ACTA PLENO - Concello de Santiago de Compostela

ACTA PLENO
O diccionario de Real Academia Española define a arbitrariedade como: “Acto o proceder contrario a la
justicia, la razón o las leyes, dictado solo por la voluntad o el capricho” Non se aporta pola CIG
argumento ningún que sosteña que o cadro de persoal 2012 teña sido formulado en contra da razón, das
leis ou por capricho.
O acto de aprobación inicial do orzamento vai acompañado dos informes de intervención xeral, da
xefatura de persoal e da secretaría xeral do pleno, e tal e como sinala dita sección sindical foi sometido á
mesa xeral de negociación en diferentes reunións, aínda que non se tivese chegado a un acordo.
A decisión de amortización das vacantes, medida de contención dos gastos do Capítulo I, non é
obligatoria no caso das entidades locais (artigo cuatro do RD 20/2011, do 30 de decembro) o cal non
impide que éstas adopten medidas similares dentro da súa potestade de autoorganización. A sección
sindical limítase a disentir da amortización de vacantes, pero o mero feito de disentir desta medida de
contención non convirte dita decisión en arbitraria.
2º Incumprimento das cláusulas adicionais cuarta, quinta e sexta do acordo regulador/convenio colectivo:
Ditas cláusulas pactadas nun momento económico ben diferente, condicionan os sucesivos cadros de
persoal e ofertas de emprego público, sen ter en conta as dispoñibilidades orzamentarias dos futuros
exercicios dende o ano 2009.Aínda que non lle corresponde a este departamento entrar a examinar se as
previsións contidas en ditas cláusulas poden considerarse como obrigas recoñecidas ou esixibles ex artigo
59 e seguintes do RD 500/1990, do 20 de abril, o certo é que salvo superior criterio, non parece posible
dar cumprimento a ditas cláusulas sen vulnerar o previsto nos artigos 22.dos da Lei 2/2012, de 29 de
xuño de presupostos xerais do Estado para o ano 2012 e 2.dos 2º párrafo do RD 20/2011, de 30 de
decembro.
3º. Creación de categorías e prazas da policía Local
A Lei 4/2008, do 20 de abril, de coordinación de policías locais de Galicia sinala expresamente no seu
artigo 28 que a praza de intendente principal é obrigatoria en municipios de máis de 75 000 habitantes e a
de intendente en concellos de máis de 50 000.Polo tanto, salvo que se solicite e conceda a dispensa de
requisitos prevista no artigo 31 da mesma Lei ,será preciso que figuren ditas prazas no cadro de persoal.
-En relación coa dotación de fondos do orzamento
Aínda que como xa se indicou, este informe se emite no estrito ámbito xurídico, cómpre facer as
seguintes precisións:
Primeira: Partida de acción social
O citado acordo da mesa xeral de negociación do 9/2/2010 non foi ratificado por ningún órgano
competente, polo que carece de virtualidade para modificar o disposto no artigo 5.1 do acordo
regulador/convenio colectivo, que polo tanto, mantén a súa redacción orixinal. A xurisprudencia ven
considerando o resultado alcanzado pola mesa como unha “proposta” ou “preacordo” sometido a
ratificación. Neste sentido cómpre referirse ao artigo 38.3 da Lei 7/2007, do 12 de abril (EBEP) que
sinala que:”para la validez y eficacia será necesario la aprobación expresa y formal por estos órganos”.
Non constando acordo posterior de ratificación da Xunta de Goberno, o acordado na mesa xeral carecería
da validez e eficacia necesarios.
7