Create successful ePaper yourself
Turn your PDF publications into a flip-book with our unique Google optimized e-Paper software.
73-33-42, 8-951-195-37-65<br />
ПЫӴАЛ ПОТТӤСЬЛЭН НУНАЛЫЗ<br />
№ 73 (<strong>25688</strong>) 7<br />
2018-тӥ ар 27-тӥ куарусён<br />
Туспуктӥз Максим ЕГОРОВ<br />
КИВОШТӤСЬЁС<br />
Йыр ужа, ки мынэ<br />
Елена НИКИТИНА<br />
Ожтӥрлык ас понназ<br />
уг лэсьтӥськы, сое<br />
кылдыто конструкторъёс,<br />
инженеръёс.<br />
Шумпотымон: соосты<br />
дасянлы шаерамы<br />
бадӟым саклык висъяське.<br />
Вуоно конструкторъёс<br />
люкаськылӥзы Ижысь<br />
М. Калашников нимо музейлэн<br />
азбараз - отын ортчиз<br />
егит изобретательёслэн<br />
фестивальзы. Со радъяськиз<br />
та музейлэн «Планета<br />
творчества - позывной<br />
«Михтим» адӟытонэз улсын.<br />
Михтим - Михаил Калашниковлэн<br />
пусэз, 1946-тӥ арын<br />
автомат кылдытонъя конкурсэ<br />
пыриськыкуз, лэсьтэм<br />
тӥрлыкез вылэ та пуссэ<br />
пуктылӥз. Фестивалез усьтыса,<br />
музейлэн кивалтӥсез<br />
Ольга Минервина тодэ<br />
уськытӥз Михаил Тимофеевичлэсь<br />
верам кылъёссэ:<br />
нылпи пушкын кыӵе ке<br />
ялан ужась двигатель луыны<br />
кулэ - выльзэ тодонлы,<br />
выльзэ эскеронлы.<br />
Паймод но бырод,<br />
кыӵе гинэ арбериоссэс<br />
вуттӥллямтэ пиналъёс! Пусйымон:<br />
Ижысь пиналъёслэн<br />
ужъёсынызы артэ интыямын<br />
ёросъёсысь егит изобретательёслэн<br />
арбериоссы<br />
но. Фестивале пыриськизы<br />
Дэри, Вавож, Дэбес, Красногорск<br />
ёросъёсысь кибашлы<br />
нылпиос. Соослэн арбериоссы<br />
ӝӧк вылын огшоры<br />
уг сыло - муз вылтӥ ветло,<br />
пластмасса пуляосын<br />
ыбылӥсько. Соосын, пультэз<br />
зӥбылыса, кивалто егит<br />
изобретательёс. Синъёссы<br />
чиляло, пӧрмытэм арбериоссы<br />
сярысь часъёсын мадьыны<br />
дасесь. Ас понназ вамышъясь<br />
роботсэс матысенгес<br />
учкиськод ке, амалтэк<br />
мыньпотӥськод: соос<br />
пӧрмытэмын ки улэ шедем<br />
пӧртэм арбериослэсь. Кытыназ<br />
ке юнматэмын сокез<br />
юыны чаклам гумылэн юдэсэз,<br />
мукет интыяз пуктэмын<br />
шудон пистолетлэн я куашкам<br />
компьютерлэн ёзъёссы.<br />
Йыр ужа, ки мынэ ке!<br />
- Пиналъёс кыстӥсько робототехника<br />
борды, - вера<br />
Вавож черкогуртысь нылпи<br />
творчествоя центрысь<br />
дышетӥсь Валерий Бурков.<br />
- Быдэн 20 нылпиен 3 группа<br />
дышетскыны мылкыд<br />
кариз та удыслы. Пӧртэм<br />
ӵошатсконъёсы пыриськиськом,<br />
вормонъёс басьтӥськом,<br />
городысь пиналъёслэсь бере<br />
ум кылиське.<br />
Ог-огенызы вожмаськыса<br />
кадь лэсьтэм арберизы сярысь<br />
мадё Вавожысь нылпи<br />
творчествоя центре ветлӥсь<br />
пиос Макар Плетнёв но Насиб<br />
Муртузов.<br />
- Тани автомат кылдытӥмы,<br />
- арбериез шоры возьматэ<br />
12 аресъем Макар.<br />
- Со роботлы укша, но со<br />
ыбылӥськыны чакламын.<br />
Планшет, компьютер я телефон<br />
пыр соин кивалтыны<br />
луэ, питранъёсыз вань: кытчы<br />
возьматӥд, отчы ик мыноз,<br />
цель шоры ыбоз. Таӵе автоматъёс<br />
туж кулэ разведка ортчытыны,<br />
мишень шоры дистанционно<br />
амалэн ыбылыны.<br />
Рос-просгес ужъёссэс вуттӥллям<br />
Ижысь Е. Драгунов<br />
нимо индустриальной техникумысь<br />
пиналъёс. Сварка<br />
ужъёсты быдэстӥсь но ассэ<br />
ачиз дышетӥсь робот, лазерно-гравильной<br />
станок - мае<br />
гинэ вуттӥллямтэ егитъёс.<br />
Одӥг арберизы котыре<br />
муш палэп кадь учкисьёс<br />
люкаськизы. Квадрокоптерез<br />
но муз вылтӥ ветлыны<br />
Ижысь индустриальной техникумысь<br />
егитъёс выль техника<br />
кылдытъяло.<br />
быгатӥсь роботэз огазеяса,<br />
та техникумын дышетскись<br />
Юрий Новокшёнов кылдытэм<br />
аспӧртэмлыко комплекс.<br />
- Солы кӧня ке визь (интеллект)<br />
пыӵатэмын, лазерлэсь<br />
целеуказательёсыз<br />
вань, со котырысьтыз арбериосты<br />
адӟыны но соос сярысь<br />
ивортыны быгатэ, -<br />
лэсьтэм арбериез сярысь<br />
вера Юрий. - Мон со бордын<br />
аръёсын тыршисько ни,<br />
эшшо но ӟечгес кареме потэ,<br />
эшшо но тросгес быгатонлыкъёсыз<br />
мед луозы кадь.<br />
- Роботъёс асьмелэсь визьмогес<br />
луизы но калыклы пумит<br />
султӥзы ке! - серемпыр<br />
юасько егит Кулибинлэсь.<br />
Техника адямилэсь визьмогес<br />
уз лу, мон солы уг<br />
оскиськы, - шуэ Юрий. - Но<br />
адямилэсь улонзэ капчиятыны,<br />
кыӵе ке секыт югдурысь<br />
потыны юрттозы. Кылсярысь,<br />
мынам комплексэ утчаны<br />
быгатоз ышем адямиез.<br />
Яке кыӵе ке кулэ интыез<br />
шараяны - таиз кулэ луэ<br />
разведка дыръя. Арбериме<br />
йылозяз-пумозяз вуттӥ ке,<br />
ӵектыны быгато Югдурез<br />
утёнъя министерстволы, армилы.<br />
Егит изобретательёс пыриськизы<br />
Калашниковлэсь<br />
автоматсэ сэрттонэ-бичанэ,<br />
пневматикая винтовкаысь<br />
ыбылӥськонэ. Нош<br />
М. Т. Калашниковлэн музеяз<br />
тыршисьёс пиналъёслы<br />
возьматӥзы тунсыко<br />
адӟытон: ожгарчиослэн<br />
дӥсенызы пӧрмытскыса, киязы<br />
ожтӥрлык кутыса, ожлэсь<br />
мынэмзэ адӟытӥзы. Ужрадэ<br />
вуэм пиналъёс но, арлыдоос<br />
но ваньмон дырзэс<br />
пайдаё ортчытӥзы.<br />
«Открытый сад» огинлэн «ВКонтакте» бамысьтыз<br />
«ПАЛЭЗЬ-ФЕСТ»<br />
Варення сиыны люкетӥз… зор<br />
Елена РЯБИНА<br />
Оружейниклэн нуналызлы сӥзьыса, элькунамы<br />
уно ужрадъёс ортчизы. Одӥгез соос пӧлысь -<br />
«Палэзь-фест» фестиваль.<br />
19-тӥ куарусёнэ куазь ӵукнаысен ӝытозь зориз бере, ужрадэ<br />
трос калык ӧз вуы. Шонергес луоз шуыны: радъясьёс асьсэос<br />
учкисьёслэсь тросгес вал. Нош кыӵе соос дасяськиллям вылэм<br />
куно пумитаны! Нуназе бере ик улӟизы вуз карон палаткаос:<br />
отчы я перепеч но пӧсь чай, я глинтвейн но корицаен булкаос, я<br />
палэзь варення поттӥллям. Вуз карон сяна, радъямын вал уно<br />
мастер-классъёс но. Кылсярысь, «Лудорвай» музейын ужасьёс<br />
вань мылкыд карисьёсты дышетӥзы палэзьлэсь весь сузьйыны.<br />
Со сяна, соос дорын ик вань мылкыд карисьёс быгатӥзы<br />
веръяны али гинэ пӧзьтэм ческыт палэзь варенняез.<br />
- Ми туннэ татчы вазенгес ик вуимы ни, фестиваль ӝыт<br />
гинэ усьтӥськиз ай ке но, - вера музейын кема аръёс ӵоже<br />
ужась Анна Куликова. - Калык трос ӧвӧл ке но, котькуд<br />
лыктӥсьлы ӵектӥськом туннэ гинэ пӧзьтэм вареннямес. Туэ<br />
ӧз кынты на, нош кынтымтэ палэзь кузял луэ. Соин ми толон<br />
палэзьмес морозильникын возим. Вареннямы ческыт<br />
пӧрмиз кадь.<br />
Кӧт тырыны сяна, фестивале луэ вал лыктыны крезьгур<br />
кылзыны яке туспуксьыны. Та нуналэ Усьтэм садын<br />
усьтӥськи з бадӟым арт-объект, сое фотозона шуыса дасязы.<br />
Нош сцена вылын кырӟазы Чайковский нимо хор но егитъёслэн<br />
коллективъёссы - таосыз тодматӥзы туала ӟуч но удмурт<br />
кырӟанъёсын.<br />
«Палэзь-фестын» куноятӥзы<br />
выль пӧзьтэм палэзь варенняен.<br />
НОМЫР УГ ВУНЫ<br />
Вашкала арберилы - выль улон<br />
Елена РЯБИНА<br />
«Дружба» лагерьын ортче элькунысьтымы поисковикъёслэн<br />
слётсы.<br />
Сое ортчытъя егитъёслэн «Долг» огазеяськонзы. Туэ<br />
слётлэн темаез - «Отрядъёслэсь музейёссэс кылдытон: экспонатъёсын<br />
ужан, арбериосты выльдон но утён».<br />
Ужрад ортчытӥське Президентлэн грантъёсын фондысьтыз<br />
утэм коньдон чотын. Отчы пырисько быдэс элькунысьтымы<br />
поисковикъёс.<br />
Егитъёс ветло Ижысь музейёсын ужасьёслэн мастерклассъёсазы,<br />
специалистъёс мадё, кызьы адӟытонъёслы дасяськоно,<br />
верало музейын туала технологиосты но амалъёсты<br />
кутэмзэс. Нош егитъёслы сьӧразы вайыны косэмын музей<br />
экспонатъёсты яке кылем гужем ож лудъёсын утчаськонъязы<br />
шедьтэм арбериосты. Практической занятиосын<br />
ваньзэ сое специалистъёсын ӵош выльдо.<br />
Слёт пумын пиналъёс асьсэос а дӟытон дасялозы но экскурсия<br />
ортчытозы.
Change language