ekonomikslmyunit3-150509141302-lva1-app6892
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
2. Pawnshop o Bahay-Sanglaan<br />
Itinatag ito upang magpautang sa mga taong madalas<br />
mangailangan ng pera at walang paraan upang makalapit sa<br />
mga bangko. Ang mga indibidwal ay maaaring makipagpalitan ng<br />
mahahalagang ari-arian tulad ng alahas at kasangkapan (tinatawag na<br />
kolateral) kapalit ng salaping katumbas ng isinangla, kasama na ang<br />
interes. Sa sandaling hindi mabayaran o matubos sa takdang panahon<br />
ang alahas o kasangkapang ginawang kolateral, nireremata ang mga<br />
ito ng bahay-sanglaan at ipinagbibili upang mabawi ang salaping<br />
ipinautang.<br />
3. Pension Funds<br />
a. Government Service Insurance System (GSIS)<br />
Ito ang ahensiyang nagbibigay ng seguro (life insurance) sa<br />
mga kawaning nagtatrabaho sa mga ahensiya ng gobyerno, lokal na<br />
pamahalaan, mga korporasyong pag-aari at kontrolado ng gobyerno,<br />
at mga guro sa mga pampublikong paaralan. Ang buwanang<br />
kontribusyon ng mga kasapi ng GSIS ay pinagsasama-sama at ang<br />
pondong nalikom ay inilalagay sa investment para kumita. Ang paraan<br />
ng pagbabayad ng mga kasapi ay sa pamamagitan ng pagkakaltas<br />
sa suweldo (salary deduction). Sa pamamagitan ng pondong nalikom,<br />
ang GSIS ay nagbibigay ng iba’t-ibang uri ng pautang para sa mga<br />
kasapi nito, tulad ng pabahay o housing loan, salary loan, policy<br />
DEPED COPY<br />
loan, pension loan, at iba pa. Sa kinita mula sa investment kinukuha<br />
ang pambayad ng mga benepisyong seguro (insurance benefits) at<br />
pensiyong pinagkakaloob sa mga retirado. Tumatanggap din ang mga<br />
kasapi ng GSIS ng dibidendo.<br />
b. Social Security System (SSS)<br />
Ang SSS ay ang ahensiya ng gobyerno na nagbibigay ng seguro<br />
sa mga kawani ng pribadong kompanya at sa kanilang pamilya sa oras<br />
ng pangangailangan katulad ng kaniyang pagkakasakit, pagkabalda,<br />
pagretiro, pagkamatay, at pagdadalang-tao kung ang kawani ay<br />
babae. Ang segurong ito ay ibinibigay ng estado upang maiwasang<br />
maging pasanin ng lipunan ang kawaning nawalan ng hanapbuhay.<br />
Sa paraang ito, mapapanatili ang dignidad ng kasapi. Itinakda sa<br />
Social Security Law o Republic Act 8282 (dating R.A. 1611) na lahat<br />
ng pribadong kawani ay nararapat na irehistro bilang kasapi ng SSS.<br />
Kapag ang isang kawani ay may amo o employer, kahit siya ay nagiisang<br />
manggagawa, kailangan siyang irehistro, kaltasan, at ipagbayad<br />
ng buwanang kontribusyon ng kaniyang amo sa SSS. Kasama na rito<br />
ang mga manggagawa sa bahay katulad ng pampamilyang drayber,<br />
kasambahay, cook, at iba pa. Ang mga self-employed katulad ng<br />
doktor, abogado, sales agent, watch-your-car boys, may-ari ng sari-sari<br />
store, at iba pa ay kailangan ding magmiyembro sa SSS. Sa paraan<br />
312
Change language