ekonomikslmyunit3-150509141302-lva1-app6892
Create successful ePaper yourself
Turn your PDF publications into a flip-book with our unique Google optimized e-Paper software.
PANIMULA<br />
Sa nakaraang aralin, tinalakay natin ang patakarang piskal. Natunghayan natin<br />
ang mahalagang papel na ginagampanan ng pamahalaan upang ang ekonomiya ay<br />
maging ganap na maayos at matatag. Maaaring maimpluwensiyahan at makontrol ng<br />
pamahalaan ang buong ekonomiya sa pamamagitan ng pagbubuwis at paggastang<br />
nababatay sa badyet. Samantala sa bahaging ito, isa pang mahalagang patakaran ang<br />
maaring gamitin ng pamahalaan upang mapaunlad ang ekonomiya, ang patakaran sa<br />
pananalapi.<br />
Kaya’t muli kitang iniimbitahan na patuloy na makiisa upang ating unawain ang<br />
pangangasiwa ng pamahalaan sa dami ng salapi sa ekonomiya.<br />
Sa pagtatapos ng araling ito inaasahan na ikaw ay nakapagpapaliwanag sa<br />
layunin ng patakarang pananalapi, nakapagpapahayag ng kahalagahan ng pagiimpok<br />
at pamumuhunan bilang salik ng ekonomiya, nakapagtataya sa bumubuo ng<br />
sektor ng pananalapi, nakapagsusuri sa patakarang pang-ekonomiya, at natitimbang<br />
ang epekto ng patakarang pang-ekonomiya sa patakarang panlabas ng bansa sa<br />
buhay ng nakararaming Pilipino.<br />
ARALIN 6:<br />
PATAKARANG PANANALAPI<br />
DEPED COPY<br />
ALAMIN<br />
Ang mga gawain sa bahaging ito ay tutuklas sa iyong kaalaman tungkol<br />
sa patakarang pananalapi at kung paano nakaiimpluwensiya ang supply ng<br />
salapi sa kabuuang produksiyon, empleyo, antas ng interes, at presyo?<br />
Mahalagang maiugnay mo ang iyong natutuhan sa nakaraang aralin upang<br />
ganap na maunawaan ang paksang tatalakayin.<br />
Gawain 1: MONEY KO YAN<br />
Suriin ang larawan. Hahatiin ang klase sa limang pangkat. Bumuo ng pamagat<br />
ayon sa nakikita sa larawan.<br />
Pinagkunan:http://www.imagestock.com/money-pull/asp<br />
304