ezker abertzaleak egungo faserako

14 berria 2010eko urtarrilaren 31, igandea
Harian › Euskal Herria
Asier Agirre q Aramaioko alkatea
Otsailaren 10ean epaituko dute, «desobedientzia eta prebarikazioa»
leporatuta, AHTaren inguruko herri galdeketa bat egiteagatik.
Herriari galdetzeagatik hautetsi bat epaitzeak ez duela zentzurik dio.
«Herria epaituko dute esaten
duenagatik, ez alkatea»
Iñaki Petxarroman
«Burua goian» joango da Asier
Agirre Aramaioko alkatea (ezker
abertzalea) Arabako Auzitegian
otsailaren 10ean egingo dioten
epaiketara. Herriari galdetzea
ezin dela delitutzat jo nabarmendu
du, eta berriz egingo lukeela
gaineratu.
Otsailaren 10ean epaituko zaituzte,
Gasteizen, aldaketarik ezean.
Bai, eskatzen ari gara atzeratzeko,
Iñigo Iruin nire abokatuak
beste epaiketa bat duelako
hurrengo egunean Madrilen, eta
egun horretan han egon behar
du, hura prestatzen.
Desobedientzia eta prebarikazioa
leporatu dizkizute. Zer deritzozu
horri?
Epaiketak berak ez dauka zentzurik.
Hautetsiak gara, eta gure
lana da herriari hitza ematea.
Akusazioa da herriari galdetzea,
hitza ematea herriari, eta epaiketa
bera da kolokan jarri behar
dena. Zer eta udal agintari bat
auzibidean jartzea bere herriko
seme-alabei galdetzeko aukera
emateagatik!
Gainera, bederatzi urtean kargu
publikorik ezin betetzea eskatzen
dute zure kontra. Ez dirudi eskaeraproportzionatua
bere burua demokratikotzat
jotzen duen Estatu
batean.
Logika guztietatik kanpo dago.
Azkenean, udal politikarien helburua,
edozein politikarren helburua
da herritarren zerbitzura
jartzea. Eta, horretarako, lehen
gauza jakin beharko duguna da
ea herritarrek zer uste duten guk
egiten ditugun gauzen gainean.
Ez dut uste demokraziaren helburua
denik lau urtetik behin
pertsona batzuk aukeratzea, eta
bitartean pertsona horiek nahi
duten guztia egitea.
Abiadura handiko trena berezitzat
daukate agintariek, eta kriminalizazio
saioak ere salatu izan dituzte haren
kontra ari diren taldeek.Hor koka
daiteke zure kontrako epaiketa ere?
Ez bakarrik abiadura handiko
trenaren gainean. Batzuek euren
bulegoetan egin dituzten proiektu
batzuen gainean ezin dugu
ezer esan, ez ezer pentsatu. Izan
daiteke AHTa, Pasaiako portua,
autobideak, parke eolikoak…
AHTarekin gertatzen dena da
herri asko garela kaltetuak, eta
herri askotan pentsaera bera
daukagula. Herritar guztiei galdetzeko
eskubidea egongo balitz,
herri horiek esango lukete
«Nire kasua adibide
moduan erabili nahi
dute, besteek ikusteko
zertarako prest diren»
«Eredu moduan jarri
izan zaigu Suitza; han
jendeari galdetu egiten
zaio proiektuei buruz»
«Kaltea egina dago,
baina proiektua ez da
martxan jarri oraindik;
geldi dezagun»
AHTrik ez dutela nahi, eta
proiektu horrek bertan behera
geratu beharko luke. Horregatik,
lehenengoa ni izan naiz, baina
nire kasua adibide moduan erabili
nahi dute, besteek jakin dezaten
zer egiteko prest dauden
antzeko kasuetan.
Behin eta berriro diote gehienak AH-
Taren alde daudela, baina egin diren
herri galdeketetan emaitzek ez dute
horrelakorik erakusten. Esaterako,
Aramaion.
Azkenean demokrazia hitza erabiltzen
dute beraien gogara. Ikusten
dena da libre daukatela beraiek
parlamentu bat nahi dutena
egiteko, nahi dituzten
proiektuak aukeratzeko. Baina
lehen esan duguna: lau urtez
behin ekintza bat eginda ezin da
herri baten bidea markatu. Eredu
gisa jarri izan zaigu Suitza. Suitzan
jendeari proiektuei buruz
galdetu egiten zaio. Espainiako
Estatuan guztien gainetik pasatzen
dira, eta gauza bera esan daiteke
Frantziako Estatuan ere AH-
Taren proiektuarekin.
Lapurdin herritarren gehiengo
nabarmen bat agertu da proiektuaren
aurka, eta hautetsiak erakarri
dituzte haien atzetik. Hegoaldetik
nola azter daiteke han sortu den
herri mugimendua?
Herri mugimenduak, mugaz alde
batean edo bestean, herri mugimendua
izaten jarraitzen du.
Azkenean herri mugimenduak
geratu beharko ditu proiektu
hauek guztiak. Demokrazia
barruan hautetsioi ez badigute
uzten proiektu honi buruz galdetzea
ere, zer da hau? Azkenean
herritarrek kendu behar dituzte
boteretik jendilaje hauek.
Nola daude lanak Aramaion?
Hau ez da orain bi urteko Aramaio.
Baserritar batzuk lurrik
gabe utzi dituzte, eta familia
batzuen eguneroko ogia kolokan
jarri dute. Gure ibaiak ez dira
ibaiak, gure bideak itxita daude
batean eta bestean, eta segurtasun
neurrien aitzakiarekin ere,
argazki bat ateratzea ere ezinezkoa
da. Bideetan ibiltzeko identifikatu
egin behar dugu. Hau
JUANAN RUIZ / ARGAZKI PRESS
azkenean apartheid egoera
bihurtzen ari dira.
Kalte handi bat egina dago jadanik,
beraz. Zuzentzeko modukoa da
oraindik?
Obra aldetik egindako kaltea ez
da zuzenduko, kaltea egina dagoelako.
Baina proiektua oraindik
ez da martxan jarri, leku askotan
ez dira lanean hasi oraindik. Tunelak
zulatzeko daude. Beraz, geldi
dezagun.
Beraz, ez zaudete etsita.
Etsi ez da sekula egiten. Epaitegira
joaten garenean ere burua
goian eraman behar da. Guk demokrazian
sinesten badugu, herriak
pentsatzen duena eskatu
behar dugu.
Sumatzen duzu jendea zurekin dagoela?
Bai, hau herri txiki bat da, eta guztiek
dakite hemen zer gertatu
zen. Nola egin ziren kontsultak,
zertarako... Jende askok hartu
zuen parte, eta ikustea besterik ez
dago lekuko gisa joango den herriko
jendea herri mugimenduko
pertsonak direla. Ikusten dena da
herria bera dela epaitua, ez alkatea.
Esaten duenagatik epaituko
dute herria.
Berriz ere egingo zenuke herri galdeketa?
Bai, dudarik gabe.
Zein dira zure etorkizuneko planak?
Uzten didaten bitartean, nire jardunean
segi. Ni herriak aukeratu
ninduen, eta herriarentzako lana
egiten jarraituko dut. Gaiatsunik
gabe uzten banaute, beste arlo batzuetan
jarraituko dut lanean.