ezker abertzaleak egungo faserako

16 berria 2010eko urtarrilaren 31, igandea
Harian › Euskal Herria
EBk Lopezi eskatu dio alde
guztiekin batzartzeko
BILBO ›Serafin Llamas EBko presidentetzarako
eledunak Patxi Lopezi lehendakariari eskatu dio
bileren agenda zabaltzeko. Eusko Legebiltzarrean
ordezkaritza duten alderdi guztiekin biltzeko
galdegin dio. «Euskadi askotariko gizartea da,
eta ahots guztiek entzunak izateko eskubidea
dute, eta guztiak dira beharrezkoak arazoak
konpontzeko». Denen lehendakari izan nahi
badu, denekin hitz egin behar lukeela gehitu du.
Atxilotu bat, ustez txirrindulari
bati eraso egiteagatik
GASTEIZ›Ertzaintzak gizonezko bat atxilotu
zuen atzo goizean Gasteizen, bizikletan zihoan
emakume bat jotzeagatik. Ertzaintzaren arabera,
08:30 aldera, emakumea bizikletan zihoan
Domingo Beltran kaletik. Semaforo batean
geratu, eta ustezko erasotzailea gerturatu eta
joka hasi zitzaion. Lurrera bota eta bi ostikada
eman zizkion. Lekuko batzuek erasoa etetea
lortu zuten. Emakumea Santiagoko erietxera
eraman zuten.
‘‘
«Lopezek adierazitako
mespretxua eta
harrokeria ez dira
akordioak lortzeko
biderik onenak»
JOSEBA EGIBAR
EAJko EBBko eleduna
«Kezkatuta gaude EAEn
eta Nafarroan gobernuek
hartu duten jarrerarekin,
eta horri erantzuteko
sendotu egin behar dugu»
JON ABRIL
Aralarreko koordinatzaileordea
Irudia qBilbo
Bost lagun atxilotu dituzte
neska bati lapurretan egitea
eta erasotzea egotzita
Erredakzioa Bilbo
Ertzaintzak bost lagun —hiru gizon eta bi emakume—atxilotu
zituen atzo goizaldean Barakaldoko (Bizkaia) dantzaleku bateko
irteeran, sua eskatu zien neska bati eraso egitea eta lapurtzea
egotzita. Atxilotuetako batzuk adingabeak dira. Eusko
Jaurlaritzako Herrizaingo Sailak emandako datuen arabera,
03:30ak aldera izan zen erasoa. Dantzalekutik ateratzen
ari zirela, biktima atxilotuengana joan zen su eske. Orduan,
atxilotuek iraindu eta jo egin zuten, eta poltsa lapurtu zioten.
Neska ihes egiten saiatu zen,baina Ertzaintzak jakinarazi
zuen erasotzaileek lurrera bota zutela eta hainbat ostikada
eman zizkiotela.Azkenean inguruan zeuden pertsona batzuek
neska sorostea lortu zuten.Handik gutxira ertzainek ustezko
bost erasotzaileak identifikatu eta atxilotu zituzten.
Atxilotuetako bati biktimaren sakelakoa atzeman zioten.
Wimax antenen aurkako
kolektiboak federatu dira
MITIKILE ›Wimax antenen aurka eta ADSL
sarea lurralde osoan hedatzea eskatzen duten
kolektiboak indarrak batzeko asmoz federatu
dira. Mitikileko (Zuberoa) kolektibokoaz gain,
Nafarroa Behereko Garazi, Baigorri, Iholdi eta
Oztibarreko ordezkariak elkartu ziren atzo, baita
Biarnoko zenbait ere. Intercollectif 64 izendatu
dute federazio berria. Jomuga nagusia Kontseilu
Nagusia dute. Hauteskundeak baliatuz, hautetsiei
engaiatzea eskatuko diete. Beste bilkura
bat daukate otsailaren 13an.
Elur maila 1.000 metrotik
behera jaitsiko da gaur
DONOSTIA›Hotza eta euria espero dira gaurko,
lurraldean. Eguneko zenbait unetan elur maila
500-600 metrora jaits daiteke, eta gainontzean
ez da 1.000 metrotik gora igoko. Euri dezente
egitea ere espero da. Eguraldi aurreikuspenak
kontuan hartuta, Arabako Foru Aldundiak, adibidez,
abian jarri du neguko plana. Hala, 36
lagun eta elurra kentzeko hiru makina prest
dituzte, elurra egiten badu ere.
j Laburrean
AGUR JENDETSUA RODRIGO ANAIEI
Ehunka lagun bildu ziren atzo Bilboko Santutxu
auzoko Karmelo elizan, aste honetan Palentziako
(Gaztela eta Leon, Espainia) Curavacas mendian
eskalatzen ari zirela hil diren Juan Jose eta Daniel
Rodrigo anaiei azken agurra ematera. Bi anaiek
eskarmentua zuten inguru haietan, baina asteartean,
izotzean eskalatzen ari zirela, istripua izan
zuten izotz-jausi batengatik. Larrialdietakoek asteazkenean
aurkitu zituzten gorpuak. Kolpeen eta
hotzaren ondorioz hil ziren. MIGUEL TOÑA / EFE