copione - Silveria Gonzato
copione - Silveria Gonzato
copione - Silveria Gonzato
Create successful ePaper yourself
Turn your PDF publications into a flip-book with our unique Google optimized e-Paper software.
GERVASIA<br />
Mi són la signora Smartèla, la vedova del parolòto.<br />
18<br />
IOLANDA<br />
E mi són Iolanda, Iolanda Sbrisolón, la vedova de nissùni, són ancora signorina.<br />
GERVASIA<br />
Ma ancora par póco!....Te me fè vegnér la nostalgia del me Gaetano…. Le pignàte, ne le so<br />
mane, le deventàa nóve e lustre come ‘n spèio. No ‘l m’à mai fato mancàr gnénte: de pignàte<br />
e padèle, ghe n’avéa fin che voléa. No le faséa ora a avérghe ‘n buso, che lu el lo stupàa<br />
subito. Del me Gaetano, i busi i g’avéa paura. Ghe mancàa póco che i se stupàsse da par lóri<br />
soli….Le altre robe no te le digo mia, parché i è massa intime.<br />
ADELAIDE<br />
Ma di che cosa parlano quelle due? Non riesco a sentire!<br />
AUGUSTA<br />
Sciocchezze!<br />
IOLANDA<br />
A mi me interessa proprio le robe intime: g’ò tuto da imparàr! Ma parla pian, che quéle do<br />
scomaróne le ne scólta.<br />
GERVASIA<br />
Me despiàse, Iolanda, t’ò za contà dei me primi moroséti e de le sése…..T’ò dito anca massa.<br />
IOLANDA<br />
Passiènsa! Se vegnarà el momento, impararò.<br />
GERVASIA<br />
Se se trata de l’Anselmo, anca se no te impari, l’è istésso.<br />
IOLANDA<br />
E indóe le cato mi le sése?<br />
GERVASIA<br />
Stà chièta che se pól fàrghene sènsa….Ci l’avaréa dito!...La Iolanda inamorà!<br />
IOLANDA<br />
Tasi, dólsa! (Riprendendo il lavoro a maglia). ‘N drito, ‘n roérso, ‘n drito, ‘n roérso…. e ‘n pónto<br />
zó.<br />
San Bartolomeo,<br />
fame laoràr mèio!<br />
San Arturo,<br />
fame tegnér duro!<br />
San Lumìn,<br />
fame laoràr de fin!<br />
ADELAIDE<br />
Ma com’è noiosa!<br />
AUGUSTA<br />
Ma com’è rustica!<br />
IOLANDA<br />
Ma come rompì!...Ma varda ti se mi, za a la matìna, g’ò da soportàr ste do….ste do….No sò più<br />
gnanca sa ciamàrghe, ghe i ò za dati tuti i titoli che conosséa.<br />
GERVASIA<br />
Ma ci crédele de èssar? Se proprio volì savérlo mi g’ò sangue nobile ne le vene e no me dago<br />
tante arie.