copione - Silveria Gonzato

More documents

Recommendations

Info

14 IOLANDA Par ‘n baséto e ‘na caresséta, mi avaréa vendù l’ànema al diàolo. Ma me sà che no ‘l l’avaréa gnaca volùa. La me ànema g’ala la stessa fàcia mia? GERVASIA Sa vuto che sàpia mi. Credo de sì, senò el Padreterno come farésselo a riconóssarla? IOLANDA E alóra no g’avaréa avù sperànse gnanca col demonio. Se pól èssar piassè sfortunà de così. Solo i preti i m’à acetà parché, con mi, no i coréa nissùn pericolo. GERVASIA Ma dai, Iolanda, te te buti massa zó! Sarà parché te gh’è la fàcia coèrta de ràpole, ma mi no te vedo bruta. IOLANDA Gràssie del complimento. Alóra, secondo ti, avaréa dovù avérghe le ràpole anca da zóena. GERVASIA Ma no voléa mia dir questo! IOLANDA Nò, te volèi dir quel’àltro, cagna da la to òstrega! Ma continuémo el discorso. Come l’èto conossù to mari? GERVASIA L’è stà ‘n colpo de fulmine, ‘n amor a prima vista. A me mama ghe s’avéa sbusà ‘na téia, e sicóme che a quei tempi no se butàa via gnénte, la m’à mandà dal parolòto a farla giustàr. L’ò trovà ch’el smartelàa ‘na pignàta. Quando l’à alsà la testa par dimandàrme sa voléa, són restà fulminà….E anca lu, parché el s’à smartelà ‘n dièl. Credéa ch’el tiràsse ‘n mòcolo e invésse l’à fato finta de gnénte, anca se gh’è vegnù ‘n dièl grosso come ‘na mortadèla e blu come el cél de nòte. El dì dopo, èrino za dedrìo a ‘na sésa e, te lo digo in confidènsa, prima de sposàrse, no gh’éra roéio de rami che no ‘l n’avésse scónto. IOLANDA Altro che andar a far la spesa dal becàr! Ti te ghe n’è combinà de crue e de còte. GERVASIA Mi són sempre stà ‘na dòna moderna. Cara mia, el fiór l’è mèio ciapàrlo quando l’è apéna sbocià, senò te rìs-ci de catàrlo fiàpo. IOLANDA Mi me contentaréa anca de ‘n fiór séco. Mi són andà in soménsa da ‘n pèsso! GERVASIA Uno séco te l’è za catà! Dai, Iolanda, che l’è el to momento! IOLANDA Ti te disi sempiàde!.... E adesso tasi che stà rivàndo le do betòneghe! GERVASIA E ci èle le do betòneghe? IOLANDA L’Adelaide e l’Augusta, quéle de sangue nobile, quéle co’ la spussa sóto al naso! Le dòne piassè antipatiche che àbia mai conossù. Te dovaréssi ricordàrtele: i era sempre in canonica, indóe te andàvi de spesso anca ti. Ècole che le riva quéle do sbragossóne. SCENA UNDICESIMA PERSONAGGI: Iolanda, Gervasia, Adelaide, Augusta.
ENTRANO ADELAIDE E AUGUSTA CHIACCHIERANDO TRA DI LORO. 15 ADELAIDE Mio marito, buon’anima, l’ammiraglio Bombarda, diceva sempre: “Frequenta solo gente della tua classe, la gente per bene!” AUGUSTA Sacrosante parole, signora Adelaide! Anche il mio defunto consorte, l’avvocato Sapienza, mi diceva sempre la stessa cosa e quel grand’uomo non sbagliava mai! LE DUE DONNE SI DIRIGONO VERSO UN TAVOLINO. SI SIEDONO. IOLANDA Toh, vàrdele! No le se degna gnanca de saludàr! GERVASIA E ci vuto che le salùda!? Noàltre, par lóre, fémo parte del mobilio. IOLANDA Varda, ciò, i è tute impituràde, le g’à el rosséto fin sóto el naso, de le cìlie che le pàr spassaóre e i sfrisi de matita atórno ai òci…. Ma se vede istésso che le g’à i so ani! I è do carampane mal restaurà. Quando ‘n muro l’è vècio, te pól darghe malta fin che te vól, el resta vècio istésso e se ghe fa le crepe. GERVASIA Adesso me le ricordo, anca se se fa fadìga a riconóssarle. Se no le g’avesse ‘n bel mùcio de ani, no le saréa mia qua. Se no ghe fosse cascà zó ‘n tòco l’Arena e lóre do le saréa istésse. IOLANDA No ghe manca mia tanto che ghe casca zó i tòchi anca a lóre. Ma l’Arena l’è sempre ‘n’antichità che tira i turisti, lóre le farà scapàr via anca le vèce del ricòvaro, quéle inferme. Varda, ciò, che corpìn! Quéle lè g’à carùcole che ghe tira in su anca la pèle dei zenòci. Se se spaca ‘na corda, ghe va tuto par tèra. GERVASIA Par mi le g’à anca la parùca. Varda come le tien el còl duro….. Le g’à paura che la ghe casca. IOLANDA Le g’à i cavéi de plastica! GERVASIA Iolanda, èto visto ori che le g’à? I è come la Madòna de Loreto. IOLANDA L’è tuta banda, mi me ne intendo. GERVASIA Qua i le considera persone importanti. IOLANDA Dal momento che le se tróva a ricòvaro, i è come noàltre: do pòre vèce desgrassià. ADELAIDE Chi sono quelle due megere che ci stanno guardando? E guardi come sono vestite. Sembrano due straccione. AUGUSTA Ma le conosce anche lei; non se ne ricorda più? Una si chiama Gervasia, la vedova di Gaetano Smartèla, lo stagnino, l’altra è la Iolanda, quella che è stata per anni la perpetua di due parroci della nostra parrocchia: don Lumìn e don Alceste.
Page 1 and 2: Silveria Gonzato Passarelli 1 KRAFE
Page 3 and 4: 3 ATTO PRIMO SCENA PRIMA CASA DI RI
Page 5 and 6: 5 SUOR VERECONDIA E va ben, l’ò
Page 7 and 8: CESIRA Par la gastrite, el dotór e
Page 9 and 10: 9 ELVIRA ESCE SCENA OTTAVA PERSONAG
Page 11 and 12: 11 là. (Si siede su una sedia, pre
Page 13: 13 IOLANDA Come tra noàltre? Ghe s
Page 17 and 18: IOLANDA La fassa quel che la vól;
Page 19 and 20: 19 IOLANDA Sa èlo che te gh’è?
Page 21 and 22: AUGUSTA Buongiorno, signora direttr
Page 23 and 24: 23 se la sióra diretóra la vól p
Page 25 and 26: ADELAIDE Mi scusi, signora direttri
Page 27 and 28: 27 IOLANDA Anca qua me tóca far la
Page 29 and 30: SCENA SECONDA PERSONAGGI: Iolanda,
Page 31 and 32: FULGENZIA L’ò çercà dapartùto
Page 33 and 34: 33 IOLANDA La me scusa, Sorèla, mi
Page 35 and 36: 35 ADELAIDE E AUGUSTA E SI DIRIGONO
Page 37 and 38: 37 AUGUSTA Era ora! In vita mia, pe
Page 39 and 40: PERSONAGGI: Quelli della scena prec
Page 41 and 42: Mi no sò più sa dir! 41 DIRETTRIC
Page 43 and 44: Me le són lavà!...Lassème in pac
Page 45 and 46: abbiano scambiato i loro occhi cos
Page 47 and 48: IOLANDA Sa vuto che i ne fassa? Gh
Page 49 and 50: AUGUSTA Che cosa succede? 49 ADELAI
Page 51 and 52: 51 GERVASIA (tra sé) L’ò dito m
Page 53 and 54: 53 Io queste cose non le approvo: o

copione - Silveria Gonzato

Create successful ePaper yourself

Delete template?

Save as template?