copione - Silveria Gonzato

10
CARLA
Cambiar sta padèla co’ ‘n masso de fiori. Far la fiorista me piasaréa assè.
SUOR VERECONDIA
Méti in conto che ogni volta che te vè co’ la padèla el sia ‘n fioréto. Te vedarè che masso che te
vien fóra!....E adesso g’ò proprio da andar, senò fago tardi anca mi. (Avviandosi alla porta)
Buongiórno, Carla.
CARLA
A rivéderla, Sorèla!
LA SUORA ESCE DI SCENA. ESCE ANCHE CARLA DOPO AVER PRESO LA PADELLA.
PERSONAGGI: Iolanda.
SCENA NONA
ENTRA IOLANDA CON UN ASCIUGAMANO INTORNO AL COLLO.
IOLANDA
Qua bisogna tegnérse in forma! ‘Na sbicicletàda ogni matìna e ghe la méto ne l’orto a tuti i
dotóri. No i fa altro che invelenàrte co’ le medissìne, quei malcunà che no i è altro. Mi, dei
dotóri, no me fido gnanca ‘na s-ciànta. Me papà, poaréto, (pace a l’ànema sua, che bòn che
l’éra) l’è andà a l’ospedàl par ‘n’infessión al dente; el g’avéa ‘na ganàssa così sgiónfa, ch’el
paréa ch’el g’avésse ‘n pómo in bóca….I g’à cavà la pendicìte quei àseni. Quando el s’à incòrto
de quel che i g’avéa fato, el ghe l’à dito che ghe faséa mal ‘n masselàr….Beh, par farla curta, i
g’à cavà quel da l’altra parte. Me papà, poaréto, (pace a l’ànema sua, che bòn che l’éra) l’è
scapà via coréndo come ‘n léoro e l’à cognèsto cavàrselo lu el masselàr, co’ la tenàia ch’el
dropràva par cavar i ciòdi. L’è andà parfìn in svaniménto. Me mama, poaréta, (che Dio el ghe
l’àbia in gloria: l’éra ‘na santa!) l’à ciapà ‘n spaènto che gh’è vegnù i cavéi bianchi e gh’è cascà
tuti i denti, sènsa bisogno de dotóri e de tenàie. A me papà, anca l’acido solforico i g’à trovà
nel sangue…..Sa el sia mi no lo sò gnancóra, ma l’è morto a novantanóve àni. parché gh’è
andà par traèrso ‘na miòla de suca….E adesso, fémosse el giréto de tute le matìne…..(Iolanda
si guarda attorno) Ma no gh’è nissùni qua? Avénti parlà fin adèsso par gnénte? Beh, l’è istésso.
IOLANDA SALE SULLA ÇICLETTE E PEDALA CANTANDO.
Ma dove vai, bellezza in bicicletta,
così di fretta pedalando con ardor?
Le gambe snelle, tornite e belle
m'hanno già messo la passione dentro al cuor!
Ma dove vai con i capelli al vento
col cuor contento e col sorriso incantator?
Se tu lo vuoi o prima o poi
arriveremo sul traguardo dell'amor!
FINITO DI CANTARE, IOLANDA SCENDE DALLA CYCLETTE E SI ASCIUGA IL SUDORE.
IOLANDA (ansimando)
Mama che fadìga!.... Cosa no se fa par mantegnérse in forma!....Stamatìna la tiràa la pontàra!
Órpo se la tiràa. Me paréa de èssar su la pontàra de la Crocéta. Quante òlte che l’ò fata in
bicicléta! Par far fòrsa sui pedài, dovéa alsàr el dedrìo da la sèla E sì che ero zóena. Andavo a
tórghe el toscàn par me papà, poaréto, (pace a l’ànema sua, che bòn che l’éra). Però el g’avéa
‘na testa! No podéelo mia fàrmene tór diése a la òlta? Nò, dovéa tórghene uno, e el ghe duràa
‘n giorno. (Iolanda si guarda di nuovo attorno) Ma no gh’è gnancóra nissùni?....Beh, me passo
via anca a parlar da par mi sola. Me fago ‘na compagnia!....Con mi són sempre stà ben.
Almànco g’ò sempre resón….”La resón l’è dei mussi” la diséa me mama, poaréta, (che Dio che
l’àbia in gloria: l’éra ‘na santa)….E alóra sarò ‘na mussa!....Ma de quéle furbe!....Beh, adesso
me méto a laoràr a féri e così me spónso. Indóe èlo el me sestelìn? (Si guarda attorno) Ècolo