copione - Silveria Gonzato
copione - Silveria Gonzato
copione - Silveria Gonzato
Create successful ePaper yourself
Turn your PDF publications into a flip-book with our unique Google optimized e-Paper software.
8<br />
CESIRA (tra sé)<br />
‘Na metà la béo e l’altra metà la méto nel bidè…..Ma se l’è andà drénto par la bóca, par dove<br />
valo fóra adèsso?.... (A voce alta) Suor Verecondia, me dala el late?<br />
SUOR VERECONDIA<br />
Ma va là che ò schersà. No te ghe n’è vermi solitari!<br />
CESIRA<br />
E alóra el late no la me le dà mia.<br />
SUOR VERECONDIA<br />
Te lo dago quando l’è ora.<br />
CESIRA<br />
No gh’è gnanca ‘na s-ciànta de tè? G’ò la bóca trista.<br />
SUOR VERECONDIA (tra sé)<br />
Te paréa che la finisse qua? (A voce alta) Ghe n’è ‘na s-ciànta de frédo vansà da ieri. Va in<br />
càmara che ghe digo a l’Elvira de portartelo.<br />
CESIRA (avviandosi brontolando verso le quinte)<br />
Qua i me fa morir de fame. G’ò ‘na sfinisión che no stago gnanca in pié. Són tuta ossi.<br />
Par mi, el verme solitario ghe l’ò sul serio.<br />
SCENA SETTIMA<br />
PERSONAGGI: Elvira, suor Verecondia.<br />
ENTRA ELVIRA.<br />
ELVIRA (levandosi il camice)<br />
Suor Verecondia, mi el me turno l’ò finìo, e in beléssa anca. Adesso ghe tóca a la Carla.<br />
SUOR VERECONDIA<br />
Spéta almànco che la riva.<br />
ELVIRA<br />
Quando le raze de l’orolóio le fa le sète e mèza, mi me fermo. Nissùni me paga i straordinari.<br />
SUOR VERECONDIA<br />
E le ore che t’è dormìo?<br />
ELVIRA<br />
Du minuti, suor Verecondia! Du minuti! ‘Na s-ciànta de comprensión! Ò spadelà tuta la nòte!<br />
SUOR VERECONDIA<br />
E padre Ralph?<br />
ELVIRA<br />
Ma quando à sonà el campanèl, mi són stà pronta con la padèla. No l’ò mia trascurà el me<br />
laóro!<br />
SUOR VERECONDIA<br />
Par carità, va via! Va! Va!<br />
ELVIRA (avviandosi verso le quinte)<br />
Bongiórno, suor Verecondia.<br />
SUOR VERECONDIA<br />
Bongiórno! Bongiórno!