Create successful ePaper yourself
Turn your PDF publications into a flip-book with our unique Google optimized e-Paper software.
№ 73 (<strong>25688</strong>)<br />
НУНАЛ БӦРСЬЫ НУНАЛ 2018-тӥ ар 27-тӥ куарусён 5<br />
73-33-42, 33 8-951-195-37-65<br />
195 3765<br />
ИВОР КУДЫ<br />
ГЛАЗОВ<br />
Сюресъёслы - выль дӥсь<br />
Уйпал городын туэ мында<br />
сюресъёс ноку тупатъямын ӧй<br />
вал на - 54 интыын лэсьтӥськон<br />
ужъёс мынӥзы.<br />
Оглом 10 иськемлэсь ятыр<br />
сюресъёс волятэмын. Ваньмыз сямен соос шобыртэмын<br />
туала куронъёслы тупась асфальтобетонэн.<br />
Куд-ог интыосын соин ик юнматэмын<br />
сюрес дуръёс но. Ужъёс йылпумъямын<br />
чаклам дырлэсь кӧнялы ке азьлогес, заказчик<br />
соосты эскериз но кутӥз ни. Сюресъёслэн выль<br />
дӥсьсылы 7 ар гарантия сётӥське.<br />
Ужъёс быдэстэмын Удмуртия но «Росатом»<br />
корпорация куспын гожтэм огкылъя.<br />
ДЭБЕС<br />
Кучапиосты жаляно вал<br />
Кыл кутон улэ кыскемын<br />
Тыловай черкогуртысь 29<br />
аресъем воргорон... кучапиосты<br />
виемез понна.<br />
Следствилы тодмо луиз: кузпалыныз<br />
керетыса, вожомем<br />
воргорон йыркурзэ кисьтэм 5 но<br />
9 толэзьем кучапиос вылэ. Огзэс но улэп кельтымтэ.<br />
Аслэсьтыз янгышсэ воргорон валаз, ачиз<br />
лыктӥз югдурез утисьёс дӥне. Солэсь ӧпкелемзэ<br />
суд лыдэ басьтӥз. Вылаз ик, 3 пичи пиналъёслэн<br />
атайзы луэ. Озьы ке но Уголовной кодекслэн<br />
245 статьяезлэн 2-тӥ люкетэзъя уголовной<br />
уж ӝутэмын вал, воргоронэз табере 1 арлы исправительной<br />
ужъёсы келяны быгатозы, уждунысьтыз<br />
5 процентсэ тыроно луоз кун казнае.<br />
ДЭРИ<br />
Кынмыны ӧз сётэ<br />
Дэри ёросысь Первомайское<br />
черкогуртын улӥсьёслы<br />
мырдэм вуизы пӧсь ву но шуныт.<br />
Югдур тупатскиз ужпумез ёрос Прокуратура<br />
сэрттыны басьтӥськем бере.<br />
Эскерон дыръя шараяськиз: «Завьялово-Энерго»<br />
огазеяськонлэн тыл но газ понна пунэмъёсыз<br />
люкаськиллям. Озьы трос квартираем 20<br />
юрт но 8 социальной объектъёс пӧсь вуэз гужем<br />
ӵоже ӧз адӟылэ, коммунальной услугаос<br />
понна дыраз тыриськизы ке но.<br />
Прокуратура кичӧлтэмъя «Завьялово-Энерго»<br />
огазеяськонэн кенешонэ лыктӥзы электротыл<br />
но газ сётӥсь компаниос. Соос Первомайскойын<br />
улӥсьёслы кынмыны ӧз сётэ. Нош «Завьялово-Энерго»<br />
огазеяськонлэн кивалтӥсез<br />
пунэмъёссэс ворсам сяна, штраф тыроно луоз.<br />
КИЯСА<br />
Адӟем карымон семья<br />
Ёросысь Тычининъёслэн<br />
семьязы Приволжск федерал<br />
округын ортчем «Вернуть детство»<br />
фестивальысь вормонэн<br />
бертӥз.<br />
Саранскын радъяськиз<br />
нылпи юртъёсын но анай-атайтэк быдэсмись<br />
нылпиослы сӥзем фестиваль. Со улсын трос<br />
вожвылъяськонъёс ортчизы. Кылсярысь,<br />
«Ума палата» ӵошатсконын вормиз Удмуртиысь<br />
пиналъёслэн огазеям командазы.<br />
«Успешная семья Приволжья» конкурсын<br />
вожвылъяськиз Киясаысь Тычининъёслэн<br />
приёмной семьязы. Ильдибаевоысь кузпалъёслэн<br />
асьсэлэн 3 пиналзы, эшшо 6-сэ соос будэтыны<br />
басьтӥзы на.<br />
КРАСНОГОРСК<br />
Ӟеч ужлэсь ӧз палэнтӥське<br />
Ёросын йылпумъянъёс<br />
лэсьтӥзы «Юртты пиналэз школае<br />
келяны» акцилы.<br />
Ужрадэз радъязы ёрос администрациысь<br />
семья ужпумъёсъя,<br />
демографияя, нылпиослэсь правооссэс утёнъя<br />
ёзын ужасьёс. Огъя кужымен 166 пиналлы ог<br />
30 сюрс манет тыр юрттыны быгатӥзы. Мылокыдо<br />
юрттӥськизы нимаз адямиос но, быдэс организациос<br />
но. Данакез - дышетон организациос:<br />
Валамазысь, Баранысь, Васильевоысь, Архангельскысь,<br />
Красногорскысь, Малягуртысь<br />
школаос но нылпи садъёс. Озьы ик ӟеч ужлэсь<br />
ӧз палэнтӥське Красногорск но Кокман муниципал<br />
кылдытэтъёсын ужасьёс, ёрос Кенешысь депутатъёс,<br />
лесникъёс, егитъёслэн «Встреча» центрысьтызы<br />
специалистъёс но мукетъёс.<br />
МОЖГА<br />
Кырӟа, гитара<br />
23-тӥ сентябре Пычас черкогуртын<br />
ортчиз «Кырӟа, гитара»<br />
фестиваль.<br />
Ужрадэз радъязы Можгаысь<br />
ёрос культурая юртын ужасьёс.<br />
Гитараен шудыса кырӟан быдэстӥсьёс<br />
трос гинэ люкаськизы: арлыдоос но, егитъёс<br />
но. Соин ик вормисьёсты шараязы 2 группая,<br />
артистъёслы но огшоры кырӟасьёслы люкыса.<br />
Профессионалъёс пӧлын вормизы Пычасысь В.<br />
Конернева но «Звенчаль» ансамбле ветлӥсьёс.<br />
Гитараен кырӟаны яратӥсьёс пӧлын вормисе<br />
потӥзы Пычасысь М. Немтырев но О. Ильин,<br />
Черёмушкиысь П. Ломтев но А. Земаев, Вылӥ<br />
Юри гуртысь М. Матвеева. Вань вормисьёс<br />
синпель кузьымъёсын пусъемын вал.<br />
ПИЧИ ПУРГА<br />
Черкъёсты пуктэ калык<br />
Та нуналъёсы освятить<br />
каремын Кечол каргуртын<br />
пуктӥськись Николай Чудотворецлэн<br />
черкез.<br />
Со вылэ юнматэмын ни купол<br />
но кирос. Протоиерей Михаил<br />
Кабанов ортчытӥз нырысетӥ служба. Ужрадэ<br />
трос оскись калык люкаськиз. Вуылӥзы ёросысь<br />
кивалтӥсьёс но. Районлэн йырыз Сергей<br />
Юрин пусйиз: туала улонын оскон бадӟым инты<br />
басьтэ. Соин ик, пе, черк пуктонэ кыскыны луоно<br />
ужбергатӥсьёсты но. Нош али Кечолысь черк сямен<br />
артысь Яган-Докьялась Флор но Лавр мученикъёслэн<br />
черксы пуктӥське калыклэн кужыменыз.<br />
УВА<br />
Бусыоссэс бушатӥзы -<br />
ӵошатскыны потӥзы<br />
Бусы ужъёслэсь йылпумъяськемзэс<br />
Ува ёросысь гурт хозяйствоын<br />
ужасьёс пусйизы,<br />
турслёт ортчытыса.<br />
Таӵе ужрад районын 3-тӥзэ радъяськиз ни.<br />
Сое ортчытыны кичӧлтӥсь луэ ёросысь гурт хозяйство<br />
удысын ужасьёслэн профсоюззы. Турслётын<br />
кужымзэс мертаз 6 команда: «Свобода»<br />
СПК, Свердлов нимо, Ленин нимо, «Авангард»,<br />
«Заря» но «Дружба» эштосъёс. Гуртысь<br />
туристъёс пӧртэм удысъёсын вожвылъяськизы:<br />
ориентированиын, дартсын, канат кысканын,<br />
кырӟан-веранын. Озьы ке но таяз арын но<br />
ваньмызлэсь кужмо луэмзэ возьматӥз «Свобода»<br />
СПК, 2-тӥ интые кылиз Свердлов нимо эштос,<br />
3-тӥ луиз Ленин нимо колхоз.<br />
ШАРКАН<br />
Арлыдоос тэк уг пуко<br />
Ёросын 2-тӥ арзэ ортче арлыдоослэсь<br />
быгатонлыксэс<br />
возьматонъя фестивальзы.<br />
Ужрад 4 люкетлэсь радъямын,<br />
со кыстӥськоз ар пумозь.<br />
Ёросын вормисе потэмъёс шаерын<br />
ортчись вожвылъяськонэ пыриськозы. 1-тӥ<br />
люкетэз «Тунсыко пумиськонъёс» нимамын<br />
вал. Ёросысь 12 ветеран огазеяськонъёсысь мыло-кыдо<br />
адямиос вожвылъяськонэ пыриськизы.<br />
Кырӟасьёс пӧлын вормизы Петунькаысь Владимир<br />
Котков, Шарканысь Алевтина Алчинова<br />
но Лилия Наумова, Порозысь Алевтина Туданова<br />
но Бородульысь Михаил Ложкин. Калык инструментэн<br />
шудӥсьёс пӧлын вормиз Карсашурысь<br />
Юрий Кутергин.<br />
ЭГРА<br />
Лыдӟиськон арня<br />
Ёросын кутскиз литературалы<br />
но искусстволы сӥзем арня.<br />
21-тӥ сентябре Сэп культурая<br />
юртэ люкаськылӥзы кылбуръёсты<br />
чебер лыдӟыны быгатӥсьёс.<br />
Ужрад сӥземын вал вордскем<br />
палъёстэ данъянлы. Та нуналэ ик ёрос библиотекаын<br />
нылпи выжыкылъёсын тодматскизы.<br />
Мазьги школаын гожъяськисьсэс, Константин<br />
Емельяновез, буре вайыса, пумиськон ортчиз.<br />
Ёрос библиотекаын озьы ик тодматскизы Михаил<br />
Потёмкинлэн кылбур бичетэныз. Арня<br />
ӵоже кыстӥськись ужрад йылпумъяськоз 28-тӥ<br />
сентябре кылбурчилы, Виталий Лекомцевлы,<br />
сӥзем ужрадэн Кабачигуртысь библиотекаын.<br />
ЮКАМЕНСК<br />
Ӵыпет дорын<br />
Юкаменскын улӥсь арлыдоос<br />
«Тазалыке сюрес» ужрадэ<br />
пыриськизы.<br />
Таӵе ужрад ёросын 9-тӥ<br />
арзэ радъяськиз. Арлыдоос<br />
ёрос центрысь Удмуртской<br />
ульча сьӧрысь ӵыпет<br />
дуре люкаськылӥзы. Ёросысь<br />
ветеранъёслэн кенешенызы<br />
кивалтӥсь Анна Бабинцева ивортэмъя,<br />
калыксы туэ ичигес вылэм, троссэ<br />
арлыдоосты кышкатэм толло нуналаз ортчем<br />
зор. Огазе люкаськыса, соос ог-огенызы<br />
адскизы-кенешизы, нимысьтыз дасям сюресэз<br />
ортчизы. Тросэз тыро сумкаосын лыктэмын<br />
вал: бакчаосазы будэтэм емышъёсынызы<br />
пӧраськемъёссэс вайиллям. Ёросысь калыклы<br />
юрттэт сётонъя центрын но ёросысь<br />
культурая юртын ужасьёс ужрадэз шулдыргес<br />
карыны юрттӥзы.<br />
ЯР<br />
Владимир Завалинэз<br />
буре ваён<br />
Ёросын буре вайизы национальной<br />
политикая азьвыл министрез Владимир<br />
Завалинэз.<br />
Аспал адямизылы яръёс сӥзизы волейболэн<br />
шудонъя ӵошатсконзэс. Вожвылъяськонэ<br />
оглом 6 команда пыриськиз: Яр каргуртысь, Биграгуртысь,<br />
Пудэм, Укан черкогуртъёсысь, Яр<br />
политехникумысь, вуылӥзы куноос но - Красногорск<br />
ёросысь. Озьы Ярысь 2 номеро школалэн<br />
но спортъя нылпи школалэн спортзалъёссы<br />
тырмизы таза улонэн эшъяськисьёсын. Вормон<br />
интыосты басьтӥзы Яр политехникумлэн, Красногорск<br />
ёрослэн но Яр каргуртлэн командаоссы.