ACTA PLENO - Concello de Santiago de Compostela

ACTA PLENO
En todo caso, debe indicarse que o orzamento se limita a reproducir o acordo da Xunta de Goberno local
do 14/6/2012 adoptado en cumprimento do plan de axuste recentemente aprobado polo pleno, polo que no
caso de desacordo na cantidade consignada deberían impugnarse os acordos dos que trae causa.
Segundo: Partida de formación
O acordo regulador/convenio colectivo en ningún momento se refire a unha cantidade concreta que cada
ano deba destinarse a formación. Por outra parte lémbrase que o PFC do presente ano 2012 someteuse á
mesa de seguimento de formación continua nas sesións do 13/4 e do 26/4 de 2012, e aprobouse pola
Xunta de Goberno local o 11/5/2012. O orzamento non fai máis que reflexar o acordado pola Xunta de
Goberno Local, polo que de non estar de acordo coas cantidades destinadas ao PFC 2012, a sección
sindical da CIG tería que impugnar o acordado ao respecto pola Xunta de Goberno Local. Tampouco son
estimables o resto das alegacións referidas ás cantidades destinadas a formación dende o ano 2009, xa que
os plans de formación continua do concello se aproban e actualizan anualmente pola Xunta de Goberno
Local (artigo 11.2.5 do acordo regulador/convenio colectivo).
Terceira: Nulidade da aprobación inicial por vulneración do procedemento, do principio da boa fe
negocial e do dereito á información
A sección sindical da CIG non indica en momento ningún cal das formalidades ou trámites esixidos nos
artigos 168 e 169 do RRLFL foi vulnerado. Por outra banda estímase que o concello actuou en todo
momento con observancia estrita dos principios de boa fe, cobertura presupostaria, publicidade e
transparencia (art 33.1 e 34.7 do EBEP) dando conta nas sucesivas reunións mantidas pola mesa xeral de
negociación dos informes de contido económico requiridos polos sindicatos en relación co orzamento,
aportando tamén os medios persoais e materiais adecuados para tal fin. Non hai maís que remitirse ao
expediente do cadro de persoal e ao das medidas de modificación do acordo regulador/convenio colectivo
para comprobalo. Ao mesmo tempo o número de reunións convocadas pola presidencia da mesa xeral en
aras de chegar a un acordo é unha mostra evidente da boa fe mantida en toda a fase negociadora.
No referente ao superávit ao que se alude e sen prexuízo dun exame máis exahustivo da intervención
xeral recódase unicamente que o artigo 32 da Lei Orgánica 2/2012, do 27 de abril de estabilidade
presupostaria e sostenibilidade indica que cando a liquidación presupostaria se sitúe en superávit, éste se
destinará, no caso das Comunidades autónomas e das Corporacións Locais a reducir o endebedamento
neto. Isto quere dicir que as alusións ao superávit non valen como como argumento, xa que o resultado
orzamentario positivo, de existir, é un dato que o único que indica é que os dereitos recoñecidos netos
teñen sido superiores ás obrigas recoñecidas netas, pero non constitúe un recurso para financiar un novo
gasto.
Cuarta. Réxime transitorio da carreira profesional e omisión da partida precisa para facer fonte ao artigo
10.3.2. 3 do acordo regulador /convenio colectivo.
Do análise dos antecedentes obrantes no departamento de persoal resulta que dito artigo está sen
desenvolver dende o 1 de xullo de 2010, data na que debeu aplicarse o grao II. Concretament,e no
Decreto da concelleira delegada de persoal do 18/3/2010 aplicouse o grao I de carreira a determinado
persoal , pero máis tarde por Decreto da concelleira delegada de persoal do 5/4/2011 denegouselle o
recoñecemento do grao II de carreira profesional ao persoal que o tiña solicitado, co argumento da falta
de conclusión dos traballos da comisión de avaliación. Por outra banda, examinados os orzamentos do
ano 2010 e 2011 non consta que neles existise consignación ninguna para facer fronte ao
8