ACTA PLENO - Concello de Santiago de Compostela

ACTA PLENO
entende como superavit ou déficit orzamentario. Neste sentido, e dende o punto de vista técnico, o grupo
de goberno entende que a alegación debe ser desestimada, porque aínda que o resultado orzamentario
sexa positivo, debido á situación de déficit continuado, dende un punto de vista de remanente negativo de
tesourería, e dende un punto de vista de déficit de capacidade financeira do Concello, de momento non
procede interpretalo desa maneira, dada a nefasta situación de arrastre do remanente negativo de
tesourería, do aforro neto acumulado.
Outra das alegacións presentadas ven asinada por Esquerda Unida, a través de D. Xosé Xavier Ron
Fernández, e nin tan sequera ten o carácter de alegación, senon de emenda, que xa pola forma non pode
ser aceptada, con independencia de que aínda que os técnicos que a informan entraran no seu fondo, non
podería selo. Nela faise referencia á minoración de partidas orzamentarias, que veñen intrinsicamente
unidas a contratos dentro do orzamento, por iso a súa estimación sería practicamente imposible.
En resumo, unha das alegacións de contido económico resulta rexeitada e a outra non se acepta.
A seguir toma a palabra a concelleira Dona Amelia González Brandariz, que explica en primeiro lugar
que as organizacións sindicais están lexitimadas para formular alegacións ao expediente de aprobación
inicial dos orzamentos, pero o Texto Refundido da Lei de Facendas Locais restrinxe o contido desas
reclamacións a defectos na tramitación ou á omisión do crédito necesario para facer fronte a obrigas
esixibles en virtude de precepto legal ou calquera outro título lexítimo.
Así pois, no informe do departamento de persoal do Concello están perfectamente argumentadas as
razóns da estimación parcial das alegacións en materia de persoal que fan os representantes sindicais.
Concretamente, e en referencia ás presentadas pola CIG, que tacha de arbitraria a potestade de
autoorganización desta administración local, hai que dicir que esta sección sindical non aporta ningun
argumento que sosteña que o cadro de persoal do exercicio de 2012 teña sido formulado por capricho. É
máis, na aprobación inicial do orzamento acompáñanse os informes da intervención xeral, da xefatura de
persoal, e da Secretaría Xeral do Pleno, e que non se acadara un acordo na mesa xeral de negociación non
quere dicir que non fose sometido a negociación, que o foi, e non nunha, nin en dúas, senon en varias
sesións.
Refírese tamén a CIG ao incumprimento de varias cláusulas adicionais do acordo regulador, en concreto á
transformación de prazas da subescala auxiliar por promoción interna á subescala administrativa, e de
prazas da banda de música. Di a concelleira que está claro que neste intre non é posible a execución
destas cláusulas, pactadas nun momento económico moi diferente, e condicionando aos sucesivos cadros
de persoal sen ter en conta as dispoñibilidades económicas que habería despois do 2009. Neste caso, por
riba, de sair recoñecidas vulnerarían varios artigos da Lei de Orzamentos Xerais do Estado.
Fala tamén a CIG da nulidade da aprobación inicial por vulneración do procedemento do principio de
boa fe negocial e do dereito á información, e a formación non indica en ningún momento cal das
formalidades ou trámites esixidos polo Texto Refundido da Lei de Facendas Locais foi vulnerado. Con
respecto á boa fe negocial, manifesta a concelleira que unha mostra evidente da boa fe mantida en toda a
fase negociadora é a cantidade de reunións convocadas pola presidencia da Mesa xeral en aras a chegar a
un acordo, pois o feito de que éste non se acadara non significa que non se negociara.
Sobre o réxime transitorio da carreira profesional e da omisión da parcela precisa para facer fronte ao
acordo 10.3, punto 2, do acordo regulador, informa a concelleira que esa partida xa non existía nos
orzamentos do 2010, nin tampouco nos do 2011.
20