ACTA PLENO - Concello de Santiago de Compostela

ACTA PLENO
Segunda.- Dita contía correspóndese coa cifra de Resultado orzamentario axustado deducido da
liquidación do dito exercicio, aínda que a significación desta magnitude orzamentaria atópase moi
afastada da interpretación que a reclamante efectúa na argumentación da súa reclamación. O Resultado
Orzamentario do exercicio o que en realidade indica é en que medida os ingresos realizados durante o ano
sobre os inicialmente previstos no documento orzamentario han permitido cubrir os gastos efectuados no
mesmo período sobre os inicialmente consignados. Para o caso da liquidación orzamentaria de referencia
tales ingresos foron capaces de cubrir os gastos realizados e ademais produciuse unha marxe positiva polo
indicado importe de 6.013.631,01 euros, o cal vai afectar con ese signo positivo ao aforro acumulado
desta Administración que reflicte o denominado Remanente de Tesourería.
Terceiro.- O superávit ou déficit da liquidación orzamentaria, será a cifra que arroxe este parámetro, isto
é, o aforro acumulado representado polo Remanente de Tesourería, que como se deduce directamente da
documentación do expediente de liquidación dos orzamentos xerais municipais para o 2011, ten un valor
negativo de 1.410.111,80 euros, do que se deduce que a liquidación dos Orzamentos Xerais do Concello
de Santiago do exercicio 2011, non presentan un superávit, senón un déficit cifrado na indicada contía do
Remanente de Tesouraría ou aforro acumulado negativo.
Cuarto.- A Lei Orgánica 2/2012, de 27 de abril de Estabilidade Orzamentaria e Sustentabilidade
Financeira resulta de aplicación aos Orzamentos aos que agora formula reclamación a interesada, tal e
como se deduce da disposición final sétima (entrada en vigor) do indicado corpo legal que ordena a súa
entrada en vigor ao día seguinte da súa publicación no BOE (30 de abril do 2012).
Quinto.- A expresión “superávit” que se contén no artigo 32 da devandita Lei, non se corresponde con
ningunha das magnitudes orzamentarias antes indicadas.
Trátase dun concepto incluido nunha lei de estabilidade orzamentaria e, por tanto, debe entenderse nese
contexto, o cal conduce a que devandito superávit se corresponda realmente co concepto de “capacidade
de financiamento”.
Como é sabido, a estabilidade orzamentaria require que os investimentos e gastos de capital se financien
con ingresos non financeiros, por iso é polo que para determinar o equilibrio ou superávit en termos de
estabilidade se comparen os capítulos de ingresos e gastos non financeiros, é dicir, a suma dos capítulos 1
a 7. Pois ben a diferenza da suma de ingresos e gastos de tales capítulos é o que determina ese “superávit”
ou capacidade de financiamento.
Na fase provisional (aprobación de orzamento) a normativa esixe que o orzamento se aprobe en equilibrio
ou con superávit, destinando a capacidade de financiamento inicial á cobertura de gasto de investimento e
capital, pero na execución do orzamento pódese xerar unha capacidade de financiamento “superávit
adicional” , que se coñecerá con ocasión da liquidación orzamentaria, e a esta “capacidade de
financiamento adicional” é á que se refire a nova Lei de Estabilidade, limitando a súa utilización ao
dispor que haberá de ser destinada a diminuír o endebedamento neto. Este “superávit” acadou na
liquidación do 2011 a cifra de 1.5056.301,01 euros.
Sexto.- Agora ben, para que esta obriga legal teña virtualidade, é dicir, para que se poida materializar, é
preciso dispor dos recursos financeiros necesarios resultantes do exercicio ao que se refire a liquidación
orzamentaria. Estes recursos financeiros aparecen reflectidos no Remanente de Tesourería obtido na
devandita liquidación e como xa indicamos anteriormente o valor obtido é negativo.
4