ACTA PLENO - Concello de Santiago de Compostela

ACTA PLENO
E) INFORME DO SR. INTERVENTOR DE FONDOS MUNICIPAIS:
“ASUNTO: PROPOSTA DE RESOLUCION DE RECLAMACIONS O PROXECTO DE
ORZAMENTO XERAL DO CONCELLO PARA O EXERCICIO ECONÓMICO DO 2012 E
APROBACIÓN DEFINITIVA.
O Concello Pleno en sesión extraordinaria celebrada o día 22 de xuño do ano en que andamos, adotou
acordo de aprobación provisional do Proxecto de Orzamento Xeral para o ano 2012.
En cumprimento do previsto no artigo 169 do Real Decreto Lexislativo 2/2004, de 5 de marzo, polo que
se aproba o Texto Refundido das disposicions legais vixentes en materia de Réxime local, o Proxecto de
Orzamento Xeral foi exposto o público polo prazo previsto no precepto legal indicado. Durante dito prazo
foron presentadas un total de 9 reclamacions no rexistro seral do Concello segundo consta no expediente.
Remitese agora a ista Intervención Xeral proposta de acordo o Pleno da Corporación das alegacions
presentadas, que formula a Sra. Concelleira Delegada da área de Facenda.
Examinada dita proposta, así como a documentación e informes en que se fundamenta e soporta, procede
a emisión do seguinte informe:
O artigo 170 do Real Decreto Lexislativo 2/2004, de 5 de marzo, regula o réxime de reclamacions o
Proxecto de Orzamentos das Entidades locais, reclamacions que, en alguns aspectos, resultan semellantes
a un “recurso de resposición” en canto que se interpoñen ante o Pleno que ten dado a sua aprobación
inicial ou provisional o expediente orzamentario.
O apartado primeiro do precepto legal citado fai referencia a lexitimación activa para presentar tales
reclamacions, lexitimación que se plantexa en termos diferentes o que resultaría de aplicar a lexitimación
procesal pertinente atendendo a Lei 29/1988, de 13 de xullo, reguladora da Xurisdicción Contencioso-
Administrativa unha vez se aproceda a aprobación definitiva do orzamento. Así en efecto, o apartado
primeiro do artigo 171 do RD Lexislativo 2/2004, establece que contra a aprobación definitiva do
orzamento poderase interpor directamente recurso contencioso-administrativo, na forma e prazos que
determinan as normas de dita xurisdiccion.
A regulación da lexitimación activa en vía administrativa para formular reclamacions contra a aprobación
provisional do proxecto de orzamentos, prevista no primeiro dos preceptos legais indicados, contempla
tres categorías de interesados: os habitantes do territorio da respectiva Entidad local, debéndose entender
por tales os habitantes de dereito; en segundo lugar os que resulten directamente afectados inda que non
habiten no territorio da Entidade local, esto e, aquiles que poideran ser titulares dun interés propio
particular distinto do de calqueira outro cidadan; e finalmente e en tercer lugar faise mención dentro dista
lexitimación na vía administrativa para reclamar contra os orzamentos municipais a unha serie de
entidades (Colexios oficiais, cámaras oficiais, sindicatos, asociacions) que dende a sua condición pública
ou privada, poden defender intereses profesionais, económicos y/ou veciñais no ámbito do territorio
municipal.
Pois ben, tendo en conta o exposto e a vista das reclamacions plantexadas relacionadas no expediente,
podese deducir que en termos xerais todas elas cumprirían iste requisito de lexitimación activa,
encontrándose os reclamantes nalgunha das categorías de interesados antes enunciadas.
16