Ársskýrsla Landsbankans - Landsbankinn

Þróun efnahagsmála
Starfsskilyrði og afkoma banka markast ekki síst af því
efnahagsumhverfi sem þeir búa við. Nú er ljóst að efnahagsáfallið
sem dundi á íslensku þjóðinni undir lok árs 2008
markaði upphaf lengsta og dýpsta samdráttarskeiðs
í hagkerfinu frá stofnun lýðveldisins.
Í byrjun árs 2008 stefndi efnahagslífið hraðbyri í átt að gjaldeyriskreppu eftir að gengi krónunnar
hafði fallið um ríflega fjórðung á stuttum tíma. Í október 2008 hrundi svo íslenska
fjármálakerfið til grunna, krónan veiktist um ríflega fjórðung til viðbótar og gjaldeyriskreppan
ágerðist. Á sama tíma hófst samdráttur í heimsbúskapnum sem stóð fram á mitt
ár 2009. Þessi þrjú áföll mögnuðu hvert annað upp og réðu því að óhjákvæmilegur samdráttur
í kjölfar langs þenslutímabils sem hófst árið 2003 hefur orðið mun dýpri og lengri en ella.
Efnahagsbati á fyrri samdráttarskeiðum
Vísitala VLF síðasta ár fyrir samdrátt = 100
104
102
100
98
96
94
92
90
Heimild: Seðlabanki Íslands
Ár frá upphafi samdráttar
0 1 ár 2 ár 3 ár 4 ár
Samdráttarskeið 1967 Samdráttarskeið 1991 Samdráttarskeið 2009
8 Þróun efnahagsmála Landsbankinn 2010