ACTA PLENO - Concello de Santiago de Compostela

ACTA PLENO
dependencia, inician o copago farmacéutico, reducen as pensións, ou poñen en marcha as novas taxas
xudiciais.
Para o BNG, xestionar ben é marcar unha folla de ruta coas previsións de captación de recursos, é
detectar as necesidades da cidadanía e administrar ben os fondos económicos para obter o maior
rendemento e xustiza social. Pola contra, o goberno municipal confunde iso con facer o traballo sucio ao
señor Feijoo e ao señor Rajoy, e iso non é sinónimo de eficiencia, senón de connivencia coas políticas da
dereita máis lesivas para a maioría social e para os servizos públicos.
Remata a súa intervención o Sr. Cela dicindo que era Einsten quen dicía aquilo que vale para o
laboratorio, pero tamén para a política, de “se queres resultados distintos, non fagas sempre o mesmo”, e
velaí que se facemos máis do mesmo xa coñecemos o resultado, que é menor actividade económica, máis
desemprego, máis pobreza e máis exclusión social. As mesmas receitas que provocaron esta crise non
serán as que nos saquen dela, pois só con recortes, só con plans de axustes, só con falsa austeridade, non
se vai crear un só posto de traballo, nin protexer mellor socialmente a ningún veciño ou veciña de
Santiago.
Dona Mª Luisa del Río afirma que nunca deixan de sorprendela as respostas da concelleira de facenda ás
intervencións do grupo socialista, aínda que o certo é que é un mal compartido por todo o grupo de
goberno o traer aquí como resposta ás suxestións dos grupos da oposición o que é a política de “e tí
mais”. Todos os discursos da sra. Sierra invisten a metade do tempo en facer oposición á que foi a
actividade do goberno da que hoxe é a oposición, e isto xa de por si é triste, porque indica unha política
polos cerros de Ubeda ao tirar balóns fora. O que é máis triste, se cabe, é traelo por escrito, como toda
reflexión que ún pode facer no seu despacho ou na súa casa sobre a defensa dos seus argumentos, e iso é
todo o que se lle ocorre cando reflexiona sobre a súa acción de goberno, o que é preocupante para a
política municipal e para o futuro municipal.
Por outra banda, a única defensa que a concelleira de facenda fai da proposta definitiva de orzamentos é o
seu carácter realista, que xa se verá cando se faga a liquidación. O único realista é que o Concello de
Santiago dou superávit nos anos 2010 e 2011.
Engade que todo o país está cansado dese axioma da economía dos gobernos do PP en todos os ámbitos,
polo cal non se pode gastar o que non se ten. Esa verdade universal que dirixe as apostas económicas dos
gobernos do Partido Popular ten un corolario claro que é que co que se ten hai que pagar o que se debe, e
isto é o que di a lei de estabilidade orzamentaria, afirmación da que quere escapar a sra. Sierra. A
concelleira de facenda o que di é que o endebedamento é fácil e perigoso, e sen embargo ela mesma vai
asinar o endebedamento deste Concello para trece anos a un tipo de interese de entre o 8 e o 9% de taxa
de xuro.
O que a concelleira de facenda vai ter que xustificar no momento da liquidación non só se refire a súa
estimación dos ingresos -verase aí cánto se ingresa por licenzas na situación económica actual- senon ás
propostas de gastos. Sobre as propostas de investimentos, este non é o orzamento que precisa a cidade,
que segundo os últimos datos da enquisa de poboación activa, ven de sobrepasar a cifra de dez mil
desempregados, e esta é unha cifra que ten que dar motivos suficientes de preocupación ao goberno para
facer uns orzamentos sociais.
Cando aquí se fala de 1,5 millóns de euros de capacidade de financiamento, parece que é pouco, pero
cando a Sra. Del Río propón neste pleno dotar unha partida dun millón de euros para fomentar o emprego
na cidade, se tilda a cifra de escandalosa. Ó respecto, engade a Sra. Del Río que o seu grupo elaborou
27