Kursus - orgvp.co.za

om hulle tiende op hulle eie diskresie aan te wend nie. God sê dat ons Sy tiende na die kerk toe moet bring.
Daar is mense wat God se tiende aanwend soos hulle goeddink, maar dit bring iemand onder veroordeling, as jy
God se geld spandeer. Ons kan nie God se tiende spandeer waar ons dink die behoefte is nie, ons moet dit kerk
toe bring soos God dit bestem het. Sal iemand sy belasting geld op sy eie goed spandeer? Dit is bedrog en die
regering sal so persoon daarvoor vervolg.
Mal 3:10 Bring die hele tiende na die skathuis, sodat daar spys in my huis kan wees; en beproef My tog hierin,
sê die HERE van die leërskare, of Ek vir julle nie die vensters van die hemel sal oopmaak en op julle 'n
oorvloedige seën sal uitstort nie. Spr. 3:9-10 Vereer die HERE uit jou goed en uit die eerstelinge van al jou
inkomste; (10) dan sal jou skure vol word van oorvloed en jou parskuipe oorloop van mos.
7. Om die evangelie te versprei.
1Kor 9:14 “So het die Here ook vir die wat die evangelie verkondig, bepaal dat hulle van die evangelie moet
lewe.”
God het bepaal dat mense gered sal word deur die verkondiging van die evangelie. 1Kor 1:21 “Want aangesien
in die wysheid van God die wêreld deur die wysheid God nie geken het nie, het dit God behaag om deur die
dwaasheid van die prediking die wat glo, te red.” Rom 10:14 “Hoe kan hulle Hom dan aanroep in wie hulle nie
geglo het nie? En hoe kan hulle in Hom glo van wie hulle nie gehoor het nie? En hoe kan hulle hoor sonder een
wat preek?”
Die gee van ons tiendes is GOD se manier om die kerk en prediking te ondersteun. In die O.T. was die Leviete
God se bedienaars en hulle was versorg deur die tiendes. In die N.T. roep God predikers om die evangelie te
verkondig en hulle word deur die tiendes versorg. Hoe hartseer is dat geroepe manne van God deeltyds moet
werk om sy roeping uit te lewe terwyl die mense wat deur die prediking gered word wyer om die prediker te
onderhou! Behoort die bedienaars van die Woord nie beskikbaar te wees om die gemeente effektief te bedien
nie?
Dit is nie verkeerd vir iemand om hard te werk, maar God het dit BEPAAL dat die prediker moet lewe deur die
evangelie. Lees gerus 1Kor 9:9-14 “Want in die wet van Moses is geskrywe: 'n Os wat graan dors, mag jy nie
muilband nie. Is dit miskien oor die osse dat God Hom bekommer? (10) Of spreek Hy inderdaad om ons ontwil?
Ja, want om ons ontwil is dit geskrywe, omdat hy wat ploeg, op hoop moet ploeg; en hy wat dors, op hoop om
wat hy hoop, deelagtig te word. (11) As ons vir julle die geestelike gesaai het, is dit 'n groot saak as ons julle
stoflike goed maai? (12) As ander deel het aan die reg op julle diens, het ons nie nog meer nie? Ons het
ewenwel nie gebruik gemaak van hierdie reg nie, maar ons verdra alles om geen hindernis vir die evangelie van
Christus te veroorsaak nie. (13) Weet julle nie dat die wat met die heilige dinge werk, uit die heiligdom eet nie;
en dat die wat by die altaar besig is, met die altaar deel nie? (14) So het die Here ook vir die wat die evangelie
verkondig, bepaal dat hulle van die evangelie moet lewe.” Die beginsel is eenvoudig: Dit is ons voorreg en eer om
ons prediker goed te versorg terwyl Hy God se roeping vervul. My tiende kan die bediening van die prediker
bevorder.
8. Om nie vervloek te wees nie.
Mal 3:9 “Met die vloek is julle belaai, en tog beroof julle My, julle, die hele nasie!”
Iemand het gesê: "You can't outgive God, and you can't outsqueeze Him either." Party mense sit hulle geld in ‘n
beurs vol gate. Hag 1:6 “ julle het baie gesaai, maar min ingebring; julle het geëet, maar nie tot versadiging nie;
julle het gedrink, maar nie genoeg gekry nie; julle het jul geklee, maar nie warm geword nie; en wie hom vir loon
verhuur, verhuur hom om dit in 'n stukkende beurs te steek.”
Hulle gee nie hulle tiende nie, maar spandeer hulle geld op herstelwerk en mediese rekeninge en op ‘n duisend
ander dinge wat verhoed kon word as hulle GETROU was in hulle tiende aan die Here. God verwag dat ek my
tiende sal gee, ek wil nie vervloek wees, terwyl God my in werklikheid wou seën nie. Dit is nie wat ek gee wat so
baie tel nie, maar my gehoorsaamheid tel baie. Ek wil hê dat die Here my moet bly seën, daarom gee ek my
tiende.
42