz in der Berufswelt
vorbereitet. Gleichwohl machen sie mehrheitlich
ernüchternde Erfahrungen. - Wieder in der Schule, werden
die Erlebnisse in kurzen Szenen, welche die Schülerinnen und
Schüler einander vorspielen, dargestellt. Beim Üben der
Szenen wird allmählich sichtbar, dass die Klasse in zwei
Lager gespalten ist. Zudem bestehen Spannungen zwischen
den Geschlechtern. Die Jungen fühlen sich von den Mädchen
nicht ernst genommen und verhalten sich entsprechend
aggressiv. Der Junge und das Mädchen, die beide auf der
örtlichen Poststelle geschnuppert haben, geraten ins
Kreuzfeuer, weil sich zwischen den beiden eine Freundschaft
entwickelt hat. Der Konflikt spitzt sich zu. Am Ende stellen
die Jugendlichen in einer traumartigen Szene ihre Sehnsüchte
nach Liebe, Anerkennung und Selbstverwirklichung dar.
«Wäge mene falsch sortierte Brief geit d Wält nid unger.»
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
die jugendreihe 141

Personen
Stulz,
Lehrer
Die Schulklasse:
Cécile
Christoph,
Gaby
Giovanna
Karin
Marc
Yvan
Martina
Nadja
Patrick
Res
Roger
Stefan
Susi
Véronique
er spielt auch den Zahnarzt
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 2 -

Schnupperläbe
Zum Stück
«Schnupperläbe» entstand im Rahmen eines Schnupperwoche-Projekts
und der Erfahrungen, welche die Schülerinnen und Schüler in dieser
Woche machten. Sie spielten in ihrem Stück sich selber und traten auch
unter ihren Namen auf. Als einziger hatte Peter Stulz eine «Rolle» zu
spielen, nämlich die des Lehrers. Die Szenen wurden von den
Schülerinnen und Schülern selber gestaltet und vom Autor
weiterentwickelt. Der Aufbau des Stücks ermöglicht und erfordert
wohl Anpassungen an die Gegebenheiten der Klasse und der
Berufswelt. Einzelne Szenen müssen deshalb wohl verändert oder gar
durch andere ersetzt werden.
Andeutungsbühne. Wenn möglich keine Guckkastenbühne, sondern
besser eine Arena, um das Experimentelle und Spontane des Stücks zu
verstärken.
Sprache
Da sich die Jugendsprache dauernd verändert, müssen die Dialoge
entsprechend angepasst werden. Die Sprache der Schüler muss echt
wirken. Also nicht «aufsagen», sondern «schnure».
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 3 -

- 4 -
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.

Schnupperläbe
Patrick
Lehrer
Christoph
Susi
Roger
Lehrer
Martina
Roger
Roger
Lehrer
Martina
Roger
Lehrer
Martina
Lehrer
1. Szene
Die Klasse sitzt im Halbkreis am Boden und verfolgt
das pantomimische Ratespiel der Kameradinnen und
Kameraden, welche so ihren Schnupperplatz
vorstellen. Jede Aktion wird mit Applaus bedacht.
Aus den Äusserungen der Schüler können unschwer
Animositäten innerhalb der Klasse ausgemacht
werden. Eben blickt man gebannt auf Gaby, welche
zeigt, wie sie am Postschalter arbeiten wird.
Huerekomisch. Da chunnt ke Sou nache.
Patrick, benimm di!
Öppis wäsche. Geisch im «Bäre» ga abwäsche?
Gaby schüttelt den Kopf.
Spinnsch, abwäsche! Du hesch ja kei Ahnig vo
Abwäsche, du.
Ds nächschte Jahr lehrt’s de ou der Stöffeli.
Rueh bitte.
Öppis mit Gäld.
Geisch uf d Poscht?
Gaby nickt und setzt sich in den Halbkreis.
Bingo, Mann!
Roger.
Roger zeigt, wie er ein Velo in die Werkstatt schiebt,
hochhebt und zum Bearbeiten in eine Halterung
spannt.
Geisch zum Siegethaler gah Velo flicke?
Genau. Im Zurückgehen. Da hei mer das ja scho!
Martina.
I ha es Problem. I weiss no gar nid, wie das dert geit.
Probier doch mal öppis. Es bruucht ja nid genau z
stimme.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 5 -

Martina
Patrick
Martina
Véronique
Patrick
Martina
Patrick
Gaby
Patrick
Martina
Nadja
Patrick
Lehrer
Stefan
Roger
Gaby
Nadja
Marc
Lehrer
Marc
Patrick
Gaby
Roger
Patrick
Okay. Sie geht nach vorn und macht vor, wie sie
telefoniert und in einem Buch blättert.
Du geisch zum Chlopfstei is Reisebüro.
erstaunt. Ja, genau.
Wie hesch itz das gmerkt?
Isch doch ächt easy. Oder nid?
Du hesch es gwüsst.
Han i nid. Reini Chopfarbeit.
Super, wow!
Wenn i’s doch säge! I ha di gseh zum Chlopfstei ufe
fahre. U nächer chli kombiniere, versteisch.
Verstah, ja.
...chli der Hohlruum behandle....
I rede vo mir, nid vo dir.
Also es geit wyter. Marc, probier’s mal.
Marc zeigt, wie er ein Paket bringt.
Päckli bringe.
Der Bovey geit als Sami- oder süsch als Chlous.
Patrick findet es lustig.
So luschtig.
Pöschteler.
Momänt. Das heisst nümme Pöschteler, das heisst
gloub «Zustellbeamter».
Stimmt’s?
Ja.
Marc geht zurück an seinen Platz.
Märku, das isch de huere mit der Gabe zäme.
Mach mi nid müed.
Chasch ere de mal es Briefli bringe, son es süesses.
Härzig, eifach härzig.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 6 -

Schnupperläbe
Nadja Üser Giele, ehrlich, da söttisch no jedem ds Hingere
putze.
Marc zu Patrick. Hesch es Problem?
Lehrer ironisch. Sid doch nid ging so nätt mitenand! Si alli
dran gsi? Guet. - Nächschti Wuche gäht ihr nech vor
allem mit Erwachsene ab. Das isch natürlech anders als
mit de Eltere oder hie ir Klass. Da chöit der nid lyre u
öii Spieli spile wie vori grad. Statt lang z rede, zeige
mer nech das schnäll. Der Yvan un ig hei geschter
churz zäme güebt. Yvan, chöi mer starte?
Yvan Ready for Take-off.
Lehrer Super. Der Yvan isch der Chef, i bi der Schnupperstift.
Es isch Mändigmorge. I gah mi bym Chef gah amälde.
Der Lehrer hat nun das Gebaren eines arroganten
Jugendlichen. Er schiebt sich einen Kaugummi
hinein und klopft betont selbstbewusst an. Yvan sitzt
an seinem Pult.
Yvan Ine.
Lehrer Grüessech, i bi der Märku, der Schnupperstift.
Yvan Ah, der Markus Ruprächt.
Lehrer Bingo, Mann. Aber dir chöit ruehig Märku säge.
Yvan I blybe bi Markus. Bättig.
Lehrer Okay. Geben sich die Hand. Grüessech.
Yvan Grüess di, Markus. I hoffe, es gfallt der bi üs ir
Mobiliar. Mir möchte dir die Wuche en Überblick über
d Arbeit a üsere Agentur gäh. Das isch nämlich no
schwierig. Es git eigentlich nid viel z gseh. Ds
meischte isch ja Büroarbeit oder de sin es
Chundegspräch. Chunsch bitte schnäll da übere? Lueg,
das isch dy Arbeitsplatz.
Lehrer Okay. Aber wo isch my Chischte?
Yvan Chischte?
Lehrer Der Kompi. I ha dänkt, i müess de vor allem töggele.
Yvan Bildschirmarbeit hei mer vom Mittwuch a.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 7 -

Lehrer
Yvan
Lehrer
Yvan
Lehrer
Yvan
Lehrer
Yvan
Lehrer
Yvan
Lehrer
Yvan
Lehrer
Stefan
Res
Patrick
Lehrer
Res
Lehrer
Oh Scheisse. Ufs Töggele ha mi drum no gfreut.
Du wosch ja vor allem en Überblick gwinne über d
Arbeit hie, dass de chasch entscheide, ob das öppis für
di isch oder nid.
Scho, ja, aber es sött nid z fescht aschysse.
De weiss i nid, ob de da am richtige Platz bisch.
Mir möchte Lüt mit ächtem Interässe a ihrer Arbeit.
Okay, okay, das chunnt scho guet, Mann, nume cool
blybe, Mann.
Bättig, Herr Bättig.
Isch öppis nid klar oder was?
Nid Mann, sondern Bättig.
Scho klar, Mann. Setzt sich in den Sessel, spielt
herum. Cool, dä Stuehl. Ächt.
I muess di druf ufmerksam mache, dass üser Chunde so
ne Sprach nid schetze. Die redet me mit Herr oder Frou
Sowieso a.
Mache mer, klar. Mir si flexibel, Boss.
Bättig isch my Name, u gly fahn i afa bätte.
Im Gelächter setzen sich die beiden wieder hin.
U de? Verlegenes Kichern, Lehrer wartet vergebens
auf eine Wortmeldung.
Isch ja öppe klar, Mann. Gelächter.
So doof tuet kene vo üs.
Sinnlos übertribe, die Schou.
I hoffe’s. I ha scho dicki Dinger erläbt. Das gloubet er
nid. Teil schnalle’s scho nid so bym erschte Mal. Also
dir sid itz ir achte. Hie ir Schuel sid der die Grosse.
Dünkt mi mängisch nid. Teil vo däne Grööggle hei vor
nüt Respäkt.
Scho, ja. Aber glych, hie sid der öpper. Ir
Schnupperlehr aber sid der die Jüngschte u wüsset am
wenigschte. Probieret also nid e Schou abzzieh, dir
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 8 -

Res
Lehrer
Patrick
Lehrer
Karin
Lehrer
Karin
Lehrer
Karin
Lehrer
Véronique
Lehrer
Schnupperläbe
machet nech nume lächerlich. Sid höflech u zeiget vor
allem Inträsse ar Arbeit.
So richtig eine vorschlyme.
Nid schlyme, nei, aber höflech sy. U nie vergässe: Die
andere, die hocken am längere Hebel. Die müesse nech
nid als Stifte näh, wenn sie nid wei. Die müesset der
überzüge vo öich. Wie gseit: Nid schlyme, aber guet
beobachte, merke, wie alles louft. Die meischte vo
däne Schnuppercheffe, die wei öppis ganz sicher nid,
nämlich Problem mit eme Stift. Wenn die ds Gfüehl
hei, es chönnti mit öpperem als Stift Schwierigkeite gä,
de näh si ne nid.
ironisch. Freue mi huere uf die Wuche!
Nume kei Angscht, das machet dir scho guet. U ds
Tagebuech nid vergässe. Murren. Am Mäntig näht
der’s mit i d Schuel. I wott vo jedem Tag es paar Sätz, i
ds Reine gschribe, nid nume so husch, husch.
U dir läset das alls?
Ja.
Da cha me ja gar nid schrybe, was me wott.
Das isch ja keis pärsönlichs Tagebuech.
Scho, aber...
Denn füehret er halt zwöi, es offiziells und es
inoffiziells. Oder dir chöit ja das, wo der nid weit, dass
i’s läse, irgendwie markiere. Gelächter. Das meinen i
nid als Witz.
Cha me ou uf em Kompi schrybe?
Klar, wie der’s genau machet isch öii Sach. U am
Mäntig näht der ds Material mit für üsi Usstellig. E
chly originells Züg wenn müglech, wo die andere
interessiert. Hei mer no öppis? — Isch alles klar? I
chume nächscht Wuche mal verby cho luege, wien es
geit. Aber das han i ja scho gseit. Also, de machet’s
guet. Uf Wiederluege.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 9 -

Nadja
Giovanna
Véronique
Cécile
Res
Yvan
Christoph
Patrick
Roger
Karin
Res
Der Lehrer schliesst die Mappe und geht ab. Auch die
Schüler packen zusammen. Gaby und Marc gehen
mit einem flüchtigen «Tschou zäme» schnell ab. Die
andern verabschieden sich von ihren Vertrauten.
Ou du, Tschöwe, i ha scho chly Schiss vor em Mäntig.
Ou, säg nüt! Vor allem han i Angscht, i wärdi ging rot,
wenn mi öpper öppis fragt. So doof, ging wirden i rot.
Also i wott eifach e Wuche by de Ross sy.
Eifach e Wuche lang chrampfe, das isch nid my Fall. I
wott’s nächscht Wuche chli locker ha. Da cha der Stulz
lang verzelle.
zu Yvan. Also tschou Boss, mach’s guet.
Chrampf nid z viel.
Das bruuchsch däm nid z säge.
Wo isch eigentlich der Märcu?
Scho wäg, isch ab wien e Rageete.
U d Gabe ou. Die het e schöne Stei gschrisse, dass sie
mit em Märcu am glychen Ort muess schnuppere. Wem
e mit eim zieht, wo us der Schuel isch un es Outo het,
mag me sich nümme mit Schulbuebe abgäh.
Tschou Schuelmeitli!
Allgemeine Verabschiedung, die Jungen unter sich
kumpelhaft, mit dem üblichen Zeremoniell, die
Mädchen mit Küsschen und Umarmen.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 10-

Schnupperläbe
Christoph
Marc
Christoph
Marc
Christoph
Stefan
Christoph
Nadja
Giovanna
Nadja
Giovanna
Nadja
Giovanna
Nadja
Giovanna
Nadja
2. Szene
Die Pausenglocke ertönt. Licht langsam auf. Die
Schüler kommen mit ihren Dingen, die sie
mitgebracht haben und erzählen, wie es war. Als erste
treten Marc und Christoph auf. Allmählich füllt sich
die Bühne. Alle haben etwas von der
Schnupperwoche mitgebracht. Sofort bilden sich
Gruppen, die ihre Mitbringsel vorstellen. Während
dies halblaut geschieht, den vorgegebenen Text in
voller Lautstärke sprechen.
Isch es geil gsi byr Poscht?
Huere het das gfägt. Einisch ha mi verpennet. Weisch,
da muesch ufrüeh zum Näscht us. U won i byr Poscht
bi acho, isch der Pöschteler scho wäg gsi.
Scheisse, he! Und ab ging die Post.
Das chasch säge, ja. Sälber?
Spitze, du, ehrlich. Zieht eine Lokomotive aus Metall
hervor. Lue, das han i gmacht.
Ou, zeig mal. Begutachtet sie. Nid schlächt, he! Allei
hesch die gmacht?
Nei, nid ganz. D Maschine chan i natürlech no nid
sälber ystelle. Das isch huereschwierig.
Tschou Tschöwe.
Tschou Nädle.
U de?
I weiss nid rächt. Dekoratöri isch allwäg nüt für mi.
Warum meinsch?
Das wei fasch alli wärde. U wenn de im Zeichne nid e
Sächser hesch, chasch es grad vergässe. U die Lüt dert,
die si so ybildet gsi. Die hei null Inträsse gha für mi.
Scheisse, he.
Vergässe! U du?
Ou du, by mir het’s gfägt.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 11-

Giovanna Ächt?
Nadja Ächt.
Giovanna De Lüt i ihrer Müüler yneluege. Angeekelt. Wäh, nid
dass i müesst!
Nadja Weisch, da gwöhnsch di dra. Mit der Zyt stört’s di
nume no, wenn eine zum Muul uusstinkt. U die
verschiedene Müler u Gebiss, wo d Lüt hei, das
gloubsch de nid.
Roger Zäme! Auftritt in Mechanikerkombi.
Patrick Ou, lueget der Röschu, e geile Siech i syr Montur.
Stefan Gseht uus, wie wenn de hättisch büglet.
Roger Büglet wien e Aff han i.
Stefan Was hesch gmacht?
Roger Velo uuspacke, wo nöi si cho, nächer d Pedal dratue,
der Länker richte u so.
Res trägt eine Goalimaske. Tschou zäme!
Roger Ou Resu, geil die Maske.
Stefan Wo hesch die här?
Res Dänk vom Bienz, won i krampfet ha.
Gaby Tschou zäme!
Gaby geht an ihren Platz und versorgt die
Schulsachen im Pult. Sobald sie das Zimmer betritt,
sehen sich alle nach ihr um und bekommen so mit,
dass sich Marc und sie zulächeln. Der Lehrer kommt
herein. Überrascht und belustigt mustert er die
Maskerade.
Lehrer Grüessech mitenand. Gemurmel der Schüler. Guet
gseht das us mit öine Requisite. Das schynt ja klappet z
ha. Sehr guet. Sitzet doch mal i Halbkreis. Schüler
nehmen ihre Stühle und setzen sich hin. Das
geschieht betont gemächlich. Dir heit enand sicher
scho viel verzellt. Mir wei hüt probiere, im Spiel
interessanti Momänte us öier Wuche darzstelle. Dir
wüsset ja, wie der müesst vorgah. Gemurmel, Lehrer
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 12-

Patrick
Lehrer
Giovanna
Lehrer
Gaby
Marc
Gaby
Marc
Gaby
Marc
Gaby
Schnupperläbe
reagiert auf die fehlende Begeisterung. Mängisch
fraget ihr nech viellicht, warum mer so Sache mache.
Es geit drum, dass eim die eigete Erfahrige bewusst
wärde. Das entsteit im Spiel, aber ou bym Schrybe vom
Tagebuech. Okay. Also dir machet itz Gruppe mit
höchschtens vierne u göht in es freis Zimmer ga üebe.
Überleget nid z lang, föht eifach mal a. So chunnt es
besser. Dir heit anderthalb Lektione Zyt, denn träffe
mer is hie wieder u mir zeige enand, was mer gmacht
hei. I chume de verby cho luege u nötigefalls cho hälfe.
No e Frag?
Cha me zu de Szene rede?
Ja klar, ganz wie der weit. Rein pantomimisch wird das
schwierig, das wärdet der de gseh. Süsch no öppis?
Muess es stimme, was me spielt?
Nid wörtlech natürlech, aber es sött e typischi Szene
sy. Für dass es interessant wird, müesst er viellicht e
chlei übertrybe. — Also los.
Die Schüler bilden miteinander diskutierend Gruppen
und gehen dann ab. Nur Gaby und Marc bleiben
zurück. Sie sind offensichtlich etwas befangen.
Also, de sötte mer mal öppis probiere.
Wenn i nume wüsst, was!
I hätti schon e Idee. Denn wo der ghulfe ha gäge
Chäller.
Das git doofi Sprüch, we mer das mache.
La die doch la stürme. Die höre vo sälber uuf, wenn
mer nüt derglyche tüe. U eigentlich geit es se
überhoupt nüt a.
Das isch scho no guet gsi, wie du mer hesch ghulfe.
Weisch, i hätti der Chäller chönne erwörgge vor Töibi,
aber i ha keis Wort usebracht. Das isch huereblöd,
weisch genau, was de müesstisch säge — u chasch nid.
U du bisch eifach cho u hesch ganz cool gseit...
Scho rächt. Für di han i das eigentlich no gärn gmacht.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 13-

Patrick
Marc
Patrick
Marc
Patrick
Marc
Patrick
Gaby
Patrick
Gaby
Patrick
Gaby
Patrick
Gaby
Patrick
Gaby
Marc
Gaby
Marc
Gaby
Sie sehen sich verlegen an. Wieder stockt das
Gespräch. Patrick huscht herein.
Märcu, chumm hurti häre.
zögert. Was isch?
Du hesch gfählt am Samschtigabe. Das het wieder
huere gfägt unger der Brügg.
Es isch mer nid drum gsi.
Ah so. — Aber du ghörsch ging no zu üs, oder?
Warum sött i nid?
Blick auf Gaby. Viellicht steisch ja unger schlächtem
Yfluss.
Du hesch mi gmeint?
Du merksch ou alles.
Vergiss es, Pädu. Mit öich zieht nume, wär da obe
Zeigt. Strou het statt Hirni.
Interessant.
Suuffe wie d Löcher un im Suff uf em Bahnhof der
Billettoutomat ga zämeschla. U ständig Lämpe mit der
Polizei.
Mit Giele umegheien isch natürlich viel gschyder.
Umegheie? Umegheie? Wenigschtens wirsch dervo nid
blöd im Gring. Aber das isch ja eigentlich öii Sach.
Genau. Also, häbet’s guet zäme. Ab.
Warum bisch am Samschtig nid gange?
I finde’s plötzlich nümme luschtig. U i weiss nid, wenn
i mit dir rede, ja u wenn i merke, wie du dänkisch, de
frage mi, warum i so Seich mache.
Das fragen i mi ou. Du passisch doch nid zu däne
abglöschte Type wien e Pädu.
Weisch, irgendwie fäge der Pädu u der Röschu halt
scho.
Aber nume irgendwie. — Also, mache mer das, wo mer
vori hei gseit? — I wott di nid überrede.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 14-

Marc
Gaby
Marc
Gaby
Marc
Gaby
Marc
Gaby
Marc
Gaby
Marc
Gaby
Marc
Gaby
Marc
Gaby
Marc
Gaby
Marc
Gaby
Marc
Gaby
Okay, mache mer.
Schnupperläbe
Also, lö mer los. Aber mir bruuche no eine für e
Chäller u öpper für d Chrige am Schalter. Oder weisch
was?
Nei.
Du spielsch der Chäller un en andere di.
Warum?
Eh, das gseht weniger blöd uus.
Ja, viellicht, warum nid?
Das isch nume son e Idee.
Mou, das mache mer.
sieht ein Heft auf Marcs Pult liegen. Isch das dys
Tagebuech?
Ja. Warum?
Darf i mal läse?
Spinnsch?
Zeig doch mal.
Sicher nid.
Chumen i ou vor?
Das wüsstisch gärn, gäll.
will das Heft nehmen, Marc wehrt ab. Die beiden
ringen lachend miteinander, dann liegen sie sich kurz
in den Armen, Marc drückt sie fester an sich, sie
befreit sich, schnappt das Heft und flüchtet in eine
Zimmerecke. Luege mer mal.
Das machisch du nid.
packt das Heft, als ob sie es zerreissen wollte. Du
lasch mi la läse, oder i verschrysse’s.
Das machisch du nid. Unsicher. Oder höchschtens
gägen e Kuss.
Okay.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 15-

Gaby
Marc
Gaby
Marc
Gaby
Marc
Gaby
Marc
Gaby
Marc
Gaby
Marc
Gaby
Marc
Marc geht nachsehen, ob jemand komme, geht dann
zu ihr, zögert, zieht sie dann an sich und sie küssen
sich. Gaby löst sich schnell von ihm.
Stell der vor, öpper gsäch is. Setzt sich auf ein Pult,
blättert im Heft. Da! Montag: Ich versuche ihr
auszuweichen, aber das geht schlecht. Eigentlich ist ja
nichts dabei, wenn wir beide am gleichen Ort
schnuppern. — Dünkt mi ou. — Aber irgendwie fühle
ich mich nicht wohl und ich weiss nicht, was ich sagen
soll. Das Zeug, das die Girls interessiert und worüber
sie so quatschen, finde ich Schrott. Was die und jene
gesagt hat und so Zeug. Ich mag das einfach nicht. Zu
Marc. Du Arme!
So, das längt.
Marc verlangt das Heft zurück, Gaby ignoriert es.
Mittwoch: Sie hat mir heute beim Briefesortieren
gegen Keller, den Pösteler, geholfen. Der nörgelt
immer so blöd an mir herum. Eigentlich ist sie gar
nicht so übel. Zu Marc. Merci.
Gärn gscheh, Gabe.
Da het’s e Chribu mit Lüchtstift drnäbe.
Will es nume für mi isch.
U du hesch ds Gfüehl, der Stulz läsis’s de nid?
Das het er ja gseit. U zwöi Tagebüecher füehre, also i
spinne ja nid.
liest. Freitag: Nach der Tour trödle ich noch im
Schalterraum herum, bis ich mit ihr allein beim
Briefregal bin... Gaby ist berührt, passt einen Moment
nicht auf und Marc schnappt sich das Heft.
So, das längt. U itz Gägerächt.
Was Gägerächt?
Eh ja, itz lisen ig, was du hesch gschribe.
Was hei mer abgmacht?
Scho, aber...
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 16-

Schnupperläbe
Gaby Wie de wosch. Aber i ha di gwarnet. Dir Type weit ja
nid wüsse, was me würklech vo nech dänkt.
Marc Ou so ne Behouptig.
Gaby Du wosch es also unbedingt wüsse?
Marc Ja.
Gaby Also. Sie holt in ihrem Pult ihr Tagebuch, gibt es
Marc. Hie, bitte. Ds Interessante isch hinger. I ha ne
private Teil gmacht nume für mi.
Marc Clever. Also, luege mer mal. Blättert, liest. Ich finde
ein «Mars» in meiner Jackentasche. Es ist sicher von
ihm. Das ist zwar nicht, was Linienbewusste essen,
aber nett ist es gleichwohl. Eigentlich ist er gar nicht so
übel, obwohl er nicht mein Typ ist und natürlich viel zu
jung.
Marc schaut ratlos drein. Auftritt Lehrer.
Lehrer Wär isch z jung?
Marc Nüt, nüt. Lässt das Notizheft verschwinden.
Lehrer Ah so. Süsch geit’s bi öich?
Marc Eh, nei... mou, eigentlich scho.
Gaby Mir hei nis zersch müesse überlege, was mer wei. Itz
wüsse mer’s.
Lehrer Aber machet vorwärts, dir heit nümme lang Zyt.
Marc Mir wüsses’s.
Lehrer De isch es ja guet. Lehrer ab.
Marc Itz sötte mer ja no zwöi ha für üsi Szene.
Gaby Der Resu u d Martina, oder was meinsch?
Marc Guet, ja. Reiche mer se grad?
Gaby Wo si sie?
Marc Gloub im erschte Grupperuum.
Gaby U gäll, das vori, das verzellsch niemerem.
Marc Warum sött i?
Gaby Für höch azgäh bi de andere.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 17-

Marc Hesch ds Gfüehl, i würd so öppis mache?
Gaby Eigentlich nid.
Marc Äbe.
Gaby U das isch einisch gsi — u fertig. I ha e Fründ.
Marc I checke’s gloub.
Gaby De isch ja guet.
Marc
Gaby
Marc
Gaby
Giovanna
Susi
Giovanna
Patrick
Aber es het mer gfalle vori.
Itz bräms.
I meine nume.
Mir übrigens ou. Blick. Chumm itz. Beide ab.
3. Szene
sieht sich um, erstaunt. Chömet, da isch frei.
Isch guet, de mache mer’s doch hie.
I ha gmeint, der Märcu u d Gabe sige hie.
tritt auf. Die hei sech viellicht es stills Eggeli gsuecht.
De mache mer doch hie em Stulz die Fröid.
Giovanna Was isch, schysst es di a?
Patrick
Susi
Giovanna
Susi
Patrick
Karin
Giovanna
Roger
Patrick
Das ewige Theäterle, nume will er sälber theäterlet.
I finge’s ömu no guet.
Also i hätt itz lieber o eifach mit de andere über die
letschti Wuche gschnuret.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Das chasch de ging no.
U no lieber würd i chli mit der Gabe stürme.
Auftritt Karin, Roger, Yvan.
Itz si die da, hueremüehsam!
locker. Sorry, mir sie ehnder gsi.
I ha gmeint, da üebi der Märcu u d Gabe.
Das hei mir ou gmeint.
- 18-

Karin
Patrick
Yvan
Schnupperläbe
ironisch. Viellicht hei sie sech churz e chlei zrüggzoge.
Das han ig ou dänkt.
Warum nid? Das isch doch ihri Sach.
Karin Letschti Wuche si sie fasch jede Abe byr Chäsi
gstande.
Yvan ironisch. Wahnsinnig.
Karin Derby geit sie ja eigentlich mit em Dänu Mottet.
Yvan Wär isch das? Dä kennen i nid.
Roger Dä bruuchisch nid z kenne, Mann.
Giovanna zu Roger. Gäll, dä het d Regrutteschuel scho gmacht?
Roger Genau. U geit mit Schuelmeitli.
Susi He, mir si kener Meitli.
Roger Sorry, Susle. Aber ersch mit sächzähni bisch e jungi
Frou, vorhär bisch no es Chind. Capito?
Susi Merci, gäll!
Giovanna Was het er für ne Chare?
Roger Wär?
Giovanna Eh, der Dänu.
Roger Weiss i nid. Aber i tippen uf Spezialreifen u
Spezialuuspuff.
Patrick zu Giovanna. Dir schyne d Chäre vo de Type no
wichtig z sy.
Giovanna Han i das gseit?
Patrick Nei, aber mi merkt’s.
Giovanna Bi dir merkt me öppis anders.
Patrick Was?
Giovanna Dass di wichtig machsch.
Patrick Muesch nid ablänke, Tschöwe. Du machsch di
mindeschtens so gärn wichtig wien ig.
Giovanna Es chunnt nid uf e Charen a. Uf e Maa chunnt es a.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 19-

Patrick
Karin
Susi
Patrick
Karin
Yvan
Patrick
Giovanna
Patrick
Yvan
Patrick
Susi
Patrick
Karin
Patrick
Giovanna
Das seisch du, aber i gloube’s nid. Dir Wyber stöht
doch uf dicki Chäre. Warum geit süsch äch eini wie üsi
Gabe mit em Dänu, he? Dä isch ir Malerprüefig
düregfloge. Das muesch der mal vorstelle. Da muesch
nämlich scho chli ne dumme Siech si, wenn de das nid
checkisch als Maler. Aber är het e Chare u fürs Dänke
het er ja d Gabe.
spitz. Üsi Spitzeschüelere.
So chömet itz, mir sötten üebe.
Ja, houet’s ändlich.
Mir chöi doch beidi hie üebe, de chönne mer nächer no
chli zäme schnure.
Okay, das mache mer so, oder nid?
Da schnure mer nume Seich, we dir da blybet.
Du tuesch, wie wenn de die ganzi Schuel gfrässe
hättisch.
Dys Lüünli isch ou scho besser gsi.
Also, was wei mer itz?
Am liebschte em Märcu un er Gabe eine la gheie.
Bisch eigentlich nydisch oder was?
Nei, aber mi schysst das eifach a wie das louft bi üs,
ehrlich. Dir Modi heit Fründe, wo scho us der Schuel si
u mir si nume d Löle.
Das stimmt überhoupt nid.
Ah so!
Das stimmt ja irgendwie scho. Aber dir sid is halt
eifach no z wenig erwachse. Da chöi mir ja ou nüt
derfür, oder? Mit öich cha me ja überhoupt nid
schnure. Mit öich cha me nume blöd stürme wie itze
grad.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 20-

Patrick
Roger
Karin
Roger
Susi
Roger
Giovanna
Patrick
Giovanna
Patrick
Roger
Giovanna
Roger
Giovanna
Susi
Schnupperläbe
Ah, kapiere. U wenn eine vier Jahr elter isch, aber
blöd, dass es tätscht, de geit’s.
I mag das Glyr nümme lose, ehrlich Mann. Chöi mer
itz ändliche afa?
zu Patrick. I der Entwicklig vo der Pärsönlichkeit sid
dir halt huere hingernache.
Itz die ou no! Du gisch aber Gas, Kare. Entwicklig vo
der Pärsönlichkeit, Mann.
Du mit dym «Mann»!
zu Karin. Hesch das i dym Schyssbravo gläse oder wo?
Das ghöret er halt nid gärn, aber wie gseit, es stimmt
eifach.
Eso ne Scheiss verzellet dir. Was ig itz säge, das ghöret
derfür dir nid gärn.
Waseli was?
D Wahrheit, Tschöwe. Mir syge mit der Entwicklig
hingerdry! Haha! Dys Hingere isch guet entwicklet, das
isch es. Wenn der d Typen uf der Strass nachluege,
denn sicher nid wäge dyre schön entwicklete
Pärsönlichkeit.
Das stimmt. U du hesch sowieso e Huererouch,
Tschöwe. Du meinsch, das sig wahnsinnig, wie du
uusgsehsch.
Also itz längt es! Grad du seisch das, Röschu, son en
ybildete Typ wie du. Jedes Häärli am richtigen Ort.
Stört di das?
Ir Huuswirtschaft nimmsch nie e Bäse i d Fingere, will
de z schön bisch derfür u de ds Gfüehl hesch, das sig
halt nüt für Herremönsche u halt eifach ehnder öppis
für d Wyber. U wenn me sich nid für di interessiert,
bisch scho beleidiget.
Das bringt doch nüt, das Gstürm.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 21-

Patrick
Giovanna
Patrick
Giovanna
Patrick
Karin
Roger
Susi
Patrick
Giovanna
Patrick
Roger
Karin
Susi
Der Röschu het scho Rächt, Tschöwe. Weisch, ganz so
blöd, wie dir meinet, si mer halt eifach nid. We me mit
dir schnuret u gägenüber gsehsch di im Spiegu oder ire
Fänschterschybe, de chasch nid anders, da luegsch ging
wieder dry. Oder die Schou, wo de im Bedli abziehsch.
Zuefällig ligisch ging dert häre, wo alli düre müesse.
Däm seit me gloub sälbschtverliebt.
beleidigt. Das geit di überhoupt nüt a. U übrigens darf i
mi so mängisch aluege, wien i wott u dert häre lige,
won ig wott. Das tuet niemerem weh, oder nid?
Scho, aber i frage mi drum, wie erwachse das
eigentlich isch, wenn me niemer lieber gseht als sich
sälber.
Wow, eso starch dä Typ. U derby isch er scho
yfersüchtig, will d Gabe sich es Bitzeli mit em Märcu
abgit.
Ig yfersüchtig? Wäge der Gabe?
Also i finde’s scho doof, was d Gabe macht. Das isch
eifach nid ehrlich.
Bingo, Mann!
Mi stört das weniger als öies Glyr. Löt doch die beide i
Rueh!
übersieht Susi. Das macht sie nume, will sie merkt,
dass sie by de meischte Giele vor Klass nid aachunnt.
U warum, he? Will sie nid die härzigschti isch. Mir
wärfet er vor, i sygi z hübsch un ihre, dass sie nid grad
uusgseht wien e Star. Da chunnt niemer nache.
Huereblöd, was du da verzellsch. Du verdräisch wieder
mal alles. Die wott sech bym Märcu yschlyche, will sie
weiss, dass teil vo de Giele uf ne lose.
Bingo, Mann. U der Märcu, dä Depp, gheit voll druuf
yne.
Viellicht müesst me der Gabe mal eine uuswüsche.
U derby no grad e alti Rächnig beglyche.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 22-

Schnupperläbe
Karin Das stimmt huere nid, was du da verzellsch.
Susi Dir hätti der Dänu doch ou gfalle, oder nid?
Karin giftig. Dir öppe nid, Susle, he?
Susi Das isch überhoupt nid my Typ.
Karin Ah so?
Patrick
amüsiert. Alles e Frag vo der pärsönliche Entwicklig.
Roger Bingo, Mann! Roger und Patrick klatschen
gegenseitig ab.
Patrick Hüt dörfe d Gabe u der Märcu kei Fähler mache, süsch
suuffe se.
Giovanna
Susi
Yvan
Giovanna
Patrick
Roger
Susi
Patrick
Giovanna
Roger
Giovanna
Yvan
E Huerestimmig isch das wieder ir Klass.
Entwäder mir fö itz sofort a oder i gah.
Un ig dermit. Mi chotzet das mängisch a hie, ehrlich.
Pädu, gib doch ändliche Rueh. La die beide doch la sy,
gopfridstutz. Der Märcu isch doch ir Ornig u d Gaben
ou. U überleg der viellicht mal e Momänt, wie das wär,
wenn alli so täte wie du.
applaudiert. Bingissimo, Yvu.
Denn wär huere öppis los hie.
zu Yvan. So blöd isch das nid, was de da verzellsch,
Mann.
De chönnte mer itz viellicht afa.
De halt. Also, was mache mer?
Licht langsam aus.
I hätt gloub e Idee. E Szene im Atelier, won i ha
gschnupperet, so ybildeti Type, no ybildeter als der
Röschu.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Itz bräms!
Das isch huereschreg gsi, ehrlich...
Los, verzell....
- 23-

Nadja
Stefan
Zahnarzt
Stefan
Zahnarzt
Stefan
Zahnarzt
Stefan
Zahnarzt
4. Szene
Die Klasse bildet, teils auf Tischen, teils auf Stühlen
sitzend, einen lockeren Halbkreis. Wenn es hell wird,
hat das Stegreifspiel schon begonnen. Die Schüler
verwenden fürs Spiel die Schulmöbel und
improvisierte Requisiten. In der Bühnenmitte ist,
bestehend aus drei Stühlen und einem Tisch, eine
Zahnarztpraxis aufgebaut. Nadja, angetan mit
Mundschutz und Gummihandschuhen, führt als
Patienten Stefan herein. Christoph, gleich
ausgerüstet, spielt den Zahnarzt. Die Schüler legen
sich bei den Improvisationen voll ins Zeug und
chargieren ungehemmt. Die Stimmung ist fröhlich,
alle amüsieren sich gut. Die Bühnenmitte, wo gespielt
wird, ist im vollen Licht, die zuschauenden Schüler
im Halbdunkel.
zur Klasse. I ha als Zahnarztghilfin gschnupperet. Das
isch mängisch richtig luschtig gsi, will der Zahnarzt
ging mit de Patiänte het wölle rede. Zu Stefan. Weit
der bitte Platz näh, Herr Balmer?
Danke. Setzt sich.
Nadja bindet ihm eine Serviette um und macht sich
an ihren Geräten zu schaffen. Sie wirkt während der
ganzen Szene nervös. Auftritt von Christoph als
Zahnarzt. Er gibt sich betont jovial.
Grüessech, Herr Balmer, u de wie geit’s?
Danke, eigentlich guet. U Öich?
Danke, i cha nid chlage. Zum Glück hei d Lüt ging no
gnue Löcher i de Zähn.
I würd ehnder säge z viel.
E Frag vom Standpunkt, klar. U de, was füehrt Nech zu
mir?
Zahnweh.
Eh, was dir nid säget! Wo tuet’s Nech weh?
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 24-

Stefan
zeigt. Hie.
Schnupperläbe
Der Zahnarzt bedient die «Hydraulik» und Stefan
kippt mit dem Stuhl vorsichtig nach hinten. Im
Folgenden wird Stefan pantomimisch eine Plombe
ersetzt.
Zahnarzt Also, de wei mer mal luege. Bitte fescht uufmache,
danke. Untersucht. Aha, das hätte mer scho gfunde!
Tuet das weh?
Stefan heult auf. Ahhh!!
Zahnarzt Ja, da isch d Karies unger der Plombe wytergange. Das
bringe mer grad i d Ornig. Wieder guet uufmache,
bitte. Absuuge, Nadja, ging dranneblybe, gäll.
Nadja Isch guet, ja.
Zahnarzt Zersch e Sprütze. Bringt die Spritzen an. So, das hätte
mer. Wenn sid Dir z letschte Mal da gsi?
Stefan Öppe vor eme Jahr.
Zahnarzt Denn het me das halt no nid gseh. Also, de göh mer
derhinger. Wieder guet uufmache, Herr Balmer, danke.
Der Zahnarzt beginnt mit dem Bohren. Man hört die
Geräusche eines Presslufthammers. Stefan spricht
wegen des offenen Mundes unverständlich.
Zahnarzt Dir gseht guet us, Herr Balmer.
Stefan A-e.
Zahnarzt Nüt z Danke! Sid Der i de Ferie gsi?
Stefan A.
Zahnarzt I bi im Februar vierzäh Täg ds Davos gsi. Herrlech,
chan i nech säge. Uf em Parsenn obe es Pülverli, i
sägen Ech! Kennsch ds Parsenngebiet, Nadja?
Nadja Nei, no nid.
Zahnarzt De weisch nid, was Schifahren isch. E Riesenuswahl a
Pischte, alles offnigs Gländ, günschtig im Gfäll, eifach
perfekt. Machsch mer e Provisorischi zwäg?
Nadja Isch guet, ja.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 25-

Zahnarzt
Nadja
- 26-
S Schnäggli nid vergässe, gäll!
Ou ja.
Zahnarzt U Dir, Herr Balmer, sid Der scho einisch im
Parsenngebiet gsi?
Stefan Ei, o id.
Zahnarzt Ja, da heit Der no öppis Schöns vor Nech. Aber Dir
fahret doch Schi, gället?
Stefan A.
Zahnarzt Ah doch, es isch mer doch gsi. Wo göht Der de i d
Schiferie?
Stefan I a is Oea.
Zahnarzt Ah, is Oberland. E spektakuläri Kulisse, klar.
Unübertroffe. Aber es isch mer eifach z tüür, für das,
was es schifahrerisch bietet. Zu Nadja. D Füllig. Nadja
reicht sie ihm. Danke, guet so. Guet suuge, gäll. Es
Putti soft.
Nadja Wie bitte?
Zahnarzt Es Putti soft. Ds Abdruckmaterial.
Nadja Ah ja, Entschuldigung. Sucht aufgeregt. Hie, bitte.
Zahnarzt Guet. Ds Suuge nid vergässe, gäll.
Nadja Ja.
Zahnarzt zu Stefan. Dünkt Nech nid ou, ds Oberland sygi z tüür?
Stefan Ou, eiei o.
Zahnarzt Äbe, gället! Aber die merke de das scho no. D
Konkurränz, vor allem das Öschtrych, schlaft nid. So,
sorgfältig druufbysse. Geit’s mit der Höchi?
Stefan Prima, danke.
Zahnarzt Also, de hätte mer’s.
Schüler applaudieren gutgelaunt.
Lehrer Luschtig. U du hesch das alles scho dörfe mache? Das
isch nid erfunde?
Nadja Nei. Der Zahnarzt het gseit, nume vom Zueluege merki
me z wenig, was das für ne Arbeit sig.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.

Lehrer
Giovanna
Giovanna
Patrick
Susi
Patrick
Susi
Susi
Patrick
Giovanna
Patrick
Giovanna
Da het er Rächt. Wär fahrt wyter?
Schnupperläbe
Chömet, de isch es düre.
Inzwischen haben sich die Spielenden der ersten
Szene in die Runde gesetzt. Es fallen anerkennende
Bemerkungen.
Patrick und Susi sitzen an einem Tisch und geniessen
den kleinen Kollegenschwatz und den Pausenkaffee.
Aus dem Radio auf dem Tisch leise Musik. Patrick
gibt sich betont lässig, Sonnenbrille, beide markieren
Künstlerszene.
I bi i der Dekorationsabteilig vom e ne Chleidergschäft
z Bärn gah luege, ob mer Dekoratöri würdi gfalle.
Giovanna ab.
Am Sunntig bin i z erschte Mal mit em Brättli dusse
gsi.
Bi dere Chelti?
Du, das isch eigentlich kei Sach mit em Neopren-Azug.
A d Scheiche frürsch halt eifach, aber a das gwöhnsch
di.
Etwas verlegen und mit einem Zeichenblatt in der
Hand kommt Giovanna. Im Folgenden wird deutlich,
dass sich die beiden Angestellten kaum für sie
interessieren.
Ah, du bisch scho fertig? Das isch de schnäll gange.
Zeig mal.
Giovanna gibt Susi die Zeichnung, die sie
oberflächlich begutachtet.
Aha, ja, nid schlächt.
Zeig mal. Susi gibt ihm die Zeichnung. Ja, no chli...
ehm... chli flach, irgendwie.
ratlos. Flach?
Flach, ja, äbe no chli z wenig... Schnalzt mit den
Fingern. ...versteisch?
Nei.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 27-

Patrick
Giovanna
Susi
Giovanna
Patrick
Susi
Giovanna
Susi
Patrick
Giovanna
Susi
Giovanna
Susi
Patrick
Giovanna
Patrick
Giovanna
Patrick
Susi
Luegs doch mal a, das het doch z wenig Pfupf, Chraft,
Diräktheit, eifach z flach.
versteht nichts. Ah ja.
Muesch no besser beobachte. Weist auf die Zeichnung
hin. Gsehsch, dä Asatz da, dä stimmt nid. Lue no
besser. Aber es isch nid schlächt.
Danke.
Würklich nid übel. Zu Susi. Weisch, wenn es chalt
isch, de hesch Platz uf em See, da chasch di entfalte.
Giovanna ist stehen geblieben und wartet auf den
nächsten Auftrag. Susi bemerkt es endlich.
Isch no öppis?
Was söll i itz mache?
Eh, zeichnisch öppis.
Weisch, als Dekoratörin chasch nie gnue zeichne. Das
isch d Grundlag für alles.
Aber i weiss nid, was i no chönnti zeichne.
Weisch was? Zeichnisch eine vo däne verruckte Hüet
da äne a der Wand.
I ha geschter scho eine zeichnet.
Ah ja, klar, also i däm Fall...
Weisch, so Bemerkige muesch eifach vergässe. Es git
Künschtler, die zeichne es ganzes Läbe lang ds Glyche.
De zeichnisch eifach en andere Huet u probiersch mal
Schwärpünkt z setze.
ratlos. Schwärpünkt?
ungeduldig. Ja, Schwärpünkt. Weisch nid, was e
Schwärpunkt isch?
Scho, mou, aber i weiss nid, was es bym Zeichne
bedütet.
Also e Schwärpunkt, das isch...eh, wie söll i das
erkläre...
Du chunnsch de scho druuf.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 28-

Patrick
Susi
Patrick
Susi
Patrick
Susi
Patrick
Susi
Lehrer
Giovanna
Lehrer
Véronique
Nadja
Giovanna
Nadja
Giovanna
Schnupperläbe
Ja, das muess me sälber merke. Schwärpunkt, also das
isch dert, wo me by re Zeichnig sötti häreluege. Ds
Wichtige, ds Essentielle. Ds Charakteristische vo mene
Huet. Klar? Giovanna nickt und geht dann
unschlüssig ab. Patrick schaut ihr nach. Das isch
mängisch scho no müehsam mit däne Schnupperstifte.
Jedi wott afange Dekoratöri wärde.
E richtigi Süüch.
U chuum eini, wo’s würklich druffe het. So Mode git’s.
Mal isch es Hostess...
verbessert. Flight-Attendent.
...Flight-Attendent, danke. Aber ou das geit verby.
Hoffe mer’s. Nei, weisch, am Sunntig isch das super
gsi uf em See. E strängi Bise u nume zwe, drei so
Spinner dusse, da chasch öppis mache, da hesch Platz.
I früüre scho vom Zuelose. Für mi bruucht es eifach
Meer u viel, viel Sunne....
Applaus, die Gruppe setzt sich in den Kreis. Die
Schüler bringen ihre Kommentare an.
zu Giovanna. De isch die Wuche nid son e Ufsteller
gsi.
Nid eigentlich, nei.
Wär fahrt wyter?
Mir mit em Ryte.
Du hesch also nüt anders gmacht als zeichnet?
Scho nid, aber vor allem.
Wenn i dänke, was i alles ha dörfe mache!
I weiss itz, dass es mit Dekoratöri nüt isch.
Res stösst ein Turnböckli, das auf zwei Rollschemeln
steht, auf die Bühne. Das ist ihm peinlich und er
grinst dazu. Auf dem Böckli sitzt Véronique als
Reiterin. Sie trägt eine Reitermütze. Cécile steht mit
der Peitsche in der Hand vorn in der Bühnenmitte als
Reitlehrerin und gibt lautstark und gereizt
Anweisungen.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 29-

Res
Lehrer
Véronique
Cécile
Véronique
Cécile
Véronique
Cécile
Véronique
Cécile
Cécile
Véronique
Cécile
Véronique
entschuldigend. Das vom Ross isch de nid my Idee gsi.
Du machsch di aber guet als Hilfsmotor, Res.
Gelächter.
I ha im Rytzäntrum z Neuenegg als Rosspflegere
gschaffet. Jede Tag han i Rytunterricht übercho. Das
isch öppe so gange:
Befehlston. Muk, geh Schritt. Res setzt sich in
Bewegung. Guet.
verängstigt. Är söu nid so schnäll gah! Res schneidet
eine Grimasse.
Schnäll seisch du däm? Das isch nid Ryte, was du da
machisch, das isch Schlyche.
Aber süsch flügen i abe.
Ach was! Du bisch en Angschthas! Dy Haltig isch
wieder einisch e Katastrophe. Rügge grad! Lueg itz
ändlichen einisch über e Chopf vom Ross.
Schänkudruck! Schänkudruck han i gseit! Trab, Trab,
los!
Es geit nid.
Was geit nid? Das geit alls, wenn me wott.
Fuessspitzen ufe! Ufe! Fuessspitze nid uusdräje. I ha
der’s doch scho mängisch gseit: Der Rügge grad! Du
hockisch uf eme Ross u nid uf eme Esu. Grimasse von
Res. U so öpper wott Rosspflegere wärde!
Das «Pferd» rollt nebenaus und bleibt dort abrupt
stehen. Véronique fällt beinahe hinunter und liegt
schräg auf dem Ross.
Was machisch itz wieder Blöds?
Äs wott nümme wyter.
I ha der doch gseit, du söllsch ufpasse bym Muk. Gib
ihm chlei d Absätz.
versucht verzweifelt das «Pferd» zu bewegen. Es nützt
nüt.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 30-

Cécile
Véronique
Yvan
Véronique
Lehrer
Karin
Lehrer
Karin
Lehrer
Karin
Schnupperläbe
Was nützt nüt? Klar nützt das! Muesch es nume richtig
mache, das isch alls. Chumm ache. Véronique steigt
umständlich ab, Cécile auf. Lue eso. Du lehrsch es
eifach nie.
Das «Pferd trabt» los und Cécile bleibt ratlos stehen.
Bym Rossryte wirsch eifach zum Esu gmacht!
Während sich Véronique wieder zu den andern setzt,
dreht Cécile noch eine Zusatzrunde. Res wird
übermütig und fügt eine Acht an, stoppt abrupt und
versucht Cécile aus dem Gleichgewicht zu bringen.
Die Klasse hat ihren Spass daran.
zu Véronique. Wie die Rytlehrere di zämegstuucht het,
das liess i mer nie la gfalle.
Aber i wott halt eifach lehre ryte.
Passier was wöll!
Cécile steigt ab und Res rollt das «Pferd» mit
Motorengeräusch nebenaus, setzt sich dann unter
Applaus zur Klasse.
zu Lehrer. Chöi mir ändliche?
D Bühni isch frei.
Also, i bi ir Ascom gsi u ha technischi Zeichnere
gschnupperet u unger anderem VSM-Normschrift
güebt, bis mer d Fingere weh hei ta.
Normschrift, chasch das no churz erkläre.
Also es git ja e Schuelschrift, so seit me däm gloub, u
de git es ou e Spezialschrift, die wird irgendwie by
technische Zeichnige bruucht oder so. Das isch äbe die
VSM-Normschrift.
Karin setzt sich in der Bühnenmitte vor eine Staffelei
ohne Zeichenbrett, Blick auf Publikum. Konzentriert
malt sie Schriftzeichen auf ein fiktives Zeichenbrett.
Ein Strich geht daneben. Sie verzieht das Gesicht und
radiert. Auftritt von zwei Technikern, den Becher mit
dem Pausenkaffee in der Hand.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 31-

Yvan Du, geschter bin i ga müggele.
Roger U de, hesch öppis usezoge?
Yvan Klar, u was fü nes Tütschi. Zeigt. Öppe so?
Roger Gisch zäh Prozänt Rabatt?
Yvan Nei, ehrlich, so ne Forälle isch das gsi.
Roger Okay. Isch akzeptiert.
Yvan
Roger
Yvan
Roger
Yvan
Roger
Yvan
Karin
Roger
Yvan
Roger
Yvan
Roger
Karin
Yvan
Karin
Die beiden entdecken Karin beim Zeichnen. Roger
mustert sie wohlgefällig. Sie stellen sich hinter Karin
auf und kommentieren.
Es Bööögli, es Striiichli, es Bööögli....
...u wieder es Strichli.....
Karin sieht sich kurz um. Sie wird zusehends
nervöser. Ein Strich geht daneben.
Ou, dä isch dernäbe!
Üebe u nomal üebe!
Obschon es eigentlich für nüt isch.
Karin dreht sich ratlos zu den beiden um.
Hie zeichnet doch syt Jahre niemer meh vo Hand.
Alles uf em System. Was du da machisch, das isch
Steizyt.
halblaut. Super.
De hei sie also uf em Eschtrich no es Brätt gfunde.
Was wei sie süsch mit de Schnupperstifte mache?
Chasch se ja nid uf em System la schaffe.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
Wenn me se würdi yfüehre viellicht scho.
zu Karin. Aber schade tuet ja das nid. Wär lehrt hüt no
e Schrift! Eigentlich schad, finden i. Zu Roger. Weisch
no, wie mir si dracho bym Schrybe?
Es Bögli, es Strichli... also, no viel Vergnüege.
Danke.
Uf Wiederluege.
Adiö.
- 32-

Roger
Schnupperläbe
im Abgehen. Du, bis wenn hei mer eigentlich vo
Häntsche gschribe?
Yvan Ou, i weiss gar nümm. Irgendeinisch Ändi
Achtzgerjahr. Chönnti das stimme?
Roger Chönnti sy, ja. Zu Yvan. Zeig nomal: Wie gross isch
die Forälle gsy?
Yvan Vergiss es, du gloubsch mer’s ja glych nid.
Roger Fischerschicksal!
Yvan Du seisch es! Ab.
Karin sieht den beiden irritiert nach, starrt dann vor
sich hin und schmeisst plötzlich den Beistift weg.
Karin Es Bögli, es Strichli! Scheisse!
Applaus. Die drei setzen sich zu den andern.
Gaby De fähle no mir. Zu Martina und den Jungs. Chömet!
Die vier machen sich bereit.
Lehrer Stimmt das, was mer hei gseh?
Karin Ziemli genau, ja. Sie si uf em Eschtrich äxtra es
Zeichnigsbrätt gah reiche. Im Betrieb schaffe aber alli
uf em Kompi. Nume wenn sie enand öppis erkläre oder
wenn sie öppis zäme bespräche, de zeichne sie no uf
em Papier. Aber das si nume so Skizze.
Gaby stempelt Briefe ab und Martina schaut Belege
durch. Im Hintergrund stehen Res und Pösteler
Keller und sortieren Briefe. Alles geschieht
pantomimisch.
Gaby Also, mir si uf der Poscht.
Patrick Mir wüsse’s. Gelächter.
Martina zu Keller. Hene, geisch uf der Bahn das Päckli gah
reiche? Übergibt Keller einen Zettel.
Keller Warum ig? Das chönnti doch der Marc mache, oder?
Dä weiss sowieso nid, wien er d Zyt söll z Tod schla.
Martina Dä weiss doch no nid, wie das louft. Bis so guet, Hene!
Keller De halt. Ab.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 33-

Martina
Gaby
Martina
Gaby
Martina
Gaby
Martina
Res
Martina
Res
Martina
Res
Gaby
Martina
Gaby
Man arbeitet still weiter.
zu Gaby. Itz zeige der no, wie me d Erschttagscouverts
stämplet.
Okay.
Lueg eso. Ganz genau i d Mitti vom Viererblock.
Stempelt. So, gsehsch. Das muess genau stimme, süsch
wei se d Marggesammler nid. Das si heikli Lüt, halt
chly Spinner, versteisch. I zeige’s no einisch. Stempelt.
So. U itze du.
unsicher. Ou!
Probier nume. Nid z wyt uushole, süsch preichsch es
nid. So, gsehsch. Macht noch einmal vor...
Okay. Also i probiere. Stempelt. Isch es guet so?
Tiptop.
Dir, Frou Hueber, was heisst das? Kommt mit einem
Brief.
Lueg uf d Poschtleitzahl. Die cha me meischtens läse.
U de luegsch im Verzeichnis nache.
I weiss, aber da steit sie äbe nid. Übergibt den Brief.
We die Lüt nume läserlich chönnte schrybe! So öppis
isch doch kei Schrift! Liest mühsam. Oberengstringen,
ja Oberängschtringe.
Merci. Nach hinten.
Alle arbeiten weiter. Gaby haut bei einem
Ersttagscouvert etwas daneben.
Ou, das isch nid grad super, was i da ha gmacht.
sieht sich das Couvert an. Momoll, das geit. Eifach nid
wölle pressiere, gäll.
Okay.
Marc trägt eine Schachtel mit Luftlöchern auf der
Seite herein.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 34-

Marc
Martina
Marc
Martina
Marc
Marc
Martina
Marc
Res
Marc
Schnupperläbe
So, da wär das Päckli. Er betrachtet neugierig die
Schachtel. Was isch äch da drinne? Da drinne
raschlet’s. He, da si irgend so Tier dinne! Mal teschte.
Er steckt einen Finger in eines der Luftlöcher und
zieht ihn erschrocken wieder zurück. Verdammti
Schyssviecher! Schüttelt den Finger. Was cheibs isch
das? Guckt hinein. Da si Änte dinne oder Gäns, so
öppis.
Gäns sicher nid, die si z gross.
imitiert. Gwääg, gwääg, gwääg. Rüttelt an der Kiste.
La se doch i Rueh. Also i finde das nid luschtig.
Mi dünkt das wahnsinnig luschtig.
Er packt überraschend Martinas Hand und versucht
einen ihrer Finger in ein Luftloch zu stecken. Alle
lachen.
Chumm schön, gudi, gudi!
berfreit sich. Spinnsch!?
Marc lässt von Martina ab und schlendert zu Res
hinüber. Er schaut ihm zu und kontrolliert ein paar
Briefe. Endlich hat er gefunden, was er sucht. Er hält
Res einen Brief unter die Nase.
aufgebracht. Was söll das sy, das hie? Das isch Wohle
im Aargou, nid Wohle by Bärn. Guet, han i das no grad
gseh. Du muesch also scho chli besser uufpasse. Das
isch e fertige Chabis, was du da machisch. I ha der
doch scho mängisch gseit: Ging no uf d Poschtleitzahl
luege, de passiert so öppis nid. I gloube, du lehrsch das
nie.
eingeschüchtert. Es isch mer halt eifach passiert. Es
tuet mer Leid.
Die beiden Mädchen beobachten die Szene und treten
hinzu.
Leid tue, Leid tue, das nützt nüt. Gar nüt. Besser
uufpasse söttisch, das nützti öppis.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 35-

Martina
Marc
Gaby
Marc
Gaby
Martina
Marc
Martina
Gaby
Marc
Gaby
Marc
Martina
Marc
Martina
Marc
Gaby
Hene, gib Rueh! Das isch ömu nid so ne Sach.
Itz hilf ihm du no!
Also, eh, mir si hie ir Schnupperlehr, Herr Chäller. Das
isch doch sicher normal, dass me mal e Fähler macht u
no nid so zueverlässig isch.
Ah so, normal isch das, normal! Der richtig Brief is
richtige Fach tue, das isch also z schwierig, das cha me
nid? Aber läse cha me. Oder? E Zahl läse, das chöit der
doch, oder?
charmant. Aber Herr Chäller, sid doch chli nätt mit der
hütige Juged!
Nimms locker, Hene.
Die chöme dahäre, hei nüt als ds Lauere im Gring un i
söll das locker näh?
Wäge mene falsch sortierte Brief geit d Wält nid unger.
U d Poscht ou nid, dünkt mi.
So, dünkt di. Du gsehsch da scho ziemli düre, gäll. Du
bisch zwar ersch drei Täg da, aber du gsehsch scho
total düre.
Überhoupt nid. Beschwichtigend. U mir wei nis doch
Müeh gäh, dass Der zfriede sid mit üs.
U so Lüt wei uf d Poscht. Ab.
sieht ihm nach. I gloube, das isch der Föhn. Oder
süsch e Furz. Gaby kichert. Aber das besseret wieder.
Man arbeitet weiter.
zu den Frauen. Merci Frou Hueber.
Scho rächt.
U merci Gabe. Huerestarch, wie du das hesch gmacht,
ehrlech.
Pass besser uf d Briefen uuf!
Kurzer Applaus. Die Schüler haben sich wieder im
lockeren Kreis formiert.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 36-

Lehrer
Patrick
Marc
Karin
Gaby
Patrick
Lehrer
Nadja
Lehrer
Stefan
Lehrer
Alle
Lehrer
Patrick
Schnupperläbe
Ig muess nech es Komplimänt mache. Mir het das
richtig gfalle, was i ha gseh. Nid nume ir letschte
Szene. Das gilt für alli. I meine nid inhaltlich. Da isch
ja einiges dernäbegange ir letschte Wuche. Nei, wie dir
das i de Szene heit umgsetzt. Das isch eifach toll. Heit
der no Frage zu de Szene?
Dir heit doch d Rolle vertuuschet, oder?
Ja.
Warum eigentlich? Warum spielt der Märcu nid der
Märcu?
Wägem Spiele. Der Märcu cha guet uusrüefe, der Resu
weniger.
Viellicht no wäge öppis anderem.
Das ghört nid dahäre. Süsch no öppis? — Also, dir
entwärfet itz öie Schnupperbricht. Nadja, verteil bitte.
Gibt Nadja Blätter.
Ja.
Uf däm Blatt findet er alli nötige Agabe und e fiktive
Bricht...
Was heisst «fiktiv»?
Erfunde. Es isch es Byspiel, wien es chönnti sy. Läset
zersch alles guet düre, dass der nid öppis Falsches
machet. Gemurmel. Uf die verschidene Szene, wo mer
hei gseh, chöme mer no zrügg. Viellicht spiele mer se
de Eltere vor am nächschte Elterenabe.
durcheinander. Nei, ou das no, okay, cha me, das
mache mer, has doch dänkt, scho wieder.....
Das mache mer nume, wenn dir das weit. I la nech e
Momänt alleini. No e Frag? Also, denn löt der los. Ab.
Die Schüler machen sich widerwillig an die Arbeit.
Die meisten bleiben am Boden sitzen oder legen sich
hin und lesen das Blatt. Andere gehen an ihre Pulte.
Patrick setzt sich auf das Pult von Marc.
anzüglich. Das isch e schöni Wuche gsi, gäll Bovey?
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 37-

Marc
Patrick
Gaby
Patrick
Gaby
Karin
Nadja
Véronique
Roger
Res
Yvan
Patrick
Karin
Gaby
Christoph
Cécile
Marc
Karin
Marc
Ja, warum?
I meine ja nume.
Eigentlich wei mer gar nid wüsse, was du meinsch.
geht auf Gaby zu. I ha eigentlich mit em Märcu
gschnuret. Aber du füehlsch di ja nöierdings für ihn
verantwortlich.
Im Folgenden spitzt sich die Szene dramatisch zu. In
der Klasse formieren sich zwei Gruppen.
Aber mir wei glych nid wüsse, was du meinsch.
Die Schou, wo dir zwöi abzieht. Eifach süess.
Höret doch uuf u löht se i Rueh. Das isch doch ihri
Sach.
Das finden i ou.
Mi dünkt’s hueregeil.
Du hesch kei Ahnig, was geil isch, du.
Allerdings.
Gabe, wie macht me das eigentlich, Händli mit eme
Schüeler halte zum Poschtsortiere u derzue a Fründ
dänke?
Das fallt under s Poschtgheimnis. Gelächter ihrer
Anhänger.
scharf. Es längt!
Warum spielet der de die Szene, wenn der nid chlei
Spass möget verlyde?
Das cha me sich scho frage.
De fragsch di halt.
Gabe, mir choufe der das alles eifach nid ab. Du hesch
e Fründ, wo de byn ihm übernachtisch, u da tuesch so
harmlos mit em Märcu u machsch ihm Hoffnige.
verlegen, ungeschickt. Für mi muess sich niemer
wehre. Was du vor Gaby weisch, weiss ig nämlich ou.
Das geit hie überhoupt nid um Sex. Heftiges
Gelächter. I weiss nid, wien i das söll erkläre, aber es
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 38-

Patrick
Roger
Gaby
Roger
Véronique
Stefan
Patrick
Gaby
Patrick
Stefan
Schnupperläbe
isch eifach anders, als dir meinet. I ha z erschte Mal z
Gfüehl gha, öpper verstöng mi richtig u öpper sig ächt
uf myr Syte.
Mir chöme d Träne.
Itz gheisch aber total düre, Märcu. Dä chasch ja nid
alose, dä süess Seich, wo du da uselasch.
Jede laferet, wien er’s versteit.
Du jedefalls checkisch’s eifach, gäll.
Höret doch uuf!
I finde das so zum Chotze da! Pädu, hör uuf! Höret
eifach mal uuf!
Patrick steht hinter Gaby.
Gabe, du weisch doch, Minderjährigi muess me i Rueh
la.
Was hesch de gseit? Viellicht han is ja nid richtig
verstande.
Minderjährigi Buebe darf me nid verführe. Ironisch.
Du hesch da e gwüssi Verantwortig, mys liebe
Gabylein. D Buebe vo üsere Klass si nod nid ryf für
dyner ... eh ...Bedürfnis.
Gaby steht auf und dreht sich zu Patrick um.
Hochspannung. Er ahnt, was kommt. Die Schüler
springen auf und trennen sich in zwei Lager. Die
beiden haben einander fest im Auge. Blitzschnell
klebt Gaby Patrick eine heftige Ohrfeige. Patrick
zieht schon auf, da fällt ihm Marc in den Arm und
die beiden beginnen zu raufen. Der zurückhaltende
Stefan packt die beiden im Genick. Erst jetzt zeigt
sich, dass er in der Klasse am meisten Autorität
besitzt. Christoph eilt aus dem Zimmer.
scharf, überzeugend. Höret uuf!! U du haltisch eifach
mal der Latz, Pädu!
Die beiden lassen voneinander ab. Stefan stellt sich
zwischen sie. Gaby setzt sich nebenaus.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 39-

Stefan
Christoph
Yvan
Lehrer
Gaby
Lehrer
Gaby
Lehrer
Patrick
Lehrer
Karin
Lehrer
Marc
Lehrer
Gaby
Lehrer
Marc
Lehrer
Alles het syner Gränze. U das da isch z viel. U itz isch
Schluss mit stichle. Eifach Schluss. Mir wei hie e
normale Betrieb, wo me cha läbe dermit. Die meisten
Schüler nicken. Oder öppe nid?
Es ist, wie wenn die Klasse aus einem bösen Traum
erwachen würde.
stürmt ins Zimmer. Der Stulz chunnt.
Ändliche.
Die Schüler gehen an ihre Plätze und lesen das
Arbeitsblatt.
bleibt unter der Türe stehen. Was isch da los?
Alle sehen auf ihre Blätter. Nur Stefan sieht den
Lehrer an und nickt mit einem Lächeln.
hebt den Kopf. I ha öpperem müesse klar mache, was i
unger Astand verstah.
U das isch gange?
I gloube scho.
Getuschel, Karin und Patrick stecken kurz die Köpfe
zusammen.
Patrick, wettisch du öppis säge?
Nei. — Es het sowieso kei Sinn.
Oder viellicht en andere, als du meinsch. Wartet. Aber
wie de wosch. Oder viellicht d Karin?
Nei.
Jä muess i meh wüsse, oder chöi mer’s vergässe?
Stille. Alle sind eifrig am Lesen.
I dänke, mir vergässe’s.
Het es öppis mit em Schnuppere z tue?
Scho, ja.
Aber nüt mit em Bruefsläbe.
Nei, süsch mit em Läbe.
U mit däm, was eim im Läbe alles cha passiere.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 40-

Gaby
Lehrer
Karin
Patrick
Lehrer
Patrick
Lehrer
Yvan
Martina
Oder sötti passiere, wenn me Glück het.
Ja, ds Glück.
heftig. Also mir längt dä Scheiss de öppe!
Zum Chotze das Glyr.
Glyr? Bisch sicher?
I muess da use.
Schnupperläbe
tritt zur Seite. Bitte. Patrick ab. Schnupperwuche.
Schnuppere a verschiedene Brüef. Was wott i, was
bruuchen i? Im Bruef. U süsch? Was bruuchen i im
Läbe? Was erhoffe mer? Was wott i? U wenn i’s
wüssti, würdi’s säge? Würd i derzue stah?
Alle arbeiten konzentriert. Cécile streckt die Hand
auf und der Lehrer geht zu ihr. Sie diskutieren leise
miteinander. Marc steht auf und setzt sich neben
Gaby. Alle sehen kurz auf, reagieren darauf gemäss
ihrer Einstellung und lesen weiter. Die Bühne wird
dunkel. Ein Verfolgerscheinwerfer holt die Schüler
aus dem Dunkeln. Sie schauen verwundert auf, gehen
dann wie im Traum nach vorn in die Bühnenmitte
und stellen dort, unterstützt durch Geräusche und
Musik, ihre Traumszenen dar. Danach ziehen sie sich
nach den beiden Bühnenseiten zurück.
Geräusche von fliessendem Wasser.
Z Alaska uf em Yukon-River, ringsum Wasser, Wälder
u ne grosse Himmel drüber. E Lachs bysst a, es
Riesetütschi, u d Ruete biegt sech wie Gras im Wind.
Schlagermusik.
Zwar würd i gärn e Bürolehr mache. Aber träume,
träume tuen i vo anderem, vor grosse Liebi, vor e tolle
Familie u eme schöne Huus im Grüene. I weiss scho,
meischten chunnt es anders als me dänkt, aber was wär,
wenn me nümme dörfti tröime.
Motiv aus «Spiel mir das Lied vom Tod»
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 41-

Stefan
Giovanna
Res
Nadja
Roger
E gueti Lehr — u nächer uf u dervo. Alleini dür d
Wüeschti, nüt als Steine u Sand u Gluet u Liecht. Oder
im Kanu zmitts uf em Amazonas — u ne Himu, wo
brönnt, bevor d Nacht chunnt.
Hardrock.
bewegt sich im Takt, lässt die Haare fliegen. Zmitts
ime ne Konzärt, wo fägt. Beidi Ohre voller Musig. D
Bäss donnere dür mi düre, i gspüre se uf der Hut, im
Buuch, i bi nume no Rhythmus u vergissen alles, wo
isch.
Ein Motorrad wird gestartet.
Mal uf eme heissen Ofe obe hocke! I dräien am Hahne,
zwölfhundert Kubik brüelen uuf u schrysse mer fasch
der Länker us der Hand. U nächer nume no ig u d
Strass, wo’s unger d Reder zieht.
Zirkusmusik
Mal im Mittelpunkt stah! D Schynwärfer brönne mer uf
em Gsicht. Rundum isch es fyschter, nume ig, i alleini
stah im Liecht un i weiss: Alli luege nume no uf mi. No
nie bi mer so schön vorcho wie grad itz. I strecke d
Arme... Tut es. ...un i weiss, alli luegen itz häre zu mir.
Der Mittelpunkt, das bin i.
Nadja zeigt einen langsamen Überschlag oder ein
Rad.
Publikumslärm beim Fussballspiel.
Mal spiele vor 40'000 Zueschouer! I starten uf em
Flügel, d Flanke chunnt genau vor e Chaschte, i touche
hingerabe, volley nimen i der Ball u donnere ne ufe is
Angeli.
Torjubel, Roger in Siegerpose. Der Jubel klingt aus.
Die Schüler kommen nach vorn an die Rampe.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 42-

Chor Das wär’s!
Es Läbe wie im Film.
Gäng obedranne sy.
Gäng ir Mitti stah.
Gäng wüsse, wie’s geit,
gäng säge wie’s louft.
Das wär’s!
Aber bruuche mer das?
Viellicht länge ja scho
Lehrer
es Paar Ouge, won is gseh,
es Paar Ohre, won is ghöre,
un es Paar Arme, won is hei.
Das isch z wenig oder gnue,
je nachdäm, was me suecht.
Schnupperläbe
Pausenglocke.
zum Schüler am Lichtpult. Technik, ds Lüti abstelle!
Mir lö se no chly la tröime. Sie erwache de no früeh
gnue.
Die Pausenglocke verstummt. Licht langsam
ausblenden.
Ende
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 43-