ACTA PLENO - Concello de Santiago de Compostela

ACTA PLENO
unha proposta de orzamento alternativo que recollía estas apreciacións, e que pensaba no futuro da cidade
en termos de promoción económica, comercio, turismo ou emprego, cousa que non fixo o goberno
popular, que por riba reduciu os investimentos nun 55% fronte aos do exercicio anterior.
Remata a súa intervención a Sra. del Río afirmando que esta cidade neste momento precisa da acción dun
goberno municipal que deixe de mirar para atrás e sexa capaz de facer fronte ás necesidades que a cidade
ten.
Toma a palabra o Sr. Alcalde, que di que o goberno municipal segue a Einsten, e aplica a máxima de que
se se quere un resultado distinto non se pode facer o mesmo. O grupo de goberno evidentemente non vai
facer o mesmo que o anterior, porque de facelo, o ano que ven habería máis débeda, máis impagos a
provedores, e sobre todo, máis prazas fantasmas no orzamento.
No ano 2010 xa os sindicatos, os mesmos que fixeron alegacións, presentaron escritos polo
incumprimento do acordo regulador do goberno no que estaban o PSOE e o BNG, debido a que se
incluían no cadro prazas por importe de dous millóns cincocentos mil euros non dotadas
orzamentariamente. Os grupos da oposición si deberían aplicar a autocrítica, precisamente por unha
situación irregular que viñan sostendo dende fai anos. Non así, o novo equipo de goberno non aposta por
unha política de endebedamento sen límites, que provocou que á súa chegada houbera unha débeda
financeira de setenta millóns, e vinte millóns de débeda con provedores. O primeiro que fixo o goberno
popular foi pagar aos provedores por importe de 13,7 millóns de euros, provedores que dende os ano 99 e
2000 nalgún caso tiñan facturas pendentes con eles, e permitir con iso que non se eliminasen máis postos
de traballo en moitas das empresas e en moitos dos autónomos desta cidade. O seu goberno tampouco
deixou no caixón 3,7 millóns de euros en facturas fantasma e pola contra aposta por políticas sociais
duplicando o gasto social. Iso é o que figura nos orzamentos deste ano, e todo o demáis só son posicións
partidistas de cada quen.
Remata a súa intervención o Sr. Alcalde repetindo que como o goberno municipal quere un resultado
distinto, fai unha política distinta, pois se levara a cabo a mesma, posiblemente dentro dun ano estariamos
nunha situación moito peor. A proba é que se está contendo o gasto deste Concello, e reducindo a débeda
substancialmente.
Enterados/as os/as sres/as concelleiros/as do contido do ditame, rematadas as intervencións e sometido o
punto da orde do día a votación ordinaria, de conformidade cos informes transcritos con anterioridade e a
proposta da concelleira-delegada de Facenda, o Pleno da Corporación acorda por 13 votos a favor, dos
membros do grupo municipal popular e 10 en contra (7 do grupo municipal do PSdeG-PSOE, e 3 do
grupo municipal do BNG):
1.- Declarar non admisible, a reclamación presentada por Don Xosé Xabier Ron Fernández con DNI
32656790-X en calidade de Coordinador Comarcal de Esquerda Unida de Santiago, por non
corresponderse os motivos da alegación con ningunha das causas obxectivas enuneradas no apartado
segundo do artigo 170 do Texto Refundido la Ley Reguladora das Facendas Locais, R.D. Lexislativo
2/2004, de 5 de marzo, segundo se razona e argumenta en informe de data 20 de xullo do ano en que
andamos suscrito pola Sra. Directora da Área Económica transcrito con anterioridade.
2.- Desestimar a reclamación formulada por Doña Natalia Rudolf Budiño con DNI 44844283X, en
calidade de veciña desta cidade de Santiago de Compostela, por canto que da argumentación contida na
súa alegación no se deduce a existencia dunha obriga esixible a esta Administración municipal que
determine a existencia de dotación económica específica ou adicional ás contidas no orzamento, segundo
28