copione - Silveria Gonzato
copione - Silveria Gonzato
copione - Silveria Gonzato
Create successful ePaper yourself
Turn your PDF publications into a flip-book with our unique Google optimized e-Paper software.
14<br />
IOLANDA<br />
Par ‘n baséto e ‘na caresséta, mi avaréa vendù l’ànema al diàolo. Ma me sà che no ‘l l’avaréa<br />
gnaca volùa. La me ànema g’ala la stessa fàcia mia?<br />
GERVASIA<br />
Sa vuto che sàpia mi. Credo de sì, senò el Padreterno come farésselo a riconóssarla?<br />
IOLANDA<br />
E alóra no g’avaréa avù sperànse gnanca col demonio. Se pól èssar piassè sfortunà de così.<br />
Solo i preti i m’à acetà parché, con mi, no i coréa nissùn pericolo.<br />
GERVASIA<br />
Ma dai, Iolanda, te te buti massa zó! Sarà parché te gh’è la fàcia coèrta de ràpole, ma mi no te<br />
vedo bruta.<br />
IOLANDA<br />
Gràssie del complimento. Alóra, secondo ti, avaréa dovù avérghe le ràpole anca da zóena.<br />
GERVASIA<br />
Ma no voléa mia dir questo!<br />
IOLANDA<br />
Nò, te volèi dir quel’àltro, cagna da la to òstrega! Ma continuémo el discorso. Come l’èto<br />
conossù to mari?<br />
GERVASIA<br />
L’è stà ‘n colpo de fulmine, ‘n amor a prima vista. A me mama ghe s’avéa sbusà ‘na téia, e<br />
sicóme che a quei tempi no se butàa via gnénte, la m’à mandà dal parolòto a farla giustàr. L’ò<br />
trovà ch’el smartelàa ‘na pignàta. Quando l’à alsà la testa par dimandàrme sa voléa, són restà<br />
fulminà….E anca lu, parché el s’à smartelà ‘n dièl. Credéa ch’el tiràsse ‘n mòcolo e invésse l’à<br />
fato finta de gnénte, anca se gh’è vegnù ‘n dièl grosso come ‘na mortadèla e blu come el cél de<br />
nòte. El dì dopo, èrino za dedrìo a ‘na sésa e, te lo digo in confidènsa, prima de sposàrse, no<br />
gh’éra roéio de rami che no ‘l n’avésse scónto.<br />
IOLANDA<br />
Altro che andar a far la spesa dal becàr! Ti te ghe n’è combinà de crue e de còte.<br />
GERVASIA<br />
Mi són sempre stà ‘na dòna moderna. Cara mia, el fiór l’è mèio ciapàrlo quando l’è apéna<br />
sbocià, senò te rìs-ci de catàrlo fiàpo.<br />
IOLANDA<br />
Mi me contentaréa anca de ‘n fiór séco. Mi són andà in soménsa da ‘n pèsso!<br />
GERVASIA<br />
Uno séco te l’è za catà! Dai, Iolanda, che l’è el to momento!<br />
IOLANDA<br />
Ti te disi sempiàde!.... E adesso tasi che stà rivàndo le do betòneghe!<br />
GERVASIA<br />
E ci èle le do betòneghe?<br />
IOLANDA<br />
L’Adelaide e l’Augusta, quéle de sangue nobile, quéle co’ la spussa sóto al naso! Le dòne piassè<br />
antipatiche che àbia mai conossù. Te dovaréssi ricordàrtele: i era sempre in canonica, indóe te<br />
andàvi de spesso anca ti. Ècole che le riva quéle do sbragossóne.<br />
SCENA UNDICESIMA<br />
PERSONAGGI: Iolanda, Gervasia, Adelaide, Augusta.