ezker abertzaleak egungo faserako

38 berria 2010eko urtarrilaren 31, igandea
Plaza › Kultura
Krisiak itotako familiari buruzko fikzio
lanari eman diote Urrezko FIPA saria
Frankismoak utzitako
zauriaz mintzo den ‘Los
caminos de la memoria’
dokumentalak
Zilarrezko FIPA jaso du
Nora Arbelbide Miarritze
Gai politiko-sozialak jorratzen dituzten
filmak saritu ditu Miarritzeko
23. Nazioarteko Ikus-entzunezko
Saioen jaialdiak, fikzioetatik
hasiz. Urrezko FIPA
Herbehereetako Maria Smits
Martijnen Anvers filmari eman
diote. Lanak finantza krisiak bete
-betean harrapatzen duen familia
baten gainbehera azaltzen du.
Zilarrezko FIPA, berriz, Frantziara
joaten diren paperik gabeko
etorkinen sufrimenduak irudikatzen
dituen Clandestin filmak
bereganatu du. Arnaud Bedoueten
lehen film honek orotara lau
sari ditu irabazi. Mitrani sariaz
gain, Philippe Millerrek konposatutako
musika eta Bedouetek idatzi
gidoia ere saritu ditu epaimahaiak.
Etorkinak aipagai ditu
Amikam Goldman israeldarraren
Sihat Hutz erreportajeak ere.
Sail horretako Zilarrezko FIPA
jaso du, eta gazte europarren
epaimahaiak lehen saria eman
dio. Tel Aviveko telefono publikoen
bidez etorkinek herrian utzi familiarekin
dituzten harreman
zailak ematen ditu ikustera. Sail
berean, Urrezko FIPA Frantziako
Jean Crepuren Main basse sur le
riz lanak irabazi du. Irrisaren bidez,
janariaren sistema mundiala
aztertzen du.
Jose Luis Peñafuerte, Los caminos de la memoria-ko zuzendaria, Zilarrezko FIPA saria jaso ostean. GAIZKA IROZ
Frankismoak ere berea
Dokumentaletan, Urrezko FIPA
hiltzear dagoen aita eta ahalmen
urriko semearen arteko harremanaz
mintzo den Fuqin he Ezi (Aita
eta semea) filmarentzat izan da,
He Yuan txinatarrak egindakoa,
eta Los caminos de la memoria-k
Zilarrezkoa jaso du.
Espainiako gerlako erbesteratuen
iloba Jose Luis Peñafuerte
belgikarrak egina du filma. Frankismoak
zabalik utzitako zauriak
indar handiko irudi eta hitzez
azaleratzen ditu dokumentalak.
Memoria Historikoaren Legearen
haritik. Francisco Etxeberria
auzi mediku gipuzkoarrak parte
hartzen du. ETBren diru laguntzarekin
egina, besteak beste.
N.A. Miarritze
Txepe Lararen Alokatu eta Bruselako
Man’s Films ekoiztetxeen
arteko koprodukzioa da. Otsailaren
26an estreinatuko dute Madrilen
eta Bartzelonan, baina
Euskal Herriko zinema geletarako
ez da oraindik deus finkaturik.
Musika eta ikusgarrien artean,
Cedric Klapischek Pariseko Aurelie
Dupont Operako Balleteko
dantzari izarraz egin potretak irabazi
du.
Saritutako lan guztiak Miarritzeko
aretoetan ikusi ahal izango
dira gaur bertan, 09:00etan hasita.
Fermin Muguruza 1FIPAko dokumental saileko epaimahaikidea
«‘Fuqin he Ezi’arrisku
handiko dokumentala da»
Asteazkenetik, goizetik gauera
arte, filmak ikusten edo elkarrizketei
erantzuten, gelditu gabe aritu
da film egile eta musikaria. Hasierako
ekitaldian Espainiako artista
gisa aurkeztu bazuten ere,
Fermin Muguruzak argi utzi du
euskalduna dela.
Nola bizi izan duzu FIPA jaialdia barnetik?
Zoramena izan da, baina tratua
oso-oso ona izan da. Sekulako aukera
da pelikulak ikusteko, ikasteko,
jendearekin elkartzeko, zuk
egiten duzuna erakusteko...
Ikusitako filmak, oro har, nola baloratuko
zenituzke?
Film batzuk oso interesgarriak
izan dira; beste batzuek, agian, zorroztasun
zinematografikoa baino
gehiago, nazioarteko erakusleihoa
lortzea hobetsi dute. Eta
horrekin lotuta, nazioarteko festibala
egin nahi denean, zer delaeta
horren arreta gutxi jarri festibala
eginda dagoen tokian? Beste
kultur eta herri guztiekiko sekulako
errespetua dute antolatzaileek,
eta hemengoari, berriz, muzin
egiten diote. Ez da hitz bakar bat
ere egin euskaraz. Bada lan alde
horretan. Eskatzea beharrezkoa
da. Nihaurek ere eskatu dut.
Dokumental sarituen balorapena?
Fuqin he Ezi saritu da, batez ere,
arrisku handiko lana delako.
Agian luzeegia da, baina poesia
bisual izugarria dago. Harrapatu
egiten zaitu. Zilarrezko FIPA jaso
duena, Los caminos de la memoria,
oso gertu daukat. Musika gainera,
Bingen Mendizabalena da.
Nabarmentzekoa da lan hau ere.
DLaburrak
Chick Coreak Gasteizko
jazz jaialdian joko du
MUSIKA ›Gasteizko Jazz Jaialdiko
antolatzaileek 2010eko
egitarauaren lehen izenak iragarri
dituzte. Horien artetik
Chick Corea pianista nabarmentzen
da. Kenny Garrett,
Christian McBride eta Roy Haynesekin
osaturiko Freedom
Band talde ekarriko du Coreak.
Paco de Lucia eta Buddy Guy
gitarristak ere Gasteizen izango
dira uztailean.
Donostiklubaren hainbat
emanaldi uztaila bitartean
MUSIKA ›Donostikluba Zirkuitoa
egitarauak hainbat kontzertu
bilduko ditu uztaila bitartean,
Donostiako hainbat aretotan.
Besteak beste, Señor No & Roy
Loney, Hi-Risers, The Duke &
The King, The Rumble Strips,
Mursego, Elkano Browning
Cream, Mojo Workin’, Barzin,
The Posies eta Coheteren emanaldiak
eskainiko ditu Zirkuitoak.
Kide berriak Arkeologia
Ondareko Batzordean
ONDAREA ›Eusko Jaurlaritzako
Kultura Sailak Arkeologia
Ondareari buruzko Aholkulari
Batzordeko bokal berriak izendatu
ditu. Antonio Rivera Kultura
sailburuordea izango da
Batzordeko lehendakaria, eta
Jose Luis Iparragirre lehendakariordea.
Felix Lopez de Ulibarri,
Iñaki Garcia Camino eta Carlos
Olaetxea dira beste bokalak.
Batzordea ez da bildu 1999.
urteaz geroztik .
Scorsesek ‘Shutter Island’
aurkeztu du, DiCapriorekin
ZINEMA ›Martin Scorsesek
Shutter Island filma estreinatu
zuen New Yorken ostiralean.
Laugarren aldiz Leonardo DiCaprio
aktorearekin lan egin du
zuzendariak. Dennis Lehane
idazleak (Mystic River) 2003an
idatzitako eleberriaren egokitzapena
egin du Scorsesek.