ezker abertzaleak egungo faserako

22 berria 2010eko urtarrilaren 31, igandea
Kirola ›
Griezmann, Aranburu eta Bueno, atzo, azken horrek sartutako gola ospatzen, 1-0ekoa. JUAN CARLOS RUIZ / ARGAZKI PRESS
Ez da hain txarra
Realak azken unean puntu bat lortu du
Las Palmasen aurka; bigarren zatian
dezente erotu da norgehiagoka
Irabazten hasi arren, defentsan ohi baino
huts gehiago egin dituzte txuri-urdinek
Reala 2
Las Palmas 2
Reala. Zubikarai; Carlos Martinez,
Ansotegi, Labaka, Mikel Gonzalez;
Rivas (Agirretxe, 76. min.), Elustondo,
Nsue (Songo’o, 83. min.), Aranburu
(Zurutuza, 65. min.), Griezmann;
eta Bueno.
Las Palmas. Pindado; Samuel Bella,
Lamas, David Garcia, Juanpa,
David Gonzalez (Josico, 82. min.),
Darino, Diego Leon (Jorge, 80. min.),
Rondon, Francis Suarez (Sergio
Suarez, 61. min.); eta Saul.
Golak. 1-0. Buenok (50. min.); 1-1.
Rondonek (65. min.); 1-2. Darinok
(68. min.); 2-2. Labakak (89. min.).
Epailea. Jaime Latre. Txartel horiak:
Realeko Aranbururi eta Las Palmaseko
Pindado, Sergio Suarez eta
Diego Leoni.
Bestelakoak. 17.000 ikusle inguru
Anoeta estadioan.
Xabier Lopetegi Donostia
Joko arraroa da futbola. Norgehiagoka
osoa izan zen Realarena,
hainbat alorretan. Aukera dezente
sortu zituen, nagusi izan
zen ia partida osoan, eta sekulako
ahalegin fisikoa egin zuen, hustuta
bukatzeraino. Baina puntu bakarra
erdietsi zuen. Atzo baino
dezente okerrago jokatuta, irabazi
izan ditu partidak denboraldi
honetan. Ez bat edo bi, gainera.
Baina haizearen norabidea aldatu
omen zen atzo, eta beste norgehiagoka
askotan barrura zihoazen
baloiak, kanpora joan ziren,
ozta-ozta. Eraginkortasuna falta
izateaz gain, markagailuan aurretik
jarri ondoren, defentsan
egindako bi hutsegitetan egon ziren
ez irabaztearen arrazoi nagusiak.
Orain arte alor horretan ia
behin ere ez zuen hutsik egin, baina
inor ez da perfektua.
Partida maldan gora jarri ondoren,
puntu bat biltzeko gauza izan
zen Reala gero. Eta ez da gutxi.
Balio handia eman behar zaio
emaitzari, Bigarren Mailan inork
ez duelako hanka batekin irabazten.
Komeni da hori gogoratzea,
batzuei ez zaielako buruan sartzen,
eta hasiak direlako jada kinielak
egiten, taldea zer jardunalditan
igoko den. Atzo bertan, ordea,
Hercules liderrak etxean
galdu zuen azken sailkatuaren
aurka. Eta Realak berak ere zailtasun
dezente eman zituen aurkaria
topatu zuen, Las Palmas.
Zulotik gertu ibili arren, zelaian
ondo jarri, txukun jokatu, eta
edonor estu hartzeko gai den taldea.
Guztiak bezala. Bigarren
Mailak jabe bakarra dauka: parekotasuna.
Reala boladaka aritu zen lehen
zatian. Izan zituen hamar-hamabost
minutu on. Goi-goian presioa
egin, baloiaz jabetu, eta nahiko
ondo jokatu zuen, luzean
gehienetan, baina baita tarteka
motzean ere. Azken pasearekin
ez zuen asmatu, ordea. Eta asmatu
zuenean, errematean egin
zuen huts: Griezmannek erdiraketa
itzela egin zuen, baina
Nsuek langara jaurti zuen. Hori,
eta frantziar gaztearen buruz buruko
jokaldi zoragarri bat izan ziren
txuri-urdinen abagune garbi
bakarrak lehen zatian. Las Palmasek,
berriz, nahiko ondo defenditu,
eta min handi samarra egin
zuen geldikako jokaldietan, deigarria
bada ere. Saulek, esaterako,
korner batean, ahoko zuloan
izan zuen baloia, baina kanpora
joan zen bere jaurtiketa.
Bigarren zatia zeharo gorabeheratsua
izan zen. Realak erritmo
handia ezarri zion jokoari, eta,
hasi eta berehala, Las Palmaseko
atzelari batek penalti garbia egin
zion Ansotegiri. Bi eskuekin heldu
zuen area barruan, baina epaileak
ez zuen ezer adierazi, pareparean
egon arren. Handik gutxira,
Aranburuk atezainak gaizki
ateratako baloia aprobetxatu,
pase sakona eman, eta Buenok
ondo bukatu zuen jokaldia, erremate
loratuarekin. Uruguaiarra
kalamitate hutsa da areaz kanpo.
Atzo enegarren aldiz ikusi zen.
Baina ate aurrean badu aurrelariengan
berezkoa den argitasun
puntu hori.
Bi huts egin, eta bi gol jaso
Bazirudien partida lasaia izango
zuela Realak. Aurreko denboraldietan
ez bezala, 1-0eko emaitzei
ondo eutsi die behin baino gehiagotan.
Aldea zabaltzeko aukera
ere izan zuen, pare bat kontraeraso
argitan, baina erabaki okerrak
hartu zituen. Ondoren, Elustondok
gutxigatik ez zuen Pindado
ustekabean harrapatu. Las Palmasen
arrastorik ez zegoen, baina
ikusleen harridurarako, hiru
minutu eskaseko tartean, ezerezetik
bi gol sartu zituen. Aurrenekoan,
Carlos Martinezek huts
egin zuen, taldekideei lagundu
nahi izateagatik bakarrik utzi
baitzuen Rondon. Bigarrenean,
berriz, Darino korner batean bakar-bakarrik
sartu zen sukalderaino,
buruz espezialista izan ez
arren.
Ondoko minutuetan iparra galtzeko
zorian egon zen Reala, baina
pixkanaka sendotasuna berreskuratu
eta lanari ekin zion
berriz. Zurutuzak eta Griezmannek
jaurtiketa bana egin zuten
urrunetik, baina zorterik gabe.
Elustondok ere ez zuen asmatu
area barruan. Hautsita eta nekatuta
zegoen taldea ordurako, eta
Las Palmasek ere izan zuen bere
aukera: Carlos Martinezek atepetik
atera zuen Saulen erremate
bat. Eta errusiar mendia borobiltzeko,
iritsi zen Realarentzat saria,
azken arnasean. Labakak sartu
zuen gola, zorte handi samarrarekin,
Songo’oren erdiraketa
baliatuta. Itxaropena izateko moduko
dohainak erakutsi zituen
kamerundarrak azken minutuetan:
abiadura, teknika, eta baloi
kolpe ona.
Azken hiru lehiak
galduta egingo
dio gaur bisita
Real Unionek
Recreativori
Danilo Gerlo erdiko
atzelari argentinarrak
debuta egingo du gaur
Huelvan, bost jokalariko
atzeko lerroan
Erredakzioa Donostia
Real Unionen datuak txar-txarrak
dira: azken hiru partidak galdu
egin ditu jarraian, zazpi partida
daramatza irabazi gabe, eta
etxetik kanpoko azken zazpi partidetan
esku-hutsik itzuli dira
Irunera. Lor zitezkeen 63 puntuetatik
hamazazpi besterik ez dituzte
pilatu irundarrek, eta zulo-zuloan
sartuta ekingo diote gaur bigarren
itzuliari. Atzo, gainera,
Castellok irabazi egin zion, ezustean,
Herculesi (1-2), eta, gaurko
partida hasi aurretik, Real Union
Castellorekin berdinduta dago,
azken postuan.
Ez da modurik onena hain partida
garrantzitsuari aurre egiteko,
baina Real Unionek liga amaitzeko
geratzen diren 21 partidetatik
bederatzi edo hamar irabazi
beharko ditu mailari eutsi nahi
badio, behintzat. Egia da joan den
astean itxura sendoa eman zuela
Herculesen zelaian, baina etxetik
kanpo jokatutako azken bi partidetan
bezala, joan den astean ere
1-0 galdu zuten irundarrek.
Bost atzelari eta aurrelari bat
Iñaki Alonsok bost atzelariko lerroa
zelairatu zuen Alacanten,
eta durangarra gustura geratu
zen egindako lanarekin. Gaur,
hala ere, izango da aldaketa bat
atzeko lerro horretan. Ezuste
handirik ezean, Danilo Gerlok debuta
egingo du, Mendinuetaren
kaltetan. Deskarga eta Salcedo
ariko dira bi hegaletan, eta Lacruz,
Iglesias eta Gerlo erdian.
Sanz eta Romo izango dira bi euskarriak,
Dominguezek jokatuko
du zelai erdian eskuinetik, Duranek
ezkerretik, eta Brit izango da
aurrelari bakarra. Goikoetxea
deialditik kanpo geratu da.
RECREATIVO-REAL UNION
pRecreativo. Guaita; Raul Camara,
Mora, Iago Bouzon, Poli;
Alvaro Anton, Emilio Sanchez,
Rafa Barber, Aitor; Fornaroli eta
Braulio.
pReal Union. Otermin; Deskarga,
Lacruz, Iglesias, Gerlo, Salcedo;
Sanz, Romo; Dominguez,
Duran; eta Brit.
pEpailea. Pino Zamorano.
pLekua. Colombino Berria futbol
zelaia (21.509 ikusle).
pOrdua. 17:00.