ekonomikslmyunit3-150509141302-lva1-app6892
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
KONSEPTO NG PATAKARANG PISKAL<br />
Mula sa aklat nina Case, Fair, at Oster (2012), ang patakarang piskal ay<br />
tumutukoy sa behavior ng pamahalaan patungkol sa paggasta at pagbubuwis ng<br />
pamahalaan. Sa madaling salita, ito ay tungkol sa polisiya sa pagbabadyet. Ito rin<br />
ang isinasaad sa aklat nina Balitao et. al (2014), kung saan ang patakarang ito ay<br />
“tumutukoy sa paggamit ng pamahalaan sa pagbubuwis at paggasta upang mabago<br />
ang galaw ng ekonomiya”. Ayon kay John Maynard Keynes (1935), ang pamahalaan ay<br />
may malaking papel na ginagampanan upang mapanatili ang kaayusan ng ekonomiya.<br />
Simula pa noong Great Depression, nabuo ang paniniwalang ang pamahalaan ay<br />
may kakayahan na mapanatiling ligtas ang ekonomiya tulad ng banta ng kawalan ng<br />
trabaho. Kaya ang interbensiyon ng pamahalaan, sa isang banda, ay may malaking<br />
kontribusyon upang masiguro ang pagsasaayos ng isang ekonomiya. Ang paggasta<br />
ng pamahalaan ayon kay Keynes halimbawa, ay makapagpapasigla ng ekonomiya sa<br />
pamamagitan ng paggamit ng lahat ng resources ayon sa pinakamataas na matatamo<br />
mula sa mga ito na makapagdudulot ng full employment. Sa kabilang banda, ang<br />
pakikialam ng pamahalaan sa pamamagitan ng mga polisiya sa paggasta at<br />
pagbubuwis ay makapagpapababa o makapagpapataas naman ng kabuuang output<br />
higit sa panahon ng recession o depression.<br />
DEPED<br />
May dalawang paraan ang ginagamit ng<br />
COPY<br />
pamahalaan sa ilalim ng patakarang<br />
piskal upang mapangasiwaan ang paggamit ng pondo nito bilang pangangalaga sa<br />
ekonomiya ng bansa.<br />
• Expansionary Fiscal Policy. Ang expansionary fiscal policy ay isinasagawa<br />
ng pamahalaan upang mapasigla ang matamlay na ekonomiya ng bansa.<br />
Ipinapakita sa kondisyong ito na ang kabuuang output ay mababa ng higit<br />
sa inaasahan. Kaakibat ng mababang output ay mataas na gastos dahil hindi<br />
episyenteng nagagamit ang lahat ng resources. Karaniwan ding mababa<br />
ang pangkalahatang demand ng sambahayan at walang insentibo sa mga<br />
mamumuhunan na gumawa o magdagdag pa ng produksiyon. Magdudulot ang<br />
ganitong sitwasyon ng mataas na kawalan ng trabaho at mababang buwis para<br />
sa pamahalaan. Upang matugunan ang ganitong sitwasyon, ang pamahalaan<br />
ay karaniwang nagpapatupad ng mga desisyon upang mapasigla ang matamlay<br />
na ekonomiya. Karaniwang isinasagawa ito sa pamamagitan ng paggasta sa mga<br />
proyektong pampamahalaan o pagpapababa sa buwis lalo sa panahong ang<br />
pribadong sektor ay mahina o may bantang hihina ang paggasta. Dahil dito,<br />
ang mamamayan ay nagkakaroon ng maraming trabaho at mangangahulugan<br />
ng mas malaking kita. Sa bahagi ng bahay-kalakal, lumalaki rin ang kanilang<br />
kita. Sa pagdagdag ng kita, nagkakaroon ng panggastos ang mamamayan at<br />
ang bahay-kalakal na makapagpapasigla sa ekonomiya. Sa bawat gastos ng<br />
pamahalaan, nagdudulot ito ng mas malaking paggasta sa buong ekonomiya<br />
kung kaya’t maaasahan ang mas malaking kabuuang kita para sa bansa. Ganito<br />
rin ang epektong pagbaba ng buwis. Higit na magiging malaki ang panggastos ng<br />
mga sambahayan dahil sa nadagdag na kita mula sa bumabang buwis kaya<br />
asahang tataas ang kabuuang demand sa pagkonsumo.<br />
289