R - Torre Omnia

ummané: v. intr. Rimanere.
*ETN. Cantaturiello mio, cantaturiello,
Cu' mico te vuo' mètter' a cantare?
Avite lu ccantare d'auciello,
Ca doce doce te fa 'nnammurare;
Quann' auciello pìzzeca la fica,
Rummane chillu musso 'nzaccarato.
*ETN. Signuri mieie ca mo sentite
vurria sapé si v’u crerite
chi s’agliótte stu pallone
tene nu bbuono cannarone
chi s’agliótte chesta palla
cu tutt’i pisci rummane a galla.
*ETN. Tu che baje e biene a le parte de fere.
Vire si ninno mio è bivo o muorte.
L'aggio rummaso cuccato a lu lietto,
Che se pegliava merecine a mmuorte.
*MC. –Ll’uommene in riga! All’arme! Vene lu generale
a spezionà lu posto–. Vide nu curre curre;
ma so rummase sule
tre gatte e li tammurre,
e de la forza armata
li cchiù futtute ‘ncule
hanno pigliato l’uoseme, e se la so’ sfilata.
*LC. Co ttasse, contratasse e co gabelle
Nc’ànno rummase l’osse senza pelle,
Chesta è na verità, non è buscìa,
Aummaria!
*RB. Tutte dorme. Vuie state scetate.
Tutte passa. ‘E penziere cchiù nire
so’ rummase d’ ‘e tiempe passate.
*FR. Ccà stammo tuttuquante int' 'o spitale!
Tenimmo tutte 'a stessa malatia!
Simmo rummase tutte mmiezo 'e scale,
fora 'a lucanna d' 'a Pezzentaria!
*SDG. Ll'anema mia surtanto
rummane a sta fenesta.
G. De Filippis – S. Argenziano. A Lenga Turrese. Lettera –R- 103