Sarah im Zauberschrank-origWasserzeichen

Zum Aufführungsrecht 

• Das Recht zur Aufführung erteilt der 

teaterverlag elgg, CH-3123 Belp 

Tel. + 41 (0)31 819 42 09 

www.theaterverlage.ch / information@theaterverlage.ch 

Montag - Freitag von 09.00 bis 11.30 Uhr & 13.30 bis 17.00 Uhr 

• Der Bezug der nötigen Texthefte - Anzahl Rollen plus 1 - berechtigt 

nicht zur Aufführung. 

• Es sind darüber hinaus angemessene Tantièmen zu bezahlen. 

• Mit dem Verlag ist vor den Aufführungen ein Aufführungsvertrag 

abzuschliessen, der festhält, wo, wann, wie oft und zu welchen 

Bedingungen dieses Stück gespielt werden darf. 

• Auch die Aufführung einzelner Teile aus diesem Textheft ist 

tantièmenpflichtig und bedarf einer Bewilligung durch den Verlag. 

• Bei eventuellen Gastspielen mit diesem Stück, hat die aufführende 

Spielgruppe die Tantième zu bezahlen. 

• Das Abschreiben oder Kopieren dieses Spieltextes - auch 

auszugsweise - ist nicht gestattet (dies gilt auch für 

Computerdateien). 

• Übertragungen in andere Mundarten oder von der Schriftsprache in 

die Mundart sind nur mit der Erlaubnis von Verlag und Verfasser 

gestattet. 

• Dieser Text ist nach dem Urheberrechtsgesetz vom 1. Juli 1993 

geschützt. Widerhandlungen gegen die urheberrechtlichen 

Bestimmungen sind strafbar. 

• Für Schulen gelten besondere Bestimmungen. 

"Es gibt Leute, die ein Theaterstück als etwas "Gegebenes" 

hinnehmen, ohne zu bedenken, dass es erst in einem Hirn erdacht, 

von einer Hand geschrieben werden musste.“ 

Rudolf Joho

Katharina Nussbaumer 

Sarah im 

Zauberschrank 

Ein Kinderstück in vier Akten 

Besetzung 

Bild 

18 Kinder 

Kinderzimmer, Märchenwelt 

«Wäh, nei, gang wäg du schliimige Frosch, ich bi keis 

Prinzässli!» 

Sarah und Dario sind ganz verschieden. Sarah liebt Märchen 

über alles, Dario spielt Gameboy und fühlt sich als 

Supermario. Eines Tages hört Sarah Stimmen in ihrem 

Schrank und schaut nach. Da verschwindet sie wie von 

Zauberhand. Auch Dario, der sie sucht, bleibt verschwunden. 

Beide landen in der Märchenwelt. Sarah steht zu den 

Märchenfiguren, Dario will mit seinem Roboter zusammen 

diese Welt zerstören. 

«Befähl zweiezwanzig: nimm das Gwehr vom Bode, Dario 

und hilf mer!» 

© Teaterverlag Elgg in Belp. 

Kein Bearbeitungs- und Kopierrecht. 

Kein Aufführungsrecht. 

2008

Personen 

Sarah 

ein 6-8 jähriges Mädchen 

Dario ihr älterer Bruder, circa 12-13 

Vater 

Mutter 

Stimme im Schrank 

Froschkönig 

Frau Holle 

Hexe 

Hänsel 

Gretel 

Tapferes Schneiderlein 

Rosenrot 

Schneeweiss 

Schneewittchen 

Drei Zwerge 

Roboter 

Die schöne Goldmarie 

aus Darios Game Boy 




- 2 -

Sarah im Zauberschrank 


Dario 


Dario 


Dario 


1. Akt 

Der Vorhang geht auf. Sarah und ihr älterer Bruder 

Dario in ihrem vollgestopften Kinderzimmer. Im 

Hintergrund, an der Wand, ein grosser, alter Schrank 

durch die Rückwand kann der Schrank verlassen 

werden. Dario liegt bäuchlings auf dem Bett, und 

spielt mit seinem Gameboy, der laute Geräusche von 

sich gibt. Schüsse etc; Sarah sitzt in ihrem kleinen 

Spielhaus und liest dort ihren Puppen aus einem 

Bilderbuch den Schluss eines Märchens vor. 

„So het dr Prinz also doch no siis Schneewittli übercho 

und sie händ ghürote ufem Schloss. Und wenn sie no 

nit gstorbe sind, denn läbe sie hüt no.“ Sie schlägt das 

Bilderbuch laut zu, zu den Puppen. Het’s euch 

gfalle?! Imitiert die einzelnen Puppen; einmal mit 

sehr hoher Stimme. Jo, isch ganz toll gsi. Dann mit 

ganz tiefer Stimme. Richtig supertrupper! Mit 

Babystimme. Bravo, Bravo, Bravo! Sarah wieder als 

Sarah. Dankschön vielmol! Sie überlegt einen 

Moment, bohrt in der Nase dabei, kriecht dann aus 

ihrem Spielhaus und hüpft zu ihrem Bruder aufs 

Bett. Dario! Dario! Spiel mit mir! 

ohne sich von seinem Videogame abzuwenden. Ou 

Sarah, loss mi doch in Rueh! ’s isch grad mega 

spannend do. 

klettert ihm auf den Rücken, heftig. Aber ich will 

spiele! 

wirft sie von sich runter. Aber nid mit mir! Heieiei, du 

närvsch mi langsam! Spiel doch mit diine Puppe oder 

so. Mist! Jetz isch grad mii Held abgstürzt wäge dir, 

jetz muess i nomol vo vorne afo! 

steht unschlüssig neben dem Bett. Aber i chönnt doch 

mitspiele... Wie heisst er denn, dii „Held“? 

Psssst! Genervt. Supermario. 

Ich will au hälfe mit diim Supermario z spiele! 




- 3 -

Dario 


Mutter 


Mutter 


Mutter 


Vater 

Dario 


Nei, das chasch nit, für das bisch no viel z chlii! Und 

jetz loss mi endlich sii, du Nervesagi! 

Ou, isch das langwiilig! Immer bin i z chlii für alles! 

Zum Bruder gewandt. Wart nur, ds Mami spielt sicher 

öppis mit mir. Sie öffnet dieTür und ruft. Mami! 

aus dem Off, ziemlich gestresst. Jo, Schatz, was isch 

denn?! 

Spielsch mit mer es UNO? Keine Antwort. Oder dr 

Schwarzi Peter, mir isch es egal, du dörfsch usläse. 

wie vorher aus dem Off. Sarah, du weisch doch genau, 

das i hüt mii Bürotag ha. 

Bitte! 

wie vorher aus dem Off. Also guet: eis UNO. Hesch d 

Charte? Das Telefon klingelt. Ou, Entschuldigung 

Schatz, nur e chliine Moment. 

knallt die Türe wieder zu, setzt sich mit verschränkten 

Armen in ihr Spielhaus, wütend. Das kenn i afangs, dä 

chliini Momänt... dä goht ewig! Man hört das 

Geräusch eines Autos, das anhält, Sarah springt auf, 

und eilt zum Fenster. Sie macht es auf, lehnt sich 

weit hinaus und ruft. Hoi Papi! Hesch Luscht zum 

Fäderball spiele? 

aus dem Off wie die Mutter vorher. Aber i ha doch kei 

Zyt, Sarah! I nere halb Stund muess ich a dr 

Gwerkschaftssitzig sii! Es anders Mol, Prinzässin! 

Sehr laut. Und sag doch bitte am Dario er soll sech 

parat mache, er het i nere Viertelstund Training! 

schaltet das Gerät ab; brummt vor sich hin. Jo, isch jo 

guet, ich ha’s ghört! Steht auf und nimmt seine 

Turntasche, stubst seine Schwester kurz an. Tschüs 

Erbsli! I spiel denn es anders mol wieder mit dir,okay?! 

Er geht ab. 

macht das Fenster wütend zu. „Es anders Mol, es 

anders Mol.... ’s sage immer alli s gliiche, dunkt mi! 

Seufzt tief. 




- 4 -


Eine weibliche Stimme aus dem Schrank 

„Spieglein, Spieglein an der Wand, wer ist die 

Schönste im ganzen Land?“ 

Sarah fährt erschrocken herum, starrt auf den alten 

Schrank in ihrem Zimmer. Hups! Das cha doch nid 

wohr sii! Dä cha doch nid schwätze! Sich abwendend. 

I ha mer das sicher nur iibildet... 

Stimme aus dem Schrank 

„Knusper, knusper knäuschen, wer knabbert an 

meinem Häuschen?“ 

Sarah geht ganz vorsichtig auf den Schrank zu. Jetz han i’s 

aber ganz dütlech ghört! Das isch jo fascht es bitzeli 

gruselig, das! Schleicht zum Schrank. Wohrschiinlech 

het sech öpper i däm Schrank versteckt und wot mer 

Angscht iijage... Villicht dr Dario, wo heimlich zrugg 

cho isch? Wart nur, du, jetz han i di aber! Sie reisst 

schnell die Schranktüren auf, er ist leer. Hääh? Sie 

streckt den Kopf hinein. Das git’s doch nit! Ruft. 

Hallo?! Isch do öpper? Hallo! Sie geht immer tiefer in 

den Schrank hinein, man hört sie immer von weiter 

entfernt, die Türen schliessen sich wie von selbst 

hinter ihr. 

Dario öffnet die Zimmertüre, kommt ins Zimmer. Jetz hätt i 

schnäll Zyt für es UNO, mii Training fot usnahmswiis 

e Stund spöter a. Aber nur eis einzigs, hesch ghört? 

Sieht sich suchend im Zimmer um. Sarah?! Hey 

Erbsli?! Wo bisch? Fast sicher werden die Kinder ihm 

antworten, ansonsten improvisieren. Was säget ihr? 

Im Schrank? He, was macht sie denn jetz im Schrank? 

Öffnet den Schrank. Spielsch Versteckis, Sarah? Er 

sieht hinein, der Schrank ist leer. Sarah?! Legt sich 

wieder wie vorher aufs Bett und beginnt mit dem 

Gameboy zu spielen; für sich selbst. Ach, die chunt 

denn scho wieder vüre. 




- 5 -

Stimme aus dem Schrank 

„Grugru, grugru, der Schuh ist zu klein, die rechte 

Braut ist noch daheim.“ 

Dario sieht kaum von seinem Spiel auf. Los emol Chliini, 

ich ha würklech kei Zyt für diini Spieli... Er steht auf 

mit dem Gameboy in der Hand und sieht nochmals 

tief in den Schrank hinein. Hallo?! Erbsli?! Hinter 

ihm schliessen sich ebenso geheiminsvoll wie vorher 

bei Sarah die Schranktüren. 

Mutter kommt ins Zimmer. Sarah, Liebs, jetz hätt i schnäll 

Ziit für e „Schwarze Peter“. Sieht sich suchend im 

Zimmer um. Aber wo bisch denn au? Kinder aus dem 

Publikum antworten. Was? I däm alte Schrank solle 

sie verschwunde sii?! Sie öffnet beide Schranktüren, 

der Schrank ist. leer. Und dr Dario au no grad, 

sageter? Aber do isch doch gar niemer! Überhaupt 

niemer! Zu den Kindern, lächelnd. Wänd ihr mir 

öpppe e Streich spiele, hm?! 

Der Vorhang schliesst sich hinter der Mutter 

langsam. Szene abdunkeln. 

Mutter ruft laut ins Publikum. Sarah?! Dario Wo sind ihr? Zu 

den Kindern. Das git’s doch eifach nit! Die chönne 

doch nid eifach verschwunde sii! Sie sucht auf der 

Bühne, geht hinter den Vorhang Sarah?! Dario?! 

Hergottnonemol, wo sind ihr denn au? 

Vater kommt vor den Vorhang. Prinzässin?! Du bisch jo gar 

nid in diim Zimmer gsi, jetzt hätt i Ziit gha für e 

Fäderballspiel. Wo bisch denn au?! Kinder antworten. 

Was verzellet ihr do? Im Schrank inne verschwunde? 

Und ihre Brueder au no grad? Aber Kinder, das isch 

doch gar nid möglich, e Schrank isch e Schrank und 

dört drin cha me sech höchstens verstecke, aber nid 

verschwinde, das git’s nur in Märli. 

Mutter kommt auf die Bühne zurück. Doch Egon, genau das 

git’s halt schiinbar doch! Die beide sind uf all Fäll 

spurlos verschwunde! Steigt von der Bühne herunter, 

- 6 - 



Kein Aufführungsrecht.

Vater 

Mutter 

Vater 


geht zu den Kindern im Zuschauerraum. Villicht 

händ sie sich jo irgendwo bii euch versteckt, Kinder. 

Sieht unter die Stühle, etc.. 

ruft der Mutter zu. Das isch nur, wil du dr Sarah 

immer no so viel Märli verzellsch! Jetz glaubsch am 

End no sälber draa... 

Sarah?! Dario?! Nei, do sind sie au nit. Zu den 

Kindern. Wänd ihr mir hälfe d Sarah und dr Dario 

finde?! Denn rüefe mer doch alli mol ganz luut noch 

ihne, das ghöre sie bestimmt! Sie ruft mit den Kindern 

und mit dem Vater. Sarah?! Dario?! Das isch jetz 

eigeartig! Während sie wieder auf die Bühne zurück 

geht. Als hätte sie sich plötzlich in Luft ufglöst.Wenn 

ne nur nüt passiert isch! Ruft wieder nach ihnen und 

geht dazu ab. Sarah?Dario?! Wo sind ihr?? 

schaut ihr kopfschüttelnd hinterher. Komisch isch es 

jo scho... Winkt mit der Hand heftig ab. Ach was, die 

sind bestimmt nur hinde im Garte uss und wänd uns e 

dumme Streich spiele... Er geht ebenfalls ab. 

Licht schnell aus. 




- 7 -


Froschkönig 


2. Akt 

Der Vorhang öffnet sich. Licht an. Willkommen in 

der „Märchenwelt“! Im Vordergrund steht ein runder 

Ziehbrunnen, aus dem gerade der Froschkönig hüpft, 

dann eine Häuserfassade aus dessen geöffneten 

Fenstern Frau Holle gerade ihre Decken schüttelt. 

Linkerhand zwei grosse Rosensträucher; der eine 

rosarot, der andere weiss. Im selben Garten steht 

auch ein alter Baum, an dessen Ast eine Schaukel 

aufgehängt ist. Darauf sitzen Schneeweiss und 

Rosenrot und schaukeln. Rechterhand ist die Wand 

eines Lebkuchenhauses. Hänsel und Gretel naschen 

gerade von den angeklebten Lebkuchen. Zum oberen 

Fenster schaut der Kopf einer Hexe heraus. Ebenfalls 

im Vordergrund auf diesem „Dorfplatz“ steht ein 

Tisch. Darauf sitzt im Schneidersitz das tapfere 

Schneiderlein und näht. Auf einem Schemel sitzt 

Scheewittchen und kämmt sich sein langes, 

schwarzes Haar und summt ein Liedchen dazu. Im 

Hintergrund schliesslich sind die sieben Berge 

gemalt. Der alte Schrank aus Sarahs Kinderzimmer 

im Hintergrund. Sarah öffnet die Türen und steigt 

vorsichtig aus dem Schrank. 

während sie sich umsieht. Ich tröim doch das alles 

zäme nur, das cha jo unmöglich wohr sii! Ds Mami het 

mol gseit, me soll sich kräftig in Arm klemme, wenn 

me nid weiss,öb me tröimt oder nit... Sie kneift sich in 

den Arm, drückt die Augen zu. Autsch! Macht die 

Augen wieder auf. Isch emel, alles no do... Lässt sich 

völlig erstaunt auf den Brunnenrand fallen. Ich bi ir 

Märliwelt glandet! 

Quak! Wotsch du ächt, du unfründlichs Meitli! Hüpft 

näher zu ihr. Das isch mii Brunne, hesch verstande! 

die erschrocken aufgesprungen ist. Ou, das tuet mer 

Leid, i ha das jo nid chönne wüsse... 




- 8 -


Frau Holle lacht laut und herzlich. Hähahaha. De macht sech 

doch nur wieder wichtig, unsere Herr Froschkönig, vor 

däm muesch kei Angscht ha, liebs Meitli. Zum 

Froschkönig. Und im übrige ghört denn dä Brunne 

ganz und gar nid nur dir. Hesch scho vergässe, dass do 

au d Gold- und d Pächmarie drii gheie, hmmm?! 

Stemmt ihre gut gebauten Arme in die Hüften. Suscht 

wäre sie jo nie zu mir cho, oder?! Lacht wieder wie 

vorher und schüttelt die Decken weiter aus. 

Sarah starrt den Froschkönig an. Du bisch dr Froschkönig, 

heieiei!! Geht einen Schritt auf ihn zu. Meinsch, i dörf 

di mol alänge? 

Froschkönig hüpft sofort rückwärts. Igitt! Understoh di! Nach 

einer kurzen Pause. Das heisst... Hüpft ein klein 

bisschen näher. Wenn du natürlich es Prinzässeli 

bisch, quak, quak, denn dörfsch scho nöcher cho. 

Hüpft noch näher. Bisch eis? Denn muesch mi 

nämlich jetz küsse, quak! Drängt sich ihr jetzt richtig 

auf. 

Sarah weicht schnell zurück. Wäh, nei, gang wäg du 

schliimige Frosch, ich bi keis Prinzässli! 

Froschkönig hüpft wieder von ihr weg. Han i’s doch gwüsst! Und i 

bi übrigens nid eifach irgend e schliimige Frosch, 

sondern dr Froschkönig allerhöchscht persönlech! So, 

jetz weisch es! Er hüpft in den Brunnen hinein. 

Sarah beugt sich über den Brunnen und ruft. Chum zrugg, 

Frosch, ehm, ich mein natürlich Froschkönig, i ha di 

nid welle beleidige! 

Frau Holle Loss es guet sii, liebs Kind. Dä isch immer schnäll 

beleidigt. 

Hexe Knusper, Knusper knäuschen, wer knappert an meinem 

Häuschen? 

Hänsel&Gretel Der Wind, der Wind, das himmlische Kind! Beide 

lachen und knabbern weiter. 




- 9 -

Sarah sieht staunend zu dem Lebkuchenhaus. Hänsel und 

Gretel, ich glaub’s jo nit! 

Tapferes Scheiderlein Weisch, der Froschkönig wartet halt au scho 

viel z lang uf siini Prinzessin, wo ihn endlich küsst und 

wieder zum Prinz macht. 

Sarah Ja, isch denn die no nid verbii cho? 

Frau Holle Nei, ebbe nid. Villicht het si jo im Wald obe ds 

Rotchäppli und die andere Meitli atroffe und jetz sind 

sie wieder wie immer am Schwätze und schwätze... 

Sarah ganz erstaunt. Ds Rotchäppli? Aber... und was denn no 

für anderi Meitli? 

Rosenrot während sie ruhig weiter schaukeln. Ds Dornrösli 

zum Biispiel... 

Schneeweiss wie die Schwester. Oder ds Aschenputtel... 

Rosenrot wie vorher. Oder ds Rapunzel... 

Frau Holle Vergässet miis Gold- und miis Pächmarie nit! Sarah 

steht nur staunend da, den Mund geöffnet. Zu Sarah. 

Was isch denn, liebs Chind? 

Sarah ganz verzweifelt. Aber, aber, das git’s doch alles gar 

nit! Ihr sind doch alli nur erfunde! 

Auf dem Dorfplatz fangen alle Märchenfiguren an zu 

husten. Zuerst kaum hörbar, dann immer heftiger. 

Sarah noch verzweifelter. Ich kenn euch alli uswändig! Us 

miine Bilderbüecher und vo de CDs und Videos. Aber 

ihr sind keini Mensche wie ich, oder miis Mami, oder 

mii Brueder Dario! 

Gretel hustend vor ihrem Lebkuchenhaus. Aber ich ha emel 

au e Brueder und dä heisst Hänsel. Hustet. 

Schneewittchen unterbricht ihr Kämmen. Und ich ha emel au es Mami 

gha, es ganz es liebs sogar, aber das isch leider gstorbe. 

Traurig. Jetz ha ich es neus Mami, aber das isch ganz e 

iigebildeti, bösi Frau. Hustet. 




- 10-

Hexe 


Hexe 

Froschkönig 

Frau Holle 


Frau Holle 


Hi, hi, hi, hi. So bös wie ich isch sie sicher nit! Ich läb 

jetz denn scho mehr als fünfhundert Johr i miim 

Läbkuechehuus... Zu Sarah. ...und du wotsch bhaupte, 

mich gäb’s gar nit?! Wart nur; du wirsch grad glii, glii 

erläbe, wie ich die beide do unde iisperre und denn 

wart ich nur no, bis dr Hänsel gnue dick isch zum ihn 

uufässe! Hi, hi, hi, hi, hi! 

geht ein paar Schritte rückwärts. Du machsch mer 

zwar Angscht aber trotzdem bisch au du nur e Figur us 

eme Märli, wo alli kenne! Und Märli sind nun mol nid 

wohr! Stampft mit dem Fuss. 

sehr wütend. Du wogsch es? I chum grad zue dir und 

zeig dir, was e richtigi Häx isch... Beginnt heftig zu 

husten, fällt in Ohmacht. 

kriecht halb aus dem Brunnen. Hilfe, Quak, quak, ich 

bechum kei Luft meh! Er hustet ganz stark und fällt 

dann leblos über den Brunnenrand. 

Auch Hänsel und Gretel sind in Ohmacht gefallen, 

ebenso das Tapfere Schneiderlein, Schneewittchen, 

Schneeweiss und Rosenrot sind auf ihren Schaukeln 

eingenickt, nur Frau Holle hält sich hustend am 

Fensterrahmen fest. 

hustend. Glaubsch du würklich nid an uns, Kind? Wil 

weisch, wenn ihr Kinder nüme an uns glaubet, müesse 

mir alli stärbe... Und das wär doch furchtbar schad, 

meinsch nid au? Hustet stark. 

weint beinahe. Doch, das wär ganz, ganz schlimm, wär 

das! Sie schluchzt. Ich glaub jo au an euch, aber mii 

Brueder het immer gseit, dass es keini Märli git und 

dass das alles nid wohr isch, sondern nur Phi... wie 

heisst denn jetz das scho wieder... Pho... nei; jetz weiss 

i’s: Pha... Pha... 

ganz schwach. Phantasie, meinsch du Phantasie... Heb 

kei Angscht um uns, Kind, mir sind alli nur 

ohnmächtig... Sie sackt in Ohmacht. 




- 11-


Roboter 


Roboter 


Roboter 


Roboter 

Dario 

sieht um sich, schlägt die Hände vors Gesicht, weint. 

Jesses nei au! Was ha ich nur gmacht! 

kommt mit steifen Schritten von der rechten Seite; 

seine Stimme klingt blechern und hohl, er spricht 

sehr abgehackt. Vier Schritt graduus und denn stoh 

bliibe! Er bewegt sich wie angewiesen vorwärts, bleibt 

vor Sarah, stehen. Bravo! Bravo! Händ zäme schlo. Er 

tut es. Das schaff nid emol ich, alli uf ei Schlag z 

erledige! 

weicht ängstlich vor ihm zurück. Sie sind gar nid 

erledigt sie sind nur ohmächtig und es tuet mer so fest 

Leid! Ich wünschti, i chönnti alles wieder guet mache. 

Aber wieso denn, du dumms Gschöpf! Du hesch doch 

nur d Wohrheit gseit; es git keini Märli! Umdräihe! Er 

dreht sich von ihr weg. Und dodermit basta! Zwei 

Schritt rückwärts! Er tut es. Und wieder umdräihe! Er 

wendet sich wieder Sarah zu. In unsere Ziit git’s nur 

no Videospieli und Gameboys für Kinder. Us genau so 

mene Spieli chum nämlich au ich! 

Du, du machsch mir Angscht! Wendet sich Frau Holle 

zu. Frau Holle, bitte wieder ufwache, du bisch so ne 

Liebi gsi! 

Lache! Er lacht. Hahahahaha! Lache ufhöre! Di 

Brueder isch viel gschiider als du! Dä glaubt nümmi an 

Märli und an d Frau... wie heisst sie nomol? 

wütend jetzt. Das weiss doch jedes Kind! Frau Holle 

heisst sie! Goht das nid in dii Blächhirni! Und werum 

in aller Wält kennsch du mii Brueder? Du blöffsch 

doch nur! 

So, so, ich blöff also nur... Vier Schritt rückwärts! Er 

tut es. Und jetz Luutstärki uf luut iistelle. Ruft laut. 

Dario!! 

kommt etwas verlegen mit einem Plastikgewehr in der 

Hand hinter dem Lebkuchenhaus hervor. Hey Erbsli! 




- 12-



Musik. 

Nach einer kurzen Weile Licht wieder an. 




- 13-

Dario 


Dario 


Dario 


Dario 


Dario 


Roboter 

- 14- 

3. Akt 

Die Märchenfiguren sind immer noch ohnmächtig. 

Der Roboter steht breitbeinig mitten auf dem 

Dorfplatz. Dario ist gerade daran, Sarah an den 

Baum im Garten von Rosenrot und Schneeweiss zu 

fesseln. 

währenddessen. Es tuet mer so Leid, Sarah, aber er... 

Deutet mit dem Kopf auf den Roboter. ...isch nun mol 

mi best Fründ. Er isch dr Superheld vo miim 

Lieblingscomputerspiel! I muess eifach mache, was er 

seit... 

Was?! Du hesch dä Kerli us diim Gameboy mit do ane 

gno?! Wie heisst er scho wieder? 

etwas verlegen, leise. Psssst, Supermario, das ha dr 

doch gseit! 

Und dä Supermario macht jetz eifach alles kaputt do! 

Und du hilfsch em no derbii! Mii eigete Brueder, wo 

mit emene dumme, blächige Bösewicht zäme schaffet... 

Sehr verächtlich. Pffff! Mit dir red i keis Wort meh! 

Dreht den Kopf von ihm weg. 

ganz zärtlich. Erbsli... 

Nie meh! 

wendet sich zum Gehen. Denn halt nit! 

sieht ihn davon gehen, ruft ihm hinterher. Und wenn 

er dir jetz befiehlt mi z töte, machsch das denn au?? 

geht nochmals schnell zu ihr. Spinnsch eigentlich! 

Sicher nit! Das isch doch alles nur es Spiel! So wie in 

miine Gameboys, verstohsch? Do schiess i au immer uf 

alli Männli und denn stöhnd sie am Schluss wieder uff! 

traurig. Aber die Märlifigure do stöhn villicht nie meh 

uff.... 

So soll das au sii, du dumms Meitli! Ich und dii 

Brueder bekämpfe die Märlifigure, bis es kei einzegi 

dervo meh git! In unserer neue, moderne Welt het’s kei 





Roboter 

Dario 

Roboter 

Dario 

Roboter 



Platz meh für söttegi unwohri Gschichte! Zu Dario. 

Und du chunsch jetz sofort do ane! Dario geht schnell 

zu ihm. Diini Schweschter tuet dir nid guet. Mir göhnd 

jetz zue de siebe Berge hindere, dort söll’s no ganz e 

Huufe gä, ha ich ghört. Bisch parad? 

Aber du bisch jo au nid wohr, du bisch jo au nur us 

emene Spieli! 

zu Dario. Diini Schweschter schwätzt viel z viel! Sie 

isch e Ploggeist! 

Jo, das ha ich ihre au scho gseit. Muesch entschuldige, 

Supermario. 

Wei mir ihre s Mul zuebinde? 

Nei, i glaub das isch nid würklich nötig. Sie wird vo 

jetz a sicher still sii. 

Das hoff i au stark! Befähl: Hinter mi stoh! Dario tut 

es. Und jetz mir noch! Befähl: Vorwärts laufe, de siebe 

Berge entgege! Er geht mit steifen Schritten vorwärts. 

Mission Märlifigure vernichte wird usgfüehrt! 

Er geht ab, Dario ihm hinterher, das Plastikgewehr 

lässt er versehentlich auf dem Brunnenrand liegen. 

sieht ihnen hinterher. Nid zum glaube! Mii eigete 

grosse Brueder! Lauft a mene Roboter hinterher, wo 

nur Blech im Kopf het... Zu den Kindern. Do sind 

denn miini Märlifigure scho no chlii gschiider, findet 

er nid au?! Sieht die einzelnen Figuren nochmals an. 

Arms Tapfers Schniiderli, arms Gretel, arme Hänsel, 

arme Froschkönig und arms Schneewiiss und Rosenrot, 




arms Schneewittli, jo und sogar armi, alti Häx. Und 

armi, armi Frau Holle... Jetz git’s denn plötzlich im 

Winter kei Schnee meh, wenn sie d Deckene nümmi 

schüttlet... Wüsset ihr was? Eigentlich glaub i no ganz 

fescht an d Frau Holle und an all die andere au. Und 

ihr? - Glaubet ihr nid au an ds Dornrösli, wo hundert 

Johr gschlofe het, bis es e Prinz wach küsst het oder 

ans Ascheputtel, wo sii goldige Schueh uf dr Stäge 

verlore het? - Je nach den Antworten der Kinder. Es 

- 15-

wär ganz wichtig, dass mir alli an sie glaube. Wil 

denn... Ganz eifrig. ...jo denn, werde sie doch wieder 

lebendig und chönne mi befreie!! Wei mer alli zäme 

ganz luut rüefe: „Mir glaube an euch!?“ Sie ruft mit 

den Kindern zusammen, Die einzelnen Figuren 

beginnen sich langsam zu bewegen, sie wachen auf. 

Super, Chinder, mir hei’s gschafft. Tuusig Dank! 

Tapferes Schneiderlein Autsch! Jetz han ich mir grad in Finger 

gstoche! Was isch denn au passiert, was? 

Froschkönig Du Dummkopf! Quak! Das chliine Meiteli, wo do gsi 

isch, het nit an uns glaubt! Drum sind mir alli in 

Ohnmacht gfalle. Quak,quak! 

Sarah Das tuet mer so fest Leid, dass i das gseit ha. Nie meh 

wird i so öppis Blöds bhaupte, i schwör’s! Reisst an 

ihren Stricken. Ou, i cha jo gar nid schwöre, wil i do 

gfesslet bi. 

Schneeweiss springt von ihrer Schaukel. Aber nei au! Du bisch jo 

gfesslet! Wer het denn das agstellt? Beginnt sie 

loszubinden. Chumm Rosenrot, hilf mer sie wieder los 

z binde! Rosenrot hilft ihr. 

Hexe Vorsicht! Villicht bliibt sie lieber grad gfesslet, bevor 

sie wieder öppis Dumms astellt! Me weiss jo nie! 

Tapferes Schneiderlein Jo, sie het Rächt. So Menschechinder bringe 

uns doch nur Unglück! 

Frau Holle So, jetz längt’s aber! Befreiet endlich das arme Meitli! 

Es het’s doch gar nid bös gmeint gha, gäll? Sarah 

schüttelt den Kopf. Gsehnder! Und übrigens; ohni 

Menschechinder, wo an unserne Märli Freud händ, 

gäbt’s uns gar nit! 

Sarah die inzwischen befreit worden ist. Das stimmt! Und ihr 

müend jetz au kei Angst meh ha, wil ich und all die 

Chinder do glaube ganz fescht an euch! 

Alle Märchenfiguren Isch das wohr?! 

Sarah zu den Kindern. Gället es isch wohr?? 

Die Kinder antworten. 




- 16-


Hänsel&Gretel fassen sich an den Händen und tanzen zusammen. 

Juhui, juhui, mir dörfe no ganz lang wiiter läbe! 

Hexe 

Froschkönig 

Mol luege, mol luege, hi, hi, hi, hi! 

hüpft auf seinem Brunnenrand herum. Quak, quak, 

isch das e Fröid! 

Schneeweiss&Rosenrot klatschen sich an den Händen. Scheewyss 

und Rosenrot, sind im Fall no lang nit tot... 

Schneewittchen Wie ich mich freu hüt z Obe wieder die siebe Zwerge z 

gseh! 

Da hört man plötzlich laut Schüsse hinter der Bühne. 

Alle hören sofort auf zu tanzen und zu singen. 

Tapferes Schneiderlein Autsch, autsch, jetz han i mi scho wieder 

gstoche! Zerscht us Fröid, denn us luter Schreck! 

Steckt den Finger in den Mund. 

Gretel Aber... 

Hänsel Was isch denn das jetz gsi? 

Froschkönig Quak! Do het dänk öpper gschosse; chömet er nid 

druus? 

Schneeweiss&Rosenrot Nei, nid würklich... 

Hexe Was für dummi Meitli ihr doch sind! Hi, hi, hi, hi! Es 

schiesst schon wieder. 

Frau Holle Do, scho wieder! Mir müend dringend öppis unternäh! 

Dört im Wald obe bii de siebe Berge sind doch no die 

Meitli... Hoffentlech isch ne nüt passiert! Ich chumm 

grad abe. Sie verschwindet vom Fenster und kommt 

unten bei einer Türe wieder hinaus; zu Sarah 

gewandt. Sag Chind, weisch du villicht, was do los 

isch? 

Tapferes Schneiderlein Das isch doch wohrschiinlich nur wieder dr 

Rotkäpplijäger! 

Es wir erneut geschossen. Drei Zwerge kommen quer 

über die Bühne gestürmt. 

Drei Zwerge Hilfe! Hilfe! Hälfet uns! 

Schneewittchen Ojemine, miini Zwärge! 




- 17-

Erster Zwerg 

ganz ausser Atem. Es isch bii uns im Wald obe gsi! 

Dritter Zwerg Es gseht schrecklich uus! 

Frau Holle 

Alle 

Was denn? 

Jo, was denn? 

Zweiter Zwerg ganz verzweifelt. Es Monschter ganz us Iise und Bläch! 

Erster Zwerg Mir sind die einzige, wo dervo cho sind. Die andere het 

es packt... 

Zweiter Zwerg ...und in es Loch gschosse! 

Es wird erneut geschossen. 

Drei Zwerge Huuuuuuhhh!! 

Frau Holle Mir sötte dringend öppis unternäh! Sie geht in ihr 

Haus und nimmt die Zwerge gleich mit. Ihr chönnet 

grad mit mir cho, do i miim Hüsli sinder sicher. Sie 

kommt wieder heraus mit Holzstöcken im Korb. Do! 

Für jede eine! Die Figuren holen sich je einen Stock; 

währenddessen. Mir sii mit scho ganz andere 

Bösewichte fertig worde, stimmt’s? 

Gretel Jo und wie! Mit all dene gruusige Häxe zum Biispiel, 

das sind die Schlimmschte! 

Schneewittchen Vor allem wenn sie so schön usgseh wie miini 

Stiefmuetter... 

Hexe Wie bitte? Ich ghör glaub nid richtig? Denn hilf ich 

euch au nit, wenn ihr so über mi redet. 

Schneewittchen Doch, doch, hilf du uns! Muesch eifach dr Hänsel und 

d Gretel in Rueh lo, versproche? 

Hexe missmutig. Vo mir us... Aber nur solang sie nid a miim 

Hüsli knabbere hi, hi, hi, hi, hi! 

Tapferes Schneiderlein Und vergässet nit die böse Riese, wo eim wei 

verquetsche. Mit dene ha ich mi scho müesse 

umeschlo... 

Schneeweiss Oder dr bösi, giftegi Zwerg, wo ständig sii lange Bart 

nöime iichlemt.... 

Sarah zu Frau Holle. Bechum ich kei Holzschläger? 




- 18-

Frau Holle 


Froschkönig 


Aber du bisch doch no so chlii, miis Chind... 

Aber i wott euch doch hälfe! Bitte lönd mi mitcho! 

Quak, du bisch uns nur im Weg! 

Sarah Dasch gemein! Das sage miini Eltere au immer, wenn 

sie mi nid wänd derbii ha. Verschränkt trotzig die 

Arme. 

Tapferes Schneiderlein Und du kennsch au all die unheimliche 

Märlifigure nit, wo’s do obe im Wald git. Geht 

langsam auf sie zu . Stell dr vor, wenn di jetz plötzlech 

so ne Drache vo hinde packt! Er packt sie. 

Sarah stampft mit dem Fuss mehrmals auf. Dasch gemein, 

gemein, gemein! Die anderen Figuren bewegen sich 

Richtung Ausgang; sie ruft plötzlich. Und übrigens 

weiss nur ich, wie dä Roboter usgseht und was er so 

cha und macht. Dir heit jo alli no nie e Roboter gseh, 

stimmt’s? 

Frau Holle bleibt stehen und dreht sich zu ihr um. Das stimmt 

allerdings! Denn chum halt mit. Sarah rennt zu ihnen, 

Frau Holle streicht ihr über den Kopf. Du bisch es 

muetigs, das muess i scho sage. Während sie mit allen 

anderen abgeht. Wie heissisch du eigentlich? 

Schneeweiss&Rosenrot rufen laut während sie abgehen. Retterin vor 

Marliwält! 

Sarah kurz bevor sie abgeht. Ach was, ich heiss eifach Sarah! 





Pause. 

- 19-

Goldmarie 

Goldmarie 

Dario 

Goldmarie 

Dario 

Goldmarie 

Dario 

4. Akt 

Der Dorfplatz liegt verlassen da. Über dem 

Brunnenrand schaut ein Kopf hervor, es ist die 

hübsche Goldmarie mit langem goldenem Haar. 

sieht um sich, sehr erstaunt. Hallo?! Wo sind er denn 

au alli? Entdeckt das Plastikgewehr von Mario auf 

dem Brunnenrand. Was isch denn das? So öppis 

Komischs han i jetz i miim ganze Läbe no nie gseh... 

Von der Seite kommt eilig Dario gelaufen. 

Ou, wär isch denn das? Wenn Kinder antworten, 

reagieren. Do versteck mi lieber wieder. Sie zieht den 

Kopf wieder in den Brunnen. 

Heieiei nomol, jetz han i doch würklich miis Gwehr do 

vergässe! Er sucht überall. Aber das muess doch do 

nöime sii. Erst nachdem er überall sonst gesucht hat. 

Do isch es nit, do isch es nit, heieiei! Schaut er in den 

Brunnen. Villicht het’s jo öpper do in Brunne iine 

gschosse... Er beugt sich über den Brunnenrand. Ou, 

goht das töif abe do.... Da plötzlich reicht ihm, die 

immer noch versteckte Goldmarie, aus dem Brunnen 

das Gewehr. Er erschrickt. Hoppla! Wo isch denn jetz 

das plötzlich her cho? Er beugt sich nochmals tief 

hinunter, ruft. Hallo, isch do öpper? Man hört ein 

Echo. Öpper, öpper,... 

immer noch versteckt, ganz scheu. Jo, do bi ich! 

Echo. ...ich, ich, ich... 

beugt sich noch tiefer über den Brunnen. Wär isch 

ich? Echo. ...ich, ich, ich... 

wie vorher. Das sag i nur, wenn du mir versprichsch, 

mir nüt z mache. Echo. ...mache, mache, mache... 

Du tönsch emel nid grad gfährlich, i glaub, i mach dr 

nüt. Echo. ...nüt, nüt, nüt... 




- 20-

Goldmarie 

Dario 

Goldmarie 

Dario 

Goldmarie 

Dario 

Goldmarie 

Dario 

Goldmarie 

Dario 

Goldmarie 


streckt den Kopf heraus, Dario purzelt vor Schreck 

rückwärts auf den Boden. Was heisst do du 

„glaubsch“? Du muesch mer felsefescht verspreche, 

dass du mir nüt machsch! Sie klettert über den 

Brunnenrand und nimmt ihm das Gewehr weg. Am 

beschte, ich nimm dir diis Gwehr wieder ewäg, dir trau 

i nämlich nid so rächt. Zielt spielerisch auf ihn. Also 

sag scho; wär bisch du? 

Du wotsch doch nid ernsthaft uf mi schiesse! Für das 

gsehsch viel z lieb us. Und denn isch es sowieso nur es 

Spielzüggwehr... 

wie vorher. Und was machsch du mit emene 

Spielzüggwehr bii uns im Märliland, hmmm?? 

der inzwischen wieder aufgestanden ist. Das verrot ich 

dir doch nit! Solang du mir nid seisch, wär du denn 

eigentlich bisch! Emel s Schneewittli chasch nid sii, 

das het dünkleri Hoor und s Rotkäppli au nit, das het e 

rots Chäppli uf em Kopf. Ach, ich weiss, do git’s doch 

no s Aschenputtel oder ds Dornrösli... Isch das guet, 

wenn me e chliini Schweschter het! 

lässt das Gewehr sinken. Nei, ich bi nid eso berüehmt. 

Villicht kennsch jo vo diinere Schwester d Frau Holle? 

Wär kennt denn die scho nit?! Die schüttlet doch 

immer d Deckene uus im Winter, damit’s schneit uf dr 

Wält... 

Jo genau! Geht langsam um ihn herum. Du kennsch 

di denn guet uus für e Bueb in diim Alter. 

verlegen. He jo, vo früehner halt! Und vom Erbsli! 

bleibt stehen, fragend. Erbsli? Ich kenn nur e 

Prinzässin uf em Erbsli... 

Nei, dasch ebe miini chliini Schwester. Pause. Ir 

letschte Ziit bin i gar nid lieb gsi zu ihre. Das tuet mer 

scho e bitz Leid... 

setzt sich auf den Brunnenrand. Wieso? Was hesch 

denn gmacht? 




- 21-

Dario seufzt tief. Ach... Eigentlich isch es jo nur, wil ich au 

wet e Held sii; genauso wie dr Supermario, halt. Hat 

sich neben sie auf den Brunnenrand gesetzt. 

Goldmarie legt ihre Hand auf die von Dario. Also für mich bisch 

du au so e Held! Etwas schüchtern. Gsehsch emel chlii 

uus, wie eine.... 

Dario sieht sie an. Findsch? Und du bisch es megahärzigs 

Meitli, am liebschte würd dr es Küssli gä... 

Goldmarie Was isch „mega“? 

Dario Das isch doch jetz gliich. Darf i? 

Goldmarie Was denn?? 

Dario Dir e Küssli gä? 

Goldmarie sehr verlegen. Also guet. Er nähert sich ihr. Aber bis 

vorsichtig, mir het no nie öpper es Küssli gä! 

Dario ganz erstaunt. No nie?! Denn wird’s aber höchschti 

Ziit, dass es öpper macht! 

Die beiden geben sich ein scheues Küsschen auf den 

Mund. In dem Moment stürmen Frau Holle, gefolgt 

vom tapferen Schneiderlein, dem Froschkönig, 

Hänsel und Gretel, Schneeweiss und Rosenrot und 

Sarah von der Seite herein. 

Frau Holle ganz erschrocken. Goldmarie! Was machsch du denn 

do? 

Dario hält immer noch ihre Hand, ganz zärtlich. Goldmarie 

also, so heissisch du! 

Tapferes Schneiderlein Das isch doch unsere Feind! 

Froschkönig Dä hilft doch däm blöde Roboter! 

Goldmarie springt erschreckt auf, stösst ihn von sich. Aber er het 

nit geseit, das er mii Feind isch! Leise. Er isch sogar 

sehr lieb gsi zu mir. 

Hänsel Jo, das glaub i! Damit er di denn liechter cha fessle und 

zu den andere in Wald ufe bringe! 

Gretel Dört isch nämlich dr Roboter und er het alli gfange 

gno! 

- 22- 





Schneeweiss Nur uns het er nit verwütscht! 

Roboter kommt von der anderen Seite mit einem Seil, spricht 

in seiner abgehackten Weise. Aber euch verwütsch i 

jetz! Ihr müend gar nid meine! Er geht langsam auf sie 

zu, dann zu Dario. Befähl zweiezwanzig: nimm das 

Gwehr vom Bode, Dario und hilf mer! 

Sarah&Goldmarie rufen. Nei, Dario, mach’s nit! 

Goldmarie Du hesch doch immer welle e Held sii? Jetz chasch 

eine werde! 

Dario packt Sarah und Goldmarie an ihren Handgelenken, 

hält sie fest. Do, Supermario! Do sind no zwei zum 

fessle! 

Roboter geht mit steifen Schritten auf ihn zu. Sehr guet, Dario! 

Er beginnt die beiden zu fesseln. 

Goldmarie Wie chasch du nur... 

Sarah Mit dir schwätz i nie, nie, nie meh! 

Dario zu Sarah. Das hesch scho mol gseit. Er nimmt das 

Gewehr vom Boden und schleicht sich hinter den 

Roboter, während dieser die beiden Mädchen fesselt. 

Hände hoch, Supermario! Der Roboter tut es. So isch 

rächt! Und jetz laufsch do dure Richtig 

Kleiderschrank! 

Roboter während sie zum Schrank gehen, der Roboter voraus, 

Dario hinterher. Ich bi doch immer dii beschti Fründ 

gsi, Dario, dänk dra. Dii Lieblingsheld us diim 

Lieblingsspiel, vergiss das nit! 

Dario stösst ihn mit dem Gewehr vorwärts. Jo und genau das 

isch wohrschiinlech dr Fähler gsi. Ich sott mer besser 

läbegi Fründe in miim Alter sueche, als e Roboter, wo 

nur alles wott kaputt mache! Sie sind beim Schrank 

angekommen. Los, do iine jetz! Das isch e Befähl! 

Roboter Nei, bitte nit! Ha Angst vor dem dunkle Schrank! 

Sarah Das isch doch nur unsere alte Kinderschrank! 

Roboter Aber denn passiert mer no öppis! 




- 23-

Dario Dir passiert gar nüt. Du landisch eifach wieder in miim 

Gameboy, das isch alles. Und dort ghörsch au ane! 

Schubst ihn mit den Händen in den Schrank. Iine mit 

dir! 

Roboter Hilfe!! 

Dario Und d Türe zue! Er schlägt die Türen heftig zu. 

Ein umheimliches Geräusch erklingt, der Schrank 

wackelt ein bisschen, dann ist es wieder still. 

Dario dreht sich zu den andern. So, sinder jetz z friede? 

Alle Märchenfiguren zusmmen mit Sarah stürmen 

freudig auf ihn los, umarmen ihn, umringen ihn, alle 

reden durcheinander. 

Froschkönig Du bisch dr Bescht! 

Frau Holle Grossartig wie de das gmacht hesch! 

Tapferes Schneiderlein Endlich simer die Blächdose los! 

Schneeweiss Endlich isch wieder Friede im Märliland! 

Rosenrot Und alles nur wäg dir! 

Sarah Du bisch halt doch dr coolschti Brueder, wo’s git? 

Goldmarie E richtige Held halt! Gibt ihm ein Küsschen auf die 

Wange. Alle klatschen und jubeln. 

Hänsel voller Freude. Und jetz ab in Wald go die andere 

befreie. Er wendet sich zum Gehen, hält seine Kappe 

in die Luft. Alli mir no! Hurra! 

Gretel und die anderen Märchenfiguren ziehen unter 

„Hurra-Rufen“ hinter Hänsel los, nur Sarah und 

Dario bleiben stehen. 

Gretel dreht sich mit den andern nach ihnen um. Ja, weit ihr 

nid mitcho? 

Frau Holle Mir fiire nochhär es riesigs Fescht im Wald obe, das 

wird euch gfalle, ihr werdet gseh! 

Goldmarie geht eilig zu Dario zurück, nimmt ihn am Arm. Du 

darfsch denn au mit mir tanze, wenn de willsch. 




- 24-

Dario 

Goldmarie 

Dario 


Dario 

Goldmarie 

Dario 


Dario 

Vater 


Hexe 


hält ihre Hand fest. Oh, du liebs Goldmarie! Wenn ich 

chönnt würd ich di mitnäh in unseri Welt, aber das darf 

i nit! 

Denn bliibet doch eifach bii uns! Die Geschwister 

neigen die Köpfe. 

macht sich sanft von ihrer Hand frei. Nei Goldmarie, 

das goht nit. Mir müesse jetz wieder zrugg, unsri Eltere 

sueche uns sicher scho überall und mache sech extrem 

Sorge. 

Die sind sicher scho ganz truurig, wil sie meine, mir 

seige entfüehrt worde oder so. Villicht suecht uns sogar 

scho d Polizei! 

Goldmarie weint, Dario streicht ihr übers Haar. Nid 

truurig sii, Goldmarie, irgendeinisch chöme mir wieder 

do ane zrugg. 

schniefend. Denn sind er scho viel z alt und glaubet 

nümm an uns! 

Aber dasch doch gar nid wohr! Sogar ich glaub jo, siit i 

do gsi bi, wieder an Märli! Und das heisst denn öppis! 

zu den Kindern. Und ihr alli, ihr glaubet au an Märli, 

oder? Kinder antworten; zu den Märchenfiguren. 

Ebe, sehnder! Ihr werdet no ewig wiiter lebe. 

Und spöter, wenn mir gross sind, glaube wieder unseri 

Chinder an euch und so goht das immer wiiter... 

Nimmt Sarahs Hand. Chumm Sarah, i glaub, i ha dr 

Vater scho vo ganz wiit wäg nach uns ghöre rüefe. 

weit hinter der Bühne. Dario?! Sarah?! Wo sinder 

denn nur? 

Ou jo, jetz han i’s au ghört! Sie winkt allen 

Märchenfiguren mit der Hand. Sali zäme! Ihr sind 

alles ganz Liebi! 

kommt plötzlich hinter dem Lebkuchenhaus hervor 

getreten. Nid ganz alli! Hi, hi, hi, hi! Geht langsam 

und hinkend auf Dario zu. Wotsch mer nid diis 

Supergwehr do lo? Das würd mer jetz no cheibe guet 




- 25-

gfalle. Sie streicht mit der Hand übers Gewehr. 

Bechunsch denn au e Goldtaler derfür! 

Dario Was söll i erschtens mit emene Goldtaler in unserer 

Welt, sag emol?! Und zweitens würdsch nur allne 

Angst mache dermit.... 

Hexe Denn zaubere ich dich jetz abarrra, kadabarra ei, ei, ei, 

zue mene Bueb us luter Stei, ei, ei! Dario erstarrt 

sofort bewegungslos, die Hexe nimmt ihm das 

Gewehr. So, und vo jetz a sag ich, wo’s dure goht ir 

Märliwelt! Sie zielt auf all die andern. Hände hoch! 

Die andern tun es. 

Sarah Wie chasch du nur, du bösi, alti Häx! 

Goldmarie Aber das isch doch nur es Spielzüggwehr! Mit däm 

chasch du überhaupt gar nit schiesse! Die andern 

senken zögernd die Hände. 

Hexe Und wenn ich’s verzaubere, dass me dermit cha 

schiesse, hmmm?! 

Sarah und Goldmarie ergreifen sie und nehmen ihr 

schnell das Gewehr weg. 

Sarah hält ihr die Arme mit Hilfe von Goldmarie fest. So 

und jetz zauberisch du sofort wieder mii Bruder i ne 

normale Bueb! 

Goldmarie Oder mir stecke di kopfsvora in dä Brunne do! 

Hexe Das getrauet ihr euch eh nit! 

Frau Holle Hesch gmeint! Zu den andern. Uf was warteter no? 

Los, hälfet mit! 

Alle Märchenfiguren stürzen sich auf die Hexe und 

tragen sie zum Brunnen. 

Tapferes Schneiderlein In Brunne mit ihre! 

Froschkönig Mit em Chopf vora! Quak! 

Hexe jammert. Nei, bitte ufhöre, bitte lönd mi sii! 

Sarah Erscht wenn du uns versprichsch dr Dario wieder 

lebendig z mache! 




- 26-


Hexe die immer tiefer über dem Brunnen hängt. Jo, i 

versprich’s jo! 

Gretel Und denn chasch au no grad verspreche, dass de dr 

Hänsel und mich in Zuekunft in Rueh losch! 

Hexe Jo, jo, au das versprichi. Aber jetz lönd mi endlich los, 

mir stiigt scho alles Bluet in mii Kopf! 

Goldmarie Denn sag dii Zauberspruch! 

Hexe Abarra, kadabarra, du chunsch jetz wieder hei, ei, ei 

und bisch nümm us Stei, ei, ei! Dario kann sich wieder 

normal bewegen. 

Hänsel zu den andern. Wei mer se falle lo? 

Alle ausser Frau Holle. Jo! 

Frau Holle Nei, das dörfe mer nid mache. Sie het jo ihres 

Verspreche ghalte. Die andern ziehen die Hexe 

widerwillig aus dem Brunnen; zu Hexe. Aber jetz 

mach dass d furt chunsch! 

Hexe während sie Richtung Lebkuchenhaus davon 

humpelt. Wartet nur, mich wärdeter nid eso schnäll 

los! Schliesslich ghör au ich in d Märliwelt! Sie ist 

hinter dem Lebkuchenhaus abgegangen. 

Mutter von weit weg hinter der Bühne. Sarah? Dario? Miini 

liebe Kinder, wo sind er denn nur? 

Sarah Ou, jetz han ich sie scho wieder ghört! I glaub ’s isch s 

Mami gsi! ’s dunkt mi, ’s het scho fast e chlii brüelet... 

Sie nimmt Dario an der Hand. Chumm Dario, mir 

müesse jetz würkelch zrugg goh! Sie steigt in den 

Schrank, Dario zögert. Dario, was isch denn? 

Dario Ich bi grad bii dir, Erbsli! Er gibt Goldmarie schnell 

ein Küsschen auf die Wange, geht dann Sarah 

hinterher in den Schrank. Tschau ihr Märlilüt! ’s isch 

ganz toll gsi bii euch, fascht no töller als mit miim 

Gameboy. 

Sarah Jo, wunderbar isch es gsi, ich wird das nie, nie, nie, 

nie, nie, nie... 




- 27-

Alle 

Goldmarie 

Alle 

unterbrechen sie. ...vergässe! Nei, Sarah, mir vergässe 

dich au nie! 

...und dii Brueder au nit! 

Die Türen gehen hinter den beiden zu. Das selbe 

unheimliche Geräusch wie beim Verschwinden des 

Roboters, der Schrank wackelt. Alle Märchenfiguren 

winken, Goldmarie prustet in ihr Taschentuch. 

Tschüs zäme, adieu ihr zwei, chömet guet hei! Zu den 

Kindern. Und vergässet nit; für in d Märliwält, do 

bruucht me kei Geld!! Nur e chlii Fi... nur e chlii Fo... 

nur e chlii Fantasie! 

Licht aus. 

Vorhang – Ende. 




- 28-

Sarah im Zauberschrank-origWasserzeichen

Erfolgreiche ePaper selbst erstellen

Template löschen?

Als Template speichern?