ezker abertzaleak egungo faserako

More documents

Recommendations

Info

24 berria 2010eko urtarrilaren 31, igandea Kirola › Puntu asko jasotzen duena, defentsa onenaren aurka Alex Mumbru, saskiratzeko ahaleginean, Matias Sandes Fuenlabradakoa aurrean duela, atzo. ALBERTO MARTIN / EFE Alarma gorria piztu da Fuenlabrada 85 Bizkaia Bilbo Basket 72 Fuenlabrada. Mainoldi (6), Laviña (5), Thomas (13), Batista (12), Fitch (19) —hasierako bostekoa—; Colom (3), Burstein (18), Tskitixvili (8) eta Sandes (1). Bizkaia Bilbo Basket. Rodriguez (3), Warren (12), Mumbru (14), Banic (18), Hervelle (9) —hasierako bostekoa—; Moiso (1), Vazquez, Seibutis (4), Markota, Salgado eta Blums (11). Markagailua. 22-22, 41-45 (atsedenaldian); 62-53 eta 85-72. Epaileak. Arteaga, Murgui eta Castillo. Batista eta Hervelle kanporatu zituzten. Bestelakoak. 5.631 ikusle Fernando Martin pabiloian, ACB ligako 20. jardunaldian. Fuenlabradaren aurka galdu du Bilbo Basketek, eta aukera paregabea galdu gora egiten hasi eta zulotik aldentzeko A.Urbistondo Alarma gorria piztu da. Bilbo Basketek garaipenarekin bueltatu behar zuen derrigor Fuenlabradatik, baina esku-hutsik itzuliko da etxera. Esku-hutsik eta etorkizun beltzarekin begi bistan. 85-72 galdu zuen Fuenlabradaren aurka, eta bizkaitarrek ia ezinezko du dagoeneko sailkapenean atzoko aurkaria gainditzea. Fuenlabradak hiru garaipeneko aldea du, eta bi taldeen arteko puntu aldea ere aldekoa. Laburbilduz, lau garaipen. Fuenlabrada gainditzea ezinezkoa, eta beste taldeak harrapatzeko helburua ere asko zaildu da. Gaurko emaitzen zain, jaitsiera saihesteko borrokan murgilduta dauden beste taldeek bi garaipeneko aldea izaten jarraituko dute gutxienez, baina partida bat gutxiago geratzen da. Egutegiak ez dakar berri on-onik, gainera. Honatx hurrengo aurkariak: Manresa, Real Madril eta Lagun Aro. Bilbo Basketek lehen zati txukuna jokatu zuen, baina han pilatutako errenta oro pikutara bota zuen hirugarren laurdenean. 41- 45 zioen markagailuak atsedenaldian, bilbotarren alde, eta 62-55 hamar minutu geroago. Bilbo Basketek 10 puntu bakarrik saskiratu zituen, eta bost puntuko balorazio apala. Halere, laurden osoa izan zuen egoera bideratzeko, baina berandu zen. Fuenlabrada hazi egin zen, eta Katsikarisen taldeak emandako aukera ezin hobe baliatu zuen, hiruko lerrotik aurkaria txikitzeko. Fuenlabradak 12 puntuko aldea lortu zuen azken laurdenean, eta Bilbo Basket nahi eta ezin aritu zen. Fuenlabrada ikusgarri aritu zen hirukoetan. 14 saskiratu zituen denera, eta portzentaje apartarekin: %53. Horietako asko, gainera, une erabakigarrietan iritsi ziren, Bilbo Basket behetik gora zetorrenean, aurkariaren parera iristear zela. Kolpe asko hartu zituen Bizkaiko taldeak, baina jaiki egin zen beti. 39. minutuan izan ezik. 77-72 zegoen markagailua, eta Ferran Laviñak bere taldearen 14. hirukoa saskiratu zuen. 80- 72 eta akabo. Porrota oso mingarria da, Bilbo Basketen partida ez zelako txarra izan. Partidatik joan zen hirugarren laurdenean, eta garesti ordaindu zuen. 77 puntuko balorazioa lortu zuen, Fuenlabradak baino 14 gutxiago, baina erabakigarria izan zen hirukoetan izan zuen punteria txarra. %21 asmatu zuten, 32 aldiz jaurti eta zazpi bakarrik saskiratu ostean. Bereziki aipagarria izan zen Hervelleren egun txarra. Jaurti zituen zazpi hirukoak kale egin zituen belgikarrak. Marko Banic eta Janis Blums izan ziren jokalari onenak, baina aspaldi bezala, ez zuten laguntza handirik izan. Cajasol gaiztoa hartuko du Lagun Arok gaur; galtzea oso arriskutsua da, Lasoren taldea zuloan sartuko delako A.U. Donostia Ataka zailean dago Lagun Aro. Azken bost partidak galdu ditu jarraian, eta seigarrena galtzeko arriskua ere benetakoa da. Cajasol hartuko dute gipuzkoarrek gaur eguerdian Illunben. Ligan puntu gutxien jasotzen duen taldea, defentsa onena duen taldea, puntu zaku handia jasotzen duenaren aurka. Cajasolek 67,6 puntu hartzen ditu partidako, oso kopuru txikia, eta Lagun Arok 80 puntutik gora. Alde handia da hori, eta zenbaki horiek zeharo iraultzen ez badira, etzi donostiarren seigarren porrotaz mintzatuko dira komunikabideak. Nola irauli Cajasolentzat makulua den onura? Nola Lagun Arorentzat zama astun-astuna dena? Erantzuna ematea zaila da. Zehatzago, Lagun Aroko zaleek irakurri nahi luketen erantzuna. Donostiaren aldekoa, alegia. Cajasolek hilabeteak daramatzalako zaintza ona egiten, eta ezin hobe barneratuak duelako nola jardun. Real Madril bakarrik izan da gai haien babes sendoa hautsi eta 80 puntuko zigorra emateko. Irtenbidea, beraz, erraza da. Puntu gutxiko partida izango dela barneratu, indarra 40 minutuan mantendu, gorabeherak saihestuz, eta erasoan asmatzea. A.U.Donostia Begiradak jokalari batengan jarri dira Donostian: Antwain Barbour. Kentuckykoa apal samar dabil 2010ean. Ez du beragandik espero den neurria eman, eta taldea asko nabaritzen ari da haren puntu urritasuna. Barbourrek hamabost puntu saskiratu zituen batez beste ligako lehen hiru hilabetetan, baina aurkariak bere jokoa eta mugimenduak ikasten hasi dira, eta zailtasun franko ditu barneraldiak egin edo jaurtiketa posizio onak lortzeko. Cajasolek talde osoa du, orekatua. Earl Calloway joko antolatzaile txukuna da, Tyrone Ellisek eta Tariq Kirksayk bikote arriskutsua osatzen dute kanpoko lerroan, eta Dusko Savanovic, Xavi Rey eta Juanjo Triguero horma garaia dira saskipean. Presio handia dauka Lagun Arok. Atzetik dituen talde batzuk huts egiten ari dira, baina besteak ez. Seigarren porrotak zuloan sartuko luke Pablo Lasoren taldea. Euroligako amorrua itzaltzeko, hamargarrena Alacant hartuko du etxean Baskoniak gaur, Gasteizen jokatutako sei partidak galdu dituen taldea (18:00) LAGUN ARO GBC-CAJASOL pLagun Aro Gipuzkoa Basket. Sergio Sanchez, Uriz, Rai Lopez, Detrick, Barbour, Panko, Hopkins, Ignerski, Doblas eta Miralles. pCajasol. Calloway, Satoransky, Miso, Ellis, Kirksay, Sastre, Cabanas, Savanovic, Xavi Rey, Radenovic eta Triguero. pSailkapena. 13.postuan dago Lagun Aro: 7-12. Cajasol bosgarren da: 11-8. pLekua. Illunbe pabiloia (10.500 lagun). pOrdua. 12:30 (ETB 1). Olympiakosen aurkako porrotak min egin du, eta zauriak sendatzeko ligan daraman bide onari segida eman nahi dio Baskoniak. Bederatzi garaipen lortu ditu jarraian ACB ligan, eta hamargarrena lortu nahi du Alacant bisitari dela. Estatistikei erreparatuz gero, aurkari aproposa da, Gasteizera etorri den sei alditan eskuhutsik bueltatu delako etxera. Dusko Ivanovic gogor mintzatu zen asteazkenean ordezko jokalarien jardunarekin. Haiek gehiago laguntzen ez badute taldeak zereginik ez duela esan zuen. Mezu zuzena English, Pau Ribas, Singletary eta Eliyahurentzat. Olesoni eta Baraci aste pare bat falta zaizkie kantxara bueltatzeko, eta denen ekarpena derrigorrezkoa da. Splitterrek, Huertasek, Teletovicek eta San Emeteriok ezin dute dena egin.
2010eko urtarrilaren 31, igandea berria 25 ‹ Kirola Matxinoa apaldu du Serena Williamsek bosgarren aldiz irabazi du Australiako Irekia, finalean Justine Henin mendean hartuta Galdu arren, torneo handietarako hautagai dela erakutsi du belgikarrak Imanol Magro Aginduko zuela hitzeman zuen iaz. Emakumezkoen zirkuituko lehen postuko izen dantzarekin bukatu eta urte osoan eutsiko ziola aurreratu. Automotibazioa zen bere buruari erronka jartzea, baina, era berean, hitzek doinu tiranikoa zuten. Serena Williams munduaren aurka: ahizparen aurka, itzuli berri zen Clijstersen aurka, Errusiako armadaren aurka… baina desafioa egin zuenean aurkari bat falta zitzaion, Justine Heninek oraindik ez zuelako bere itzuleraren berri eman. Atzo egin zuten topo aurrenekoz, Lord Raver Arenan, tiranoak eta bere agintea kolokan jarri dezakeen matxino arriskutsuenak, eta Williamsek bosgarrenez irabazi zuen Australiako Irekia (6-4, 3-6 eta 6-2); bere ibilbideko hamabigarren Grand Slama. Williamstar gazteenak Billie Jean Kingen marka berdindu zuen, eta finalaren ondoren elkar besarkatu zuten. Final ona izan zen, gogorra, eta beroa, 35 graduko tenperatura zegoen Melbournen, eta Rod Laver Arena bi orduz infernu bilakatu zuen. Tiranoak urteko lehen aginte kolpea eman zuen, baina matxinoak hortzak erakutsi zizkion, eta tenis zaleen onerako sasoi bikainean itzuli dela erakutsi. 11 partida jokatu ditu bueltatu zenetik, eta bere sasoiak gora egingo du. Hala esan Serena Williams puntu bat ospatzen, atzo, finalean. MAST IRHAM Murrayk ezinezkoa dirudiena lortu nahi du Federerren aurka DRoger Federer da faborito garbia gaur Andy Murrayren aurkako gizonezkoen finalean (09:30, Euskal Herriko ordua). Suitzarrak Australiako Irekia irabaz dezake, laugarrenez, eta bere ibilbideko hamaseigarren Grand Slama. Finalei dagokienez, gaur 22.a du, eta bihar Jimmy Connors berdinduko du zirkuituko buruan aste gehien igaro duen tenislari gisa: 268 guztira. Andy Murrayrentzat, berriz, Grand Slameko bigarren finala da, eta aurrekoa, 2008ko AEBetako Irekikoa, Federerren aurka galdu zuen. Eskoziarrak, baina, datu bat du alde: hamar aldiz jokatu du Federerren aurka, eta sei aldiz irabazi du. zion tiranoak, «ondo dago Justine, baina hobera egingo du». Matxinoak lorea itzuli zion: «Serena, zu zara benetako txapelduna», baina berriz ere elkar ikusiko dutela gehitzea falta izan zitzaion. Etorriko da lur harrotua, eta orduan ikusiko da matxinoaren benetako indarra. Baina pista marroien garaia ez da oraindik, eta Australian Serenak garaiezina dirudi, bere Daphne Akhurst kopen bildumak erakusten duen bezala. Halere, lan zaila izango zuela ikusi zuen hasieratik atzo. Lehen tantoa saketik lortu zuen txapeldunak, baina lehen jokoak zortzi minutu iraun zuen. Henin ez zen fin ibili lehen setean, eta Williamsen sakea hausteko izan zituen zazpi aukeretatik bakarra baliatu zuen (4-1). Baina Henin lehiakorra da, ia nekaezina, ‘‘ Finalean biek zerbait erakutsi nahi genuela sentitu dut, eta biok lortu dugula iruditu zait» SERENA WILLIAMS Tenislaria eta seta berdindu zuen (4-4). Williams 5-4 aurreratu zen, eta partidako lehen une erabakigarrian Heninek kale egin zuen. Saketik bi falta egin zituen, eta bi tanto piloteatu galdu. Williamsek bide erdia egina zuen. Estatubatuarrak lehen jokoa irabazi zuen bigarren setean, eta 15-40 aurreratu bigarrenean. Finala erabakita egon zitekeen, baina orduan itzuli zen benetako Henin. Lehiakor, beti lehiakor, hortzak estutu eta zortzi puntu irabazi zituen jarraian, eta aurkariaren sakea hautsi zuen punturik jaso gabe. Biek, baina, ez zuten sakea ondo baliatu, eta bigarren seta tanto luzeetan erabaki zen (3-4). Heninek errebes dotorea atera zuen, eta seteko azken hamar puntuak jarraian eginda berdindu zuen finala. Matxinoa goraka zihoan, eta tiranoa zanbuluka zebilen. Izerdi patsetan biak, soinekoa aldatu eta guzti egin behar izan zuten. Henin oldartuta zegoen, baina sakeak bizkarra eman zion hirugarren setean. Williamsek, berriz, une egokian berreskuratu zuen. Sakeak erabaki zuen seta, eta hor Williamsek abantaila zuen. Henin osoago zegoen, baina hiru aldiz hautsi zion sakea, eta hori abantaila handiegia da tiranoari aurre egiteko. Txapeldunak esaldi bakarra aski izan zuen finala ezin zehatzago laburbitzeko: «Biek zerbait erakutsi nahi genuela sentitu du, eta biek lortu dugu».
Page 1 and 2: Igandea Urtarrilaren 31 2010. VIII.
Page 3 and 4: EAk EAJri eskatu dio onartzeko PSE-
Page 5 and 6: Hizpideak Adierazi,babesteko Jon Or
Page 7 and 8: 2010eko urtarrilaren 31, igandea be
Page 21 and 22: Irabazten hasi, bi gol jaso eta azk
Page 23: Futbolaren bi muturrak, aurrez aurr
Page 37 and 38: ‘Anvers’ filmak eta ‘Fuqin he
Page 49 and 50: Igandea berria 2010eko urtarrilaren
Page 51 and 52: 2010eko urtarrilaren 31 • Igandea
Page 65 and 66: 18 Denbora-pasa Hitz gurutzatuak Ez
Page 67 and 68: 20 Kioskoa Igandea •2010eko urtar
Page 69 and 70: 22 Langabezia Egitura •2010eko ur
Page 71 and 72: 24 Hitz bitan Bakarrizketan Etorkiz
Page 73 and 74: 26 Merkataritza Egitura •2010eko
Page 75 and 76:
28 Lan eskaintza publikoa Egitura
Page 77 and 78:
30 Lan eskaintza publikoa Egitura
Page 79:
32 Ukraina Egitura •2010eko urtar
show all

ezker abertzaleak egungo faserako

You also want an ePaper? Increase the reach of your titles

Delete template?

Save as template?