ekonomikslmyunit3-150509141302-lva1-app6892
Create successful ePaper yourself
Turn your PDF publications into a flip-book with our unique Google optimized e-Paper software.
Matapos mong maorganisa ang iyong mga paunang kaalaman tungkol sa<br />
paikot na daloy, ihanda ang iyong sarili sa susunod na bahagi ng aralin upang higit<br />
mong maunawaan ng mas malalim ang konsepto nito.<br />
PAUNLARIN<br />
Matapos mong malaman ang mga paunang impormasyon tungkol sa<br />
paksang-aralin, ngayon naman ay iyong lilinangin ang mga kaalamang ito<br />
sa tulong ng mga teksto at mga gawain na sadyang inihanda upang maging<br />
batayaan mo ng impormasyon. Ang pinakatiyak na layunin ng bahaging ito<br />
ay matutuhan mo bilang mag-aaral ang mahahalagang ideya o konsepto<br />
tungkol sa pambansang ekonomiya. Inaasahang magagabayan ka ng mga<br />
inihandang gawain at teksto upang masagot kung papaanong ang kaalaman<br />
sa pambansang ekonomiya ay makatutulong sa pagpapabuti ng antas ng<br />
pamumuhay ng mga mamamayan tungo sa kaunlaran ng bansa?<br />
Halina’t umpisahan mo sa pamamagitan ng unang gawain na nasa<br />
ibaba.<br />
DEPED COPY<br />
MGA MODELO NG PAMBANSANG EKONOMIYA<br />
Unang Modelo. Ang unang modelo ng pambansang ekonomiya ay naglalarawan<br />
ng simpleng ekonomiya. Ang sambahayan at bahay-kalakal ang mga pangunahing<br />
aktor sa modelong ito. Ang sambahayan ay ang kalipunan ng mga mamimili sa isang<br />
ekonomiya. Ang bahay-kalakal naman ay ang tagalikha ng produkto.<br />
Sa unang modelo, ang sambahayan at bahay-kalakal ay iisa. Ang lumilikha ng<br />
produkto ay siya ring konsyumer. Ang supply ng bahay-kalakal ay demand nito kapag<br />
kabilang na ito sa sambahayan.<br />
Halimbawang ikaw ay napunta sa isang pulo na walang tao at sakaling walang<br />
pagkakataon na ikaw ay makaalis agad doon, ano ang nararapat mong gawin upang<br />
mabuhay? Maaaring gumawa ka ng paraan upang matugunan ang sarili mong<br />
pangangailangan dahil wala namang gagawa nito para sa iyo. Ikaw ang maghahanap<br />
ng pagkain, gagawa ng sariling bahay, at bubuo ng sariling damit. Sa madaling salita,<br />
ang sambahayan at bahay-kalakal ay ikaw lamang.<br />
Ang kita sa simpleng ekonomiya ay ang halaga ng produksiyon sa isang<br />
takdang panahon. Inaasahan na ang halaga ng produksiyon ay siya ring halaga ng<br />
pagkonsumo sa produkto. Upang lumago ang ekonomiya, kinakailangang maitaas ng<br />
kaukulang aktor ang kanyang produksiyon at pagkonsumo.<br />
231