ezker abertzaleak egungo faserako

28 berria 2010eko urtarrilaren 31, igandea
Agenda›
Mahsa Vahdat q Musikaria
D Ekitaldiak
Soilik emakumeen aurrean jo dezake abeslari teherandarrak bere
herrialdean, lege erlijiosoengatik. Gaur Bilbon arituko da, bakarlari,
poeta persiar klasikoei eta garaikideei ahotsa jartzen.
«Iranen gizonezkoen
aurrean abesteko debekuak
gure sormena akuilatu du»
Edu Lartzanguren
Mahsa Vahdat (Teheran, 1973)
Iranen gizonezkoen aurrean kantatzeko
debekua pairatu arren,
abesteari utzi ez dioten emakumezko
bakan horietako bat da.
Marjan ahizparekin, tradizio persiarreko
doinuei eutsi die, eta ondasun
hori belaunaldi gazteei irakasten
die. Gaur entzun ahalko
da haren ahotsa, Bilbon, 20:30ean,
Euskalduna jauregian.
Zer entzungo dugu gaur Bilbon?
Taldearekin eta, batzuetan, ahizparekin
jotzen dudan errepertorioa,
baina bakarrik arituko naiz,
perkusioarekin. Daf tresna joko
dut, laguntzeko. Persiako musika
tradizionala interpretatuko dut,
batez ere, Rumi eta Hafez poeten
olerkiekin, duela 600 urte ingurukoak.
Baina baita poeta garaikideenak
ere.
Zertan bereizten dira poeta klasikoei
eta garaikideei jartzen dizkiezun
doinuak?
Klasikoen poemek berezko erritmoa
dute, forma klasikoaren arabera.
Modernoak, berriz, irekiagoak
dira. Badute erritmoa, baina
askeagoak dira. Klasikoen poema
gehienak mistikoak dira, nahiz
eta euren garaiko arazo politikoak
aipatzen dituzte, oso garai ilunean
bizi izan zirelako. Garaikideek,
batez ere, gizarte arazoak jorratzen
dituzte.
Bilbon gizon eta emakumez osaturiko
entzuleriaren aurrean abestuko
duzu. Iranen debekatuta duzu gizonezkoen
aurrean abestea.
Iraultza islamikoaren ondotik,
BERRIA
debekaturik dago emakumeok
bakarkako kontzertuak ematea
gizonen aurrean. Iranen ezin dut
kontzertu ofizialetan jo gizonezkoen
aurrean, soilik emakumeen
aurrean. Baina bestelako emanaldietan,
jotzen dut gizon eta
emakumez osaturiko entzuleriaren
aurrean.
Nola eragin dio horrek zure musikari?
Sormena mugatu dizu?
Debekuak eragina du; baina, batzuetan,
baita onerako ere. Kontzertu
ofizialak ematerik ezin dugunez,
beti bilatu ditugu saihesbideak
emanaldiak antolatzeko.
Halere, argi gera dadila ez nagoela
batere pozik gaurko egoerarekin.
Espero dut egun batean berdintasunez
aritzerik izango dugula.
Esan bezala, debekuak sormena
akuilatzen du.
Mendebaldean ere arazoak dituzue
artista irandarrek. Hori salatzeko
hartu zenuen parte Lullabies from
the axis of evil (Sehaska kantak
gaizkiaren ardatzetik) diskoan?
Ez dut arazo larririk izan atzerrian
jotzeko, nahiz eta batzuetan
galdekatu egin nauten. Disko
horretan parte hartuta, erakutsi
nahi nion jendeari herrialde
honetan ere, emakumeek eskubide
berdinak ez izan arren, edertasuna
sortu eta mirestu egiten
dela. Sehaska kantak oso egokiak
ziren horretarako, ederrak,
naturalak eta oso emeak direlako.
Inork ezin dio ama bati sehaska
kanta abestea galarazi. Sinbolikoa
zen.
Kantugintza irakasten diezu gazteei,
Teheranen. Etorkizuna bestelakoa
izango da zure ikasleentzat?
Hala espero dut. Liluratuta nago
nire ikasleekin, ez dutelako egitasmorik
etorkizunerako. Etortzen
dira, eurentzat ikasteko edo
kultur ondasuna euren familietan
transmititzeko. Gure antzinako
poetek ere, denek izan zituzten
arazoak agintariekin. Horregatik,
gurean, banakoak arduratu
izan dira kultura transmititzeaz,
duela 600 urte bezala, orain ere.
Musika
pBaztan. Elizondoko Abesbatza
Txiki. Gaur, 17:30ean, Iruritako
Gizarte Bilgunean.
pBilbo. Mahsa Vahdat. Gaur,
20:30ean, Euskalduna jauregian.
pBilbo. Gari. Ostegunean,
21:30ean, Kafe Antzokian.
pDonostia. Pakistango Sind
eta Balutxistan eskualdetako
kantu eta musika. Bihar,
20:00etan, Kursaalean.
pDonostia. Oskarbi. Asteartean,
19:30ean, Koldo Mitxelena
aretoan.
pGasteiz. Arborea. Gaur,
20:00etan, Jimmy Jazz Klubean.
pIrun. Musikeneko Banda Sinfonikoa.
Gaur, 12:00etan, Amaia
Kultur Zentroan.
Antzerkia
pAbadiño. Hilario Mortimer,
Aritza Rodriguezen clown ikuskizuna.
Gaur, 18:00etan, gaztetxean.
pAmurrio. Euskarazetamol, Bikoteatro
taldearekin. Gaur,
19:00etan, Amurrio Antzokian
ikusgai.
pDonostia. Eta Karmele? Ainhoa
Alberdi eta Iraia Eliasekin.
Gaur, 19:30ean, DOKAn.
pElorrio. Uharte ezezagunaren
istorioa, haurrentzako antzerkia
Markeliñe konpainiarekin. Gaur,
17:00etan, Arriola aretoan ikusgai.
pZizur Nagusia. Viento pequeño,
lau urtetik gorako haurrentzako
antzezlana, La Gotera de
la Azotea konpainiarekin. Gaur,
18:00etan, kultur etxean ikusgai.
Dantza
pBilbo. Los Zuecos van hacia
sus Buenos Hábitos, Nomada-
Roberto Torres konpainiarekin.
Gaur, 20:00etan, La Fundicion
aretoan.
Bertsolaritza
pAbadiño. Plaza librea. Asteazkenean,
12:00etan, plazan.
Bertsolariak: Garikoitz Sarriugarte,
Eñaut Uruburu eta Xabier
Amuriza.
pAgoitz. Nafarroako bertsolari
txapelketa. Azken laurdena.
Gaur, 17:30ean, kultur etxean.
Bertsolariak: Zili, Ander Fuentes,
Diego Riaño, Luze, Oskar
Estanga eta Saioa Alkaiza.
pAlegia. Santa Eskea. Ostegunean,
21.00etan. Zazpi astoren
gainean bertso eskolakoek
emana.
pArrasate. Bertso afaria. Ostiralean,
Santa Ageda auzoan.
Bertsolariak: Andoni Egaña eta
Sebastian Lizaso.
pEa. Bertso saioa. Ostiralean,
13:00etan, Natxitua auzoan.
Bertsolariak: Gorka Ostolaza
eta Gorka Lazkano.
pIdiazabal. Bertso trama. Gaur,
18:30ean, Igarondo pilotalekuan.
Bertsolariak: Jon Maia,
Andoni Egaña, Amets Arzallus
eta Aitor Sarriegi. Gai-jartzailea:
Josu Goikoetxea.
pIdiazabal. Bertso saioa. Ostegunean,
eguerdi eta bazkalondoan.
Bertsolariak: Andoni Egaña
eta Sebastian Lizaso.
pMutriku. Santa Eskea. ostiralean.
Bertsolariak: Iñaki Apalategi
eta Xabier Astigarraga.
Hitzaldiak
pAzpeitia. Urola bailararen aurrehistoria
hitzaldia, Alvaro Arrizabalaga
eta Maria Jose Iriarterekin.
Bihar, 19:30ean, Sindikatu
Zaharrean.
pAzpeitia. Mahai-ingurua Azpeitiko
Hiri-Gutunaren 7. mendeurrenaren
harira, Jose Javier
lopez, Jose Luis Orella eta Luis
Maria Martinezekin. Asteazkenean,
19:30ean, Sindikatu Zaharrean.
pGetxo. Otro sistema económico
es posible, Alberto Minguezekin.
Asteartean,
20:00etan, Erromoko San Jose
Langile Parrokian.
Ikus-entzun
pBergara. La revolución no
será televisada, Kim Bartleyren
filma. Gaur, 18:00etan, gaztetxean.
pDonostia. El abogado del terror,
Barbet Schroederren filma.
Bihar, 19:30ean, Arrasate kaleko
aretoan.
pErmua. Ma mére, Christophe
Honoreren filma. Zinema erotikoaren
zikloaren harira. Ostegunean,
bi saio: 19:00etan eta
21:30ean, Lobiano Kultur Gunean.
pLeioa. The Visitor. Asteartean,
20:00etan, Kultur Leioan.
Bestelakoak
pZarautz. Marsel magoaren
emanaldia. Gaur, 18:00tan, Musika
Plazan.