copione - Silveria Gonzato

More documents

Recommendations

Info

Personaggi (in ordine di apparizione): Elvira: un’inserviente Suor Verecondia: coordinatrice delle assistenti Fulgenzia: ospite della casa di riposo Carla: inserviente Iolanda: ospite della casa di riposo Gervasia: ospite della casa di riposo Adelaide: ospite della casa di riposo Augusta: ospite della casa di riposo Clotilde: direttrice della casa di riposo Maria Tironi: sindaca Oreste: il gatto di Fulgenzia Cesira: ospite della casa di riposo Anselmo: ospite della casa di riposo Batìsta, Giobàta e Bepo: altri ospiti della casa di riposo Celestina, Pina, Teresina e Amalia, Carmela: ospiti della casa di riposo Bepi Trombéta: fisarmonicista 2
3 ATTO PRIMO SCENA PRIMA CASA DI RIPOSO SAN STRACAMPIO SALA COMUNE PERSONAGGI: Elvira. UN’INSERVIENTE (ELVIRA) STA DORMENDO SCOMPOSTAMENTE IN POLTRONA CON LE GAMBE SU UNA SEDIA. LA TELEVISIONE È STATA DIMENTICATA ACCESA. SUONANO IL CAMPANELLO. LA DONNA SI SVEGLIA DI SOPRASSALTO. ELVIRA (tra sé) Te paréa che podésse star in pace. Mi spèto ‘n póco e se no sento più sonàr, mi da qua no me móo. Òrpo, ò lassà la televisión impissà. La smorsarò dopo, prima che riva la mónega, senò la se imbestia. Figùrete se perdéa la puntata de “Uccelli di rovo”….. Che po’ volaréa dir “Usèi de….” De cosa?....Sa saràlo sto “rovo”…..E po’, parché darghe sto titolo?....Mi no ghe n’ò visto usèi…..Gh’è solo pégore….Che bèlo padre Ralph!....El me fa vegnér de quéle tentassión, che me tóca tegnérme tacà a la caréga. Ma le me passa apéna i me ciàma par la padèla. Ciàpo de quéle soràde, che rìs-cio ‘na costipassión....Parché i bèi òmeni se fai preti? Proprio a lóri g’à da vegnérghe la vocassión? Tanto, par el Padreterno, bèi o bruti che difarènsa fa?....S’el catàa su i bruti, fòrsi, nel masso che cascàa anca me marì….Se penso a quel mandrugòto che g’ò a casa….Faréa anca el giorno, óltra che la nòte….Preferìsso le padèle…..Pecà che à sonà el campanèl e me són persa la sèna piassè bèla, quéla del baso. Par far ora a ciapàrla, parché la fassa in prèssia, me són sentà su la pansa de la Teresina e ò fato ‘na corsa che ò riscià de rómparme l’osso del còl. Gnénte da far: són rivà che era tuto finìio. Par mi, no gh’è altro che padèle, ‘n marì molesìn come ‘n moltón e du fiói che i ghe soméia a so pare come gósse de àqua…. Adesso me spónso ‘n’altra s-ciànta. I è le sié e mèza; suor Verecondia la riva a le sète; altri diése minuti e dopo me also. Che mestiér maledéto! ELVIRA SI APPISOLA ANCORA. SCENA SECONDA PERSONAGGI: Elvira, suor Verecondia. ENTRA SUOR VERECONDIA. SUOR VERECONDIA (a voce alta e con tono di rimprovero) Elvira! ELVIRA SI ALZA IMMEDIATAMENTE ROVESCIANDO LA SEDIA. SI LISCIA IL CAMICE E SI METTE SULL’ATTENTI. SI RICORDA DELLA SEDIA, LA SOLLEVA E POI SI RIMETTE SULL’ATTENTI A TESTA BASSA. SUOR VERECONDIA Sa faséito? ELVIRA Suor Verecondia, se no la le sà éla, come fasso a savérlo mi? Éla l’éra svéia, mi invésse me ero pisocà, ma solo ‘na s-ciantinìna: du minuti al massimo. L’è stà la strachéssa. Ò corso tuta la nóte. Ci la padèla, ci la camomìla, ci ‘n biciér de àqua, ci el bicarbonato……L’è stà tuto ‘n córar. SUOR VERECONDIA E la televisión impissà? ELVIRA No g’ò avù gnanca el tempo de smorsàrla. SUOR VERECONDIA Ma de impissàrla sì. La televisión l’è qua par le ospiti, nò par ci g’à da laoràr.
Page 1: Silveria Gonzato Passarelli 1 KRAFE
Page 5 and 6: 5 SUOR VERECONDIA E va ben, l’ò
Page 7 and 8: CESIRA Par la gastrite, el dotór e
Page 9 and 10: 9 ELVIRA ESCE SCENA OTTAVA PERSONAG
Page 11 and 12: 11 là. (Si siede su una sedia, pre
Page 13 and 14: 13 IOLANDA Come tra noàltre? Ghe s
Page 15 and 16: ENTRANO ADELAIDE E AUGUSTA CHIACCHI
Page 17 and 18: IOLANDA La fassa quel che la vól;
Page 19 and 20: 19 IOLANDA Sa èlo che te gh’è?
Page 21 and 22: AUGUSTA Buongiorno, signora direttr
Page 23 and 24: 23 se la sióra diretóra la vól p
Page 25 and 26: ADELAIDE Mi scusi, signora direttri
Page 27 and 28: 27 IOLANDA Anca qua me tóca far la
Page 29 and 30: SCENA SECONDA PERSONAGGI: Iolanda,
Page 31 and 32: FULGENZIA L’ò çercà dapartùto
Page 33 and 34: 33 IOLANDA La me scusa, Sorèla, mi
Page 35 and 36: 35 ADELAIDE E AUGUSTA E SI DIRIGONO
Page 37 and 38: 37 AUGUSTA Era ora! In vita mia, pe
Page 39 and 40: PERSONAGGI: Quelli della scena prec
Page 41 and 42: Mi no sò più sa dir! 41 DIRETTRIC
Page 43 and 44: Me le són lavà!...Lassème in pac
Page 45 and 46: abbiano scambiato i loro occhi cos
Page 47 and 48: IOLANDA Sa vuto che i ne fassa? Gh
Page 49 and 50: AUGUSTA Che cosa succede? 49 ADELAI
Page 51 and 52: 51 GERVASIA (tra sé) L’ò dito m
Page 53 and 54:
53 Io queste cose non le approvo: o
show all

copione - Silveria Gonzato

Create successful ePaper yourself

Delete template?

Save as template?