ezker abertzaleak egungo faserako

Zakilixut
Errugbian, boxeoan eta arraunean goi mailan bidea egin ondoren, irrati esatari eta
puntako boxeo epailea da Manu Maritxalar. Azkenaldian telebistan agertzen da ‘El
conquistador del fin del mundo’saioan.
Manu Maritxalar
«Oker-oker eginda uzterainoko
gantxoak sartu dizkit bizitzak»
Ibon Gaztañazpi
Denok ditugu inguruan bizitza osoan
aldamenean izan ditugun ezagunak,
lagun kategoriarik eman ez diegun
adiskideak, senitartekoak, koadrilakideak.
Aurreiritziak, komunikazio falta
edo bateraezintasuna mugarri, urteak
eta urteak elkarren ondoan egonagatik
ezagutzen ez ditugun pertsonak.
Halakoen atzean dagoena aurkitzea
egokitu eta hura harrigarria eta ezpal
noblekoa dela ikustean, aberaste sentipena
ederra da. Zuekin guztiekin, praka
beltz eta irribare zabalarekin,
Errenteriako idiskoa, Manu Maritxalar!
Boxeolari, errugbi jokalari, kafe makinen
konpontzaile, arraunlari, boxeo epaile,
irrati esatari, Olentzero…Almodovarren
film baterako curriculum egokia zurea.
Kontua da zerbaitetan hasten banaiz
buru-belarri sartzen naizela. Pasio
handiz egiten dut egiten dudan oro.
Bihotz onekoa zarela diote. Nor dago sorbalda
handiko morroskoaren atzean?
Kirolarekin beti lotura izan duen
errenteriarra. Bihotz ona? Baietz uste
dut, baina tarteka neure burua inozotzat
ere hartu dut. Gainerakoan, ezetz
esaten ez dut oraindik ikasi, eta hanka
sartzen dudanean ez dut arazorik atzera
egin eta barkamena eskatzeko.
Hiru kiroletan puntan ibili zara. Nondik kirolerako
joera?
Kirola gorroto nuen ia, 14 urte nituela
Donostian errugbian hasi nintzen arte.
Berehala ikusi nuen hura egokia zela
niretzat, erronka galanta. Gazte guztiei
aholkatuko nieke errugbian aritzea.
Orduan ikusi al zenuen kolpeak emateko
balio zenuela?
Hendaiara jokatzera joan nintzenean
ezagutu nuen borrokarako ahalmenaedo.
Frantziako 2. mailan jokatzen
nuen, 2. lerroan eta moldatzen nintzen.
Hor azpijoko asko dago eta arazoak kolpeka
konpontzen dira; onartua dago.
Gero garagardo batzuk hartu eta kitto.
De Niro Raging Bullew-n (Toro Salvaje)
ikusi,eta boxeora?
Lagun baten bitartez hasi nintzen gimnasio
batean, eta handik sei hilabetera
neronek eskatu nuen konbate batean
borrokatzea. Mundu hark harrapatu
ninduen, boxeoan norbere burua kontrolatzea
ezinbestekoa baita.
Ikaragarria behar du ring batera igotzea?
Oso sentipen gogorra da praka motzetan
jende aurrean jartzea, zu jotzera
datorren tipo bat egurtzeko. Gogoan
dut orduko entrenatzaileak esan zidana:
ring batean dagoen edonor errespeta
ezak, horra igotzeko adorea izan duelako
bakarrik.
Zenbat borrokaldi egin zenituen?
40. 37 irabazi, bi berdindu eta bakarra
galduta, boxeatu nuen ezker bakarraren
aurka.
Pisua?
87-88 kilo inguru.
Orain baino arinago…
Nire lagun batek dio gizontzeko ezinbestekoa
dela baskulan hiru zifretara
heltzea. Ederki gizondu naiz, kar-kar.
Kolpe txarren bat hartu eta arraunera?
Boxeoa dagoeneko ez zen erakargarria
IDOIA BERATARBIDE
Igandea
2010eko urtarrilaren 31
D
niretzat, eta bizimodu egonkorra neukan
orduan: familia, lana. San Pedron
kafe makina bat konpontzen ari nintzela
esan zidaten lehen aldiz ea zergatik
ez nintzen arraunean hasten; ordurako
harra sartua neukan, eta pausoa
eman nuen. Lau urte egin nituen, eta
Kontxa irabazi ez izanaren arantzarekin
utzi nuen. Oraindik oso barruan
daramat pena hori, eta Urtain ezagutu
ez izana.
Zer moduz arraunean?
Oso ondo, kirol ederra da, baina bizitzako
unerik desatseginenak eta giza miseriarik
handienak orduan probatu nituen,
inoiz pentsatuko ez nituen erreakzioak.
Orduan ikaragarriak pasatu
nituen, boxeoan ere bromarik gabeko
giroan nabil mundu osoan zehar epaile.
Halakoak bizita, ez dit batere zirrararik
eragiten, esaterako, reality show
batean erabakiak hartu beharrak.
Bizitzak ezker crochet-ik sartu dizula dirudi…
Eta oker-oker eginda uzterainoko eskuin
gantxoak eta gibelekoak ere bai.
Defentsa ahaztuta?
Ez dut uste. Batzuetan bihotzak irabazi
izan dit, eta komeni ez zaidan borroketan
sartu izan naiz maiz. Dena den, ez
naiz damutzen. Guardia aldatuta, berriro
sartuko nintzateke haietako askotan.
Tostartean irratsaioan urte asko daramazu.Noiz
entzungo ditugu esaldi osatuak?
Kar-kar! Biribildu beharraren biribildu
beharraz botatzen ditut ederrak,
baina hor ere aurrera egin dudala uste
dut. Aurten helburu nagusia izango
da.
Kirolean eta komunikabideetan saltsero,
eta dantzan salsazale…
Dantza latino guztiak oso gogoko ditut,
baina batez ere batxata. Harrokeria
puntua jar dezaket? Normalki nahiko
harrituak geratzen dira latinoak nire
dantza egiteko moduarekin.
Horra konkistatzailera joateko gakoa…
Ez naiz batere konkistatzailea. Dantza
egitea eta gaueko mundua gustatzen
zait, kito. Nahiko gautxoria naiz.
Gau giroan egokitu al zaizu justizia banatzea?
Inoiz. Baina beste biderik geratu ez zaidalako.
Gainera min handi samarra
egin dezaket, eta halakoetan profesional
baten moduan aritu naiz: eskuina
sartu kontu handiarekin, ezker crochet-a
gora, eta lotara.
Maritxarlas,tipo gogorra zara…
Baleike, baina oso biguna aldi berean.
Txanpon beraren bi aldeak: indarkeriarekin
ez naiz makurtzen, baina puntua
ukituz gero harrigarri sentibera
eta ustela naiz... Urtain antzezlana
ikusteko gauza ere ez naiz izan.